منتدى أنا سوداني

محبه كتب:كده يا ترطيبه تغيب عننا بالشهور لا حس لا خبر ولا حبه امل
يا حليلك يا غطانا البرد جانا
امانه ما اتلومنا معاك لوم لكن انا ولله ما بعرفك ودي اول مره اشوفك فيها
لو كنت بعرفك كان تلقاني جيتك في حلتكم عشان اسال منك:D (شايف الحنك)
ومن هذا المنبر يا ترطيبه
انا بقول ليك كدي غيب تاني وشوف محبه غرزه حتسوي شنو كان ما قومت مظاهرات اخلي الجكسي كلوا يسال منك وفكرتك حلوه بتاعت الرساله لاي شخص يغيب من المنتدي
يا زول حمد لله على السلامه قشقش دميعاتك ومافي داعي للزعل
من ما عملت البوستر ده الجكسي جوك جاريين جري ما شايف ناس عجوز حلوه وشمعه امل والمياسه و محبه غرزه ولسه انت شفت حاجه الجاي اعظم

ههههههههه شنو الجكس دا يا محبه
ترطيبه هدي البت القلت ليك عنها عسسسل والله
البت دي لو جكستها وقدرت عليها بقول ليك قدرت على كل البنات هههههه:D

دمـ البحر ـوع كتب:<<---< داخله غلط
حتى انا محد سال عني
<<---< داخله في الحسبه وخارجه من النسبه
محد يتذكرني
ليش
لاني مو منكم
بس كلنا عرب :(

لا يا عسسل ولو انتي من اهلنا ومن اسرتنا واكييد منوره
يا عسسل واهلين بيك وبي كل عربي مسلم
كلنا اخوان يا عسل

عجوز حلوة كتب:

ههههه اهلين ترطبيه منوووووووووور شنو الغيبه دي حسينا بغيبتك من المنتدي
بس شنو الاقتراح الجميل دا:D
معاك حق يا مان لازم يعملوها عشان يكون في زوق مع الغايب
لكن شنو قصه الجكس ههههه
جكس ليك واحده عشان تسأل عنك لمن تغيب ههههههههه:D

فى البدء احلي مساء للزوله الراقيه (عجوه حلوه)
رايك شنو نستبدل الاسم بدل عجوز حلوه لى عجوه حلوه عشان ما نغير كتير
فى حروف الاسم بس التغير حيكون فى المضمون :D انشاء الله بس تكونى
بتعرفى العجوه يا منقا

واذا سألتى عن موضوع الجكس فهو موضوع طويل وعريض
بدا من عهد سيدنا آدم وحواء
وللأسف الشديد قلبى كبير يعنى واحده ما بتكفينى
لانكم كلكم حلوات وظريفات وعسولات واى واحده ليها مذاقه ونكهته
شوفتى الخمج دا كيف يا عجوه
بعدين الخوه والصداقه ربما فى بعض الاحيان تتفوق على كل الروابط الاخري

:D بري شديد الليله غايتو

معتز سيد كتب:

[grade="FF4500 4B0082 0000FF 000000 F4A460"]يا مان ولا تزعل

كفاية كلامك وتعليقك دة دليل على انك اكبر من انك تزعل[/grade]


:D :D :D

معتز يا سيد الاسم
حبابك 10 ومنور ويديك على قدر نيتك قول امين يا قريبك
العفو يا ظريف ومافى بين الاخوان زعل
بس دي حركات منى ساكت
فحوى الموضوع الناس تتفقد بعض فى حالات الغياب

شمعة امل كتب:

[size=-1]
هلااااااااااااا بلخو ترطيبه منووووووووور من تانى

بس اقتراحك جميل والله حقو يتطبق فورا :D

واسمع كلام العجوز الحلوه دى بيفيدك هههههههههههههههه

مرحب بيك تانى,,,,

[/size][/font]

(شمعة أمل )
اسم من شقين
شمعة : تحترق لتضئ للاخرين لكي يستمتعو من نورها
أمل : كلنا نعيش على أمل

شكرا لتوقيعك فى هذا البوست المتواضع
باقتراحاتك انتى وعجوه وكل الحلوين حتما سنرتقي بالبورد

وتشكرات

المياسة كتب: اهــــــــــــــــلاً بمرطب المنتدى
انا اضم صوتي لشمعة و عجوزة
اهلا بعودتك .............

اهلييييييييييييييييييييييييييييين المياسه صديقتى
يا زوله وحات سيدى الحسن مشتاقين يا بنوته بطعم الفراوله
يا جماعه الزوله دي صديقه قديمه جدا والله
ونرحب بصوتك يا استاذه
انشاء الله يكون صوت حنين ذى صوت ندي القلعه بس :D

محبه كتب:كده يا ترطيبه تغيب عننا بالشهور :: لا حس لا خبر ولا حبه امل
يا حليلك يا غطانا البرد جانا ::
امانه ما اتلومنا معاك لوم لكن انا ولله ما بعرفك ودي اول مره اشوفك فيها
لو كنت بعرفك كان تلقاني جيتك في حلتكم عشان اسال منك:D (شايف الحنك)
ومن هذا المنبر يا ترطيبه
انا بقول ليك كدي غيب تاني وشوف محبه غرزه حتسوي شنو كان ما قومت مظاهرات اخلي الجكسي كلوا يسال منك :D
وفكرتك حلوه بتاعت الرساله لاي شخص يغيب من المنتدي
يا زول حمد لله على السلامه قشقش دميعاتك ومافي داعي للزعل
من ما عملت البوستر ده الجكسي جوك جاريين جري ما شايف ناس عجوز حلوه وشمعه امل والمياسه و محبه غرزه ولسه انت شفت حاجه الجاي اعظم

