صفحة 1 من 15
الجامعات والجكس
مرسل: الأحد 2007.3.4 1:40 am
بواسطة ibn batoota
أول حاجة سلام للكل....... 
ياشباب رأيكم شنو نجي نعيد أيام الجامعات.... والضهب والجكس الفي الجامعة والحنك كان معاهو كيف..
طبعا بإفتراض إنك برلوم جدييييد..... كرت كرتونة ماناقش اي حاجة وداخل علي عالم جديد عليك:D
طيب ياجماعة نبدأها ليكم من ماطلعتها البيت وإنت قاشر الشكة للفؤاد....المشط في الجيب الخلف... جيت السوق العربي شأن تركب.. والسوق طبعا يعجبك زحمة ذي الزحمة وغبار بي الطريقة الصحيحة.... وصلت الموقف وراء الجامع الكبير وإنت وشك يلعن قفاك...... من الكتاحة والسخانة...... لقيت الموقف ذي كل مره.... زحمة ألف..... أها جات الحافلة وهاك ياجري ويامدافره..... أها تقوم تتحرفن وتدخل بالشباك.... وتقعد في مقعد وتخت كتبك في المقعد الجنبك الولد مفتح يعني مشرك وكده:D
أها في نص الزحمة دي وإنت رأسك شغال ذي مروحة الطربيزة تتلفت يمين وشمال .... تقوم تشوف ليك شحرورة حليونه طبعا لقب شحرورة لي الناس الماعارفنو كنا بنقولو للقطعة النضيفة في الجامعة:D
أها تقوم بي حركة مفتحين تأشر ليها إنو انا حاجز ليك جنبي هنا... وجات الشحرورة تتقدل وقعدت جنبك 
طبعا في اللحظة دي إنت خلاص كلامك كلو طار.. خصوصا بعد ماإبتسمت ليك وقالت ليك thanks
أها إنت داير تحنك لكن وين المدخل شأن تخش بيهو...دايرين مدخل الحنك ياجماعة؟
يالله في إنتظار مدخل للحنك السنين..
رد: الجامعات والجكس
مرسل: الأحد 2007.3.4 9:04 pm
بواسطة osama77
والله زحمة شديدة موش كدا ؟؟
لا ترد
زاتو الواحد يخاف يكرفس هدومو مرات صاح ؟؟
تنشغل في ترتيب دفاترها
معانا في السنتر إنتي لأن انا شفت شكلك دا في الميدان الشرقي ولا وين يارب ؟؟
رد: الجامعات والجكس
مرسل: الأحد 2007.3.4 9:23 pm
بواسطة ibn batoota
ايوه يا سمسم .......
أظهر وبان وليك الأمان.....
ناس السناتر ديل هم زاتهم... بتاعيين الونسة الدقاقة
رد: الجامعات والجكس
مرسل: الأحد 2007.3.4 9:34 pm
بواسطة ibn batoota
لونك أصفر شديييييييد إنت بتشجعي المريخ:D
طبعا هي لونها يكون زي أزرق وما أزرق حاجة كده ذي الظهره
لكن نعمل شنو برالمة وجداد في عالم الجكس
أنا زاتي مريخابي علي السكين وبحب حامد بريمة:D
رد: الجامعات والجكس
مرسل: الأحد 2007.3.4 9:51 pm
بواسطة ibn batoota
osama77 كتب:والله زحمة شديدة موش كدا ؟؟
لا ترد
زاتو الواحد يخاف يكرفس هدومو مرات صاح ؟؟
تنشغل في ترتيب دفاترها
معانا في السنتر إنتي لأن انا شفت شكلك دا في الميدان الشرقي ولا وين يارب ؟؟
إنت ياسواق شغل المكيف ده....... معانا سكر هنا خايفنو يسوح
رد: الجامعات والجكس
مرسل: الاثنين 2007.3.5 6:20 am
بواسطة بت أبوظبي
والله يا بطوط موضوع ظريف وجديد ..
