منتدى أنا سوداني

المدرسة هي البيت التاني ( بقولو كدا ) وبتحصل فيها مواقف كتيرة منها الطريفة ومواقف صعببببببببة جدا زي لمن تكون في امتحان وتتطرا تغش !!! ومواقف تحس فيها بعظمة المكان وعظمة الموجودين فيه .

المهم البوست دا فتحتو لي حكاوي المدرسة ويا ريت تشاركوني الحكاوي ...


واكيد حابدا انا احكي ....

الاشيتر كتب:

ايووووووووووووووووووووه انته ما وقعته وقعه شديد خلاص

كمان بتدك الحصص وبتمشي تتفسح وعامل لي فيها فنان

ووووووو

وكمان بتحكي الكلام هنا وخالك قاااااااااااااعد مابتخاف امر هنا اقراء الكلام ده

جيب العصايه وتعال


اها الموقف ده البحلك منو شنو يا فوفو

قول لي وبعدين انا بجي احكي ليك عن قصصنا المدرسيه .

اوكي .

زكرتوني بموقف حصل معاي في المتوسط
كنا انا وصحباتي بنلعب في الفصل و كنا بناخد المطاط بتاع الفلوس وناخد ورقة ونرميها في البنات المهم
جات استاذة العربي داخلة وبالغلط طيرت فيها ورقة
الاستاذة صرخت وقالت مين اللي رماها
انا عملت نفسي ما عارفة حاجة
قامت وقفت الفصل كله واخدوا علقة ما بتتنسي
يا حليل ايام المتوسط

ياالله والله زكرتوني بالماضي الجميل

ايام الأبتدائي وأيام الثاوي

مواقف وحكايات

دا موقف لي وانا في تامنة يعني ممتحنة

احنا كنا سبع بنات معروفات(السبعة الاوائل في المدرسة)

المهم جات المديرة ورسلت اتنين من شلتنا(لبني وطاهرة) لمدرسة الأولاد انا وصحبتي مروة (دي كانت الاولي)
لما سمعنا الحكاية فيها مدرسة اولاد قلنا لي طاهرة ولبنا بنمشي معاكم

وبنرجع قبل الفسحة ماتنهتي وكده مافي استاذه هتشوفنا

المهم ولا كذبنا خبر طلعنا احنا الاربعة ندقدل ومشينا مدرسة الاولاد
و للحظ السيئ اتأخرنا في مدرسة الاولاد
ولما رجعنا مدرستنا لقينا الفسحة انتهت
عاملينا فيها البنات حريفات فتحنا الباب براحه ودخلنا المدرسة
في دخلتنا دي شافتنا ليك استاذه المدرسة كلها بتخاف منها
وشكلها ساي يخوف
ولا العجب عندها قرصة في الصرة(الله لايوريكم)
الساعة القالت لينا يابنات تعالو

انا محل ماأمشي ماعرفت

كل وحده بقت تقول للتانية انتي امشي قدامي

واحنا في التحانيس دي جاتنا ليك الهرشة التانية منها

الاربعة في رمشة عين كنا واقفين قدامها

قالت لينا كنتو وين
ردت طاهرة طبعا بكل مسكنة

والله ياأستاذه المديرة رسلتني مدرسة الاولاد
التفت ع لبني وقالت ليها وانتي
لبني قالت ليها والله والله يااستاذه المديرة قالت لي امشي معاها
الاستاذه قالت لبني وطاهرة انتو امشو وانا هسأل المديرة اذا كنتو بتكذبو عقابكم بكره الصباح في الطابور
المعفنات ولا صدقو خبر ع طول مشو ع الفصل

وفضلنا انا ومروة حمرت لينا تمام
وقالت لينا وانتو
بصوت واحد انا ومروة مشينا معاهم ياأستاذه
قالت لينا المديرة قالت ليكم امشو
ولحظنا السيئ جات المديرة داخله لقتنا واقفين
سألت الاستاذه قالت ليها ديل الموقفهم هنا شنو؟؟؟

انتي ياالاستاذه ولا كذبتي خبر احكي كل شي بالتفصيل الممل

المديرة التفت علينا وقالت ليها عاقبيهم عقاب ماينسوه طول حياتهم
افضل بنات عندي في المدرسة بقو يعملو كده

انا لحظتها ركوبي ساحت وومروة استسلمت ومشت ع الاستاذه علشان تتعقاب
الحمدالله انو العقاب ماكان قرصتها المشهورة بيها
كان جلد في اليدين(قدر اخف من قدر)

