صفحة 1 من 11
حلمنتيشيات ود الزوحي
مرسل: الاثنين 2009.4.20 10:28 pm
بواسطة ود الزوحي
هي مساحة للمرح ..
قد نجد أنفسنا بحاجة إلى ما يملأ حياتنا بالضحك واللهو .. فهي سنة الحياة .. التي غالبا ما تكون مليئة بالأحزان .. فنلجأ للبحث عن الشي القليل الذي ينسينا تلك الآحزان ..
أبحرت هنا وهناك .. فلم أجد ما أحمله إليكم من بين طيات السنين ..
فاخترت لكم الشي الذي أجد فيه نفسي .. قصائد سطرتها من أجلكم .. وانتظر رأيكم .. فرأيكم يهمني .. وأنتم تهمونني ..
فكلي أمل أن أرسم البسمة على شفاهكم .. وأن تذكروني بكل خير .. ولتكن ايضا لكم .. مرفأ تتكأون على شطآنه وتسمرو عليه ..
إذا فهي دعوة للمشاركة .. لكل من يجد في نفسه القدرة على إسعاد الآخرين ..
أخوكم ود الزوحـــــــــي ..
...........................................................
قالت لي نكون اصحاب
وفي رف ناس هناي الفات
تقول هي خلاص ملازمة البال
والا عيونا فيها شي وبنقال
نكون اصحاب؟ في رف ناس هناي الفات ؟
وحاتك انا ما البودوني الرف
ولا الزول البعرف اللف
ولو عاشق حلاة عينيك
كان والله عرفتي البي
وقلتها ليك تااااااااااااااخ كفكف
لكن والله بكون احسن
تكون العرفة صحبة وبس
وفي جواك تسوي الصاااااااااح
تعرفي الرف ؟
ومنو الكان مكانه الرف؟
هو ساااااااااااي قاليك برك في الرف
تقول قلبي خلاص مفارق الصف
وحاتك يا بقايا الرف
زيك عندي فوق الألف
عبير ومنال أريج وضفاف
ده غير اتنين بيقرو الكف
بقولن أخير صفصف
وتقولي لي تعال الرف
بخاف والله تفوتي الصف
وتبقي السالفة قصة رف
واريتك بس تعرفي الصح
تصفي الحس وتنسي الرف
عشان قلبك يقيف في الصف
وتلقي الناس خليج اوشط
بلا مجدف حتلقي القيف
وناس مليانة دايرة الصف
واخيرا ليك ألف سلام
من زولا بعرف الصح
ولا زولا مكانه الرف
ولا اصلا بكون في الرف
رد: حلمنتيشيات ود الزوحي
مرسل: الاثنين 2009.4.20 10:52 pm
بواسطة سحر محمد
كفتيرتك في السوق مرمية
وكبايتك يابسة ومجدوعة
يا بت الخلطة النوبية
يا حلوة ورائعة ومربوعة
كانونك كان عامر بالناس
صناع عمال ومساعديه
حارسنك طول اليوم
تجار وسماسرة عطلجية
كم استحملتي رزالة الناس
عشان امونة وزكريا
فتشنا عليك في كل السوق
ورتنا صديقتك قمرية
حزنانة بتبكي بدمعا حار
والعدة هناك في البلدية
كشوك يا حواء من الأسواق
واصبحت ايدك ملوية
انتى الجيتي تشدي الشاي
بتفتشي في لقمة هنية
بتخافي كتير من كشف الحال
أبيتي الطرق الملوية
أحلامك على قدر لحافك
ما عائزة عمارة وعربية
عاجبك بيتك في الإنقاذ
أو حاج يوسف ردمية
كشوك يا حواء من الأسواق
والدمعة في خدك متكية
وهسة خلاص خليتي الشاي
بتبيعي مريسة وبقنية
اخي الرائع ود الزوحي مشكووور بوست راقي وجميل
سلمت يداك اخي
تقبل مروري
خالص تحياتي
رد: حلمنتيشيات ود الزوحي
مرسل: الثلاثاء 2009.4.21 7:22 am
بواسطة ود الزوحي
تسلمي ياسحر ع المرور الرائع والجميل
تحياااااااااااااتي