لكن ما عارفه بالنسبه للناس الماعاشوا يوميات سودانيه بحته كده ..
يعني الماقروا في السودان وما عايشوا اللحظات السودانيه الجميله دي
ممكن يدخلوا معاكم ..
مع العلم انها واحده سواء اختلطت مع سوانيين او غيرهم من الجنسيات ..
ولكن اختلفت اللغه والتعابير ..
شكرا
رد: الجامعات والجكس
مرسل: الاثنين 2007.3.5 9:48 am
بواسطة الدكتوره
حلوه منك ياياسر
دا الى كنت انت بتعملو ولا شنو؟؟؟
اسامه دمك زى العسل
لكن لو كنت انا مكان البت دى وسمعت كلامك دا ياياسر نظرا لسخانه الجو وعدم توفر المقاعد
لو قلته لى بتشبهى حامد بريمه زاتو حستحملك لانى مجبوره بس لما اجى نازله اديك خبطه بالشنطه
واقول ليك سورى ما كنت قاصده
رد: الجامعات والجكس
مرسل: الاثنين 2007.3.5 9:58 am
بواسطة moony
الدكتوره كتب:حلوه منك ياياسر
دا الى كنت انت بتعملو ولا شنو؟؟؟
اسامه دمك زى العسل
لكن لو كنت انا مكان البت دى وسمعت كلامك دا ياياسر نظرا لسخانه الجو وعدم توفر المقاعد
لو قلته لى بتشبهى حامد بريمه زاتو حستحملك لانى مجبوره بس لما اجى نازله اديك خبطه بالشنطه
واقول ليك سورى ما كنت قاصده
ههههههههه ههههههههههه هههههههههههههه
حلوة منك يا دكتورة
والموضوع اجمل والمشاغلات شواكيشها كتيره ونودارها اكتر
بنتظار البقية
رد: الجامعات والجكس
مرسل: الاثنين 2007.3.5 10:54 am
بواسطة sarona
ابن بطوطة حلوة جدا منك
اسامة ناس السنتر. ..هههههههههههه تمام
الدكتور انتبهي لو في الشنطة قزازة ريحة ما تتكسر
رد: الجامعات والجكس
مرسل: الاثنين 2007.3.5 4:00 pm
بواسطة ibn batoota
بت أبوظبي كتب:والله يا بطوط موضوع ظريف وجديد ..
لكن ما عارفه بالنسبه للناس الماعاشوا يوميات سودانيه بحته كده ..
يعني الماقروا في السودان وما عايشوا اللحظات السودانيه الجميله دي
ممكن يدخلوا معاكم ..
مع العلم انها واحده سواء اختلطت مع سوانيين او غيرهم من الجنسيات ..
ولكن اختلفت اللغه والتعابير ..
شكرا
بت أبوظبي أركبي ساي
الحافلة دي بالرغم إنها ماشة الأهلية لكن جكس بانت وحمدالنيل والعودة كلهم بركبو معنا
بس أعملي حسابك....ماتقعي في واحد مفتح وسنير وإنت شهاده عربية.:D
رد: الجامعات والجكس
مرسل: الاثنين 2007.3.5 4:10 pm
بواسطة بت أبوظبي
ibn batoota كتب:بت أبوظبي أركبي ساي
الحافلة دي بالرغم إنها ماشة الأهلية لكن جكس بانت وحمدالنيل والعودة كلهم بركبو معنا
بس أعملي حسابك....ماتقعي في واحد مفتح وسنير وإنت شهاده عربية.:D
انزل احسن ...!!!!
رد: الجامعات والجكس
مرسل: الاثنين 2007.3.5 4:15 pm
بواسطة ibn batoota
رد: الجامعات والجكس
مرسل: الاثنين 2007.3.5 4:24 pm
بواسطة ibn batoota
رد: الجامعات والجكس
مرسل: الاثنين 2007.3.5 4:43 pm
بواسطة ibn batoota
Suhaib كتب:يا حليل ايام زمااااااااااااااااان ....
