منتدى أنا سوداني

مرسل: **السبت 2007.3.17 11:05 am**

كل واحد عندو ذكريات ومواقف ما بتتنسي مهما طال الزمن ولا قصر
ايام شقاوتنا حركات طفولتنا وبرائتنا

طبعا مع المقدمة دي دايره احكي لكم شوية عن نفسي انا واعوذب بالله من كلمة انا
كنت شقية وشيطانة شيطنة ما عادية
وامي طوالي بتتضاير مني كان ساقتني حته ولا جانا ضيف
المهم يا اخوانا لوعدتوني انكم تشاركوني ذكرياتكم القديمة وما تبخلوا بيها انا بشاريكم اها اتفقنا

بسم الله نبدأ

كنت في الروضة زعيمة العصابة واجمل ما في الموضوع انو كنت بخطط واتكتك وما بتقبض لانو شكلي مسكيييينة كنا مسيطرين على الروضة تمام التمام لحدي ما جابوا لينا وحده سمينة عاتية ما قدرنا زاتو.من جات استلمتنا لك شكل وضريب.
المهم اتفقنا انو لازم ننتقم منها.قمت اقترحت الاتي بكره كل زول يجيب معاها علبة ونلم النمل الفي الساحة كلو.
تاني يوم في فرصة الفطور لا اكلنا ولا شربنا وهاك يا نمل نلملم ونلقط وجمعنا كمية هائلة.
لمن رن الجرس لميناه سريع في علبة واحده ونحنا داخلين على الفصل قمت شديت لياقة المريلة وكبيت ليها النمل كلو جوه.
وهاك يا صريخ ويا بكة والمعلمات المديرة الفصول التانية كلهم اتلموا والمسكينة تحكحك في ظهره وتكورك.
المديرة ده شنو الحاصل شنو يا اولاد في شنو.
انا بكل براءة يا ابلة كانت قاعده في بيت النمل.
المهم في النهاية صدقوا انها فعلا كانت قاعده في بيت النمل وما خطر على بالهم انوا ممكن نحنا نفكر كده ولا نعمل عمايل زي دي.

ورجعنا حكام للروضة والبنت بقت تخاف مننا موت وعرفت انو نحنا ماساهلين.:079:

مرسل: **الأحد 2007.3.18 8:01 am**

ههههههههههههههههههههههه
هههههههههههههههههههه
ههههههههههههههه
والله يا موني يا شقيه
ضحكتيني خالص
موووووووووت

موني يا بوليس !!!!
خطيره جد !!
هههههههه

مرسل: **الأحد 2007.3.18 8:10 am**

مونى
ياخطيره يازعيمة عصابه الروضه الظاهر عليك كنتى صعبه خالص

مرسل: **الأحد 2007.3.18 8:38 am**

[quote="بت أبوظبي"]ههههههههههههههههههههههه
هههههههههههههههههههه
ههههههههههههههه
والله يا موني يا شقيه
ضحكتيني خالص
موووووووووت

موني يا بوليس !!!!
خطيره جد !!
هههههههه[/quote]

[quote="اصيله"]مونى
ياخطيره يازعيمة عصابه الروضه الظاهر عليك كنتى صعبه خالص [/quote]

لي هسي في حبه شقاوة بس خلوني اقعد بمزاج اتم ليكم باقي القصص

مشكورات اخواتي على المرور البعتز به

مرسل: **الأحد 2007.3.18 9:05 am**

moony كتب:

لي هسي في حبه شقاوة بس خلوني اقعد بمزاج اتم ليكم باقي القصص

مشكورات اخواتي على المرور البعتز به

ما وااااااااااااااااااضح عليك يا موني
محافظه على شقاوتك وشطينتك !!!!

عسل يا خواتي !!

مرسل: **الأحد 2007.3.18 9:13 am**

الله يجازي شيطانك بس اوعى يكون لسه الافكار ملازماك تكون مشكلة والناس تعمل حسابها

مرسل: **الخميس 2007.3.22 10:13 am**

اخ مهند
شكرا على المشاركة عزيزي
لي هسي عندي مقالب وحركات
لكن كل ما يكبر الواحد ويدخل في معمعة الحياة اكثر بتقل
بس اعمل حسابك ما يجيك مقلب طاير هههههههههه

مرسل: **الخميس 2007.3.22 10:54 am**

[align=center]Moony Shagawa

بالله عاليك الله يا موني دايرك تعملي ،،
لي ضبط وربط في الراكوبة دي ،،
جيببي معاك صاحباتك ديل ،،
ما تنسيهم كويس،،
باقي الشلة بتاعت الحراسة ،،
الله يجازيك دي طفولة ولا حاجة تانية ،
قطعتي مصاريني بالضحك ،،
تحياتي ،[/align][/size]

مرسل: **الخميس 2007.3.22 11:02 am**

still يا ظريف دمك ينقط عسل
مشكور اخوي على المشاركة
بكرة بجيب العصابة وهجووووم على الراكوبة
قصرت اخوي

مرسل: **الخميس 2007.3.22 1:30 pm**

والله يا موني لكن طلعتي ميه من تحت بيت النمل....@@

بس ربنا يكفينا شر النمل ... ويا شباب اي واحد يعمل حساب جيبو هي اقصد حساب ضهروا .. الماعندو ضهر يعمل ليهو ضهر ..

