ما هو رأيك فى الصداقه بين الشباب والبنات؟؟؟؟

[جذاب وما كذاب]

[all1=333300]بسم الله الرحمن الرحيم
كما نرى الان فى عصرنا عصر التطور والانترنت والتقدم ظهرت العديد من الاقتباسات الغربيه مثل

الصداقه بين الشباب والبنات وهو ما يطلق عليه اسمboy friend أو girl friend فما هى ارائكم حول هذا الموضوع؟؟؟؟؟؟؟؟؟؟؟

وهل تقبل ان تصبح اختك او قريباتك عندها صديق ؟؟؟؟؟[/all1]

[khalo]

[align=center]أولن بالتبادي
أنا لا أميل إلى تسمية العلاقات المكتسبة
وتقتصر التسمية في تقديري على العلاقات الموروثة

والعلاقة بين الشاب والفتاة
هي أمتن وأقوى وأسمى العلاقات
إن خلت من الغرض الجنسي

وهي الأسوأ على الإطلاق
إن إنحدرت منساقة وراء الغريزة

فالعلاقة بين الفتاة والفتاة
تميل إلى الكلاسيكية غير المنتجة
في البنيان النفسي للمجتمع

والعلاقة بين الشاب والشاب
ترسب أمام أول إختبار تتقاطع فيه المصالح

يعنى العلاقة بين البت والولد
هي الأفضل في تقديري
إن برأت نفسها من الغرائز

والمسألة نسبية
حسب ثقافة المجتمع الذي
ينشأ فيه الفرد[/align][/b][/size]

[Still I Need U]

جذاب الجذب الأيام دي الليك شنو ؟
ماشي كويس في شغال في الناس جذب شديد ،،
بالنسبة لي يا جذاب طبعاً من سابع المستحيلات انو أختي
تقول لي ده صاحبي ،،
معليش يمكن الناس هنا آراءه بتختلف إختلاف توتلي ،،
وانا في نفس اللحظة ما بقول ليك عندي صديقات
لانو ما بعتبرهم صديقات ديل اخوات
انا ما عندي صديقات على الإطلاق ،،
عندي أخوات بس ،،
وطبعا النظرة بتختلف من كل مجتمع لي آخر
حتي الناس ذاتها ليهاإختلافات وآراء متخلفه للحد البعيد
ننتظر بقية الأعضاء ،

[جذاب وما كذاب]

[frame="10 80"]شكرا لك يا رايع

قد اتفق معك في بعض ما ذكرت انفا


لكني اري ندره او انعدام هذا النوع منن العلاقات نسبته لما يشوبها من
ظنو ن واحتمالات

فحتي لو توفر ت عذه الشروط بانعدام الاغراض الخبيثه بين الطرفين
فان هناك العديد والعديد من اصحاب العقول المريضه في المجتمع
والذين يوثرون سلبا علي هذا النوع من العلاقات التي يمكن ان نسميها
علاقه ساميه اذا وفقط اذا توفرت فيها تلك الشروط التي ذكرتاه عزيزيkhalo[/frame]

[khalo]

بالنسبة لي يا جذاب طبعاً من سابع المستحيلات انو أختي
تقول لي ده صاحبي ،،

[align=center]نظرة ذكورية
فيها الإستعلاء على الأنثى
إذا ما استصحبنا رأيك أدناه[/align][/b][/size]

وانا في نفس اللحظة ما بقول ليك عندي صديقات
لانو ما بعتبرهم صديقات ديل اخوات

[align=center]ولا يخفف من تناقضك ونظرتك الذكورية
إنو ديل أخوات ما صديقات
لأنو مافي حاجة إسمها أخوات
الأخت هي درجة قرابة معتبرة في الشرع والقانون
المهم هي علاقة

إنت حللت لنفسك الدخول في علاقات مع البنات
تحت مسميات أخوات
والتسمية من باب التخفيف على الحرج النفسي
الذي يعتريك تجاه
تناقضك في تعاطي الفكرة

وبرضو بعذرك يا أخي
لأنو المسألة ليها علاقة بالسلوك الإجتماعي بتاع الفرد

أرجو تعاطي الموضوع
بنظرة متجردة خالية من شخصنتها
حتى لا تقع تحت تأثير العوامل النفسية[/align][/b][/size]

