منتدى أنا سوداني

مرسل: **السبت 2009.6.6 8:36 pm**

مجكسين '
إنت ليه ما بتمسك ايدي واحنا طالعين سوا؟'

'‏لأ طبعاً يا روحي... أفرضي زول من اهلك شافنا؟ ولا واحد من أهلي؟ على الاقل كِده بنقدر نزوغ من الزرزره, لكن إن ‏شاء الله يا حبيبتي باكر آخدك وامسك إيدك قدام الدنيا كلها '............................... ....

مخطوبين
'إنت ليه ما بتمسك ايدي واحنا طالعين سوا؟'

'علشان ما داير زول يعلّق علينا ويقول الجماعة ما مصدقين انهم مخطوبين...

وبعدين
بصراحة كده أنا ما برضى أي زول يتكلم على حبيبتي...
.............................. ....

متزوجين
'إنت ليه ما بتمسك ايدي واحنا طالعين سوا؟'

'يا حبيبتي إحنا ما مراهقين عشان نقعد نمسك إيدين بعض في الشارع وكده!!....

إحنا اتنين
متزوجين ومحترمين وعندنا بيتنا نسوّي فيهو اللي عاوزينه'..
.............................. ....

متزوجين وعندهم عيال
'إنت ليه ما بتمسك ايدي واحنا طالعين سوا؟'

'يعني امسك إيدك انتي ولا امسك إيد الشافع ولا اشيل الأكياس دي كلها، ولاّ شنو يعني؟!'

مُصيبة شنو الوقعنا فيها دي يا ربي؟؟؟
.............................. ....

بعد 25 سنه من الكفاح المُسلـّح
'إنت ليه ما بتمسك ايدي واحنا طالعين سوا؟' '
إيد شنو دي اللي بمسكها هسه بعد العُمُر ده! إنتي دايره راجل بـِتـّك يقول علينا كبرنا وخرّفنا؟!
يا وليّه أكبَري عليك الله

مرسل: **السبت 2009.6.6 8:48 pm**

هههههههههههههههههههه
والله ياشمس يا عسل ابداع جدعة حلوة منك والله
وبينى وبينك كده كلامك كلو فى محلو وكلامك الاخير ده منطقى........

مرسل: **السبت 2009.6.6 9:51 pm**

هههههههههههههههههههههههههههه
روعه روعه بالجد مبالغه وبالجد حقيقه بس حلووووةه تسلم

مرسل: **الأحد 2009.6.7 7:22 am**

دي حقيقة في مجتمعنا السوداني بس..
لكن بصراحة البت لايوقة شديد..
مشكور على البوست الأكثر من جميل ومضحك..ودمت في حفظ الرحمن كما تحب..

تقبل مروري..
مع أرق وأجمل تحياتي..

تخريمة صغيرة..
وين الغيبة دي؟؟إختفيت فجأة كده..
على العموم نورتنا من جديد..

مرسل: **الأحد 2009.6.7 7:28 am**

الشماسي. صباحكـ رايق..:D

[quote="الشماسي"][align=center]
متزوجين وعندهم عيال
'إنت ليه ما بتمسك ايدي واحنا طالعين سوا؟'

'يعني امسك إيدك انتي ولا امسك إيد الشافع ولا اشيل الأكياس دي كلها، ولاّ شنو يعني؟!'

مُصيبة شنو الوقعنا فيها دي يا ربي؟؟؟
.............................. ....

[/align][/size][/quote]

صحي يعمل شنو هو يعني؟؟؟ [/color][/font][/B]

مرسل: **الأحد 2009.6.7 2:08 pm**

والله موضوعك لزيز يا شماسي
تقبل مروري

مرسل: **الأحد 2009.6.7 5:43 pm**

مشكور كتير ياراقي
وكالعاده منور البوست يابلبل لكن البنوت ديل يعملوا ليهم شنو عشان يفهموا
قصه واخرها لسه يحلنا الحل بله

مرسل: **الأحد 2009.6.7 5:47 pm**

تسلمي ياغاليه وتشكري جدا على مرورك الرائع الذي زاد منزلنا المتواضع شرفا عفوا عفوا قصدي البوست

مرسل: **الأحد 2009.6.7 6:00 pm**

وين يادلوعه البوست زاد تالقا بالمرور الجميل مشكوره كتير والله لكن بيني وبينك البت لو ماكانت لايوقه ماحتكون بت اساسا يعني كلهم كدا ولا شنو

المنتدى منور بيك وبالاعضاء الرائعين ومشكوره على السؤال لكن نعمل شنو زنقة شغل والحمد لله

