منتدى أنا سوداني

مرسل: **الأربعاء 2009.4.1 3:37 am**

[align=center]السلام عليكم ورحمة الله وبركاته

مارأيك في تشابك الايادي بين الزوج والزوجة بالاماكن العامة......؟
البعض وخاصة الرجال يحس ان هذي الحركه غير لائقه او ماتنفع في مجتمعاتنا
او تنقص من رجولته او.....او.......الخ
(وخاصة نحن السودانيين تلقى الراجل جاري قدام تقول خايف من حاجة والمرة مسكينة تحاول تلحقه ما لاقية طريقة)
والبعض يحس ان حركه جدا عاديه ومافيها اي شي حتى لو في مكان عام وهي
بالنهايه زوجته و .....و......الخ
فاي نوع انت/ي منهم ....
( هل انتي مؤيــــــــــــــــد/ة .ولماذا ..........؟
( او معــــــــــــــــــــارض/ة .ولماذا .............؟
انا برايي الشخصي ان تلك حركة من الحركات البسيطة التي تدل على الرومانسية المطلقة( اذا كانت عفوية) فالرجل غالبا لا ينتبه الى صغائر الامور بينما ترى المراة في ذلك احساسا مرهفا من قبل زوجها وانا من وجهة نظري لا ارى في ذلك عيبا او مخالفة للادب لانها مجرد مسكة يد ليس اكثر بل يكون الرجل في هذه المسكه اكثر ثقتا بنفسه (ولماذا لا يخجل الرجل منا ان امسك بحبيبته قبل الزواج وتباهى بها امام الملا بينما يخجل من حلاله وزوجته وشريكة حياته)وجهة نظري
والان بانتظار الاراء اتحفونا ....................................

[I][align=center]دمتم بخير..[/align][/I][/align][/font][/size][/color]

مرسل: **الأربعاء 2009.4.1 12:59 pm**

مازلنا في إنتظار أرائكم,,

دمتم بخير..

مرسل: **الأربعاء 2009.4.1 1:21 pm**

حمادهـ ..

اللفتهـ فعلاً جميلهـ ورائعهـ....وبتدي احساس اكتربالامان بين الطرفين،،،

المشكلة. انها ما بتخص الزوجين فقط.. المشكلة اي بت بكون ماشي معاها بكون ماسك يدها

مرسل: **الأربعاء 2009.4.1 2:05 pm**

اعتقد بين الازواج ممكن يكون صح..
بس ولد وبنت حتى لو كانو مخطوبين ما حاجه حلوة يمسكو بعضيهم ف اماكن عامه اجده مخالف لتقاليدنا ودينا..
ودا رأي..

مرسل: **الأربعاء 2009.4.1 2:20 pm**

مشكور حمادة علي الموضوع والله انا من رائي لو كانوا مخطوبين مافيها حاجة بالعكس رومانسية واحساس بالدف والحنان ولكن بعد الزواج احتمال تكون الرومانسية قلت شوية عشان كدة تعتبر مسكة الايدين من صغائر الامور عكس في فترة الخطوبة لانو الخطيب بيكون ما طائل غير مسكت يدهافقط .مجرد رائي .:D

مرسل: **الأربعاء 2009.4.1 10:07 pm**

[align=center]الأخ / إبراهيم - لك التحية

أسعدني تعليقك وانا اوافقك الرأي ..

دمتم بخير..[/align][/color]

مرسل: **الأربعاء 2009.4.1 10:15 pm**

عجوز حلوة كتب:
اعتقد بين الازواج ممكن يكون صح..
بس ولد وبنت حتى لو كانو مخطوبين ما حاجه حلوة يمسكو بعضيهم ف اماكن عامه اجده مخالف لتقاليدنا ودينا..
ودا رأي..

الأخت / عجوز - لكي التحية ..

حتى لو كانو مخطوبين ؟؟؟؟؟
أشكرك على تعليقك ولكن لكل منا وجهة نظر تختلف عن باقي الاشخاص. وانا احترمها ..

دمتم بخير..