مروة اخدت جلداتها واتوجهت ع الفصل
فضلت انا(الليله وووووب)
قطعت لي المشية في راسي
وهي شغالة تقول لي يابت تعالي
يابت ماتجي(اجي وين انا شكلك ساي يخوف)
في الاخر لما لقيت مافي مفر بعد التحانيس والاعتذار
سلمت امري لله ومشيت وقفت قدامها
ومديت ليها يدي

تلاتة جلدات
مازي الجلدات عسل عديل
والله حسيت انها بتلعب معاي
اصلو ماصدقت الجلدتني دي تكون الاستاذه البتخاف منها المدرسة كلها

مشيت الفصل وانا بضحك وعايزة اتفقع من الضحك
ولقيت مروة نفس الشئ بتضحك
وطبعا الكل مستغرب فينا المفروض نبكي بدل مانضحك

كل مااتذكر موقنا دا بموت من الضحك

بصراحة الجلدات ماكانت تستاهل الخوف والدرامة العملنها كلها

كانت ايام حلوة بكل مافيها

بلبل2 كتب: لن انساهم

حتى اموت وبعد الجلده شرحت ليهو واعتزرت ليهو وقلت ليهو كانت ما مقصودة

لكن من اليوم داك ولحدى ما خلصنا مدرسة وانتقلنا للثانوى كنا فرد واصحاب...

هانا مونتانا2008 كتب:زكرتوني بموقف حصل معاي في المتوسط
كنا انا وصحباتي بنلعب في الفصل و كنا بناخد المطاط بتاع الفلوس وناخد ورقة ونرميها في البنات المهم
جات استاذة العربي داخلة وبالغلط طيرت فيها ورقة
الاستاذة صرخت وقالت مين اللي رماها
انا عملت نفسي ما عارفة حاجة
قامت وقفت الفصل كله واخدوا علقة ما بتتنسي
يا حليل ايام المتوسط

اميرة بكلمتي رقيقة بهمستي كتب:احنا كنا سبع بنات معروفات(السبعة الاوائل في المدرسة)

المهم جات المديرة ورسلت اتنين من شلتنا(لبني وطاهرة) لمدرسة الأولاد انا وصحبتي مروة (دي كانت الاولي)
لما سمعنا الحكاية فيها مدرسة اولاد قلنا لي طاهرة ولبنا بنمشي معاكم

وبنرجع قبل الفسحة ماتنهتي وكده مافي استاذه هتشوفنا

انتو المطاط بتاخدو ترمو ع البنات إحنى البنات في المدرسة بنرمو بيهو الأولاد ولما المشرف بيجي يليمو بيقعدو يفتشو الأولاد بس وماحد بيفكر فينا
وأنا توة الوقت ده في المدرسة حاطا التلفون في الشنطة وبدردش منو والابلة قدامي ماعارفة زاتو موضوعها شنو

همسة حنين كتب:انتو المطاط بتاخدو ترمو ع البنات إحنى البنات في المدرسة بنرمو بيهو الأولاد ولما المشرف بيجي يليمو بيقعدو يفتشو الأولاد بس وماحد بيفكر فينا
وأنا توة الوقت ده في المدرسة حاطا التلفون في الشنطة وبدردش منو والابلة قدامي ماعارفة زاتو موضوعها شنو

ما أنا هسي فعلا في الحصة وكان تجي تشوف الفصل البنات كلهم قاعدين ورا وفاتحين موبايلاتم الأبلة تقول فاهمين نهزو روسنا وخلاص وإحنا ماعارفين شي

فتى السقاي كتب:هههههههههههههههههه

هوووي والله منتظـــراك علقة شييينة من ابو شتره ...:D
والله المدررسة اياام وليها لحظاات ما تتنسي ... زي لمــن ..ولا اقول ليك انسى بلا فضايح :D

لــي رجعــة يا سكــر ..

Mr.POGIz كتب:

هههههههههه حاسس اني لمن اكمل حكاوي ...... اول قبل ما اكملها اصلا حتنزل العصاية شغل

الحالة انا بادي بالحكاوي الخفيفة حفاظا على شعورو واحساسو المرهف !!!

يلا يا عسسسل مستنيك

ههههههههه يا زوول ربنــا يعينك ..
ما مشكلة انا بحاول احنــكو ليك :D ..