رد: حلمنتيشيات ود الزوحي
مرسل: الثلاثاء 2009.4.21 7:56 am
بواسطة كيوبيد
والله انا عبير واريج
اتخيل لى عرفتهم
الباقيات ديل منو
حلوة القصيدة
لكن ما وريتنا العدد
الحقيقي للبنات
الفى رفك
شكرا ود الزوحى للقصيدة
رد: حلمنتيشيات ود الزوحي
مرسل: الثلاثاء 2009.4.21 9:47 am
بواسطة ثمار دمي
سلمت يداك ومشكور علي الشعر الحلمنتيشي الجميل
ودمت بخير
تقبل مروري ،،
رد: حلمنتيشيات ود الزوحي
مرسل: الثلاثاء 2009.4.21 10:01 am
بواسطة ود الزوحي
المزرور كتب:والله انا عبير واريج
اتخيل لى عرفتهم
الباقيات ديل منو
حلوة القصيدة
لكن ما وريتنا العدد
الحقيقي للبنات
الفى رفك
شكرا ود الزوحى للقصيدة
والله البركة في الرف اللمانا بيك يالمزرور
وين انت ياملك
تسلم ع الطلة وكان على ناس الرف ماكتير عليك حوريك ليهم
تحياااااااااااااتي
رد: حلمنتيشيات ود الزوحي
مرسل: الثلاثاء 2009.4.21 12:10 pm
بواسطة ود الزوحي
ثمار دمي كتب:سلمت يداك ومشكور علي الشعر الحلمنتيشي الجميل
ودمت بخير
تقبل مروري ،،
تسلم ياغالي
رد: حلمنتيشيات ود الزوحي
مرسل: الثلاثاء 2009.4.21 7:01 pm
بواسطة ابو ايووودي
وين ياااااااااااااااااااااا
بصراحه عجبتني يا ود الزوحي ..... ارتحت نفسيا انشاء الله دائما في التقدم
بس في سؤال محيرني ؟
انت شاعر والا فنان والا مهندس كمبيوتر والا لاعب كوره
رد: حلمنتيشيات ود الزوحي
مرسل: الثلاثاء 2009.4.21 8:06 pm
بواسطة ود الزوحي
كلك زوق يابو حميد
رد: حلمنتيشيات ود الزوحي
مرسل: الأربعاء 2009.4.22 7:18 am
بواسطة ود الزوحي
مباااااااااااالغة يا سحر
رائعة بالجد
يلا يالمزرور شد حيلك شوية
اتلحلح
رد: حلمنتيشيات ود الزوحي
مرسل: الأربعاء 2009.4.22 12:15 pm
بواسطة فارماس
ود الزوحي وسحر محمد
خطيرين عديل كدا دا
وامسكوا دي
كان سمحة إنشاء الله السماحة تطير
من القصر تتشابي للزير
الرقبة رقبة بعير
الكر عين مشي الحمير
الفصاحة العليك
والرمد الفي عينيك
والشوك المفتحة بيهو قدود اضنيك
والشعر الرابطاهو بسيور نعليك
الحسادة ليك شيمة
وسط البنات ما ليك قيمة
ومشكلتك انك دايماً شاعرة بالهزيمة
وفي دواخلك عارفة الحقيقة الاليمة
يالفي طبعك زي البهيمة
وصفو ليك الكريم علاج
اتجلبطي اتمسختي
بقيتي ذي ناس دينق ومكواج
اتثقفتي بقيتي تقولي للغبار عجاج
يومي الما بشوفك بكون قاعد
بي مزأأأأأأأأأأأأأأأأأأأأأأأأأأأأأأاج
رد: حلمنتيشيات ود الزوحي
مرسل: الأربعاء 2009.4.22 1:14 pm
بواسطة ود الزوحي
والله صعب يافارماس
رد: حلمنتيشيات ود الزوحي
مرسل: الأربعاء 2009.4.22 2:15 pm
بواسطة دموع الورد
صراحه الحلمنتيش بتاعك ابدااااااااااااااااااااااااااع
يسلمووووووووووا وما تحرمنا من جـــــــــــــــــديدك
رد: حلمنتيشيات ود الزوحي
مرسل: الأربعاء 2009.4.22 5:30 pm
بواسطة ود الزوحي
حبايبنا تسلمو كلكم
انا جيتكم تااااااااااني
لكن شايل معاي قزازة بيبسي
........................