يلا تحياتي وكدة
عموري

مرسل: **السبت 2007.3.24 6:54 am**

عموري يا حركات شكلك مشاغب اكثر مني مشكور على المرور العزيز
ومدام انت بينا اكيد عندك ظهر
وما بنقصر معاك

لك كل التحيا
اختك موني

مرسل: **السبت 2007.3.24 12:20 pm**

الله يسترنا من مقالبك ويا شباب خليكم جاهزين يمكن نناديكم

مرسل: **السبت 2007.3.24 12:33 pm**

اخ مهند احكي لك مقلب عملتوا في وحده صحبتي

كنا بندرس كورس في مدرسة البلجيكية وهي مدرسة تعليم مهني صناعي عريقة وقديمة ولها تاريخ.
الكورس كان بتاع كهرباء وكان الاستاذ بدرسنا في الورشة وبراك عارف الورش عاملة كيف
المهم هي خوافة لمن غلط،ظلها بتخاف منو.
جبت عنكبوت بتاع بلاستيك لونو بني بتذكروا لي يوم الليلة لانو شكلوا زي الحقيقي اصغر من كفه اليد بشوية كده.
والجو كان بيدي الانطباع ده اسلاك كراتين وطرابيز كبيرة خشب كلو مكمل لانو فعلا ممكن تجيك مصيبة زي دي طايرة.
الاستاذ استاذن منا ونحنا قاعدين في مكتبو جوه الورشة.براحة قمت رميت قلمي وعملت اني نزلت ارفعوا وختيت العنكبون في رجلها وكانت لابسة شبط بسيور.وما حست بي خالص.
قمت بعد مسافة اشرت ليها على رجلها وانا متصنعة الخوف.
البت والله بس دايرة تطير وتقطع رجلها .
هههههههههه منظر عجيب
وفضلت زعلانة مني باقي اليوم لكن عارفاني انو قلبي ابيض وبحب المقالب تاني يوم صالحتني

مرسل: **السبت 2007.3.24 12:47 pm**

الله يجازي شيطانك . تعرفي مرة انا وولد عمي كنا جالسين وبعدين المقابر كانت قدامنا لانو بيتنا جوار مسيد ومقابر كده المهم الساعة كانت عشرة بالليل وانتي عارفة الساعة عشرة الناس نايمة المهم في واحد من ناسنا ديل نحنا عارفنو خواف جائي وانا وابن عمي نمنا في المقابر المهم لما قرب قمنا الاتنين جرينا عليهو والله يا موني الراجل ده صرخ صرخة الحلة كلها اتلمت علينا براحة قمنا انسحبنا

مرسل: **السبت 2007.3.24 1:20 pm**

[aldl]بصراحة يا moony انت كنت شيطانة شديد
احكى ليكى على مقالبى شوية انا بتاعت مقالب بس بسيطة
طبعا انا درسة فى ليبا وكانو كلهم ليبيات الدرستا معاهم وكنت كل ما تضايقنى واحدة بقوم ماشة وراها وبظربها وتلتفت مكشرة كدى بقول ليها اه او انا اسفة كنت متخيلاكى صحبتى ومسكينة بتاخد الموضوع على اساس انى مفتكراها صحبتى وبتمشى لمن مرة وقعتى فى واحة شريرة قالت لى مرة تانية اتاكدى من صحبتك قبل ما تضربى

بس كانت معاها حق لانى عليت الفولت وكانت ظربتى صعبة شديد[/aldl]

مرسل: **السبت 2007.3.24 1:25 pm**

مهند عبد الرحمن كتب:الله يجازي شيطانك . تعرفي مرة انا وولد عمي كنا جالسين وبعدين المقابر كانت قدامنا لانو بيتنا جوار مسيد ومقابر كده المهم الساعة كانت عشرة بالليل وانتي عارفة الساعة عشرة الناس نايمة المهم في واحد من ناسنا ديل نحنا عارفنو خواف جائي وانا وابن عمي نمنا في المقابر المهم لما قرب قمنا الاتنين جرينا عليهو والله يا موني الراجل ده صرخ صرخة الحلة كلها اتلمت علينا براحة قمنا انسحبنا

مهند تراك طلعت ماهين يديك العافيه وكتر خيرك مشاركتك عزيزة وغالية

مرسل: **السبت 2007.3.24 1:30 pm**

[quote="احسان"][aldl]بصراحة يا moony انت كنت شيطانة شديد
احكى ليكى على مقالبى شوية انا بتاعت مقالب بس بسيطة
طبعا انا درسة فى ليبا وكانو كلهم ليبيات الدرستا معاهم وكنت كل ما تضايقنى واحدة بقوم ماشة وراها وبظربها وتلتفت مكشرة كدى بقول ليها اه او انا اسفة كنت متخيلاكى صحبتى ومسكينة بتاخد الموضوع على اساس انى مفتكراها صحبتى وبتمشى لمن مرة وقعتى فى واحة شريرة قالت لى مرة تانية اتاكدى من صحبتك قبل ما تضربى

