منتدى أنا سوداني

دلوعة النيل كتب:طبعا الشمار حرقني شديد قلت يا ربي الحوش ده فيهو شنو؟؟
إنت عارف الشمار بيعمل أكتر من كده وإنت خير العارفين بدون شك وجدال..
المهم حسي قاعدة أفتش لي في ضل شجرة كبيرة عشان أقعد بمزاج وأجيب جبنتي معاي وأشربها مع الونسة..
جاري البحث ..ولما ألقاها بجيك راجعة وأشوف مواضيعكم شنو عشان أتناقش معاكم<<<<<<طبعا الفلسفة أحلى منها مافي..صاح ولا ما غلط؟؟
المهم جهز لي البنبر ولا أقول ليك أحسن لي أجيب سجادة معاي وأفرشها تحت الشجرة..القعدة حتكون بمزاج..

مشكور على البوست الرائع ودمت في حفظ الرحمن كما تحب..

تقبل مروري..
مع أرق وأجمل تحياتي..

دلوعة النيل عارفك الشمارات ما بتخليها والحوش دا ذاته القصد منه تجيبى لينا شمارات من السودان حاجات ما عجباك او عاجبك ونتحكر كدا ونتناقش فيها الكويس نشجع الناس تعملو القبيح نحذر الناس منه وبرضو نعرف شوية عن العادات السودانية
طبعا نسيت اقوليكم الحوش فيه شجر نيم كتير ويلا العنده بنبر يجيبه معاه وزيادة الخير كويس فى كوانيين للشاى
وتسلمى على مرورك الزاد الحوش روعة بعرف اكسر حتتة التلجة دى

ندى البيلسان كتب:يا سلام عليك يا ود أبنعوف

بالجد محتاجين لقعدة في حوش كبير

وبطيب خاطر وصفاء أهلنا الطيبين

والله نكون أسعد الناس بهذه اللمة

ندوية مرورك اسعدنى

والقصد من الحوش انه الناس الماعرفة شئ عن السودان يسألو خاصة المولدين برة فى حاجات كتيرة ما عارفنها وهنا ما شاءالله عندنا ناس عارفين حاجة كتيرة تراث عادات الحوش يبقى محل ونسة والماعرفين اكيد بلقوا ناس يورهم
وكلنا هنا اخوان واخوات انا سودانى يجمعنا
بس ما تبخلو علينا بالاشياء العارفنها عشان الفايدة تعم الجميع واهو فى الاخر ونسة

ود ابنعوف كتب:يا شباب وشابات الراكوبة


يلا نجتمع هنا فى الحوش ونقعد ونتونس فى اشياء تخص العادات والاشياء السالبة فى مجتمعنا ونناقشا ونشوف الحلول

رايكم شنو؟

بعد ما نشوف الراى اى واحد يجيب موضوعوا منها نتونس ومنها نشوف الحاصل ويمكن نجد الحل

يلا منتظركم والحوش واسع بشيل الجميع


ودمتم بعافية جميعا

ازيك ياود ابنعوف موضوعك حلو والعادات والتقليد السودانية محتاجة لية وقفة شوية
فيها حاجات كتير كويسة ونحن اتربينا علية وبرضو فيها حاجات من ناحية الشرع خطاء
ذى الاختلاض فى الحفلات وغيرو

تقبل مرور ولك تحياتي

ود ابنعوف كتب:دلوعة النيل عارفك الشمارات ما بتخليها والحوش دا ذاته القصد منه تجيبى لينا شمارات من السودان حاجات ما عجباك او عاجبك ونتحكر كدا ونتناقش فيها الكويس نشجع الناس تعملو القبيح نحذر الناس منه وبرضو نعرف شوية عن العادات السودانية
طبعا نسيت اقوليكم الحوش فيه شجر نيم كتير ويلا العنده بنبر يجيبه معاه وزيادة الخير كويس فى كوانيين للشاى
وتسلمى على مرورك الزاد الحوش روعة بعرف اكسر حتتة التلجة دى

والله بقيت كسار تلج مبالغة..شكلك كده دخلت الكورس بتاع كسير التلج..
المهم أنا في أتم الإستعداد وما عندي أي مشكلة مع النقاشات دي بس أدوني الموضوع وجهزوهو لي عشان أتفلسف معاكم..
وأنا خلاص لقيت لي شجرة مناسبة وحجزتها عشان أقعد تحتها بمزاج..

فارماس كتب:

ود ابنعوف الحوش دا والله دايرينوو

لكن النسوان الكبار ديل يتونسو معاهم كيف

وانحنا ناس بنحب الهظار .

