منتدى أنا سوداني

مرسل: **الثلاثاء 2007.3.20 12:54 pm**

طبعا كثير من الاخوة والاخوات يكتبون الشعر او يتذوقونه لحنا او قافية ودي محاولة مني في البوست دا لفرد مساحة حرة للناس البتكتب شعر او بتذوقو الشعر وفرصة يجيبو كتاباتهم ويعرضوها هنا وحتقوم لجنة غربلة الاوزان والقوافي بتقييم القصيدة والتعليق عليها بكل شفافية ونرجو من جميع من له علاقة بالموضوع التعاون كمانرجو من الجميع مراعاة التالي:-

1/ لو بتزعل من النقد اوعى تجيب لينا اي حاجة ولا حرف مفهوم؟؟
2/ لو القصيدة ماحقتك ماعايزينها زاتو
3/ لو طلع فيها خطأ وزن أو قافية حنوضحو ليك وتحاول تعدلو وتجي تاني
4/ لوممكن تكتب لينا مناسبة القصيدة ولو ماممكن عادي

الآن نبدأ ونقول بسم الله

و.....الباقي على الله

مرسل: **الثلاثاء 2007.3.20 1:26 pm**

مافي واحد قاعد يشعر باي حاجة حتى لو حمى؟؟

دقيقة وبجيكم

مرسل: **الثلاثاء 2007.3.20 1:46 pm**

الاخ الدرديرى :

اعلن اشتراااااااااااااااااااااااااكى

كدى النكتب حاجه وارجع كتاباتى وليدة اللحظه ما تضحكو فينى طيب انا بحاول اكتب

مبتدئه يعنى

مرسل: **الثلاثاء 2007.3.20 1:54 pm**

مرحب بالمشترك الاول شهدالكلام
ياشهد ناس اللجنة ديل مايخوفوك بي جلاليبهم دي
اكتبي اي حاجة وجيبيها وحيتناقشو معاك فيها

يللا راجينك

مرسل: **الثلاثاء 2007.3.20 1:56 pm**

ودالدرديري بوست روعة...

أنا بحب الشعر وعندي محاولات شعرية..
وإنشاءالله نستفيد من البوست ده في تطوير المواهب..

مرسل: **الثلاثاء 2007.3.20 2:03 pm**

ابن بطوطه يارائع
انتو في البحر دا قاعدين كيف؟؟
والله انا البحر لو جيت جمبو ساكت راسي يلف والعجب يوم ماشي تركيا قعدت ليك في آخر ركن في الباخرة واتغطيت بالبطانية لحدما وصلنا ولا أكل لا شراب لا دخان وماخليت ليك آية حافظا ولا حديث وفيها الصحيح والقاطعو من راسي وغايتو اليوم داك من الدعاء الكتير قربت اترشح إمام جامع.
اها نرجع لموضوعنا منتظرينك ياكابتن

مرسل: **الأربعاء 2007.3.21 1:05 pm**

قال احدهم :-
بنتم وبنا فما ابتلت جوانحنا شوقا اليكم ولاجفت مآقينا

وقـلــت:-

مابين انسى او اتناسى
ريدك جواي حِلة شوق بي بيوتا وناسا
وين اهرب منك ماشي عليك يامدوزنة جوة الروح احساسا
وشوقك شاقي الجوف اشواق
من خلق القلم الاعلى الريدة وخت الشوق جوانا مقاسا
ويامعزوفة ونغمة ناي:
الخلقك أكًد إنك لي...
كيف الوردة تشارك ريدي وتسرق عطرك لى انفاسا؟؟

مرسل: **الأربعاء 2007.3.21 1:35 pm**

أممممممممممم

تنظر اللجنة لاحقاً في هذا الموضوع

واصلوا,,,,,, مزيد من الإبداع,,والتألق,,,,

مرسل: **الخميس 2007.3.22 6:20 pm**

ibn batoota كتب:ودالدرديري بوست روعة...

أنا بحب الشعر وعندي محاولات شعرية..
وإنشاءالله نستفيد من البوست ده في تطوير المواهب..

بطوط

بقيت تحب من ورانا والله شنو ...؟؟

ود الدرديري سجلني ....

مرسل: **السبت 2007.3.24 6:56 am**

Suhaib كتب:
بطوط

بقيت تحب من ورانا والله شنو ...؟؟

ود الدرديري سجلني ....