[khalo]

[frame="10 80"]فان هناك العديد والعديد من اصحاب العقول المريضه في المجتمع
والذين يوثرون سلبا علي هذا النوع من العلاقات التي يمكن ان نسميها
علاقه ساميه اذا وفقط اذا توفرت فيها تلك الشروط التي ذكرتاه عزيزيkhalo[/frame]

[align=center]أنا تحدثت عن الفكرة بتجرد
أما الممارسة السلوكية للفرد
فهي بالتأكيد خاضعة لمعايير أخرى
هي الدين والأخلاق والقانون والعرف السائد[/align][/b][/size]

[جذاب وما كذاب]

[frame="4 80"]حسنا فماذا لو اتعدمت او فل نقل ما ذا لو ندرت او قلت

هذه الدوافع الدينيه او التربويه

هلا هذا يعني ان هذا لنوع من العلاقات

قد اندثر وولي زمانه


ارجو مناقشه الموضوع

بك عقلانيه

والابتعاد عن الشعارات والمسميات الفضفاضه[/frame]

[khalo]

[frame="4 80"]أرجو مناقشه الموضوع
بكل عقلانية

والابتعاد عن الشعارات والمسميات الفضفاضة[/frame]

[align=center]أنت بردِّك هذا يا أخي
تصادر على المطلوب

وكان الأولى والأجدر بك
وأنت صاحب البوست
أن تسمي ما كان غير عقلانياً
أو شعارات أو مسميات فضفاضة
في مداخلتي

بدلاً من إطلاق الكلام على عواهنه
وممارسة الإرهاب الفكري


طيب أمسح كلامي الفات
من الميموري بتاعتك
وهاك دي

يا سلاااام يا رائع
يا الحديثك أثلج الصدور
فكر متَّقد وبصيرة نافذة

وفعلاً جذاب

وأقعود عافية[/align][/b][/size]

[جذاب وما كذاب]

[frame="7 80"]الاخ khalo
مهما كان ردك ما بزعل منك
بس ارجو انو انت تفهم انا قاصد
في المشاركات القادمه انو الناس تبتعد
عن المسميات الفاضله والافلاطونيه
وتاخد المنحي العقلاني الاقرب الي الواقع في مناقشه الموضوع

ثم تانيا يا عزيزي انت ليه مركز علي النقطه دي بالذات ففي الرد مداخل عده
وعلي اي اساسا انت سميت نفسك متهم وشلتا وش القباحه
بالمناسبه خليك رايق مافي حاجه بتستاهل

وتاني شكرا ليك[/frame]

[khalo]

[align=center]يا مان مافي زعل ولا حاجة
نزعل من منو ونزعل في شنو
هنا كل الناس صحاب وكل الناس أهل

بس حيرت أفكارنا
تطرح موضوع
نناقشك فيه تبقى زي الزئبق
من شعارات فضفاضة لي مسميات إفلاطونية

وبعدين كوني طرحت رأي ما عجبك يا جذاب
ما بيعني وش قباحة

على كل
تمنياتي لك بالتوفيق
في ضبط مسار النقاش في بوستيك

ودي وتقديري[/align][/b][/size]

[استارو]

][`~*¤!||!¤*~`][ الأخ المتألق (( جذاب وماكذاب ))][`~*¤!||!¤*~`][
الصداقة فى حدود المعقول نحن الان فى منتديات انا سودانى
لنا اصدقاء الاقلبية العظمة بنات وذلك من ابدجيات الحياة
الناس طلعت المريخ ونحن لسع فى تخلفنا
من منا لايصادق البنات يكذب من يقول غير ذالك
لماذا ننتقد انفسنا بشى نحن نعمله!!!
اذا كنت من الذين يعتقدون صداقة اختك للولد عيب
فاغلبية هذا المنتدى بنات وبنات ناس لماذا تصادقهم 00؟؟
اليسى انت من يتحلا ب
الدين والأخلاق والقانون والعرف السائد
فلماذا انت موجود بيننا ومعنا بنات
من يفتش عن صديق خال من العيب لا صديق له
الصديق من يثق بطريقه و يأتمنه على سره  الصداقة بهجة العمر
 ما أجمل الصداقة بالصديق وما أجمل الصديق بالمودة و الوفاء
 الأصدقاء في بورصة الحياة هم النقد الذهبي أما الفقير فمن لا صديق له
 الأصدقاء والدواء يحتاج إليها الإنسان في اليوم العسير
 الصداقة هي الوجه الآخر الغير مرئي من الحب
الصداقة بهجة العمر
]

