صفحة 1 من 2
يا المغتربين الكلام ده صحي
مرسل: الخميس 2007.3.1 8:48 am
بواسطة moony
الكلام ده كتير
ناس كتيره بتشكي نحنا مشينا البلد الفلاني والسودانيين هناك ركبوا لينا وش الككو
مشيت السعودية عمرة اي زول ضربت ليه بجيك بجيك ولمن رجعت مافي زول اشتغل بي
في الشارع تكون جديد ورايح غريب وتعاين تلقى سوداني يقبل بالجه التانية
وحكاوي كميات وناس تشكي وتبكي
ليه الحاصل شنو؟؟؟؟؟؟؟؟؟؟؟؟؟؟؟؟؟؟؟؟؟
كذابين معقول كلهم كذابين !!!!!!!!!!!!!!!!!!!!!!!!!!!!!
ولا حقيقة.
وين الحقيقة
رد: يا المغتربين الكلام ده صحي
مرسل: الخميس 2007.3.1 2:38 pm
بواسطة علم الدين
لا ابدا الكلام دا ماصحيح
وانحنا مما نلاقي لين سوداني
محتاج لي مساعده بنتمنا ان نخدمه بعيونا
ومات تاخدي فكر سئيه عن السودانين المغتربين
عامه لان اصابع اليد مازي بعض
وشكرا علي الموضوع دا
رد: يا المغتربين الكلام ده صحي
مرسل: الخميس 2007.3.1 5:10 pm
بواسطة جذاب وما كذاب
والله ما تقدر تعرف
لكن عندي فلسفه في الموضوع ده
طيب يا حبيبي
مش ممكن الكلام ده يحصل قي السودان طيب بمعني اوضح
اانو انت تكون ماشي في السودان وتقابل مليون واحد رابط وش كلب كمان ولا وش كوكو
يعني الكعب كعب من بطن امو يا حلو ما تلصقوها فينا ساكت
رد: يا المغتربين الكلام ده صحي
مرسل: الجمعة 2007.3.2 12:44 pm
بواسطة osama77
والله العملية الشينة دي لاحظتها بوضوح شديد في مدينة أبوظبي
ملحوظة: يا بت أبو ظبي ماتجي تغالطيني.
رد: يا المغتربين الكلام ده صحي
مرسل: الجمعة 2007.3.2 3:28 pm
بواسطة بت أبوظبي
moony كتب:الكلام ده كتير
ناس كتيره بتشكي نحنا مشينا البلد الفلاني والسودانيين هناك ركبوا لينا وش الككو
مشيت السعودية عمرة اي زول ضربت ليه بجيك بجيك ولمن رجعت مافي زول اشتغل بي
في الشارع تكون جديد ورايح غريب وتعاين تلقى سوداني يقبل بالجه التانية
وحكاوي كميات وناس تشكي وتبكي
ليه الحاصل شنو؟؟؟؟؟؟؟؟؟؟؟؟؟؟؟؟؟؟؟؟؟
كذابين معقول كلهم كذابين !!!!!!!!!!!!!!!!!!!!!!!!!!!!!
ولا حقيقة.
وين الحقيقة
والله يا موني الحركات دي يمكن في قله من الناس بتعملها ..
يعني صراحه بقولها ليك .. حياتي كلها عشتها في الإمارات وبالتحديد في أبوظبي لكن قله او فئه من الناس اللي ما بتعبرك ولا حتى بتلتف ليك ..
تكون ماشي في امان الله وما تلقى سوداني او سودانيه إلا ولف جسمو ومشاعرو وإحساسيسهم معاك والقى تحيه الصباح و قال السلام عليكم .. سواء كنته مقيمه من فتره او كنته زائره ..
بالعكس في ناس كتيره بتهتم بيك وناس كتيره بتفرح لما تلقاك ...
ما تقلقي وتعالي شوفي بنفسك ..!
