صفحة 1 من 2
انا ولد ... لكن السؤال ده للبنات
مرسل: الأحد 2009.5.17 4:42 pm
بواسطة ود الزوحي
ود الزوحي ومعاه واحد صاحبه اتقابلو في حفلة ... والحفلة لااااااااامة كانت ..
شي أصفر و شي أحمر وشي أقوليكم شنو خلو ساي .. صاحبنا كان متبحلق في الجكس ساي وفجأة قام شاف وحدة عجبته بس عيونه ديل مكانك سر .. محل ما البت تمشي يمشي وراها ..
وقت الفاصل طلعنا برا الصالة ووقفنا وبدا يتكلم والله يا ود الزوحي البت ده انا بعرفا من زمان وحسي كبرت وبقت سمحة انا خلاص ... ما داير زولتي الفاتت ديك عايز ده بس ..
يا زول بدل غير ابا نهائي ... نوى الخيانة خلاص .. وفجاة كده تجي زولتو الزمان زاته ما هي كانت في الحفلة وهو ماعارف وكانت نظام عاملة مفاجئة ليه (ما بستاهل طبعا) وكده ... تقوم تجي براحة من وراهو عايزة تخلعة ليك ... شفتها وشافتني .. وقالت لي اسسسس ما تتكلم ووقفت وراه .. اخوكم طبعا طوالي قام استغل الموقف وسأل صاحبو ..
قلت ليهو اها والبت البتحبك ديك ذنبها شنو وهو طبعا ما عارف إنها وراهو بتسمع كلامه .. قال : والله ربنا معاها ويتولاها انا ذنبي شنو استحملا وفي الأحسن منها .
البت طوالي بدون ما تشعر قامت و .....
انا حخليكم انتو تتوقعو البت عملت شنو وانا حوريكم هي علمت شنو بالضبط بعد عشرة ردود لأنو ده طلبا
هووووي يا جماعة طبعا انا مالي أي ذنب في الخلاف الحصل بينهم 
تحيااااااااتي
رد: انا ولد ... لكن السؤال ده للبنات
مرسل: الأحد 2009.5.17 9:47 pm
بواسطة زوزو الجامعي
والله مفروض ماتعمل حاجه لانه مابيستاهل ده واحد تافهه وحرام فيه حتى النظره
رد: انا ولد ... لكن السؤال ده للبنات
مرسل: الأحد 2009.5.17 10:05 pm
بواسطة sadness
انا بتوقع انو البت رفعت يدها وادتو كف معتبر وقالت ليهو فى ستين داهية ...
رد: انا ولد ... لكن السؤال ده للبنات
مرسل: الثلاثاء 2009.5.19 3:24 pm
بواسطة bet-handasa
من راي تمشي وتسيبو من غير حتى ما يعرف انها سمعتو
وتقفل صفحتو نهائي وانتهى الموضوع
رد: انا ولد ... لكن السؤال ده للبنات
مرسل: الثلاثاء 2009.5.19 6:42 pm
بواسطة هديل الحب
اكيد ادتو كف محترم
ومشت تبكي
رد: انا ولد ... لكن السؤال ده للبنات
مرسل: الثلاثاء 2009.5.19 7:40 pm
بواسطة sma7a
[align=center]انا لو مكانه بطنش وامشى واعاين ليهو من فوق لتحت
تخريمه :
انا زاتى قلت ماليك اي دخل فى الموضوع
وبعد ما تدينا الجواب عندى ليك سؤال مهم والله
تحياتى[/align][/size]
رد: انا ولد ... لكن السؤال ده للبنات
مرسل: الثلاثاء 2009.5.19 8:01 pm
بواسطة همسة حنين
اتوقعها اديتو كلمتين بيوجعو شديد عشان يأنبو ضميرو وبعد مايعرف روحو غلط جاها يعتذر بس هي ماقبلت إعتذارو
رد: انا ولد ... لكن السؤال ده للبنات
مرسل: الأربعاء 2009.6.3 2:59 pm
بواسطة رحيق
غايتو انا لو محلها هامشي كاني ما سمعت حاجة وهاعمل بالنصيحة البتقول: الزول لو اباك من غير سبب ما تسكوا وامسح اسمو من خارطة ضميرك حكوا جامل البجاملك والبسكك سكوا حب البحبك والبدكك دكوا .