[/color[/font][/size][/size]]

مرسل: **الأربعاء 2009.4.1 10:25 pm**

نغم كتب:مشكور حمادة علي الموضوع والله انا من رائي لو كانوا مخطوبين مافيها حاجة بالعكس رومانسية واحساس بالدف والحنان ولكن بعد الزواج احتمال تكون الرومانسية قلت شوية عشان كدة تعتبر مسكة الايدين من صغائر الامور عكس في فترة الخطوبة لانو الخطيب بيكون ما طائل غير مسكت يدهافقط .مجرد رائي .:D

العزيزة / نغم -- تحياتي
أسعدني تعليقك
كلام في الصميم ولكن بعد الزواج حتقل الرومانسيه حيث ينشغل كل منهما باهتماماته
لكن السؤال ليه الزوج السوداني بالأخص ما بمسك يد زوجته في مكان عام،حديقة مثلا ويتمشووو ؟؟؟[align=center]دمتم بخير..[/align][/I]

مرسل: **الأربعاء 2009.4.1 11:04 pm**

الموضوع عادي بس تربيتنا ما عودتنا كده يعنى ما شوفنا اهلنا بعملوا كده
وياربي الرومانسيه في مسك اليد وبس ولا شنو عموما كل انسان وليه
نظرته وفي الوقت الحالي اصبحت حاجه عاديه

مرسل: **الأربعاء 2009.4.1 11:36 pm**

منتهى الحب والجمال بصراحه

مرسل: **الخميس 2009.4.2 1:27 pm**

[quote="ام صبا"]الموضوع عادي بس تربيتنا ما عودتنا كده يعنى ما شوفنا اهلنا بعملوا كده
وياربي الرومانسيه في مسك اليد وبس ولا شنو عموما كل انسان وليه
نظرته وفي الوقت الحالي اصبحت حاجه عاديه[/QUO

أم صبا - لكي التحية
اشكرك على المرور ، صح انو في طرق كثيرة للرومانسية بين الزوجين ممكن اكثرها تكون فيما بينهم
لكن مسكة يد الزوجه وفي مكان عام قد يشعرها بالامان.قد لاننتبه لهذه المسكه ونعتبرها لاتعني شيئا ولكنها
اقل ما يستطيع الرجل فعله في الاماكن العامة

][[size=5]

دمتم بخير..[/align/size]

مرسل: **الاثنين 2009.4.6 3:01 am**

والله يا حماده ماعارفه لكن نحنا السودانيييييين خاصه مافي كلام زي دا
اول كلمه يقولها سوداني سوا صاحبو او اي شخص بيعرفو يلاقوه في مكان اول شي بيقولوها عاين دا مرتو ما سكه بمعني ما عندو شخصيه بس لانو كدا الرجل السوداني ما بحب يظهر مشاعرو لمرتو بمجر ما يزوجوا خلاااااااااص ينسوا ابو الرومانسيييييه مشكله والله لكن دا موضوع حلو شديد تسللللم حماده وتقبل مروري

مرسل: **الاثنين 2009.4.6 7:52 am**

حركة سخيفه ومستفذه للشارع العام حتى ولو كانا متزوجين
اما ان كانا مخطوبين او حبايب
فهذا جرم اخر فهى تعتبر اجنبيه ويحرم عليه مسها

مرسل: **الاثنين 2009.4.6 4:34 pm**

[align=center]صراحه ما في داعي حتى لو متزوجين وحيلفتو انظار الناس لانو حركه غريبه ما من عاداتنا وشكرا على الموضوع جميل جدا

[/size][/font][/color][/align][/b]

مرسل: **الاثنين 2009.4.6 7:55 pm**

الموضوع بيمس شريحة كبيرة من الناس وبالذات المتزوجين
وأنا بقول المتزوجين لأن لولاقيت خطيب أختي ماسك يدها في الشارع ممكن أرتكب فيهو جريمة

اها نجي للشريحة الكبيرة دي حسب وجهة نظري الشخصية جداً :
اولاً أغلب الرجال والشرقيين خاصة عندهم شيء من عدم القدرة على التعبير عن مكنوناتهم
وبالذات لو كانوا قدام ناس أو في مجتمع ..سوق أو حديقة أو شارع عام أو ماشابهـ
والحتة دي تُحسب عليهم كخطأ أول أو بالتحديد حاجة ماسمحة
ياسادتي
أنا لو اخترت الزولة دي كزوجة و أم لأولادي وشريكة لحياتي وأيامي الباقية لي في الدنيا
وطبيعي انو إختياري ليها تم عن قناعة وما سارقها أو جابرها على الارتباط أو مجبور عليها
طيب العيب وين لما تتشابك أيادينا سواء في الشارع أو في المحطة أو السوق أو اي مكان ؟؟
و وين الاستفذاذ في الحتة دي ؟؟
و مين ذاتهم الناس الأنا بستفذهم بالحركة دي ؟؟
و دخلهم شنو امسك ايدها أو أفكها عكس الهواء ؟؟
وهم ذاتهم بعاينوا لينا ليهـ ؟؟ مش مفروض يكونوا في حالهم ؟؟
بعدين دي زوجتي يعني أقرب زول لنفسي وروحي وقلبي وأي حاجة ذاتو
أمسك إيدها أساعدها على المشي أساعدها تكون جمبي من الزحمة
أو حتى تتشابك ايادينا حباً .... حباً دي واقعة ليكم ؟؟؟
اذن حباً دي مربط الفرس لأنها بإعتبارها زوجتي وحبيبتي يعني نحن كل شيء بالنسبة لبعض
يعني بالواضح كدا ياناس يالماشين في الشارع خليكم في حالكم لأننا ماشغالين بيكم
ولأننا ماعاملين غلط ... يعني ماحاضنين بعض ولا قاعدين بطريقة خطأ
طيب الناس مالا ؟؟