تقبل مني فائق إحترامي وعظيم وتقديـــــــــــري
وأحر تحياتي القلبية من الرياض مقرونه بالمودة والمحبة والإخاء والسلام,[/align]

[جذاب وما كذاب]

[frame="1 80"]والله سلمت يمناك انت يا عزيزي الرايع استلرو
اتفق معك في كل ما ذكرت سالفا
بالفعل الصداقه من اجمل العلايق التي عرفها الانسان منذ فطر
ورنا يخلي ليك اصحابك ويديك محبه خلقو [/frame]

[sarona]

يابت عيب ماتقولي صاحبي
صاحبك !!!! ...صاحبي دي شنو
أصحاب ؟؟؟ والله جيلكم ده الله يدينا خيرو
استغفر الله ...قوة العين دين بتجيبوها من وين

دي الكلمات اللي كنت بسمعا دايما

وقدرت اثبت ليهم ....أني قادرة على اختيار
أصدقاء من الشباب...
بفهم حقيقي لمعنى كلمة الصديق..
بداءت من محيط الكلية ...
واستمرت الى اليوم ...
كلنا كمجموعة كنا من الوعي الكافي لفهم العلاقات وتسميتا بالشكل الصحيح
قادرين على مساندة بعض في احرج الظروف ...
البت كانت وقفتا ب 100 راجل.... والولد أخو اخوان.
وحتى بعد الزواج والارتباط استمرت العلاقات بنفس القوة
وامتدت في اطار اسرنا الصغيرة الجديدة
وما زال اي واحد مننا قادر على رفع السماعة والاتصال
بالاخر في اي طرف من الكرة الارضية عشان يشاركه
الراي في فكرة.. او مشكلة...

وبتفق مع خالو وبحيه لما قال
والعلاقة بين الشاب والفتاة
هي أمتن وأقوى وأسمى العلاقات
إن خلت من الغرض الجنسي

ووين الغلط لو سلوكنا نهذبه بالدين والاخلاق...


وفي الاخر كله بيرجع للفهم الخاص والبيئة اللي بيعيش فيها كل واحد
واكيد اختلاف الراي لا يفسد للود قضية

جذاب شكرا للطرح

[khalo]

]
وقدرت اثبت ليهم ....أني قادرة على اختيار
أصدقاء من الشباب...
بفهم حقيقي لمعنى كلمة الصديق..
بداءت من محيط الكلية ...
واستمرت الى اليوم ...
كلنا كمجموعة كنا من الوعي الكافي لفهم العلاقات وتسميتا بالشكل الصحيح
قادرين على مساندة بعض في احرج الظروف ...
البت كانت وقفتا ب 100 راجل.... والولد أخو اخوان.
[

[align=center]سارونا
صباحك بنكهة الفراولة

إنحناءة لكِ مني
حد ملامسة جبيني للكي بورد

وأنتِ تعيشين في النور
ويملؤك الصدق مع نفسك

ولنبشر بمجتمع معافى من العقد
والوصاية الذكورية غير المبررة
على الأنثى التي زاملت في محيط الكلية والعمل
وعاشت في النور وأثبتت جدارتها
وقدرتها على أن تكون

ومعظم الإنحرافات التي تحدث
هي نتيجة الكبت غير المبرر
ووصاية الرجل الذي يعاني صراعاً نفسياً
بين ما يحلله لنفسه ويحرمه لأخته
ويتشدق بالدين
وينسى قول الله تعالى
(أوتأمرون الناس بالبر وتنسون أنفسكم وأنتم تتلون الكتاب أفلا تعقلون)

والإنسان حقو
يتعامل مع الأنثى كإنسان
ويبتعد عن النظرة الغرائزية[/align][/b][/size]