بس كانت معاها حق لانى عليت الفولت وكانت ظربتى صعبة شديد[/aldl][/quote]
احسان يا عسل
صحي زودتيها حبتين لكن هي زاتها شرانية ولاما كانت شاكلتك.
نبعد بعيد ما يجينا شلوت طاير هههههههههههه

انا جد سعيدة بتفاعل الناس مع الموضوع ومشاركتهم شقاوتهم وشيطنتهم
واكيد كل زول في حاجة بيتذكرها مابينساها
لكم كل التحايا اعزائي

مرسل: **الأربعاء 2008.3.26 1:04 pm**

مرة لمن كنت في الصف السادس الابتدائي كنا عايشين في باكستان فترة قصيرة بعدين كان دايما مدرسة الانجليزي بتدينا spelling فأنا كان اكره مااكره في الدنيا الاملاء في الانجليزي يعني تملينا كلمات بعدين في الحصة طبعا انا ماذاكرت علشان اتملى فالمدرسة ادتنا خمسة دقايق علشان نراجع انا بدل مااراجع قعدت اكتب الاملاء في يدي بعدين لما بدينا نتملى انا قاعدة اغش من يدي واصلا كان عددنا بسيط جدا يعني تقريبا ستة طالبات فالمدرسة تقدر تشوفني انا اغش بعدين شافتني قالتلي what r u doing?
بعدين انا من الصدمة قمت اصرخ واشتم واقول انتي مليك دخل بعدين شوي اشوف امي قاعدة قدامي وانا في صمت غريب لمن رجعنا البيت والا انا محبوسة في غرفتي وانال الجزاء والعقاب ضربتني ضرب غريب لمن كرهت حاجة اسمه انجليزي
والسموحة
يلا اي واحد يقول عن حركاتوا الغريبة في المدرسة

مرسل: **الأربعاء 2008.3.26 3:07 pm**

والله فكرة حلوة ياسمره وانا حاككى ليك حكايه من حكايتى اصلى كنت شقيه جدا وانا صغيره
انا درست الابتدائى فى مصر فى الاسكندريه وكانت مدرسه خاصه واغلب المدرسين كانوا سودانيين وبيعرفوا ماما من كتر مابتجى وتسال على. المهم كان عندنا عاده انو فى عيد الام الطالبات بيجبوا هدايا للاستاذه المسوله من الفصل (ام الفصل) . وكانت الاستاذه بتجيب هدايا للطلاب اليتامى اللى امهم متوفيه المهم كنت فى سنه تانيه وجات الاستاذه من الصباح وكانت جديده وجايبه الهدايا وقالت اللى امها ميته تقوم تقيف طبعا انا اول واحده وقفت:D عايزه اخد الهديه بعد شويه جات واحده من المدرسات اللى بيعرفوا ماما وسالتها انتى موقفها ليه فاكرانى متعاقبه فردت عليها بان دول البنات اليتامى وانا باوزع الهدايا طبعا الاستاذه اتخلعت

وسالتنى انتى امك ماتت فعشان ماتحرج هزيت راسى بنعم

فجرت الاستاذه تبكى لباقى الاستاذات وتخبرهم وصادف ان فى واحده كانت مع الماما بالامس فجابونى من قفاىلمكتب المديره وماقدرت اكمل الكدبه وقريت بالحقيقه واكلت لى علقه محترمه

من يومها بطلت اكدب وبادعى للماما يديها طوله العمر

مرسل: **الأربعاء 2008.3.26 3:55 pm**

يسلمو ع المرو ر والقصة الحلوة

منتدى أنا سوداني

حكاوي زمان (زمن الشقاوة)

حكاوي زمان (زمن الشقاوة)

رد: حكاوي زمان (زمن الشقاوة)

رد: حكاوي زمان (زمن الشقاوة)

رد: حكاوي زمان (زمن الشقاوة)

رد: حكاوي زمان (زمن الشقاوة)

رد: حكاوي زمان (زمن الشقاوة)

رد: حكاوي زمان (زمن الشقاوة)

رد: حكاوي زمان (زمن الشقاوة)

رد: حكاوي زمان (زمن الشقاوة)

رد: حكاوي زمان (زمن الشقاوة)

رد: حكاوي زمان (زمن الشقاوة)

رد: حكاوي زمان (زمن الشقاوة)

رد: حكاوي زمان (زمن الشقاوة)

رد: حكاوي زمان (زمن الشقاوة)

رد: حكاوي زمان (زمن الشقاوة)

رد: حكاوي زمان (زمن الشقاوة)

رد: حكاوي زمان (زمن الشقاوة)

عمايلنا السودة في المدرسة

رد: عمايلنا السودة في المدرسة

رد: عمايلنا السودة في المدرسة