منتدى أنا سوداني

[frame="2 80"]

بسم الله الحــــــــــــــــمن الرحيم




لبس البنات من الثوب السوداني ل(إظهار الرقم) قلة قماش ولأ قلة حياء

--------------------------------------------------------------------------------

هل الزي السوداني أصبح غاليا للدرجة التي تجعل الفتاة تتخلى عن الثوب السوداني وتلبس نصف متر لستر جسمها ومن أين تسربت الينا موضات
(أديني حقنه)الذي يكشف ذراع الفتاة حتى كتفها..؟
ولا النوع الإسمو (إظهار رقم) وهو أضيق من جسم الفتاة نفسها وده بيوفر حاجة بتاعت 30سم من القماش؟
وهناك آخر إسمه (فصل الدين عن الدوله) تطبيق علماني على جسد الفتاة بلوزه 35 سم واسكيرت جاري مع الواطه ليظهر ظهر وسرة الفتاة عاريا هنود ياناس ومالو لوشالوا من الجاري في الواطه وغطو بيهو الفوق و بطن السجم دي...!..
وواحد تاني في ظل حصار القماش يسمى(خارج عن الخدمه)و(مسكول)
وده أصغر من المسكول ذاتو
والله جنس بشتنه ولا الطرحه الاصغر من المنديل لو غطوا الراس ينكشف الصدر والعكس
وهاك يا مضايره وكبكبه في المواصلات يعاينو ليها في راسها تسحب الطرحه فوق ينكشف التحت الواحده بقت زي بتاع المرور
الحاصل شنو...؟؟؟
وبنحاكي في منو....؟؟؟


baha aldeen.

[/frame]

[grade="00008B FF6347 008000 4B0082"]
دي قلة فهم , وأخلاق , ودين , وتربية

واعوز بالله أن يكون الحال وصل ببعض الفتيات تكملة ما نقص من جاذبية طبيعية بهذه الطرق الملفتة

والطامة الكبرى ,, لا رقيب ولاحسيب ![/grade]

والله الاخت شكله مغتربه في السعوديه .مازرتي جامعة الاحفاد وله مامشيتي نمره 2 في الخرطوم
والله موش اللبس بس يشربون الشيشه في المقاهي التي اصبحت من الظواهر السيئه في الخرطوم
لدي البنات كوك دور واسيل كافي وسفرمون........وله مامشيتي عفراء .........
وكمان اوكامبو ظهر امس لبسه جديده اخير منها الزكرتهم فوق ديـــــــــــــــل

ربنا يهدى الامه اجمع
تحياتى

][`~*¤!||!¤*~`][تسلم يا بها علي المواضيع الهادفة وربنا يهدي الناس

تقبل مروري][`~*¤!||!¤*~`]["

والله الحاله بقت في السودان يبكى عليها يعني حتى عندهم اسماء غريييييييبه طرحه ابوك ماراجل وعدم الوالي

الله المستعان بس

السلام عليكم (اديني حقنه) المفروض تكون حقنة علاج و شفاء مش تفسخ و استعراء و البنت اللي تلبس مثل هذه الملابس التي لا تستر عورة و لا تحترم نفسها ولا المجتمع تكون بكل اسفه غير محترمه و دور الاهل والاسرة مهم جدا.ومشكور اخي علي الموضوع تقبل مروري

[/size][/font][/color][/align][/b]

موضوع مهم شديد لانه جد البحصل في الشارع شي مخيف الاسماء ما مهمه المهم انه الحاصل شي خطير لبس البنات اصبح ظاهرة خطيرة محتاجه لوقفه من المجتمع كله الشارع البيت وبعدين وين الرقابه وين ناس النظام العام صراحه الكل ماشايف دوره ربنا يحفظ البنات

انا خايف يصل بينا الحال تجي تسال البت في الشارع مالك لابسة قصير تقوليك والله معليش هدومي الشفافة كلها في الغسيل زمن عجيب وناس اعجب والسقوط ماشي للهاوية