منتدى أنا سوداني

مرسل: **الأربعاء 2009.4.29 2:02 pm**

البعض نحبهم لكن لانقترب منهم .. فهم في البعد أحلى .. وهم في البعد أرقى .. وهم في البعد أغلى .. والبعض نحبهم .. ونسعى كي نقترب منهم .. ونتقاسم تفاصيل الحياة معهم .. ويؤلمنا الابتعاد عنهم .. ويصعب علينا تخلي الحياة حين تخلو منهم .. البعض نحبهم .. نعيش حكاية جميلة معهم .. ونتمنى أن نلتقي بهم .. ونفتعل الصدف ونختلق الأسباب كي نراهم .. ونعيش في الخيال أكثر من الواقع معهم .. والبعض نحبهم ..لكن بيننا وبين أنفسنا فقط فنصمت.. رغم ألم الصمت فلا نجاهر بحبهم .. حتى لهم .. لأن العوائق كثيرة والعواقب مخيفة .. ومن الأفضل لنا ولهم أن تبقى الأبواب بيننا وبينهم مغلقة .. والبعض نحبهم .. فنملأ الأرض بحبهم .. ونحدث الدنيا عنهم .. ونثرثر بهم في كل بالأوقات .. ونحتاج إلى وجودهم كالماء .. والهواء .. ونختنق في غيابهم أو الابتعاد عنهم .. والبعض نحبهم .. لأننا لانجد سواهم .. وحاجتنا إلى الحب تدفعنا نحوهم .. فالآيام تمضي .. والعمر ينقضي .. والزمن لايقف .. ويرعبنا أن نبقى بلا رفيق .. والبعض نحبهم .. لأن مثلهم لايستحق سوى الحب .. فنتعلم منهم أشياء جميلة .. ونرمم معهم أشياء كثيرة .. ونعيد طلاء الحياة من جديد .. ونسعى صادقين كي نمنحهم بعض السعادة .. والبعض نحبهم .. لكننا لانجد صدى لهذا الحب في قلوبهم .. فننهار .. وننكسر .. ونتخبط في حكايات فاشلة .. فلا نكرههم .. ولاننساهم .. ولانحب سواهم....................
رايكم شنو ممكن الزول امر بي حالة من حالات الحب دي المهم انا عاوز احكي ليكم قصة حصلت لي ايام الجامعة وهي الحالة الاولي ناس نحبهم دون مانقرب ليهم المهم انا قرايت في جامعة الجزيرة هندسة زراعية وكنت بكره امشي الجامعة من الصباح ومابحب اقعد بعد المحاضرة والعجب لو المحاضرة اتلقت دة ماقمة السعادة ودة كلوا عشان ارجع الداخلية انوم .......
وانا في سنة تانية كان عندنا محاضرة بالعصر والدكتور اعتذر قاموا صاحباتي قالو الوقت جميل الانمشي الكافتريا قمت مشيت وياريت لو مامشت لاقونا اصحابنا بقروا فيزياء سلمنا عليهم وكان معاهم محمد صاحبهم وانا من سلمتة عليهو طشيت ..........
وقعدت ساكتة بس بعاين ليهو وهو ماشاء الله عليهو طول بي عرض والقميص الاسود دة اخلوا ليهو ياربي الولد دة اسمو منو كنت لسة ومائة سؤال جاني والناس بتتونس وهو قاعد ساكت قامت صحبتي سالتوا قالتة ليهو انت ساكت الظاهر كدة ونستنا ماعجباك قامت قال ليها لا والله بي ظرافة وابتسم وانا لما سمعتة صوتوا وشفتة الابتسامة جنيت وقبل مااصحي من اللحظة الانا فيها صحباتي قالوا ماشين ......................الله اكبر ديل ماشين وين داخلية شنو الماشين ليها دي مايومي بقعدوا مالم الليلة وقربتة اقول ماماشة لكن
المهم مشيت الداخلية وصورتوا مامارقة خيالي ياربي اكون دة حب من اول نظرة لا ياخ مافي حاجة اسمها حب من اول نظرة دة كلام ساي قعدت اقول لي نفسي كدة لكن انا نمت تاني ومن النجمة مشيت الجامعة عسي ولعل الاقيهو ومالقيتو وجيت راجعة المهم تاني مالقيتو والسمستر قرب اخلص وانا حاتجي راجعة امدرمان اها اعمل شنو ياربي قلتة يازولة اعتبرية حاجة حلوة ومرت ...............................
والباقي بعدين

