منتدى أنا سوداني

كلنا بنحب بلدنا بس بصراحة ما عايزة ارجع للسودان
وشكرا

أولاً أرد على رد (ليه) من وجهة نظري أنا وليس من وجهة نظر غيري بحكم تخصصي:
أولاً من حديثك أنت لا تحبي السودان ولا السودانيين.
ثانياً: لا أظن أنت تعرفي الحب أصلاً حتى تتلفظين به.
ثالثاً: أخشى أن يكون انطباعك هذا وحبك للسودان الذي تقولين لا تريدي أن تعودي إليه أن يأتي يوماً وتقولي لا أريد أن أعود إلى بيت أبي وأمي.
وهذا ليس ببعيد عنك لأن حب السودان جزء لا يتجزأ من حب الأهل والأصدقاء

هانا مونتانا2008 كتب:كلنا بنحب بلدنا بس بصراحة ما عايزة ارجع للسودان
وشكرا

انتي ما عندك مكان تاني غير بلدك يعني حتى لو السعودية فتحت ليك بابا اليوم ما بتفتحوا بكرا لانو اهلها اولى
صح؟

اما انا عن نفسي بحب السودان وبتمنى ارجع الليلة قبل بكرة
لاني مهما لفيت ودورت ما بلقى احن ومن بلدي وعايزة ارجع لي بلدي وافيدو احسن من ما افيد بلد انا عارفة انو بيجي يوم حتتخلى فيهو عني وانا كل يوم بشوف فيها كل انواع التفرقة بيني انا السودانية وبين اهل لبلد
وبحبك يا بلدي

حق تقولوا الكلام دا
بس انا حسيت اني مرتاحة اكتر في الرياض
ويمكن حاسة بالاحساس دا عشان انا اصلا امي سورية وابوي سوداني عشان كدا انا نادرا ما امشي للسودان
وشكرا على نصائحكم وبحاول اتعود على السودان اكتر في الاجازة الجاية
ومافي واحد بيكره بلدوا لو شو ما كان

قلت أرحل كتب:أولاً أرد على رد (ليه) من وجهة نظري أنا وليس من وجهة نظر غيري بحكم تخصصي:
أولاً من حديثك أنت لا تحبي السودان ولا السودانيين.
ثانياً: لا أظن أنت تعرفي الحب أصلاً حتى تتلفظين به.
ثالثاً: أخشى أن يكون انطباعك هذا وحبك للسودان الذي تقولين لا تريدي أن تعودي إليه أن يأتي يوماً وتقولي لا أريد أن أعود إلى بيت أبي وأمي.
وهذا ليس ببعيد عنك لأن حب السودان جزء لا يتجزأ من حب الأهل والأصدقاء

معليش بس ما اظن انك بتعرفني معرفة شخصية عشان تقول عني الكلام دة
وانا اتمنىانو اليوم قبل بكرة ارجع السودان.

والله كلنا بنحب بلادنااااااااااااااااا السودان ومافي زول ما بحب بلدوو بس نحن السوداني ما راضين
بالواقع لانووووووو المغتربين شافوا في الغربه حضارات والتكنولوجيا او المعمار وووو الخ لكن
كل مغترب عايش في بيئه مش تابعه له والمغتربين مواجهون او مهددون بالاحوالهم السيئه للغايه لكن
انا ما قول انو السودان الان باحسان حال ويرجع ذلك الي الحروب الموجود فيها لو لاها لكنا احسن دوله
في العالم وومكن اعطيكي مثال ( سلة غذاء العالم تقرير من الامم المتحده والبترول الموجود فيها والثروه
الحيوانية والمائه واكبر ثاني اكبر قطر في الوطن العربي كفاية دي ومن الخيال انوووو بنقع وسط
الكورة الارضية وافتحي الاطلس وشوفي كلامي دا

شكرا لكلامك الجميل دة

ادونا معاكم نحن فرصة
ااقوليكم نحن منو
انا واحد من الااااااااااااااااااااااااف الشباب المنتظرين اليوم قبل بكرة عشان يطلعو بره السودان
ايوه انتو عشان بعاد عن البلد عاجباكم والله لوكنتو معانا ونحن بنعاني من حاجات كتيرة ماكان قلتو كدا
تعالو وعيشو ليكم سنة واحدة فى الصيف او فى الخريف كلوا وااااااااااحد
بس انتو تعالو وحتشوفو بنفسكم لانو نحن شفنا وكففففففففففففففففففففففففاااااااااااااية خلاص فاض بينا
ماتسالوني السبب شنو ؟؟؟؟؟؟؟؟؟؟؟
الاسباب كتتتتتتتتتتتتتتتتيييييييييييييييييييييييييييييرة ؟؟؟؟؟؟؟؟؟؟؟ بس تعالو جربو بنفسكم
(معذب جوه بلدو وساكت )

بنت الناس ماتنداس كتب:ما عارفه من حقي ارد ولا
لاني ولله الحمد مقيمه في احضان سوداننا الحبيب
لكن اعتقد انو المغتربين بحبو بلدهم اكتر لانو
بشوفو حب الوطن عند اهل البلد الهم فيها
خاصة مغتربي الامارات
وعلي كل حال انا ما اعتقد انو في زول ايا كان ما بحب بلدو
والسودان حبيب وغالي
يعني حتي لو كان دوله فقيرة في نظري
احلي من باريس ومن اي دوله
الشمس في السودان عندي احلي من ثلج الاسكيمو
والتراب في السودان عندي احلي من الرخام
ذرة تراب من السودان تسوي الدنيا وما فيها

والله انا كتير بقول اني ما بقدر اعيش برا السودان شهر
كامل بمووووووووووووووت
السمكه لو طلعوها من البحر شهر بتعيش

وبفتخر وبعتز باني سودانيه
ولو خيروني لو ما كنت سودانيه حاكون شنو
فكرت في السوؤال ده كتير \
وما لقيت غير السودان
بلد العزة والكرامه والطيبه وعزة النفس

يااااااااااااااااااااااااااااااااا الله علي السودان والسودانيين
يااااااااااااااااااااااااااااااا الله علي السودان\
ياااااااااااااااااااااااااااااااااااااااااااااااااااااااااااااا الله يا هواء السودان وتراب السودان ولهجة السودان
وصباح السودان واهل السودان

وبنحبك يا سودان بنحبك بنحبك


ووصيتي ليكم مثلو السودان احسن تمثيل


بالاخلاق والطيبه والروح الوطنيه وروح الانتماء للوطن


الناس بدو يلاحو انو السودانيين ما بحبو بلدهم
وانا عن نفسي في المنتديات ما بقصر مع السوان
معظم المنتديات الما سودانيه بتعمد اكتب السودان

واتراجع عن بعض الردود عشان ما اسئ للبلد

واسجل في شات القنوات وفي المنتيات
باسم يدل علي عشقي لتراب الوطن


وبنحببببببببببببببببببببببببببببببببببببببببببببببببببببببببك يا سودان

نفس الاحساس بنحبك ياســـــــــــودان بنعشقك ياســــودان