منتدى أنا سوداني

مرسل: **الأربعاء 2009.2.11 5:26 pm**

أعود للمشاركة بعض غيبة طويلة وإنقطاع سيستمر بسبب الظروف الدراسية ومشغوليات الجامعة

حقيقة هو موضوع مهم وشغال بالي منذ فترة
العمالة الأجنبية في السودان

فجأة أصبحت البلاد ممتلئة بالعمال الوافدين من عدة دول أبرزها الجارة مصر والصين وغيرهما
هذا الموضوع سيؤثر على فرص أبناء البلد في التوظيف وقد يسهم في رفع معدل البطالة المرتفع أصلا"
لكن والحقيقة تقال نحن شعب كسول ولا يحب العمل أما العمال الأجانب فهم يعملون بكد ومع ذلك يتلقون رواتب ضعيفة نسبيا"

ولكل منا رأي في هذه الظاهرة,, فليبدي كل منكم وجهة نظره حتى تعم الفائدة

مرسل: **الأربعاء 2009.2.11 7:31 pm**

بصراحة مع .....
لانو عالمتنا بتاعين ركلسة وونسة وترطيبة .....
وبالذات لمن يفطروا بفتة الفول ( البوش )
تقبل مرورى

مرسل: **الخميس 2009.2.12 10:57 am**

يا ابن الخطاب :

اسال اصحاب المصانع والشركات وهم سيطلعونك على نقطتين :

1/ تجاربهم المريره مع العماله السودانيه ( عدم احترام للذمن - عدم احترام المواعيد -

الذمن المستهلك فى الفطور والشاى الجبنه والسجاير )

- البتموت ليه كديسه داير يمشى يشيل عليها الفاتحه مع ود خال عم جيرانها عشان خايف من اللوم .

2/ الانتاج كل يوم ماشى ناقص لان السودانى موصوف بالكسل من الجميع .

مرسل: **الخميس 2009.2.12 1:21 pm**

ضد ضد ضد
الاسباب كثيره
العادات الدخيله
وحاجة اهل البلد للوظائف التى يمتلكها الاجانب
مشكور

مرسل: **الخميس 2009.2.12 8:28 pm**

[font=Arial Black]والحقيقة تقال نحن شعب كسول ولا يحب العمل أما العمال الأجانب فهم يعملون بكد ومع ذلك يتلقون رواتب ضعيفة نسبيا"[/font]
أخى أنت جاوبت على التسائل بنفسك!!

مرسل: **الخميس 2009.2.12 11:44 pm**

الامير كتب:بصراحة مع .....
لانو عالمتنا بتاعين ركلسة وونسة وترطيبة .....
وبالذات لمن يفطروا بفتة الفول ( البوش )
تقبل مرورى

وبعد دة كلو مفترين ودايرين أكبر أجر
تشكر يا أمير على المشاركة

السودانى الاصيل كتب:
ضد ضد ضد
الاسباب كثيره
العادات الدخيله
وحاجة اهل البلد للوظائف التى يمتلكها الاجانب
مشكور

رايك فوق راسنا
لكن هل نحنا حنأدي نفس الشغل البيعملوهو هم؟؟
وتشكر

أبعاج كتب:[font=Arial Black]والحقيقة تقال نحن شعب كسول ولا يحب العمل أما العمال الأجانب فهم يعملون بكد ومع ذلك يتلقون رواتب ضعيفة نسبيا"[/font]
أخى أنت جاوبت على التسائل بنفسك!!

دة فعلا" العايز أصل ليهو
مشكور على المشاركة

مرسل: **الخميس 2009.2.12 11:51 pm**

الخال كتب:يا ابن الخطاب :

اسال اصحاب المصانع والشركات وهم سيطلعونك على نقطتين :

1/ تجاربهم المريره مع العماله السودانيه ( عدم احترام للذمن - عدم احترام المواعيد -

الذمن المستهلك فى الفطور والشاى الجبنه والسجاير )

- البتموت ليه كديسه داير يمشى يشيل عليها الفاتحه مع ود خال عم جيرانها عشان خايف من اللوم .

2/ الانتاج كل يوم ماشى ناقص لان السودانى موصوف بالكسل من الجميع .

والله صدقت يا الخال
وأزيدك من البيت شعر
مصنع أسمنت عطبرة قبل فترة كان قطاع حكومي وقاموا خصخصوهو لي مستثمر خليجي
المستثمر خفض العمالة للنص,,, تتخيل الإنتاج إرتفع للضعف
لأنو العمال كان أغلبهم قاعد ساي (شاي وونسة وجرايد) وفي جزء منهم بيجي بس أخر الشهر يستلم مرتبو بس
وبعد دة كلو بنعزز ورافعين راسنا وما بنشتغل أي شغلة إلا بشروطنا وكل واحد عايز أول وظيفة ليهو تكون مدير

غايتو الله يدينا العافية ويرفع البلد دي
ومشكور يا خالنا على المرور الراقي

منتدى أنا سوداني

العمالة الأجنبية.... مع أم ضد؟؟

العمالة الأجنبية.... مع أم ضد؟؟

رد: العمالة الأجنبية.... مع أم ضد؟؟

رد: العمالة الأجنبية.... مع أم ضد؟؟

رد: العمالة الأجنبية.... مع أم ضد؟؟

رد: العمالة الأجنبية.... مع أم ضد؟؟

رد: العمالة الأجنبية.... مع أم ضد؟؟

رد: العمالة الأجنبية.... مع أم ضد؟؟