ههههههههههههههههه
ههههههههههههههههههه

ده من يوم باريتكم إنتو.... دايرين تغطسوا حجرنا بالحب :D

كدي ماتشتت لي أفكاري ودالدرديري فاتح خشمو ومنتظر القصيدة :D

مرسل: **السبت 2007.3.24 1:50 pm**

صهيب سجلنااااااك
يللا راجينك

مرسل: **السبت 2007.3.24 1:52 pm**

ابن بطوطه
مشيت وين ياخ؟
ماتقول لينا صهيب شتت افكاري والبحر هايج وماعارف شنو
يللا راجينك

مرسل: **الأحد 2007.3.25 3:20 pm**

ملَت خطاي شوك سكَتِك
أنا بقترح.....
نطلق سراح كل العصافير السجينة
ونمحى من عينا الدموع
وكمان عشان الشوق صعب حنخلي للأرض الأمل
- شان تحيا بيهو -
وندي لسحاب الأماني إتجاه فرقة سمانا
وبرضو نديهو إختيارو يمكن يحلم بالرجوع
ما أصلو يانبع الألم ..
كان افتراضك في ربوع كوني الجديد
غلطة احاسيس اغتراب مدفونة من زمن الركوع
والليلة بس ... رسلتَ لي هدهد جميل
شان يوم يعود يهديني سكة ريد أصيل
وأتمنى آآخر شهرذاد تعرف تفسر آية من شعري المحال
وتكون بتعرف في هوانا يعني إيه كلمة ..... خشوع

مرسل: **الاثنين 2007.3.26 9:34 am**

اني اعيش على الأماني باللقاءالحلم يا أملي البعيد
وادوزن الاطياف في قلبي
أوهج مقلتي امل سعيد
فلولا الله ياحلمي..
لكان هواك اقرب شيء من حبل الوريد

ولولا انني اعلم بأن هواك قاتلني
لمزقت الحروف عليك آهات
وفاجأت الدنا عشق جديد

ولكن ...
كل عشقي ياحياة العشق
يامعنى انسياب الروح نحو الرب
ياأملي البعيد

كل عشقي...
ان احقق فيك معجزتي
فأنفخ فيك من قلمي كليماتي فتحبلك به طفلي السعيد
وتنتبذي به وعدي
وتعشقني القبيلة بعد بعدي
واصبح فيهم الملك الوحيد

مرسل: **الجمعة 2007.3.30 5:45 am**

جينا ليك والشوق دفرنا ياودالدرديري..

صباح الخير
عمرة مقبولة إنشاءالله

ودالدرديري قال: شوقك شاقي الجوف أشواق

وأنا بديت ليكم من دي
وقلت:

شوقك شاقي الجوف أشواق
حقيقة بقولها من الأعماق
مابين أنسي وإتناساك
مسافة طويلة تعب وإرهاق
رعيتك زهرة وعشقتك وردة
كبرتي وأصبحتي طفلا عاق
كنت بخطط للمستقبل
وحياة مليانة حب وعناق
وإتعاهدنا نبدأ الريدة
أساسا وفاء مافيها نفاق
وكم أبحرنا مع أحلامنا
لشواطئ بعيدة مع العشاق
إلا الغيرة أصابت قلبك
ونار الغيرة صعب تنطاق
هدت كل أحلامنا الحلوة
وكل سعادة..كان ليها مذاق
إتفارقنا..وإتباعدنا..وإتشتتنا
وأخر القصة المسألة قسمة
وذيها ذي باقي الأرزاق.

أها ياود الدرديري كدي غربلها لينا..وأدينا رايك؟

مرسل: **السبت 2007.3.31 9:28 pm**

ibn batoota كتب:جينا ليك والشوق دفرنا ياودالدرديري..

صباح الخير
عمرة مقبولة إنشاءالله

الله يبارك فيك وعقبالك ومانسيناكم من الدعوات ربنا يقبل مننا ومنكم صالح الاعمال
وطبعا لقيتك غرقاااان في البر الكبير دا اها نبدأ نغربل الحاجة دي:-ودالدرديري قال: شوقك شاقي الجوف أشواق

وأنا بديت ليكم من دي
وقلت:

شوقك شاقي الجوف أشواق
حقيقة بقولها من الأعماق
مابين أنسي وإتناساك
مسافة طويلة تعب وإرهاق
رعيتك زهرة عشقتك وردة
كبرتي ( ) عاق >بقيتي وليدا< ليستقيم الوزنكنت بخطط للمستقبل
وحياة مليانة حب وعناق راجع الوزن هنا
( - مثلا- كنت بخطط للمستقبل ريد وحنان أشواق وعناق)وإتعاهدنا نبدأ الريدة
أساس [U]و[/U] وفاء مافيها نفاق
وكم أبحرنا مع أحلامنا
لشواطئ راجع الوزن - مثال- لدنيا بعيدة مع العشاق
إلا الغيرة أصابت قلبك
ونار الغيرة صعب تنطاق (منتهى الروعة)
هدت كل أحلامنا الحلوة
وكل سعادة..كان ليها راجع الوزن - مثال - وكل - مذاق
إتفارقنا..وإتباعدنا..وإتشتتنا[/U]( ياحليلك )
وأخر القصة المسألة قسمة
وذيها ذي باقي الأرزاق.