مرسل: **الجمعة 2009.5.1 4:55 pm**

اخت مبرة تسلمي ويسلم قلمك وحسك ورومانسيتك القداحة تشتعل بلا وقود في تراهات الزمن العجيب , الحب من اول نظرة هو مجرد اعجاب مفاجئ بما وقعت علية العين لأول وهلة واعجبت بة وبات الشوق يهيم بتكرار هذا المشهد يمكن لهذا الاعجاب ان يتطور الى حب ان ازيلت ستائر الظلام وانبعث الضوء معلنا بوضوح كامل لهذة الشخصية وارتسمت علامات الارتياح والرضا والقبول من الطرفين ,, او يظل هذا الاعجاب اسيرا لهذة النظرة اللتي حفظت في الذاكرة الى اجل غير مسمى ,,
لكي كل التقدري اخت ميرة على الذوق العالي والاحساس المرهف وننتظر منكي البقية

مرسل: **الأربعاء 2009.5.13 2:49 pm**

اهاا بعددين حصل شنوو؟

تمي لينا البااقي نحناا في انتظاارك ......

مرسل: **الأربعاء 2009.5.20 10:55 am**

باقي القصة.....وايام الامتحانات مشيت المكتبة اصور وكانت زحمة وانا واقفة بعيد اشوفوا ليك نسيت اصلا أنا جاية لشنو وبقيت اتكلم مع نفسي ياربي امشي اسلم عليهو يمكن مااتذكرني ماف داعي للخفة ياربي لو شافني بعرفني ولا وفجاءة انتبة انو أنا وقفتة كتير المهم صورتة ورقي وطلعت وانا اعاين ليهو لما قربتة اقع ورجعت الداخلية غلبني البعملوا يارب الولدة بكون والبحبها دي منواكيد محظوظة ...... وانا بفكر كدة جات سلمي صحبتي طايرة انت مالك الليلة ماطبيعية قلت ليها ماف شئ وياربي احكي ليها ولا المهم حكيت ليها وحكت لي باقي صحباتي وانا سميتو xوبقوا أي واحدة تلاقيهو الليلة لاقيت x ولابسة وعمل كدة بقت أي حاجة بتاعتي في الداخلية مكتوبة فيها x الدفاتر ديا اخر شعر لي x الكلام الفيها ليهو اكتر من المحاضرات
ال3 سنين انتهت وانا بحب في الولد وبتعمد امشي اشوفوا مكان قاعد يوما واجي راجعة وهو ماجايب لي خبر
خلاص جات ايام التخريج وبعده الامتحانات اصلوا في جامعة الجزيرة بتتخرج اول بعدين تتمتحن وكدة اكون خلاص اكون اتخرجتة
يوم طالعة من الداخلية لاقني بكري صاحبي سلمتة عليهو قال أنا جيت اوريك بالتخريج بكرة وضروري تجي قلتة ليهو حاضر وكيف مابجي تخريكم ياناس فيزياء أنا بقدر ومشيت وياريت لو ماشيت اول حاجة x لابس بدل وووووووووب اخلوها لي سودة رهيبة شديد وانا واقفة بعاين ليهو مبتسمبة تجي ليك واحدة تقيف جنبو واخر صور صحبتي قالت لي دي اكيد جكسيتو، ومالقي الا البت الشينة دي مع انها ماشينة شديد بس كنت شايفها قرد المهم باركتة لي اصحابي التخريج وهو معاهم طبعا ورجعتة الداخلية مانمت بفكر في البت وزعلانة شديد ياربي معقولة تكون حبيبتو خلاص بعد ماكان عندي فكرتة امشي اتقرب منو واعرفو خليتة مخلاص هو حابي احسن اخلي البعمل فيهو دة واشوف لي قراية تنفعني
وجاء يوم تخرجي قبل بي يوم اتصلتة بي اصحابي ناس فيزياء كلهم ويوم التخريج دة اخر قرشة داك يالفستان واخر التسرايح وحلات الدنيا علي ماالبت خريجة وانا قاعدة بتكلم مع سلمي قلتة ليها يمكن كان شافني كدة يعجب بي قالت يمكن المهم جوا اصحابي اباركوا لي وانا مماشفتهم الفرحة كتلتني اكيد هو معاهم ولكن ماجاء معاهم وحسيت انو الدنيا مسيخة شديد طيب ماهو في أي محا امشوا معاهم لشنو هسة ماجاء معقول اكون ماجاء من اساسوا وقررت في نفسي انو المرة دي جادة انسي نهائي وبعد حفلتة التخريج زي الساعة 12 وراجعين علي الداخلية التلفون رنة وطبعا عادي الناس بتتصل عشان تبارك لي الماقدروا اجو التخريج بس التلفون دة قلبي رجف وجاني احاس غريب المهم رديت الو جاني صوت منالله خلقني ماسمعتة جمالو معقولة أنا بعرف زول صوتو سمح كدة وزحيت من الجوطة الكنتة ماشة فيها والمكالمة كانت كالاتي