أنا بفتكر الزول البخجل من الحتة دي بيكون عندو بقايا من عقدة ابواتنا وأجدادنا الزمان
ياناس الزمن اتغير والثوابت الغلط حقت زمان اتعدلت والعجلة دايرة
العايز يقيف في حتتو مافي زول بلومو لكن برضو مافي زول حينتظرو
و....... مافي زمن للمعاينة في الناس

حمادة
شكراً على الموضوع الجميل

يديك العافية

ولييييييييييييييييييييي قداااااااااااااااااااااام

و...................الباقي على الله

مرسل: **الاثنين 2009.4.6 8:36 pm**

ودالدرديري كتب:
الموضوع بيمس شريحة كبيرة من الناس وبالذات المتزوجين
وأنا بقول المتزوجين لأن لولاقيت خطيب أختي ماسك يدها في الشارع ممكن أرتكب فيهو جريمة

اها نجي للشريحة الكبيرة دي حسب وجهة نظري الشخصية جداً :
اولاً أغلب الرجال والشرقيين خاصة عندهم شيء من عدم القدرة على التعبير عن مكنوناتهم
وبالذات لو كانوا قدام ناس أو في مجتمع ..سوق أو حديقة أو شارع عام أو ماشابهـ
والحتة دي تُحسب عليهم كخطأ أول أو بالتحديد حاجة ماسمحة
ياسادتي
أنا لو اخترت الزولة دي كزوجة و أم لأولادي وشريكة لحياتي وأيامي الباقية لي في الدنيا
وطبيعي انو إختياري ليها تم عن قناعة وما سارقها أو جابرها على الارتباط أو مجبور عليها
طيب العيب وين لما تتشابك أيادينا سواء في الشارع أو في المحطة أو السوق أو اي مكان ؟؟
و وين الاستفذاذ في الحتة دي ؟؟
و مين ذاتهم الناس الأنا بستفذهم بالحركة دي ؟؟
و دخلهم شنو امسك ايدها أو أفكها عكس الهواء ؟؟
وهم ذاتهم بعاينوا لينا ليهـ ؟؟ مش مفروض يكونوا في حالهم ؟؟
بعدين دي زوجتي يعني أقرب زول لنفسي وروحي وقلبي وأي حاجة ذاتو
أمسك إيدها أساعدها على المشي أساعدها تكون جمبي من الزحمة
أو حتى تتشابك ايادينا حباً .... حباً دي واقعة ليكم ؟؟؟
اذن حباً دي مربط الفرس لأنها بإعتبارها زوجتي وحبيبتي يعني نحن كل شيء بالنسبة لبعض
يعني بالواضح كدا ياناس يالماشين في الشارع خليكم في حالكم لأننا ماشغالين بيكم
ولأننا ماعاملين غلط ... يعني ماحاضنين بعض ولا قاعدين بطريقة خطأ
طيب الناس مالا ؟؟

أنا بفتكر الزول البخجل من الحتة دي بيكون عندو بقايا من عقدة ابواتنا وأجدادنا الزمان
ياناس الزمن اتغير والثوابت الغلط حقت زمان اتعدلت والعجلة دايرة
العايز يقيف في حتتو مافي زول بلومو لكن برضو مافي زول حينتظرو

و....... مافي زمن للمعاينة في الناس

حمادة
شكراً على الموضوع الجميل

يديك العافية

ولييييييييييييييييييييي قداااااااااااااااااااااام

و...................الباقي على الله

ود الشيخ

تحيه واحترام

اعتقد كل المبررات التى سقتها فى جواز مسك
الايادى هى نفس المبررات التى توجب عدم مسك الايادى