رد: انا ولد ... لكن السؤال ده للبنات
مرسل: الأربعاء 2009.6.3 4:09 pm
بواسطة دعد
بنسحب من غير ما يحس و من غير اي كلمه وبنساه تماما لانو ما يستاهل
رد: انا ولد ... لكن السؤال ده للبنات
مرسل: الأربعاء 2009.6.3 4:10 pm
بواسطة lord of murder
[align=center]اعتقد انها هزأتووادتو كف يعجبك
قدام العالم .. وهو بكى ههههههههههه[/align][/b][/size]
رد: انا ولد ... لكن السؤال ده للبنات
مرسل: الأربعاء 2009.6.3 5:52 pm
بواسطة رومانسية ودائما منسية
انا لوفي مكانها راح اضربوا كف واقلوا انت شخص ما يستاهل اني حتي اتكلم اولساني يخاطب لسانة ولو بحرف لانك شخص خائن وسافل وحقير
رد: انا ولد ... لكن السؤال ده للبنات
مرسل: الخميس 2009.6.4 3:03 pm
بواسطة بت صيدله
بتوقع انها رمقته بنظره من عيون مليانها دموع و نفس مكسوره وخيبة امل واكيد ماحينسى النظره دي ابدا
رد: انا ولد ... لكن السؤال ده للبنات
مرسل: الخميس 2009.6.4 3:48 pm
بواسطة فارماس
بتكون بكت وباست إيدو وقالت ليه عليك الله ما تخليني
أنا بموت فيك وما بقدر علي فراقك ووو..................
وحاجات تانية شطة بس ،،،،
اوف نسيت هو الموضوع دا للنسوان طيب سوري آفس
رد: انا ولد ... لكن السؤال ده للبنات
مرسل: الخميس 2009.6.4 4:32 pm
بواسطة عجوز حلوة
اعتقد انها عملت زيو شافت ليها شخص يستاهلها غيرووو
رد: انا ولد ... لكن السؤال ده للبنات
مرسل: الخميس 2009.6.4 5:50 pm
بواسطة zaina
رد: انا ولد ... لكن السؤال ده للبنات
مرسل: الثلاثاء 2009.6.23 12:18 pm
بواسطة bitadlan
طبعاً رحيق عندها مثل جميل جداً وانا اشاركها الرأي وأدك أبو اهلو ذاتو
رد: انا ولد ... لكن السؤال ده للبنات
مرسل: الثلاثاء 2009.6.23 12:51 pm
بواسطة ضو البيت محمد النور
الموقف صعب . يمكن ان تتصرف اي تصرف يخطر ببالها في تلك اللحظة
يعني الموقف يتوقف عليها وقوة شخصيتها وقوة قلبها
ما عارف اقول شنو لكن الموقف جد صعب صعب
رد: انا ولد ... لكن السؤال ده للبنات
مرسل: الثلاثاء 2009.6.23 6:16 pm
بواسطة مومو و بس
انا من رائ افتح له وهو حيمشي براه
مـــــــــــــــــــش كده
رد: انا ولد ... لكن السؤال ده للبنات
مرسل: الأربعاء 2009.6.24 12:50 am
بواسطة ود العمارات
[font=Simplified Arabic]الكلام دة طبعا البنات خبيرات فيهو اللى هو البع والخيانة لانهم بيقولو واحد للف واحد للسف واحد فوق الرف فاذا كان واحد مننا عمل كدة وبنات انا سوادنى البتقول نديو كف والتانية تمشى وتخليو طيب العندهم التلاتة ديل وهم كتاااااااااااااااااار شديد وما بتعدو نعمل ليهم شنو والخيانة من طبع ..... ماالرجل ولكم تحياتى وشكرا لك ياود الزوحى انت رائع بمعنىالكلمة فى طرحك للمواضيع بطريقة مميزة جدا [/font]..
رد: انا ولد ... لكن السؤال ده للبنات
مرسل: الأربعاء 2009.6.24 1:09 am
بواسطة sadness
ود العمارات كتب:[font=Simplified Arabic]الكلام دة طبعا البنات خبيرات فيهو اللى هو البع والخيانة لانهم بيقولو واحد للف واحد للسف واحد فوق الرف فاذا كان واحد مننا عمل كدة وبنات انا سوادنى البتقول نديو كف والتانية تمشى وتخليو طيب العندهم التلاتة ديل وهم كتاااااااااااااااااار شديد وما بتعدو نعمل ليهم شنو والخيانة من طبع ..... ماالرجل ولكم تحياتى وشكرا لك ياود الزوحى انت رائع بمعنىالكلمة فى طرحك للمواضيع بطريقة مميزة جدا [/font]..
[align=center]طيب وباقى البنات الغلبانات الصادقات فى حبهم ومشاعرهم زنبهم ايه لما يتعرضوا لخيانه زى دى ولا انتو بس فالحين تحطى اللو علينا ..ما اغلبية الشباب عينهم زايغة
وبعدين الواحد منكم ليه رضى انو يكون للف او السف او انو يتحطا فوق الرف[/align][/size]