هو :السلام عليكم
أنا:وعليكم السلام اهلا
هو: ازيك
أنا : كويسة الحمد لله تسلم
هو : الف الف مليون مبروك وعقبال الدكتوراة ولا عاوزة حاجة تانية
أنا : الله يبارك فيك وشكر ليك ولو الحاجة التانية جات مابنابها (عروسة يعني )
أنا: بس معليش ماعرفتك انت منو
هو:أنا زول عزمتي الناس كلهم لي تخريك الا هو لكن برضوا أنا جيت بالمناسبة كنت ماشاء الله عليك
أنا : شكرا بس أنا لسة ماعرفتك
هو :خلاص أنا ماحااقول أنا منو لكن بكرة لو طالعة الجامعة أنا بلاقيك وبتعرفيني
أنا :حسيت انو دة لكن قلتة مافي داعي للخفة لانو لو طلع ماهو بنحرج شديد مع الزول المتصل المهم قلتة ليهو خلاص
هو تصبحي علي خير
أنا :وانت من اهل الخير
ما كلمتة أي زول بالمكلمة ويارب بكرة دي تجي متين عشان اشوف صاحب الصوت الجميل الماعاوز افارق اضاني دة وزي الساعة 2 التلفون ضرب وانا مارديت لانو نايمة المهم صحيت زي الساعة 5 ولقيت المكالمة وجنيت عديل واتصلتة الو سلام منو أنا شوش مع دة في محاضرة لما اطلع برجع ليك يا فلانة بي اسمي شوش صاحبي شوش اشوش وشك دة انت قال لي والله دة ماتلفوني دة تلفون محمد مصطفي قلتة ليهو أنا مابعرف ود بالاسم دة وبطل استهبال انت وين قال أنا في الجامعة جنب كلية فيزياء وقلتة ليهو 10 دقائق وجاياك ماتتحرك
ولبستة سرعة وانا زعلانة كيف صاحبي اعمل فيني كدة
ووصلتو سلمتة عليهو وفعلا طلع ماهو وفهمني قال لي والله دة تلفون محمد هو امس كان معانا وقال ماببارك كيك لانك ماعزمتيوة قلتة بس أنا مابعرفوا لي درجة اعزمو قال لي هو قال وصي بكري اعزمك يوم تخرجينا وبكري قال ليهو كلمتها قلتة ليهو بكري كلمني بس قال الشباب ديل قالوا ليك التخريج ومافصلكم لي المهم اتناء مابتكلم هو جاء وجات اللحظة أنا خايفة منها اني اتكلم معاهو اصلوا عمري مااتكلمتة معاهو وخايفة تطلع مني حاجة تظهر ليهو اني معجبة بيهو المهم سلم وقال اسفة مااكون ازعجتك امس قلتة لا والله مافي ازعاج أنا الاسفة لانو ماعزمتك بيني اصلو رقمك ماعندي وبين نفسي قلتة ياريت تزعجني كل يوم وانا لاقية قال لي لو انت مهتمة تعزميني كان وصيتي أي واحد من الشباب كلمني قلتة كلام صاح واسفة لمرة التانية قال خلاص أنا عازمك أي حاجة في الكفتريا ممكن لو عندك زمن قلتة ايوة عندي وشوش العارض معانا لصقة شديدة وانا ماشة معاهو حاسة انو البنات كلها حاسداني المهم وصلنا وشربت عصير واول مرة اطوق طعم العصير سمح كدة ماجابو هو المهم ونحن قاعدين تجي البت بتاعت يوم التخريج ديك وانا النار ولعت فيني دي الجاب شنو سلمت ومشت طوالي قام قال دي اختي الاصغر مني اصلها بتقرا هنا ودة اول سمستر ليها
اه يداب كدة ارتحتة وضحكتة المهم المغرب جاء ولازم ارجع الداخلية لانو عندي امتحان بكرة قمتة قلتة ليهم أنا ماشة ياشباب قال لي مالسة بدري يعني بي خاطري مامجبورة الزفت الامتحانات هي السبب......