[ترطيبه]

[all1=333300]بسم الله الرحمن الرحيم
كما نرى الان فى عصرنا عصر التطور والانترنت والتقدم ظهرت العديد من الاقتباسات الغربيه مثل

الصداقه بين الشباب والبنات وهو ما يطلق عليه اسمboy friend أو girl friend فما هى ارائكم حول هذا الموضوع؟؟؟؟؟؟؟؟؟؟؟

وهل تقبل ان تصبح اختك او قريباتك عندها صديق ؟؟؟؟؟[/all1]

أخونا جذاب
مساء الخير
انت هنا يا اخى اتكلمته عن نوعين من العلاقات ونسيت تفصل بينهم لانو اى نوع بيفرق من التانى
بالنسبة لى قصة البوي فريند والقيرل فريند فدى عندنا تكاد تكون معدومه الا ما ندر
ودي بتلقاها دوما فى بلاد العم سام وهى علاقة يتمتع بها الطرفان ويمارسان كل ما يمارسه المتزوجين
بدون اى قيود . ودى قطع شك مرفوضه بكل المقاييس

الشقة التانى لو اتكلمته عن الصداقات المعروفه لدينا جميعا كسودانين فهى موجوده لانو ظروف العمل او الدراسة
او حتى المواصلات بتخليك تحتك بالجنس بالاخر وشئ طبيعي جدا يكون عندك صديقه او زميله
بس أهمه حاجه الصداقه دي ما تتعدي الخطوط الحمراء وتكون فى حدود المعقول
وصدقنى يا اخى الموضوع فى الاول والاخير بتضبطو التربية والمنشأ

بالنسبة لي يا جذاب طبعاً من سابع المستحيلات انو أختي
تقول لي ده صاحبي ،،
معليش يمكن الناس هنا آراءه بتختلف إختلاف توتلي ،،
وانا في نفس اللحظة ما بقول ليك عندي صديقات
لانو ما بعتبرهم صديقات ديل اخوات
انا ما عندي صديقات على الإطلاق ،،
عندي أخوات بس ،،
وطبعا النظرة بتختلف من كل مجتمع لي آخر
حتي الناس ذاتها ليهاإختلافات وآراء متخلفه للحد البعيد
ننتظر بقية الأعضاء ،

أستغربته جدا من ردك دا يا اخى
لى من سابع المستحيلات ولى مضيقه شديد كده ياخي
يعنى لو افترضنا اختك دكتوره وجاها يوم زميله البيت لى سبب ما وعرفتكم عليهو
يعني فيها شنو صداقة عمل عاديه او حتى مثلا كانت طالبه فى احدي جامعه
فشئ طبيعى يكون عندها زملاء واصدقاء

وبعدين يا اخى طالما انتى بتنظر لى صديقاتك اخواتك
فخلاص بقي برضو بنفس القدر الشباب الباقين برضو
حينظرو لى اختك برضو كأخت وليست صديقه
دا لو اعتبرنا انت ضد فكرة الزماله والصداقه


وبعدين الزميلات والصديقات دي منو ؟؟؟
ما ياهم بنات العم والخال وبت الجيران وووووو
يعنى ما ناس من كوكب آخر

[ترطيبه]

خالو
سارونا
استارو

احييكم جدا على ردودكم الجميله

[سودانية نار]

انا بتفق مع ترطيبه في المسمي يا جذاب انو الغيل والبوي فرند غير عن الصديق والصديقة
نرجع للاساس هل في صداقة بين الفتاة والشاب انا بقول نعم
هل ممكن يجي اليوم واقول فيهو لابي وامي هذا صديقي نعم وجاه وانتهي كمان
ببساطة تعالوا نتكلم من واقعنا صعب جدا ننكر وجدود الصداقة بين الشاب والفتاة في الزمن دا
اذا كان في كل مكان في اختلاط في المدرسة الشارع وين ما تقبل
وبختلف فهم الفتاة وا الشاب للصداقة باختلاف فهمه تربيته نوايه