انا قلبي قايم دوام رياد
ومن يومو كايس الجكسي
هو في احلى من الجكسي ؟
في يوم كلمني منقستو
قالي في شمار في الحلة فاتنو
قالوا الجكسي متلمي
وين ؟ في حديقة البيبسي
يلا الشكة و الاي فون
كيف ما القصة جابت جكسي
وركبت ليك التكسي
وديك يا حديقة البيبسي
وفي نص الحديقة .. لمحت لي زي كرسي
وجنبو كان في كمان حلاة جكسي
عملت نفسي لناس كضب مستني
وانا قلبي بس وحاتكم كان مباري الجكسي
لكن الوضع ماجاب جكسي
قمت اتشالقت باستبسال
وسألت ليك أحلى زول في الجكسي
هيييييييييي
لو سمحتي ؟
الساعة في إيدك عاملة كم يا ستي ؟
قالت لي اووووووووه
اباوت فايف اند ثيرتي
وفجأة لمحت ليك في التكسي
وحدة جاية
وماسكة كيس شيبسي
يقوم شخصي يتشالق
قال عايز يشيل الكرسي
عشان خاطر عيون البت أم شيبسي
إلا الكرسي قام خاني
وطلع من طبعه مااااااااااااا بتحرك
مربوط شديييييييييد
وبمسمار صلب جنب كراع الجكس
وكااااااااك يالجكس فكو الضحكة
تاني .. تاني وين يالبيبسي
وحاتك إلا في دكان ود عجبنا السني
شفتو حال البباري الجكسي
وحاتكم مالقيت غير قزازة بيبسي
رد: حلمنتيشيات ود الزوحي
مرسل: الأربعاء 2009.4.22 5:34 pm
بواسطة ود الزوحي
دموع الورد كتب:صراحه الحلمنتيش بتاعك ابدااااااااااااااااااااااااااع
يسلمووووووووووا وما تحرمنا من جـــــــــــــــــديدك
الرائع مرورك
تسلمي
رد: حلمنتيشيات ود الزوحي
مرسل: الخميس 2009.4.23 2:06 pm
بواسطة سحر محمد
ود الزوحي - فارماس رائعين بجد سلمت يداكم
ود الزوحي المزرور 
هو هرب ولا شنو 
هاكم
عبدو
في الليلة ديك
القصة ذاتها بقت عليك
يا عبدو وأدوك الشريط
يوم قولنا ليك أنضم معاها وكلّمها
لكن أبيت تسمع كلامنا
قلت لا احسن اكون تقيل
انا ما جميل
وبقيت لميض
انا باكر بكهربا ليك بنظرة كتيل
وبقيت تقيل
لامن سقوك موية الغسيل
يوم جيت تنطط زي زمان
وتباري بقعور الشجر
كايس كراسي الخيزران
وقعدتَ يا زينة الرجال
كهربجي قال
ورفعوا الستار
والبت تجي وتمشي و تلف
ومرات تقيف
ومعاها كان زولاً حريف
والوقفة كان وقفة ولف
وصاحبنا بالاحساس عرف
وسألتَ والناس كلّموك
ملعون أبوك
دنيا أم قدد
بقت البقت
ووقعتَ في شارع الزلط
تبكي وتجعّر والعيون اتورّمت
يد القميص ضهر القميص كُم القميص
حتى الفنيلة اتشرّطت
يا عبدو عيب
قوم يلا صلي على الحبيب
الواطه صبحت دار ننوم
يا أخوانّا لأ أنا عايزأموت
أقع البحر
يا عبدو عيب الدنيا حر ..
والموية بتسخّن عليك
ثلاثة ساعات في الطريق
وزولنا قاعد يسب ويكيل
ودموعو سايلات بالكفوف
وشرايطو تلمع في الكتوف
بقى فيلسوف
شي كلام عن الدنيا أم قدود
وعلاقة بين يوم السبت وعين الحسود
ومقارنات بين الجمال والجهل وسوء الإختيار
قال شينة قال
قال شينة قلنا كلام صحيح
و خطيبها ذاتو ولد قبيح
بس ياخي قوم الواطة ليل..
دايرين ننوم
قام تاني جاب سيرة البحر
وقام تااااااااااااااااااني جاب سيرة البحر
يديكم الف عافيه
رد: حلمنتيشيات ود الزوحي
مرسل: الجمعة 2009.4.24 11:28 pm
بواسطة ود الزوحي
[quote="سحر محمد"]
ود الزوحي - فارماس رائعين بجد سلمت يداكم
ود الزوحي المزرور هو هرب ولا شنو
المزرور يا سحر هو زاتو بتاع البيبسي
تسلمي مع خالص تحياتي
رد: حلمنتيشيات ود الزوحي
مرسل: الجمعة 2009.4.24 11:56 pm
بواسطة كيوبيد
ود الزوحي كتب:والله البركة في الرف اللمانا بيك يالمزرور
وين انت ياملك
تسلم ع الطلة وكان على ناس الرف ماكتير عليك حوريك ليهم
تحياااااااااااااتي
اسمع مالك قافل كل سبل الاتصال بيك
نكورك ليكم ماتجو نجيكم تقفلو الباب مننا
رد: حلمنتيشيات ود الزوحي
مرسل: السبت 2009.4.25 12:05 am
بواسطة كيوبيد
سحر محمد كتب:ود الزوحي - فارماس رائعين بجد سلمت يداكم
ود الزوحي المزرور هو هرب ولا شنو
لا يا سحورة والله بس كنت مسافر لكن بوعدك اجيكم قريبومعاى الكتير
