نحنا أهل الفرحة جينا
مرسل: الثلاثاء 2008.12.23 9:31 pm
نحنا أهل الفرحة جينا
لا المدامع وقفتنا ... و لا الحكايات الحزينة
لما درب الرايحة جابنا
جابنا .... في هذى المدينة
يا ولدي الدروب ..شقّاقة بحر التيه
ليك درب ... و لا دربين .. مسّاك الدروب ضهاب
ليك قلب ... و لا بالين .. سواي القلوب كضاب
ليك ضهر ..و لا سرجين .. ركّاب السروج وقّاع
شِقْ يا ولدي بحر التيه
بتدردر .... وتتودّر
و لامن يوم .. علي داراتنا ديك ترسى
نعزّك .... بالقبيل داخرنو ليك
الشوق بحر ... يا ولدي بحراً تيه
قت ليك العليك ... أدرابو لا تنغشْ
و لا ...... ترضابو ... لا تنغشْ
في الزمن الزميل .. و الكي يسوقو خلاف
عشان الني ...
عليك الدور .... و تصريف الليالي بدور
تشيل ما شلنا .... من الهمْ
و لامن دمعة ترمي ... الدمعة فوق دربكْ
روّح يابا ... و أبقى قفاك لا تعاين
و لا تعاين على موطاك
و لا تندم علي خطواً تملّي مشيتو لي قدّام
تملي مشيتو لي قدام
وابقى العاتي زي صمدتنا... زي صبرا نلوك فوق مرو زي الزاد
لا شيتن نزل في الجوف... ولا بيرجع ولا بنزاد
واركز للبيجيبها الريح.. تقيــــف انت ويشيلها الريح
وابقى العاتي... والدرب الوراك مسدود
شيل شيلتك... بقيت للنص
ولا حلما بيجيب البر... ولا حدّود
انبليتا..
اختى الرملة ... ما تقع المكان الهش
دي الممطورة ما.. بتبالي من الرش..
النعمة بتعرف عاطيها .. والجمرة بتحرق واطيها
بالكيلة عطانا وما لقينا ... فوق جمرو خطانا وما لقينا
....
يوم الوعد.. يا حليوة فيك... الدنيا ما كانت شروق
يوم الوعد ..
الا الارض متكشفة ومتبلمة
نعمنو من خير الخريف لافحالها شال
يوم الوعد.. منطرحة خضراء.. فرحة دوم تتشابى لي..عين الشمس يا...
يوم الوعد...
البت حليوة.. اللابسة بيضاء.. بيضاء كذا الحليب
يوم الوعد..
والروح مشحتفة في البلود.. الفيها ريح تبكي
للبعود من فزعة الغربة البيساسق فوقا مو راجع ولا بالحيل قريب
يوم الوعد...
الروح مشحتفة في الحبيب القلب بكر.. الدنيا ما شافت جديدو.. ولا الحزن دقالو باب
لو شفتي كيف يوم الوعد .. كيفنو مترامي الغمام
والقمري زغرد للبلوم... والنسمة هبت مرتين
يا حليوة يوم دقيت بارض كفاف خصيب... والتانية في يوم الوعد
والايد تسالم في الايدين...
والام تقالد فوق جناها.. فوق جناها تشمو زين
يا حليوة صاحية.. حليوة صاحية .. كذا النسيم
يوم الوعد...
الدنيا غيم.. وحليوة جد جد يا ولد
كل البلد... قايل غناوي الحزن ليش
شايل مساديرك مجامر دمع ليش
ليش يا بلد والناس تريد
والدنيا كل ما نريد تزيد..