رد: يا المغتربين الكلام ده صحي
مرسل: الجمعة 2007.3.2 3:30 pm
بواسطة بت أبوظبي
osama77 كتب:والله العملية الشينة دي لاحظتها بوضوح شديد في مدينة أبوظبي
ملحوظة: يا بت أبو ظبي ماتجي تغالطيني.
يمكن ناس صادفتهم وما ليك حظ في النقطه دي ..
لكن اقولها وبكل مسؤوليه .. صراحه الناس هنا ما بتقصر ..!
رد: يا المغتربين الكلام ده صحي
مرسل: السبت 2007.3.3 8:29 am
بواسطة الممشى العريض
مشكورة يابت ابوظبى على هذا الموضوع الشيق...........
وورينى الجديد دوما.................؟
رد: يا المغتربين الكلام ده صحي
مرسل: السبت 2007.3.3 10:43 am
بواسطة ودالدرديري
ياجماعة الحاجة دي حاصلة والله
لكن الاهم انها ماكتيرة ولاتعتبر ظاهرة عشان الناس تتكلم عنها
يعني مثلا واحد يكون طالع من الصباح وهو في الطريق بفكر في ايجار البيت البعد يومين ومصاريف المدرسة البعد اسبوع وتجديد الاقامات البعد ثلاثة يوم وفي نفس اللحظة يكون عامل مشكلة مع الكفيل وموقوف من العمل ليهو كم شهر كدا , يعني زي دا لوسلمت عليهو تفتكر حيسمع سلامك؟؟
ولو سامعك هل تفتكر عندو نفس يرد ليك السلام؟؟
ولو جيت عمرة هل يقدر ينزلك معاهو في البيت؟؟
وانت زاتك تقدر تقعد مع زول عندو المشاكل دي؟؟
ياشباب النموزج دا موجود بصورة كبيرة جدا وحقو نحن نفكر في طريقة نحل بيها الزول الزي دا مش نلومو عشان مركب وش بتاع ككو... وبعدين دا بكون الوش بتاعو الاصلي الجديد المنبثق من الانفعالات الداخلية ولا شنو؟؟
رد: يا المغتربين الكلام ده صحي
مرسل: السبت 2007.3.3 2:56 pm
بواسطة هبه
مشكوره بت ابو طبى على الموضوع
السودانيين بيساعدوا بعض فى الغربه
وكلامك مش صحيح
وتحياتى
رد: يا المغتربين الكلام ده صحي
مرسل: السبت 2007.3.3 3:08 pm
بواسطة مهند عبد الرحمن
يا موني بصراحة المغتربين كتر عليهم وبالذات ناس جده ديل يعني طول السنة مضيوفين من عمرة لي حج لي علاج وكله كملوهو بقت كمان موضة تاني عايزيم يشتروا الشيلة نحنا ناقصين .
العبرة مافي انه الناس رافضة تقابل الناس بس العبرة في انو الناس بقت ما بتقدر يعني الناس هنا عنده ضغوطات كتيرة ومسئوليات اكبر .
وطبعا الحكاية دي ما عندها حل بس كل المطلوب تقدير الموقف
رد: يا المغتربين الكلام ده صحي
مرسل: السبت 2007.3.3 3:40 pm
بواسطة sarona
موني والله زي ما قالليك مهند ....
احنا ناس جده ديل قلنا الرووووووووووووب عديل كده
الضيفة 3 يوم احنا ضيوفنا 5-6 شهور من المولد لبعد الحج
وبعد داك سوق....وعلاج...... وهدايا ...و...و...
دي ما المشكلة ....المشكلة لما ترجعي السودان زي الما بيعرفوك .....
رد: يا المغتربين الكلام ده صحي
مرسل: السبت 2007.3.3 8:56 pm
بواسطة بت أبوظبي
الممشى العريض كتب:مشكورة يابت ابوظبى على هذا الموضوع الشيق...........
وورينى الجديد دوما.................؟
الموضوع ليس موضوعي ..