محبه يا محبه
زارتنا البركه وسعيدين بى طلتك البهيه الدمها خفيف ذيك يا طبي
اي عليك الله كسري لى تلج ياخي تلجك زاتو دراش وظريف
تلج كريستال بلح بس
والله الواحد لو ظروفه كان كويسه كان ضبح ليكم عنبلوق
وعشان العدم حاضبح ليكم صهيب يا حافظ ما اخوان برضو
بفكو صاحبم ساعة الزنقه
غايتو لينا الله البوست كلو جكس هسي والله بجونا ناس النظام العام
محبه خصمتك لمن تجي من امريكا جيبي ليك معاك بنطلون جينز امريكي
سمح

دمـ البحر ـوع كتب:<<---< داخله غلط
حتى انا محد سال عني
<<---< داخله في الحسبه وخارجه من النسبه
محد يتذكرني
ليش
لاني مو منكم
بس كلنا عرب :(

السودانى الاصيل كتب:

ترطيبه دا كللللللو وما تسالوا عنو
والله يا ترطيبه الناس ديل اتلوموا كلهم طبعا الا محبه العسل
البت يا اخوانا ما تخلوها تمش لى بكا بضحك الناس الببكوا ههههههههه
دى زيى انا ما كانت بتعرفك
لكن حررررررررررم حرام مخصوم منى بعد العقد
اكان غبت تانى يوم واحد اكان نلحقك اها رايك شنو
والبعدين الغيبه سمحه معاك هدى لملمت ليك الحمام
انا من باكر دار اغيب يا جماعه اعرفوا كويس

السوداني الاصيل ياخي مرحب بيك وحبابك 10
ووالله الواحد لو ليهو مراد ما يغيب عنكم
بس علا الجري وراء المعايش نسوي شنو يا ابني
السودان ظريف لكن عايز حبة مصاريف
وبالله فى زومتك سلم على كل ناس الرياض
من ام الحمام والناصريه الحنينه والمعزر والقراش
ومنفوحه وغبيره وشارع غبيره وسوق غبيره واحىىىىىىىىى
انا من غبيره والعليا والمحمدية
وكل شباب البطحه ومركز جمال زاتو ياخي

ترطيبه كتب:فى البدء احلي مساء للزوله الراقيه (عجوه حلوه)
رايك شنو نستبدل الاسم بدل عجوز حلوه لى عجوه حلوه عشان ما نغير كتير
فى حروف الاسم بس التغير حيكون فى المضمون :D انشاء الله بس تكونى
بتعرفى العجوه يا منقا

واذا سألتى عن موضوع الجكس فهو موضوع طويل وعريض
بدا من عهد سيدنا آدم وحواء
وللأسف الشديد قلبى كبير يعنى واحده ما بتكفينى
لانكم كلكم حلوات وظريفات وعسولات واى واحده ليها مذاقه ونكهته
شوفتى الخمج دا كيف يا عجوه
بعدين الخوه والصداقه ربما فى بعض الاحيان تتفوق على كل الروابط الاخري

:D بري شديد الليله غايتو

هههههه هلا يا ترطبيه اولا الاسم روووعه تسلم عجوز بقت عجوه اختلاف لغوي كبير حطمت اللغه العريبه بالاسم دا
على ذكر الاسماء شنو معني اسمك الغريب دا عايزه افهم يا منقه
وشنو منقه دي؟؟
ما فهمتها ولا يكون قصدك مانجو؟
عشان انت بتغير اللغه على اصولها
اها لقيت ليك ضحيه ...سوري قصدي حبيبه تجكسها وتكسر تلج خخخ على فكره تكسير تلج دي امس فهمتها شنو هي
المهم جيب لينا الشمار منو البت المسكينه دي ... سوري غلط تاني قصدي العسل دي

عجوز حلوة كتب:

هههههه هلا يا ترطبيه اولا الاسم روووعه تسلم عجوز بقت عجوه اختلاف لغوي كبير حطمت اللغه العريبه بالاسم دا
على ذكر الاسماء شنو معني اسمك الغريب دا عايزه افهم يا منقه
وشنو منقه دي؟؟
ما فهمتها ولا يكون قصدك مانجو؟
عشان انت بتغير اللغه على اصولها
اها لقيت ليك ضحيه ...سوري قصدي حبيبه تجكسها وتكسر تلج خخخ على فكره تكسير تلج دي امس فهمتها شنو هي
المهم جيب لينا الشمار منو البت المسكينه دي ... سوري غلط تاني قصدي العسل دي

عجوه يا عجوه
اختلاف فى الطعم والمضمون
بالله رايك شنو
واذا دار محور سوالك عن اسمي
ترطيبه يرطب مرطب ترطيبةً
الترطيبه قمه الرفاهيه والنقنقه
زول مرطب يعنى زول مرتاح ومزاجو رايق ومدي الدنيا بالشلوت

منقا : بالسودانى تعادله ماتجو بالخليحي شرطتو عينا ياخي
المنقا من اجمل انواع الفواكه وبتمتاز بالقوام والصفار والمذاق اللذيذ
شوفتى كيف يا منقا
اى استفسارات تانى انحنا جاهزين يا عجوه