منتدى أنا سوداني

إطلالة قمر كتب:تسلم ياماجيك على البوست
وفعلا كلامك صح والله يعيني السنة دي لاني ممتحنة الجامعة
لكن ماتخافوا علي انا وصحبتي قمر الليالي ماشين جامعة واحدة وكدا مافي زول يقدر يضحك علينا

تقبل مرووووووووووووري

لا كلامه ما كلو صح...
بالمناسبة أنا مشيت قريت في السودان سنة وحدة بس و جيت راجعة و الحمد لله
ما شفتو الهبالة ..مرة انا و بت اتشاكلنا و لا هو اضاربنا بعد ما الاستاذة جات ..البت قالت عايزة تشتكيني في المحكمة ..شفتو الهبالة..و بالمناسبة دي كانت في المرحلة الثانوية ..وفي السعودية البنات مما يصلو
المرحلة المتوسطة معناه خلاص كبرو يعني ما في نبذ و لا مشاكل

السودانى الاصيل كتب:

ذكرتنى عندنا ود عمتا لينا كدا شهاده عربيه
عربيه صرررر يعنى مما اتولد ما جاء السودان الا عمرو 13 سنه تصدق
اها رسلو اشتروا ليهم بيت وجو نزلزا فيهو طواااااالى
الولد سجل فى المدرسه وبعد كم يوم اتاخر ما جاء البيت
قت ليهم انلحقوا فى المدرسه لقيتو ناسى البيت لا عارف الحى ولا عارف اركب اى مواصلات ولا حتى معلومات
اقولا عشان الناس اوصفوا ليهو ما عارف
المهم معاى انت يا ماجيك ولا نمت
المهم صاحبك جبتو ووصلتو البيت تانى يوم الاولاد شابكنو
اها امس لقيت بيتكم ومسكوها ليهو السنه كلها كل يوم اقولوا ليهو الليله لقيت بيتكم
يعنى ناس الشهاده العربيه مشاكلم كتييييييره فى بلد الغربه شايفنهم غرباء اسياد البلد وفى بلدم
كمان غرباء شوف المصيبه دى بالله

خههخخهخهخ
والله يا صاحبي قصتك حلوة
ضحكتني لكن دة شهادة عربية بالجد

إطلالة قمر كتب:تسلم ياماجيك على البوست
وفعلا كلامك صح والله يعيني السنة دي لاني ممتحنة الجامعة
لكن ماتخافوا علي انا وصحبتي قمر الليالي ماشين جامعة واحدة وكدا مافي زول يقدر يضحك علينا

تقبل مرووووووووووووري

بس ما تفضحي نفسك اقعدي اسبوع معسكر في البيت
وبعدين امشي
مشكورة جدا على مرورك الكريم
سلمي على قمر اللياالي

rose كتب:لا كلامه ما كلو صح...
بالمناسبة أنا مشيت قريت في السودان سنة وحدة بس و جيت راجعة و الحمد لله
ما شفتو الهبالة ..مرة انا و بت اتشاكلنا و لا هو اضاربنا بعد ما الاستاذة جات ..البت قالت عايزة تشتكيني في المحكمة ..شفتو الهبالة..و بالمناسبة دي كانت في المرحلة الثانوية ..وفي السعودية البنات مما يصلو
المرحلة المتوسطة معناه خلاص كبرو يعني ما في نبذ و لا مشاكل

مشكورة عزيزتي على مرورك الكريم
والله دي ما هبالة دة تخلف بس
لكن انتي مالك والمشاكل
شكلك مصيبة

بمزح ما تزعلي

الطالبابي كتب:

كلامك منطقي مية مية
لكن الحمدلله انا ش ع برضو لكن لهجتي اتخلصت منها من اول اسبوع ذاتو على ما اعتقد والحمدلله

يا ود على انا
مستحيل من الاسبوع الاول
على الاقل داير سمستر

عاشقة القمر كتب: كلامك صح يا السوداني الأصيييييل نحنا واقعييييين في مشكلتين بدل المشكلة وغربتييين في غربة لكن: هل يوجد حل لها لأني مازرت السودان ولا مرة

هلا بيك عاشقة القمر
لو مازرتي السودان
قبل كدة ما مشكلة عندنا
كورس لمدة اسبوع

نورتي كتير

ريناد كتب:كلامك صاح انا لمى امشي السودان اجازة بتحصل لي انو بتكلم سعودي لكن بسحبه ولمى اجي السعودية اول ايام بتكلم في المدرسة سعودي وفجأة اخش ليك سوداني

لكن يالسوداني الاصيل احنا اولاد المغتربين بقينا في السودان متغربين وفي السعوديه متغربين يعني حتى في السودان ببتعامل وكأنك غريب ماسوداني ليه؟؟؟؟؟؟؟؟؟؟؟؟؟؟؟؟

بالعكس يا رينا بتعامل معاك تعامل عادي وما بفرقوا بين الناس
الا الشفع لأنهم بحقروا بيهم في المدرسة

kholoud كتب:مشكور على الموضوع الرائع
لهجه اي مغترب او مغتربه مبنيه على الاسره نفسهاا

والله كلامك منطقي شوية
لكن الشارع بلعب دور كبير

نورتي البوست

ودالدرديري كتب:

الرائع the magic

مشكور على الموضوع الهام

طبعاً ياخوانا لو جينا لموضوع اللهجة بنلقى المشكلة قديمة شديد

ممكن نرجع بالذاكرة شوية أيام الدراسة ويادوب الواحد طلع الشارع واختلط بشفع في عمرو
يوم يومين والتالت تلقى المفردات اتغيرت وطريقة المشية والاهتمام بالتفاصيل
ودي في حد ذاتها عملية طبيعية ومواكبة لتسلسل مراحل العمر منذ الصغر
نجي لأبناء المغتربين -المملكة السعودية نموذجاً-
بنفس الطريقة الذكرناها بنلقى الواحد يبدأ حياتو في البيت أو الشقة مع أهله عادي
وتجي مرحلة الدراسة ويبدأ في تكوين صداقات وبرضو تبدأ مرحلة تكوين الشخصية
وينزل الشارع ويلقى الاصدقاء والجيران وبتاع البقالة وكل الدنيا حولو بتتكلم سعودي
اذن اكتسابه للهجة السعودية يبدأ منذ المرحلة الأولى والمهمة في حياة الفرد
ومن هنا تأتي صعوبة التخلي عنها قدام
من ناحية تانية بنلقى حتى الكبار سواء رجال أو نساء بيكتسبو اللهجة ويتكلمو بيها عادي
وبيجدو صعوبة برضو في التخلي عنها لما ينزلو السودان في الاجازة
ودا راجع لطبيعة العمل البيمارسو المغترب نفسه
يعني البيشتغلو في وظائف الخطوط الأمامية ذات الاحتكاك المباشر بالجمهور
نلقاهم بيتكلمو سعودي بشكل أفضل من ذوي الوظائف الإدارية المكتبية المغلقة
اذن لاذنب لأبناء المغتربين في اللهجة المكتسبة والتي تعتبر أحد إفرازات الإغتراب

يديكم العافية

وليييييييييييييييييي قداااااااااااااااااااام












و.................الباقي على الله

مرورك اسعدني جدا ود الدرديري

وكلامك والله عين العقل
لانه في بيت الاسرة بكون عادي وملتزم بالهجة الصحيحة
بس اول ما يطلع بتماشى مع الشارع