صفحة 1 من 1
يا ربي دا ولد ولا بنت؟؟؟؟؟
مرسل: الأحد 2009.5.17 1:29 pm
بواسطة رحيق
سلاااام يا شباب -
أنا ملاحظة في الفترة الأخيرة انتشرت ظاهرة غرييييبة
....بجد الأولاد بقو فظييييعين. .......نافسونا في كل المجالات (ههههههه
)..... يعني لما تشوف واحد تستغرب دا ولد ولا بنت يعني بيكون لابس بلوزة بنات..... أومسرح شعرو طويل وبي طريقة غريبة (ولو سالتو يقول ليك الرسول كان شعرو طويل وهو يكون صلاة ما بصلي) وحتي في طريقة الكلام والمشية(قممممممة الخيابةهع هع
) بل تصوروا انا مرة شفته واحد لابس حلق.... والايام دي في فيديو حايم في التلفونات لي أولاد بيرقصو رقيص عروس...(ربنا يهدي)...............
يا جماعة الحاصل شنو ؟؟؟يعني ما عاجباكم خلقتكم؟وقبل اي حاجة ماتنسوا انو الرسول لعن المتشبهين من الرجال بالنساء والمتشبهات من النساء بالرجال.بجد الظواهر دي لازم تقيف
باي طريقة........ ونصيحتي للشباب المقصود
......:بطلوا المياعة وحركات البنات......حلو انك تكون شيك واستايل ومهتمي بي نفسك بس الحاجة لمن تكون اوفر بتبقي ما حلوة....
الموضوع عام ي شباب..... ياريت من غير زعل.....
رد: يا ربي دا ولد ولا بنت؟؟؟؟؟
مرسل: الأحد 2009.5.17 2:41 pm
بواسطة الشماسي
احييك والله على جرائتك اول شي وعلى اختيارك الجميل لمصيبه من مصايب الشباب التفتيحه ( على قولهم طبعا ) بتاع الزمن دا تاني حاجه لكن المشكله الاساسيه انهم شايفين انو مافي زول بيفهم غيرهم ومافي زول احسن منهم غايتو الحمد لله ربنا رحمنا وماشفنا الحاجات دي في زمننا كان تكون كارثه والله
اختنا رحيق بالجد اتطرقتي لموضوع في غاية الاهميه شكرا كتير وتقبلي مروري
رد: يا ربي دا ولد ولا بنت؟؟؟؟؟
مرسل: الأحد 2009.5.17 2:53 pm
بواسطة السودانى الاصيل
رحيق
والله كلامك فى محلو والله النوعيــــــــــه دى انا بتجيب لى اكتئاب
ولو عندى عليهم سلطه كنت البلقاهو كلو الم فيهو بى بسطونـــــــــــه
لحدى ما ابقا راجل وامسك الدرب عديـــل
والله شئ كريـه فى كل شئ المياعه دى فى القرى ماف نحن ناس
طوريه وزراعه ويدينا خشنات لو سلمنا على بت حنكوشه تنجرح
ونحن اهل العوض ونفتخر بيهم ناس رجال اولاد رجال
مش سايحين زى الناس السايحين ديل
هههههههههههههههههه
شكرا كتيــــــــــر يا رحيـــــــــــــــــق انتى فعلا رحيــــــــق
رد: يا ربي دا ولد ولا بنت؟؟؟؟؟
مرسل: الأحد 2009.5.17 3:29 pm
بواسطة ام صبا
المصيبه يارحيق انهم شايفين انهم حاجه حلوه
وما قادرين للحظه يتخيلوا الشىء ده بتعب الحوليهم
كيف ويقولوا موضه موضة شنو البتخلى الواحد
كأنه بت صراحه انا بلوم اهلهم الام والاب ما بشوفوا
ولدهم عامل كيف والله يالاصيل فى الحتة دى ندق ناس
البيت اول وبعد داك هم شىء مخجل
رد: يا ربي دا ولد ولا بنت؟؟؟؟؟
مرسل: الأحد 2009.5.17 4:13 pm
بواسطة hdma
والله اولالاد زي ديل داايرين ليهم تأديب ...
كانهم ماارجاال ..الظااهرة دي اناا ملاحظة ليهاا انتشرت عندناا
زماان مااكان في نااس زي كدا ..
ده كلو من مشاهدة التلفزوون والتعلق بالثقافات الغربيه .
بعدين زي ماقال السوداني الاصيل
هما بيشوفو نفسهم فاهمين اي حااجة ..ومافي زوول فاهم زيهم ..
وكل النااس ولا حااجة .........
بعدين عاوزين ليهم علالاج نفسي باالاضافة للتأديب ده ..
لانو مراات بيكوون عندهم نقص في حااجة وعايزيين يعوضوهاا وعوضوها بحااجة غلط ..
غايتوو الله يهدي بس ..