تملى الايدين تفرح تنش
لو صحيح.. غنينا للدمعة الحزينة
ودموع الفرحة ما لاقت غنانا
بكرة نرجع تاني للكلمة الرحيمة
شان هنانا... شان منانا.. شان عيون اطفالنا ما تضوق الهزيمة
لا المدامع وقفتنا ... و لا الحكايات الحزينة
لما درب الرايحة جابنا
جابنا .... في هذى المدينة
يا ولدي الدروب ..شقّاقة بحر التيه
ليك درب ... و لا دربين .. مسّاك الدروب ضهاب
ليك قلب ... و لا بالين .. سواي القلوب كضاب
ليك ضهر ..و لا سرجين .. ركّاب السروج وقّاع
شِقْ يا ولدي بحر التيه
بتدردر .... وتتودّر
و لامن يوم .. علي داراتنا ديك ترسى
نعزّك .... بالقبيل داخرنو ليك
الشوق بحر ... يا ولدي بحراً تيه
قت ليك العليك ... أدرابو لا تنغشْ
و لا ...... ترضابو ... لا تنغشْ
في الزمن الزميل .. و الكي يسوقو خلاف
عشان الني ...
عليك الدور .... و تصريف الليالي بدور
تشيل ما شلنا .... من الهمْ
و لامن دمعة ترمي ... الدمعة فوق دربكْ
روّح يابا ... و أبقى قفاك لا تعاين
و لا تعاين على موطاك
و لا تندم علي خطواً تملّي مشيتو لي قدّام
تملي مشيتو لي قدام
وابقى العاتي زي صمدتنا... زي صبرا نلوك فوق مرو زي الزاد
لا شيتن نزل في الجوف... ولا بيرجع ولا بنزاد
واركز للبيجيبها الريح.. تقيــــف انت ويشيلها الريح
وابقى العاتي... والدرب الوراك مسدود
شيل شيلتك... بقيت للنص
ولا حلما بيجيب البر... ولا حدّود
انبليتا..
اختى الرملة ... ما تقع المكان الهش
دي الممطورة ما.. بتبالي من الرش..
النعمة بتعرف عاطيها .. والجمرة بتحرق واطيها
بالكيلة عطانا وما لقينا ... فوق جمرو خطانا وما لقينا
....
يوم الوعد.. يا حليوة فيك... الدنيا ما كانت شروق
يوم الوعد ..
الا الارض متكشفة ومتبلمة
نعمنو من خير الخريف لافحالها شال
يوم الوعد.. منطرحة خضراء.. فرحة دوم تتشابى لي..عين الشمس يا...
يوم الوعد...
البت حليوة.. اللابسة بيضاء.. بيضاء كذا الحليب
يوم الوعد..
والروح مشحتفة في البلود.. الفيها ريح تبكي
للبعود من فزعة الغربة البيساسق فوقا مو راجع ولا بالحيل قريب
يوم الوعد...
الروح مشحتفة في الحبيب القلب بكر.. الدنيا ما شافت جديدو.. ولا الحزن دقالو باب
لو شفتي كيف يوم الوعد .. كيفنو مترامي الغمام
والقمري زغرد للبلوم... والنسمة هبت مرتين
يا حليوة يوم دقيت بارض كفاف خصيب... والتانية في يوم الوعد
والايد تسالم في الايدين...
والام تقالد فوق جناها.. فوق جناها تشمو زين
يا حليوة صاحية.. حليوة صاحية .. كذا النسيم
يوم الوعد...
الدنيا غيم.. وحليوة جد جد يا ولد
كل البلد... قايل غناوي الحزن ليش
شايل مساديرك مجامر دمع ليش
ليش يا بلد والناس تريد
والدنيا كل ما نريد تزيد..
تملى الايدين تفرح تنش
لو صحيح.. غنينا للدمعة الحزينة
ودموع الفرحة ما لاقت غنانا
بكرة نرجع تاني للكلمة الرحيمة
شان هنانا... شان منانا.. شان عيون اطفالنا ما تضوق الهزيمة
اها نخووووش ولا نبقى مارقين يا ناس البيت
تحياتي طبزة المتطبز دايماً وابداً
