منتدى أنا سوداني

zaina كتب:من خلال متابعتى قبل ايام للقنوات
لذلك احببت ان اسالكم هذا السؤال
هل تفتخر بانك سودانى ؟

أبو عمر كتب:يا بتنا .. نحن عشنا في الغربة كثيييييييييير وشفنا جنسيات كتيييييييييييير .
ويمين بالله ما أعظم من الشعب السوداني .. بالرغم من كل التشققات الحاصلة في السودان إلا أن السودانين في الغربة تجدهم مع بعضهم البعض في كل المناسبات وقد حضرت مناسبات كثيرة وشاهدت مجاملات كثيرة والناس الغير سودانين لما يشوف السودانيين بمختلف أشكالهم وألوانهم في الغربة مع بعضهم البعض .. يمين بالله يحلف يقول ديل كلهم أهل ومن (حلة واحدة).
سوداااااااااااااااااااااااااااااااااااااااااااااااااااااااااااااااااااااااااااااااني الفي وجداني بريده.

shams alhidaya كتب:العوافي عليك آبنية

1 السؤال عن القبلية ليه 3 احتمالات
1 بعد دارفور والشرق وكترة الكلام عن الأقليات أصبحت في أولوية لبعض القبائل وهو ماتجينه ملحوظ حتى في زيادة الفرص الجامعية ومجانيتها لهم.
2 من له اليد العليا (شخصيا) يريد قبيلة محددة
3 أحيانا تطلب منهم موازنة الهيمنة ,,,,, وأكيد في محاباة

السؤال عن الجنسية
(بلد حدادي مدادي بنفرح بيه يوماتي) من الصعب التحكم في الداخل والمارق عشان نحن بطبيعتنا رواعية (جمع راعي) وبعدين يابتي المليون ميل دي ما هينة.
وكملن انت قلتيها (بلد اي زول) حتى ان كان (زلمي او person ) نحن بكرمنا بنحضنو ونلمو وبعدين يبقى لينا حار.

أما تغيير اللهجة (وده بيوجعني وجع) انا حاولت افسرو برضو رجعتو للكرم السوداني (المافي محلو) بيحاولو يبسطو عشان يحببو الناس فيهم (أو شان يعملو عرب اكتر من العرب) معليش بريتكم :D

أما الفخر
لو ما كنت سوداني وأهل الحارة ماأهلي كان أسفاي وامأساتي واذلي

السودانى الاصيل كتب:

موضوووع جميل ودا شى طبيعى
اختى الغاليه زينه
نحن نفخر بالسودان كل الفخر لان السودان لو
وضعنا فى الحسبان انه دوله فقيره نسبيا
فلديه القيم التى لا تشترى بالمال
وكل العالم يحب الشعب السودانى وصفاته
ولقد مررت قبل فتره قليله مصادفة فى احد المنتديات
شخص كتب انه زار السودان ولم يجد فنادق وبلد فقيره وجمله من
الانتقادات وذكر انه مكث خمس ايام

وهممت بالتسجيل فى ذلك المنتدى السعودى فقط لكى ارد عليه
ولكننى نزلت الى الردود وكانت المفاجاه
الكل رد عليه بجمله من محاسن السودان والكل ذكر صفات فى
السودان حتى انا قد اكون لا اعرفها والبعض احضر له عدد من
الفنادق فى الخرطوم تحير سكان الخرطوم نفسها
تهللت اسارير وجهى وتمنيت لو احضر كل البوست لمنتدى انا سودانى مع العلم ان كل المتداخلين غير سودانيين
اديك العافيه