مرسل: **الجمعة 2009.5.22 5:50 pm**

بجد ميره قصه رهيييييييييبه مستنين البقيه

مرسل: **الأحد 2009.5.24 1:45 am**

والله يا ميره قصه حلوه شديد منتظرنك ما تغيبي اوكي
وتسلمي شديد

مرسل: **الأحد 2009.5.24 8:59 am**

Limia كتب: بجد ميره قصه رهيييييييييبه مستنين البقيه

حاضر من عيوني بس ياريت تعجبك في الاخر

مرسل: **الأحد 2009.5.24 9:01 am**

bet-handasa كتب:والله يا ميره قصه حلوه شديد منتظرنك ما تغيبي اوكي
وتسلمي شديد

ماحاغيب وانت كمان خليك معاي للاخر عشان
تدني رايك ok وتسلمي ياهندسة

مرسل: **الأحد 2009.5.24 9:36 am**

قصه رائعه ومتابع لها
استمرى اختى ميره
دمتى كما تحبي اخيك
عذب المشاعر

مرسل: **الأحد 2009.5.24 10:07 am**

عذب المشاعر كتب:قصه رائعه ومتابع لها
استمرى اختى ميره
دمتى كما تحبي اخيك
عذب المشاعر

وانت اروع ودمتة في خير وعافية
وشكرا لي مرورك الجميل

مرسل: **الأحد 2009.5.24 6:44 pm**

ميرة كتب:ماحاغيب وانت كمان خليك معاي للاخر عشان
تدني رايك ok وتسلمي ياهندسة

اكيد معاك ياعسل وفي انتظار ابداعاتك

مرسل: **الاثنين 2009.5.25 10:57 pm**

ميره ياعسل شحتفتى روحنا منتظرين
بقية القصه

مرسل: **الخميس 2009.5.28 12:28 pm**

قصة رووووووووووووووووعة اهاا يلا حتتميهاا متيين؟؟؟؟؟؟؟؟؟؟؟؟؟؟

واااصلي نحناا مستنييييين.

مرسل: **الثلاثاء 2009.6.2 4:59 pm**

[grade="00008B FF6347 008000 4B0082"]لكن هي ماااااااااااا قصة ,,,

النبي فيك " تكملي "

تخريمة :
أنا القصة دي زي سمعتها ,,,
اممممممم بس يا ربي وين وين وين [/grade]