مرسل: **الأحد 2009.6.7 6:03 pm**

ابراهيم الجيو كتب:
الشماسي. صباحكـ رايق..:D

صحي يعمل شنو هو يعني؟؟؟

الله يديك العافيه ياابو حنفي لكن انت عارف المشكله هم يقتنعوا كيف بس

مرسل: **الأحد 2009.6.7 6:04 pm**

سامى عادل كتب:والله موضوعك لزيز يا شماسي
تقبل مروري

انت الالذ والله مشكور كتير على المرور لكن ماوريتني عقبالنا في شنو

مرسل: **الأحد 2009.6.7 6:21 pm**

[align=center]يعنى مامسك ايدها هههههههههه

والله يالشماسى موضوعك جميل

بس مافى ذمن يمسكو فيه الايد

تقبل مرورى[/align][/size]

مرسل: **الأحد 2009.6.7 6:59 pm**

الشماسي كتب:
انت الالذ والله مشكور كتير على المرور لكن ماوريتني عقبالنا في شنو

انا اصلا كنت خاتي صورة ومعلق عليها بس الصورة ما ظهرت

مرسل: **الثلاثاء 2009.6.9 2:12 am**

هههههههههههههههههههههههه

يخسي عليهو الراجل

ماكان يبرد بطنها ولو مره ويمسك ايدها

هي مسكة الايد بقروش؟؟؟؟؟؟؟؟؟

بس للأسف الظاهرو دي في مجتمعنا السودان
غالبا ماتلقي واحد ماسك ايد حبيبتو او خطيبتو او زوجتو
نفسي اعرف السبب؟؟؟؟

تحياتي

[fot1]امورة[/fot1]

مرسل: **الثلاثاء 2009.6.9 2:18 am**

تصوير ظريف لحالنا الايام دي
بس انتو يالرجال جافين مافيها حاجه لو مسك يدها ولو مره مالو ومال الناس مش هم كده مبسوطين
بس البوست حقك بالجد ظريف
تقبل مروري

مرسل: **الثلاثاء 2009.6.9 7:06 pm**

اموره وغرام الروح ونهر المحبه زدتو البوست تألقا مشكورين كتير على المرور لكن الواحد لو بدا وعملها اول مره تاني يحلوا الحلا بله

مرسل: **الثلاثاء 2009.6.9 7:07 pm**

سامى عادل كتب:انا اصلا كنت خاتي صورة ومعلق عليها بس الصورة ما ظهرت

شكلهم قاصديننا لكن معليش ولا يهمك

مرسل: **الثلاثاء 2009.6.9 8:36 pm**

اذيك يالشماسى (طولنا ماشفناك خاشى المنتدى )

دى غايتوا الا تحلوها لينا انتوا الرجال

يعنى صحى هى المسكينة تعمل شنو من مرحلة الجكيس وحتى العجيز معاناة فى الحتة دى
(الا ذى ماقلتا يحلها الحلا بلة)

مرسل: **الأحد 2009.7.26 3:39 pm**

هههههههههههههههههههه
قصه واقعيه لي ناس كتار

مشكووووووووووووووووووووووور

اقبل مروري ..........

وطوالي ..................

زوقان ..........................

مرسل: **الأحد 2009.7.26 4:35 pm**

هههههههههههههههههههه
يسلمو يا عسل,,,
تقبل مروري

منتدى أنا سوداني

'إنت ليه ما بتمسك ايدي واحنا طالعين سوا؟'

'إنت ليه ما بتمسك ايدي واحنا طالعين سوا؟'

رد: 'إنت ليه ما بتمسك ايدي واحنا طالعين سوا؟'

رد: 'إنت ليه ما بتمسك ايدي واحنا طالعين سوا؟'

رد: 'إنت ليه ما بتمسك ايدي واحنا طالعين سوا؟'

رد: 'إنت ليه ما بتمسك ايدي واحنا طالعين سوا؟'

رد: 'إنت ليه ما بتمسك ايدي واحنا طالعين سوا؟'

رد: 'إنت ليه ما بتمسك ايدي واحنا طالعين سوا؟'

رد: 'إنت ليه ما بتمسك ايدي واحنا طالعين سوا؟'

رد: 'إنت ليه ما بتمسك ايدي واحنا طالعين سوا؟'

رد: 'إنت ليه ما بتمسك ايدي واحنا طالعين سوا؟'

رد: 'إنت ليه ما بتمسك ايدي واحنا طالعين سوا؟'

رد: 'إنت ليه ما بتمسك ايدي واحنا طالعين سوا؟'

رد: 'إنت ليه ما بتمسك ايدي واحنا طالعين سوا؟'

رد: 'إنت ليه ما بتمسك ايدي واحنا طالعين سوا؟'

رد: 'إنت ليه ما بتمسك ايدي واحنا طالعين سوا؟'

رد: 'إنت ليه ما بتمسك ايدي واحنا طالعين سوا؟'

رد: 'إنت ليه ما بتمسك ايدي واحنا طالعين سوا؟'

رد: 'إنت ليه ما بتمسك ايدي واحنا طالعين سوا؟'

رد: 'إنت ليه ما بتمسك ايدي واحنا طالعين سوا؟'

رد: 'إنت ليه ما بتمسك ايدي واحنا طالعين سوا؟'