يا زول إنت مالك شفقان كده؟؟
حسي الكبير هنا منو؟؟كلنا أعمارنا ما إتجاوزت ال95سنة..يعني لسه في عز شبابنا"عمر الزهور"

دلوعة النيل كتب:والله بقيت كسار تلج مبالغة..شكلك كده دخلت الكورس بتاع كسير التلج..
المهم أنا في أتم الإستعداد وما عندي أي مشكلة مع النقاشات دي بس أدوني الموضوع وجهزوهو لي عشان أتفلسف معاكم..
وأنا خلاص لقيت لي شجرة مناسبة وحجزتها عشان أقعد تحتها بمزاج..

فارماس كتب:

يابت انتي قعاد الشجر دا لسة ما خليتيهو اها الشجرة دي محجوزة

انتي ما شايفة داقين فيها حجر ومكتوب عليه حجز 35-34 يلا شوفي

ليك ضل حوش اقعدي تحتو

يا ولد هووووووووووي ما تتسلبط على حاجات الناس أنا أول واحدة دخلت الحوش ده وحجزت الشجرة..
إنت ما عجبتك إلا شجرتي دي؟أمشي شوف ليك حيطة وأقعد تحتها وما تتسلبط في حاجات الناس..

دلوعة النيل كتب:يا ولد هووووووووووي ما تتسلبط على حاجات الناس أنا أول واحدة دخلت الحوش ده وحجزت الشجرة..
إنت ما عجبتك إلا شجرتي دي؟أمشي شوف ليك حيطة وأقعد تحتها وما تتسلبط في حاجات الناس..

ام صبا كتب:يديك العافيه ود ابنعوف والله محتاجين
لاستراحه فى حوش كبير وكلنا متلمين تامين
ولامين ونفوس راضيه وخاطر طايب
وعناقريب وبنابر ويلا ابدأ بالمواضيع
ونحنا جاهزين وتسلم ياغالى على الخيال
الحلو الخليتنا نتخيله

ام صبا ربنا يخلى ليك صبا

النفس محتاجة لترويح والمرح
وما احلى عناقريب الهباب تحت ضل النيمة مع طقوس الجبنة

ووجودك ضرورى ويلا ادينا من عادتكم المنطقة العايشة فيها

مع ودى

ام منذر كتب:ازيك ياود ابنعوف موضوعك حلو والعادات والتقليد السودانية محتاجة لية وقفة شوية
فيها حاجات كتير كويسة ونحن اتربينا علية وبرضو فيها حاجات من ناحية الشرع خطاء
ذى الاختلاض فى الحفلات وغيرو

تقبل مرور ولك تحياتي

ام منذر يديكى العافية

عشان كدا نطفت الحوش ومن زمان بزرع فى الشجر لما كبر وكانت فى زريبة حقت غنم شلانها كلها توسعة للحوش ولو ما شال الناس دى فى مربوع تانى بنضيفو ليه والعنده بنابر زايدة يجيبا لينا
كله عشان العادات الكتيرة والبعضها ما نافع ونغير من مفهوم الناس
يلا ايدك معانا عشان الحوش يكون فاتح على طول

فارماس كتب:

ود ابنعوف الحوش دا والله دايرينوو

لكن النسوان الكبار ديل يتونسو معاهم كيف

وانحنا ناس بنحب الهظار .

يازول هووووووووووى الحوش دا حق الجميع والمثل بقول الماعندو كبير يمشى يشترى من السوق والنسوان الكبار ديل بالذات العايزنهم هنا عشان نعمل تواصل اجيال هسة شوف واحدة بس لو كتبت ذكريات ساى وحاجات زمان الجيل الجديد دا مابطلع ليه بمعلومة ناهيك عن العرس زمان كان كيف وهسة كيف والله الونسة معاهم ممتعة شديد والله شنو يا فارماس وخليك قريب
وارقد عافية

دلوعة النيل كتب:والله بقيت كسار تلج مبالغة..شكلك كده دخلت الكورس بتاع كسير التلج..
المهم أنا في أتم الإستعداد وما عندي أي مشكلة مع النقاشات دي بس أدوني الموضوع وجهزوهو لي عشان أتفلسف معاكم..
وأنا خلاص لقيت لي شجرة مناسبة وحجزتها عشان أقعد تحتها بمزاج..

اها شفتى دا اتعلمت منك شوية هسة لما عرفتك كان لسة نكون ضرش وشوية شوية نتعلم منك ومن الفرح المهاجر
وشجرتك دى ابقى عليها عشرة كبرى الفرشة واملى الزير وكترى الكيزان ( حقات الشراب ) عشان الموية تبقى ساقطة ويلا جيبى اي موضوع واطرحية خلينا نتونس بيه

واتفلسفى على كيفك الحوش حوشك