مرسل: **الاثنين 2009.6.15 1:56 am**

ياميره طولته طول شديد خالص كل يوماقول بكره تتمها لكن انت طولتي
شنو الحاصل

مرسل: **الاثنين 2009.6.15 10:30 am**

اسفة للتاخير ودي نهاية القصة
ورجعته الداخلية مبسوطة شديد وبديت اقرا بي نفس فاتحة مع انو الكورس كرية وصعب اسرح شوية واقرا شوية المهم الصباح مشيت الامتحان وكان عندي تقرير مفترض اسلمو في الكلية وانا ماشة اشوف ليك محمد من بعيد والرجفة مسكني يارب امشي عليهو اسلم لا يابت هوووووي بطلي خفة وامشي في طريقك وانا بتكلم مع نفسي القي ليك قدامي اتخلعتة لكن قلتة يابت ماتحسسيهو انك مخلوعة اثبتي
سلام امتحنتي كيف قلته ليهو كويس وانا ملخبة شديد قال أنا ماعندي حاجة في الجامعة خلصتة امس امتحانات لكن قلتة اجي اشوفكم امتحنتو كيف قلته شكرا مابتقصر وامتحنتة كويس قال لي شكلك مشغولة ماشة وين وريتو قلتة ليهو ماشة اقدم التقرير وعندي شغل في البحث بتاعي ماشة المكتبة قال كويس أنا مااشغلك لما تخلصي اديني تلفون قلتة ليهو كويس ومع السلامة ومشيت ولما خلصت مااتصلتة اصلي كنت مشغولة بالبحث شديد عاوزة اخلص سرعة عشان ارجع بيتنا ...... من الوقت داك أنا مااتصلتة وهو مااتصل
المهم بعد 3 شهور مشيت اطلع شهادتي وصلتة الجامعة قلتة امشي الكلية اشوف الحاصل واطلع طوالي لانو تقريبا مابعرف ناس دفعتي كلهم اتخرجوا وصلتة الكلية وقالوا النيجة اتجازت لكن مابتقدري تطلعي شهادتك لانو في قرار بتاع الزامية 10 شهور طلع بع الاجازة حقت النيجة المهم قلته خير مابعمل الزامية وماعاوزة شهادة يلا
دة كلام فارغ الزامية شنو كمان وطلعتة راجعة علي البيت وانا طالعة وزهجانة لاقني منو لاقني محمد ماصدقتة قلتة معقولة من دون الناس ديل كلهم هو الاقني وجاء الجامعة عندو شنو ياربي والله صدفة عجيبة ونسيت الالزامية والشهادة واي شئ ومشيت سلمتة عليهو محمد ازيك قام سلم علي بي خلعة قال لي معقول انت وينك اختفيتي وتاني من اليوم داك ماسالتي اخبارك شنو وعملتي شنو احكي لي قلتة ليهو كويسة جيت اطلع الشهادة وقالوا الزامية وماالزامية وخليت الموضوع من اساسو قال لي هسه حاتعملي شنو قلتة ليهو والله لسه مافكرتة في شئ معين انت اخبارك قال لي أنا جيت اطلع شهادتي برضو اصلي أنا ماعندي الزامية حاتستغربي اكيد لشنو ماعندك قال أنا ولد واحد وابوي متوفي وعندي تاجيل اسري لانو بتكفل بي امي واخواتي قلتة كويس يعني هسة طلعتة شهاداتك قال لي لسة عندي باقي شوية حاجات كدة بعمل وبخلص قلتة خير قال لي والله دي فرصة سعيدة الجمعتني بيك قلته ليهو وانا الاسعد قال مالك ماسالتني تاني وا اتصلتي ولا أي حاجة قال لي حاتقول لي انك انت مالك ماتصلتة صاح أنا مفترض اتصل لكن اخر مرة أنا جيت الجامعة مخصوص عشانك وانت اديني احساس بي عدم الاهتمام حتي قلتة ليك اتصلي ومااتصلتي بي قلتة يمكن ماعاوزة تعرفني واختصرتة نفسي قعدتة اعتذر اسف والله بس ظرفي قال عموما خير وبينا اتصال وماتنقطعي قلتة ليهو انشاء الله يلا مع السلامة لانو طالعة البيت قال استني أنا قربت اخلص ونطلع مع بعض قلتة ليهو آسفة اصلي مستعجلة شوية قال لي خير مع السلامة
أنا طبعا ولا مستعجلعة ولا حاجة لكن حسيت انو إذا قعدتة معاهو اكتر ممكن اعرف اني معجبة بيهو ويمكن إذا قعدتة معاهو فترة اطول اطلع مازي الصورة أنا رسمتها ليهو في خيالي واعجابي اروح مني ولا اطلع احسن من الصورة وفي الحالة دي الاعجاب ممكن ابقي حب وانا مابحب الاحتمالات عشان كدة خليني بعيدة احسن مع انو كنت بتمني اقعد معاهو اطول فترة ممكن وتكون بينا تلفونات واعرفو اكتر لكن هربتة من الفكرة دي وكل ماتجيني فكرة اني امسك التلفون اتصل بغير راي المهم هو تاني مااتصل و أنا مالاقتو من اخر مرة في الجامعة لحدي الليلة وانا غيرتة رقم تلفوني القديم لكن لسه محتفظة برقمو ومرات اقول اتصل بيهو تاني ارجع اقول يمكن مااتذكرني ويمكن وتجيني افكار كتيرة واخلي الاتصال ومرة أنا قاعدة براي كدة اتذكرتو وقمتة اتصل من تلفوني الجديد الهو مابعرفوا وقام ردة الو منو ياسلام نفس الصوت الدافئ الجميلة قربتة اقول ليهو أنا فلانة تاني مابعرف خلاني اقول ليهو لوسمحتة دة تلفون حمادة وحمادة دة اخوي الصغير قال لا أنا مامحمد أنا محمد مصطفي وقلته شكرا واسفة للازعاج وقفلتة الكلام دة قبل 6شهور بالضبط من الليلة وقلتة الحمد لله الماعرف صوتي معناها مامذكرني ومسحت رقمو من التلفون عشان مااجيني هاجس انو اتصل بيهو تاني واعتبرتو شئ جميل مرة في حياتي واخد وقو وانتهي مع انو نفسي اعرف اخبارو والحاصل عليهو لكن يلا دي سنة الحياة تجمع وتفرق ويمكن يجي يوم الاقيهو ويمكن لا عموما البعض نحبهم ..لكن بيننا وبين أنفسنا فقط فنصمت.. رغم ألم الصمت فلا نجاهر بحبهم .. حتى لهم .. لأن العوائق كثيرة والعواقب مخيفة .. ومن الأفضل لنا ولهم أن تبقى الأبواب بيننا وبينهم مغلقة ..