مشكوووووووووووووووووووووووووووووووووووووووووورررررررررررة على الموضووع ده ..
وعلى جرأتك الحلووة دي في طرح الموضووع...... تسلمي
رد: يا ربي دا ولد ولا بنت؟؟؟؟؟
مرسل: الأحد 2009.5.17 11:08 pm
بواسطة اميرة بكلمتي رقيقة بهمستي
مشكورة ع الموضوع الحلو والمهم
من وجهة نظري ان الولد من ديل حرام يقولو عليه ولد
ديل عار ع الرجال بكل صراحه
لأنو مابعتقد انو في بنت هتنظر لولد بالشكل دا
البنت عايز راجل يحميها ماعايزة راجل يجي بعدين ويستخدم معاها ادوات المكياج تبعها
ويكون بمثابة اخت ليها
بالجد اخس عليهم اخس
تحياتي
امورة
رد: يا ربي دا ولد ولا بنت؟؟؟؟؟
مرسل: الأحد 2009.5.17 11:15 pm
بواسطة زوزو الجامعي
والله دول مارجال والله موضوعك جميل جدا وفي محلو كلامك بس برضو في ظاهره ابشع منها وهي تشبه النساء بالرجال تلاقي البت حالقه شعرها زي الولد وتصرفتها ومشيتها لها زي الاولاد وكمان فرحنها بحالها والله اللوم في المواضيع دي ع الاهل معقول هم ماشايفين تصرفات اولادهم وبناتهم وفي النهايه ربنا يهدي الجميع وجد تسلمي ع الموضوع ده
رد: يا ربي دا ولد ولا بنت؟؟؟؟؟
مرسل: الأحد 2009.5.24 7:23 pm
بواسطة رحيق
والله شكرا يا شباب عالردود علي الاقل طمنتوني انو السودان لسه فيهو ناس عاقلين.
رد: يا ربي دا ولد ولا بنت؟؟؟؟؟
مرسل: الأحد 2009.5.24 11:35 pm
بواسطة زوزو الجامعي
والله انتي اللي تسلمي ع الموضوع
رد: يا ربي دا ولد ولا بنت؟؟؟؟؟
مرسل: السبت 2009.6.20 11:17 am
بواسطة اولاد كركوج
مشكوووووور على الموضوع
زى الاولاد ديل لازم اعدموهم فى مكان عام
ديل عار على المجتمع والله كنا بنسمع بي ناس زى ديل
ياكن ماشفناهم فى السودان شفناهم بره السودان
الله يكون فى عونه
رد: يا ربي دا ولد ولا بنت؟؟؟؟؟
مرسل: السبت 2009.6.20 12:44 pm
بواسطة ودعازة
لكيل جيل صرعاتو واستايلاتو ، كان فى الشارلستون، كان فى الماكسى، كان فى جيب البندقية وده اضيق الموجود وتتخيلو ضيقو كان ماتحت الركبة يعنى خارج العورة الرجالية، وبرضو فى السبعينات وكده كان فى لبس قصير جدا بس كان مرتبط بطبقات معينة، والسبعينات من اسوء مراحل الانحطاط الذوقى ، بس البنات هم الكانو بيلبسو قصير، هو غلط بس الانثى هى البتحاول تظهر جمالا لأن مسألة الجمال بتعنى ليها الكتير.
اما بداية الالفية الحالية ضربت بكل انواع الخلاعة الحائط وقالت الخلاعة خلوها لى، ولد لابس بنطلون ناصل مستعرض ملابسو الداخلية، وبت لابسة بلوزة وصرتا مشاع للجميع، حكاية يتعدمو دى شوية كتيرة لانو الغبيان فى حكم المجنون، وهم لو نصيحين اكيد ما حيكونو كده، بس الحق زى ما قالت اختنا ام صبا على ولى الامر، والحكومة ما كانت بتوقف البنات الماعندهم طرح، شنو الحاصل وعاملا طناش اليومين ديل؟؟؟
موضوع عايز وقفة اولياء الامور والامهات فى غرس القييم الجميلة ويصحو شوية لاولادم وبناتم شن فايدة الجرى على الرزق وملى البطون والعقول فارغة، ولك التحية اختى على طرحك المفيد،،
رد: يا ربي دا ولد ولا بنت؟؟؟؟؟
مرسل: السبت 2009.6.20 12:56 pm
بواسطة سيبو9
انحنا لازم ننظر في حاجات وظواهر زي دي ..
حقيقه دي حاجه مهينه ومسيئه جدا للإنسان الرجل .. وهي شرك بالله ..
والحاجات دي في السودان هنا بقت موجوده .. وهم أصلا بفتكروها دي نوع من الموضه .. والثقافه .. ورجاااله كمان ..
وديل ما رجال .. حتي كلمة حيوان كتيره عليم .. لكن ديل أضل من ذلك .. ولعنهم الله