فيا اخى طالما انها زوجتك وحلالك ومعك داخل المنزل
وبامكانك تعبر لها عن حبك وهيامك بالطريقه التى
تريحك

اما ان تمسك يدها امام الجميع
اولا
لا يمكن ان اغمض عينى وانا امر فى الشارع فلا بد
ان ارى رجل يمسك يد امراه

وهل المبرر تعبير عن للحب للزوجه ام للماره ؟؟؟
هنالك من تثيره هذه المسكه اقولها لك صراحه
بعض الشباب تعجبه هذه المسكه وهو غير متزوج
فتكون له بمثابة حبوب فتح الشهيه لشخص معدم لا يمكلك
ثمن الوجبه

ومن ثم اخى ود الشيخ حينما تكون هذه العاده
شئ عادى وليست غريب
ما هو الضمان ان كل من يمسك امراه هو زوجها ؟؟؟؟

اما عقدة ابواتنا
ليتنا نكون كذلك ليتنا لدينا الااف العقد
من بقايا ابواتنا

كم هى ساميه وشريفه هذه العقد
قارن بين عقد ابواتنا والعقد الجديده

ترى انك تمنيت الزمن يرجع وترجع الحشمه
والادب واحترام الذوق العام

زوجتك حلالك
هل تستطيع فعل اى شئ بها امام الماره لتعبر لها
عن حبك ؟؟؟

مرسل: **الثلاثاء 2009.4.7 10:47 am**

السوداني الاصيل احترامي يسبق كلامي

اعتراضك الفوق دا هو ذاتو الأنا بتكلم عنه

ياتو شاب بتثير شهوته مسكة إيد في الشارع بين راجل وزوجته ؟؟
دا يبقى شاب مريض نفسياً ومفروض يمشي يتعالج في أقرب فرصة

يا عزيزي مسكة الإيد الأنا بتكلم عنها هي مسكة زول ليد زول تاني أثناء المشي
يعني ماهي مسكة من حتة محرجة ولا لفة لليد حول الخصر ولا حاجة بالشكل دا
مسكة عادية جداً زي ماالاصحاب بتتشابك اياديهم وهم ماشين في الشارع ومافي زول شغال بيهم

وبعدين اذا رأيت رجل يمسك يد إمرأة زي ماقلت وإنت عيونك مفتحة زي الريال ابوعشرة
اها وبعد داك ... المشكلة شنو ؟؟؟
او بالتحديد مشكلتك انت معاهم شنو ؟؟؟

وبعدين الشاب المعدم الماعندو حق الوجبة لما الحركة دي تعجبو مش مفروض تبقى ليهو دافع ؟؟
يعني بدل يفكر في حاجة كعبة مش ممكن يفكر في مستقبل حلو وزوجة محبة يطمئن معاها ؟؟
وممكن تبقى ليهو حبوب فتح شهية لمستقبل واعد وأسرة سعيدة صح ؟؟
ولا أساساً تفكيرو مابيجي إلا في الحاجات الماحلوة ؟؟

نجي هنا لى حتة اساسية انت ذكرتها ....
ضمان انو الزولة دي زوجته .... مش دا كلامك ؟؟؟
الأصيل عايز منك خدمة صغيرونة
حاول أطلع مرة واحدة من دور الأمنجي الكنت بتمارسو في السودان
وعاين للموضوع بنظرة عادية مافيها شك بتاع بوليس
صدقني حتلقى الموضوع عادي شديد ومافيهو حاجة أبداً
نحن ياصديقي متأثرين بآراء ومعتقدات أكل عليها الدهر وشرب ... ونام كمان
وما أظن يصحى تاني
ولو راجين يصحى يبقى القطر فات والغناي مات

آخر حاجة انت قلت الكلام دا ....
زوجتك حلالك
هل تستطيع فعل اى شئ بها امام الماره لتعبر لها عن حبك ؟؟؟

طبعاً لأ وألف لأ وأظني رديت عليك مسبقاً في مشاركتي الأساسية
وقلت الآتي ...
ولأننا ماعاملين غلط ... يعني ماحاضنين بعض ولا قاعدين بطريقة خطأ
طيب الناس مالا ؟؟