عني انا شخصيا
تربطني صداقة رائعة جدا اربعة شباب زي الورد منذ كنت طالبة في الجامعة وكانوا يسبقوني بعام
تعرفوا علي اسرتي وتعرفت اسرتي علي اسرتهم
وقفوا معاي وقفة الاخ واكثر في اكثر من موقف وبعتمد علي رائهم في حاجات كتيرة وبيعتمدوا علي في المقابل
رشحت عروس لواحد فيهم والحمدلله عندو بنية زي القمر
واتزوج الثاني بت خالتو برضو والله زي القمر
وبقوا اتنين
كل واحد عنده حكاية ان شاء الله تتم علي خير
وماانسي
لمن واحد فيهم خزلتوا البت الكان مرتبط بيها وانكسر لهفة امي عليه لطيبته وبساطته
وكيف اتصلت عليه
ودتوا من الوصايا ما طيب خاطره
المهم في الموضوع النوايا
والحذر عند اختيار الصديق اوالصديقة
وبقول اذا الناس اتقت في بعضها ربها كلوا بيكون في السليم
ودمتم

[جذاب وما كذاب]

[frame="7 80"]اعزاي انحني تواضعا واجلالا وتقديرا

لهذه الارا الثره والعقول النيره

بالقعل لقد اتحفتمونا بارائكم التي تدل علي رجاحه البابكم

وبصيرتكم النافذه

شكرا لكل من ساهم بابدا رايه [/frame]

[منير]

أنا مع كلام سودانية نار وهي محقة في كل القالتوا بس بضيف حاجة وهي الزمن بقى صعب ولابد للفتى أو الفتاة التأني في اختيار الصديق أو الصديقة وإنما الاعمال بالنيات .. والإنسان يختلف من الحيوان وليه نحنا كل ما نجيب سيرة المرأة نذكر كلمة الجنس .. المراة هي اجمل حاجة في الدنيا دي أنا حكمة مؤمن بيها ولكن ليس من ناحية الجنس فقط .. لا وألف لا المرأة هي الحنان والعطف والحب والحياة والسعادة والعكس صحيح ............. فمتى ما توفرت هذه الأشياء كانت هناك علاقة جميلة بين الجنسين صداقة ممكن زواج ممكن ...... زمالة ممكن ......... ربنا ييسر الأمور وينظف القلوب ويدي كل واحد على قدر نيتوا.
أنا ولله الحمد الأن لي صديقات كثيرات اتصلن عليهن واشاركهن الأراء في كل شيء وهنّ كذلك..
وفي منتدى انا سوداني بعتبر كل الأخوات الموجودات صديقات بالنسبة لي واحترامن علي واجب وبشاور الكثيرات في بعض امور لهن التحية جميعاً..
وأتمنى من الله العزيز القدير أن يجمع بكل صديقات في هذا المنتدى
وربنا يحمي كل بنت في الدنيا من كل ذئب أو خبيث !!
ولك التحية اخي جذاب وما كذاب

[جذاب وما كذاب]

[frame="7 80"][quote="sarona"]يابت عيب ماتقولي صاحبي
صاحبك !!!! ...صاحبي دي شنو
أصحاب ؟؟؟ والله جيلكم ده الله يدينا خيرو
استغفر الله ...قوة العين دين بتجيبوها من وين

دي الكلمات اللي كنت بسمعا دايما


"""""""""""""""""""""""""""""""""""""""""""""""""""""""""""""""""""""""""""""""""""""
هذا هو مربط الفرس اختي

الاهل هم من يحدد امكانيه او استحاله هذا النوع من العلاقات
نعم فالاهل بنوع التربيه والتنشيه التي قام وترعرع عليها الابنا سوف يكبروا وينمو عليها
فاذا تربي الطفل في بيئه خاليه من التنقاضات والمقارنات بين الرجل والمره
وتري علي فهم ان البنت هي الام وهي والاخت وهي المربيه تاكد من انه سوف يتقبل البنت (كصديقه)
هذا الشي ينطبق ايضا علي الجنس الاخر فاذا تربت البنت بنفس تلك المفاهيم فسوف لن تجد اي صعوبه في تقبل صداقه الاولاد
لكن اين يحدث الاختلاف يحدث الاختلاف في البيئه والمجتمع
وانا اضم صوتي لكل من اشار لهذه النقطه
وتقبلو تحياتي
شكر لكم[/frame]