الز حاجة كنا الواحد البمشي يظبط البوش بعمل نايم وما بيتدفع الشرينق .....عشان كيدي اضطرينا يكون الجميع واقفين لحظة الحساب ...بنات علي اولاد ..
بجيك راجع يا بطوطة...
صهيب أخوي الجكس بتاعكم ظاهر عليهو جاهز.... من أكل البوش والخرخرة في الحساب..
هههههههههههههههه
ديل لي سلامتك وسلامة جيبك....حنك معاهم كداري بس:D
النوع ده أنا عارفو كويس مفلس ونفسو مفتوحة لي أي حاجة...ههههه.... خاصة بتاعيين البوش جنب عماره الفيحاء ودكاكيين الزقاقات الجنب السفارة....
رد: الجامعات والجكس
مرسل: الاثنين 2007.3.5 9:02 pm
بواسطة استارو
حقيقى الموضوع فى قمة الروعة
نبدى
،
،
لوسمحتى فى ياتو قسم انتى00؟
:فلسفة
بتعرفي واحد اسمو م(0000) من الصحافه
:ابدآ لاكين عندنا واحده من بنات الصحافة
اسمه 000000
مابعرفا 00معليش نسينا نعزمك
حاجة تشربى شنو؟؟
لا شكرآ
لاوالله انا حلفت
هههههههههههههههه
ههههههههههههههههه
تحياتى ودالنيليين
رد: الجامعات والجكس
مرسل: الثلاثاء 2007.3.6 12:03 am
بواسطة ibn batoota
استارو كتب:حقيقى الموضوع فى قمة الروعة
نبدى
،
،
لوسمحتى فى ياتو قسم انتى00؟
:فلسفة
بتعرفي واحد اسمو م(0000) من الصحافه
:ابدآ لاكين عندنا واحده من بنات الصحافة
اسمه 000000
مابعرفا 00معليش نسينا نعزمك
حاجة تشربى شنو؟؟
لا شكرآ
لاوالله انا حلفت
هههههههههههههههه
ههههههههههههههههه
تحياتى ودالنيليين
يا إستارو ياحبة...... براحة علي الحنان ده......:D
كدي قبل ماتعزمها بارد..... إنت ماشايف الكمساري ده جاري فيها نور طوووووويل كيف...
وشغال يكنتك ليها بالعين الشمال.... 
بيني وبينك هي ذاتها زول شغال بيها مافي غيرك إنت ياحبة:D
رد: الجامعات والجكس
مرسل: الثلاثاء 2007.3.6 12:39 am
بواسطة ibn batoota
رد: الجامعات والجكس
مرسل: الثلاثاء 2007.3.6 6:52 am
بواسطة بت أبوظبي
انا خليني اتفرج ساااااااااااااي !!
والله ما بعرف اجيب زي كلامكم الحلو ده ..!
رد: الجامعات والجكس
مرسل: الثلاثاء 2007.3.6 7:45 am
بواسطة احمد السوداني
[a7la1=66FFCC]
اجمل ايام حياتي هي تلك التى كانت في الجامعة - ما اروع تلك الايام
[/a7la1]
رد: الجامعات والجكس
مرسل: الثلاثاء 2007.3.6 10:37 am
بواسطة osama77
إنتو ما بتعرفو الحنك كيف..
أول حاجة بعد ما تركب من الشباك تقعد في الكرسي وتحجز الكرسي التاني الجنب الشباك وتأشر ليها وأثناء ماهي جاية تلز ليك أضعف واحد واقف وتنهره (زح للبت دي ماشايفها جاية انا حاجز ليها) ولمن تصل تمسح الكرسي وتنظفه بمنديلك وبعد ما تقعد تمد ليها منديل ورق وتسألها أفتح ليك الشباك ولا أحسن كدا ؟ ولازم تكون مجهز ليك لبان شكلت عشان تمد ليها .
شفتو الكبكبة عندي ولا بلاش
خبطيني بالشنطة في رأسي......تقولي لي سوري...أقول ليك لاسوري علي واجب 