مرسل: **الثلاثاء 2009.6.16 2:24 pm**

والله ياميره انت بت مبالغه
ربنا يحفظك ويخليك لي اهلك
ومشكوره على القصه الاكتر من رائعه بس انا كنت دايراها تنتهي بي حركه تانيه
بس ما مشكله الجايات اكتر

مرسل: **الثلاثاء 2009.6.16 3:40 pm**

والله قصه ابداع تابعتها بكل شغف بس ليه كده ياميره كان تدي نفسك فرصه تعرفيهو وتقربو من بعض انتي لي اخترتي البعد الاسباب القلتيها مااقنعتني والله الخوف بيسلبنا اشياء كتيره في الحياه عموما عندي احساس انو الصدفه حتجمعكم تاني خصوصا انو عندكم اصدقاء مشتركين انتي انسانه لذيذه ومرهفه وقصتك حلوه ومنتظرين كتابات تانيه منك تقبلي مروري مع بالغ ودي بت صيدله

مرسل: **الأربعاء 2009.6.17 1:01 pm**

bet-handasa كتب:والله ياميره انت بت مبالغه
ربنا يحفظك ويخليك لي اهلك
ومشكوره على القصه الاكتر من رائعه بس انا كنت دايراها تنتهي بي حركه تانيه
بس ما مشكله الجايات اكتر

تسلمي ياهندسة يارائع ياذوق
لكن مااظن ممكن كان اكون في حاجة تانية
دة افضل شئ يمكن احصل
عموما شكرا ليك يارائعة

مرسل: **الأربعاء 2009.6.17 1:08 pm**

بت صيدله كتب:والله قصه ابداع تابعتها بكل شغف بس ليه كده ياميره كان تدي نفسك فرصه تعرفيهو وتقربو من بعض انتي لي اخترتي البعد الاسباب القلتيها مااقنعتني والله الخوف بيسلبنا اشياء كتيره في الحياه عموما عندي احساس انو الصدفه حتجمعكم تاني خصوصا انو عندكم اصدقاء مشتركين انتي انسانه لذيذه ومرهفه وقصتك حلوه ومنتظرين كتابات تانيه منك تقبلي مروري مع بالغ ودي بت صيدله

والله يسمع منك ربنا والاقيهو تاني
بس انا خوفي يمكن اكون سبب في بعدي
لكن انا شايفاهو كان افضل لي
عموما انا بتمني ليهو الخير وين مااكون
وتسلمي يابت صيدلة يازوق
علي الكلام الجميل والانتي اجمل منو
وشكرا علي المرور الرائع يارائعة

منتدى أنا سوداني

حب الناس

حب الناس

رد: حب الناس

رد: حب الناس

رد: حب الناس

رد: حب الناس

رد: حب الناس

رد: حب الناس

رد: حب الناس

رد: حب الناس

رد: حب الناس

رد: حب الناس

رد: حب الناس

رد: حب الناس

رد: حب الناس

رد: حب الناس

رد: حب الناس

رد: حب الناس

رد: حب الناس

رد: حب الناس

رد: حب الناس