منتدى أنا سوداني

سامحتني دنياي في السفر اجازه للسودان وشاهدت كثير من التغييرات السلبيه في مجتمعنا
ابتداء بالشارع وحتى الحوارات داخل البيت السوداني الكان معروف بشي من الانضباط الطبيعي دون التدخل في شئون الغير لأنو سلفا البت كان الولد عارف العليهو شنو .. هسه
بدون خدش لحياء احد أقول .. ودا بالنظر وليس السمع ..شارعنا اصبح منفلت ما تفرز الولد من البت البت لابسه اشياء تسميها موضه والولد مطول شعرو وبقول موضه دخول البيت 10 بالليل عائده من الجامعه حسب رؤيتها عادي يساهر الولد ع النت لحدي 4 صباحا شي طبيعي الردود اللازعه لأي استفسار تجاه أختو وأي كلام في الموضه يعتبر انك متخلف ومتزمت ورجعي .. هل اندثرت ثقافتنا وعادتنا وتقالدينا هل العولمه هي الافضل الأن من الزمن الفات وهل نأخذ من العولمه كل شي ونترك كل اشيائنا القديمه والجميله كثير من الاسئله التى تدور بخلدي والكثير ايضا يدور بخلدك وفكركم .. فالنبحث لنجد الحل
مع انو واحد من الشباب في نقاش شفهي قال لي تكمن المشكله في دخول الاولاد والبنات في سن المراهقه الجامعه علي السلم التعليمي الجديد فتركو لهم الحريه واصابتنا لعنه العولمه والفضائيات والاهتمامات الساذجه باستار اكاديمي + ومهند التركي

[size=7]صديقتي CENAاولا شكرا كتير علي مرورك اولا الصمت هو وسيلة العاجز وما عجزه الا من هول الفاجعة!!!!!!!!!! ثانيا احب بعد اذنك التعقيب][size=2] علي موضوعك تبع الموضة نحن في عصر كل شخص يموت بالعندو ودا ما رايي الشخصي انا انسان احب المشاركة جد وحاولت كثيرا ان احاول ترميم ماانكسر في عاداتنا السمحة ولكن هيهات وعندما لم اجد من يساندني قررت ان(اتمتع بالصمت والمراغبة عن كثب) اسف وتقبلي مروري وعلي فكره موضوعك بناء جدا[/size[/size]