أها ياود الدرديري كدي غربلها لينا..وأدينا رايك؟

رايك انت شنو في الغربلة دي ؟ معليش بس الغربال حقنا اخرامو دقااااق عشان كدا بحكها مع الواحد لما يطلع زيتو ....
القصيدة رائعة ياحنين واروع حاجة انها بادية من شق الجوف ياخي شق الجوف دا صعب خلاص
وعندك الامثلة ولو حاولت تجيب كلمات بنفس الوزن يكون اروع
و ... ليييييييي قدام

مرسل: **الأحد 2007.4.1 6:57 am**

هههههههههههههه
ههههههههههههههه

أول حاجة صباح الخير

تاني حاجة إنت قلت غربال ماقلت لينا مصفه ..... :D

وكمان غربالك أخرامو خرم إبرة بس.....

شكرا ليك ياود الدرديري....

غربلة مقبولة...

مرسل: **الاثنين 2007.4.2 10:02 am**

دا غربال اصلي وارد اليابان
وبعدين الحاجة دي ظريفة ياخ حاول ادينا واحدة تانية وتانية
منتظرين

مرسل: **الاثنين 2007.4.2 10:14 am**

ازيكم انا بحب الشعر لكن

عندي مشكله ما بعرف اكتب بالعامية راسي مليان لكن ما بطلع الكلام بروح
وما قدرت الا بالعربي الفصيح
اسوي شنو يا مستر غربال

مرسل: **الاثنين 2007.4.2 9:51 pm**

moony كتب:ازيكم انا بحب الشعر لكن
عندي مشكله ما بعرف اكتب بالعامية راسي مليان لكن ما بطلع الكلام بروح
وما قدرت الا بالعربي الفصيح
اسوي شنو يا مستر غربال

موني مساء الخير
مافي اي مشكلة بالعامية بالفصحى بالحلمنتيش
كلو حيتغربل انتي بس ارسلي والغربال جاهز

وكمان عشان اطمنك -- في الطريق للغربال حاجة اسمها ( هيت لك )
بتقول:-
هيت لك
وانا وكل جوارحي رهن لعينيك التي
ماطافها شخص سوي في الدنا إلا هلك
فتسربي عشق خرافي الفصول
وألبي عيني وشعري, دفتري , عمري
وضمي كل جيش العشق لك

وفي انتظار مساهماتك

منتدى أنا سوداني

أي واحد بكتب شعر يجي بي جــاي ....الغربال

أي واحد بكتب شعر يجي بي جــاي ....الغربال

رد: أي واحد بكتب شعر يجي بي جــاي ....الغربال

رد: أي واحد بكتب شعر يجي بي جــاي ....الغربال

رد: أي واحد بكتب شعر يجي بي جــاي ....الغربال

رد: أي واحد بكتب شعر يجي بي جــاي ....الغربال

رد: أي واحد بكتب شعر يجي بي جــاي ....الغربال

رد: أي واحد بكتب شعر يجي بي جــاي ....الغربال

رد: أي واحد بكتب شعر يجي بي جــاي ....الغربال

رد: أي واحد بكتب شعر يجي بي جــاي ....الغربال

رد: أي واحد بكتب شعر يجي بي جــاي ....الغربال

رد: أي واحد بكتب شعر يجي بي جــاي ....الغربال

رد: أي واحد بكتب شعر يجي بي جــاي ....الغربال

رد: أي واحد بكتب شعر يجي بي جــاي ....الغربال

رد: أي واحد بكتب شعر يجي بي جــاي ....الغربال

رد: أي واحد بكتب شعر يجي بي جــاي ....الغربال

رد: أي واحد بكتب شعر يجي بي جــاي ....الغربال

رد: أي واحد بكتب شعر يجي بي جــاي ....الغربال

رد: أي واحد بكتب شعر يجي بي جــاي ....الغربال

رد: أي واحد بكتب شعر يجي بي جــاي ....الغربال

رد: أي واحد بكتب شعر يجي بي جــاي ....الغربال