وقع ليك ؟؟؟؟

يديك العافية

ولييييييييييييييييييييييي قدااااااااااااااااااااام

و...................الباقي على الله

مرسل: **الثلاثاء 2009.4.7 12:17 pm**

[align=center]اول شي بشكــركـ حمـآدهـ ع الموضوع الراائع ,,

ـآمـآ عن تمـآسك الزوج ومرتو فـدـآ شي عـآدي ومافي فيو شي

بالعـكس بعـكس حب متـبادل من الطرفين ,,

وزي ما قاال هيمهـ النااس اسي لمـن تمـسك ما بتكوون اي شي لا زوج ولا خطيب :D

اما ما دام احنا متزوجين فـدـآ شي ما غلط بوجهـ نظــري

[/align][/size]

مرسل: **الثلاثاء 2009.4.7 12:46 pm**

[quote="السودانى الاصيل"][align=center]حركة سخيفه ومستفذه للشارع العام حتى ولو كانا متزوجين
اما ان كانا مخطوبين او حبايب
فهذا جرم اخر فهى تعتبر اجنبيه ويحرم عليه مسها [/align][/quote]

ياسااااااااااااااااتـــر..

بتبقى وجهة نظرك.. واكيد بنحترمها [/color]

مرسل: **الثلاثاء 2009.4.7 12:52 pm**

[quote="ودالدرديري"]

ياتو شاب بتثير شهوته مسكة إيد في الشارع بين راجل وزوجته ؟؟
دا يبقى شاب مريض نفسياً ومفروض يمشي يتعالج في أقرب فرصة

او بالتحديد مشكلتك انت معاهم شنو ؟؟؟

وممكن تبقى ليهو حبوب فتح شهية لمستقبل واعد وأسرة سعيدة صح ؟؟
ولا أساساً تفكيرو مابيجي إلا في الحاجات الماحلوة ؟؟

صدقني حتلقى الموضوع عادي شديد ومافيهو حاجة أبداً
نحن ياصديقي متأثرين بآراء ومعتقدات أكل عليها الدهر وشرب ... ونام كمان
وما أظن يصحى تاني
ولو راجين يصحى يبقى القطر فات والغناي مات

[/quote]

أحيييك ع فهمكـ الجمييل صراحهـ ؟؟

الموضوع بيمس اشخاص مرتبطين مع بعض..

اما حتة إنها ما زوجته وغيره.. فدا موضوع تاني بيخص الثقة ومعرفتنا ببناتنا..

والأهم.. من تابع الناس.. مات هماً..

شكراً .. أستاذي ود الدرديري

منتدى أنا سوداني

ما رأيك في تشابك الأيدي بين الزوجين في الأماكن العامه ..

ما رأيك في تشابك الأيدي بين الزوجين في الأماكن العامه ..

رد: ما رأيك في تشابك الأيدي بين الزوجين في الأماكن العامه ..

رد: ما رأيك في تشابك الأيدي بين الزوجين في الأماكن العامه ..

رد: ما رأيك في تشابك الأيدي بين الزوجين في الأماكن العامه ..

رد: ما رأيك في تشابك الأيدي بين الزوجين في الأماكن العامه ..

رد: ما رأيك في تشابك الأيدي بين الزوجين في الأماكن العامه ..

رد: ما رأيك في تشابك الأيدي بين الزوجين في الأماكن العامه ..

رد: ما رأيك في تشابك الأيدي بين الزوجين في الأماكن العامه ..

رد: ما رأيك في تشابك الأيدي بين الزوجين في الأماكن العامه ..

رد: ما رأيك في تشابك الأيدي بين الزوجين في الأماكن العامه ..

رد: ما رأيك في تشابك الأيدي بين الزوجين في الأماكن العامه ..

رد: ما رأيك في تشابك الأيدي بين الزوجين في الأماكن العامه ..

رد: ما رأيك في تشابك الأيدي بين الزوجين في الأماكن العامه ..

رد: ما رأيك في تشابك الأيدي بين الزوجين في الأماكن العامه ..

رد: ما رأيك في تشابك الأيدي بين الزوجين في الأماكن العامه ..

رد: ما رأيك في تشابك الأيدي بين الزوجين في الأماكن العامه ..

رد: ما رأيك في تشابك الأيدي بين الزوجين في الأماكن العامه ..

رد: ما رأيك في تشابك الأيدي بين الزوجين في الأماكن العامه ..

رد: ما رأيك في تشابك الأيدي بين الزوجين في الأماكن العامه ..

رد: ما رأيك في تشابك الأيدي بين الزوجين في الأماكن العامه ..