ده بوست خاص للعضوه moony
شكرا
رد: يا المغتربين الكلام ده صحي
مرسل: الأحد 2007.3.4 10:53 pm
بواسطة استارو
اختي الغالية
الموضوع فى غاية الاهمية
الواحد بيتمنا يلاقىحد جائ من السودان
عشان يعرف احوال بلدو؟؟
بس اهلنا
صعبين شوي المغترب فى النهاية انسان
وليس ملاك بيمر فى اوقات عديدة بمواقف
عصيبة ولا يجد من يشدومن ازره
لا يجد من يراءف عليه حتى
يااهلنا يكفينا
عـــــــــــــــذاب
الغربة
والكلام دى ماصاح
تحياتى
رد: يا المغتربين الكلام ده صحي
مرسل: الاثنين 2007.3.5 7:58 am
بواسطة moony
مهند عبد الرحمن كتب:يا موني بصراحة المغتربين كتر عليهم وبالذات ناس جده ديل يعني طول السنة مضيوفين من عمرة لي حج لي علاج وكله كملوهو بقت كمان موضة تاني عايزيم يشتروا الشيلة نحنا ناقصين .
العبرة مافي انه الناس رافضة تقابل الناس بس العبرة في انو الناس بقت ما بتقدر يعني الناس هنا عنده ضغوطات كتيرة ومسئوليات اكبر .
وطبعا الحكاية دي ما عندها حل بس كل المطلوب تقدير الموقف
sarona كتب:موني والله زي ما قالليك مهند ....
احنا ناس جده ديل قلنا الرووووووووووووب عديل كده
الضيفة 3 يوم احنا ضيوفنا 5-6 شهور من المولد لبعد الحج
وبعد داك سوق....وعلاج...... وهدايا ...و...و...
دي ما المشكلة ....المشكلة لما ترجعي السودان زي الما بيعرفوك .....
الاخوان مهند و Sarona
انا معاكم انو الناس بتكتر وتستغل حسن الضيافة استغلال سئ للغاية
والله يعينكم يا ناس جدة
الاخوة
علم الدين
جذاب وما كذاب
osama77
بنت ابوظبي
الممشى العريض
ود الدرديري
هبه
استارو
شكرا على مشاركتكم الغالية
أختكم موني
رد: يا المغتربين الكلام ده صحي
مرسل: الاثنين 2007.3.5 10:33 am
بواسطة قريب الله
الاخت موني
بعد التحية
الموضوع مهم جداً
والكلام القالوه الاخوه والاخوات كله صحيح
بس في نقطة احب اضيفها إن النظام في البلد مقيد جداااااااااً
وفي غاية الإحراج والناس ما بتقدر واتحرجنا كثيرا معاهم حتى من أقرب الناس .
وبصراحة كده وبكل وضوح الواحد بينزل من الباخرة أو الطائرة بدل ما يفكر في العبادة
العمرة أو الحج الجاي عشانها ويستفيد من الخدمات الدفع دم قلبه عشانها ويحقق أمنياته
يقعد يفكر يتصل على ناس فلان وعلان وفي السوق وفي باب شريف.
ولو الواحد نزل معاك في البيت شوف المضايقات البتحصل ما عارفين ظروف البلد السهر
ويمكن بعض الناس يستحلى الشغله وينسى الغرض الذي جاء من أجله وتخاف تقول للواحد قوم
أعمل ليك عمره على طول يزعل منك ويفتكر إنك مش عايزه أو طارده أو قلبت
وشك أو عملت ليه وشك الككو ويمكن يتسبب في خراب البيوت لا قدر الله ..
كان الله في عونا وبعد داه الواحد ما بيسلم سواءً من القريب أو الغريب
رد: يا المغتربين الكلام ده صحي
مرسل: الثلاثاء 2007.3.13 3:53 pm
بواسطة صلاح حامد
اخى سلام الله عليك اولا اشكرك على هذا الموضوع اولا كلامك فية نوع من المبا لغة شوية واقول ليك بصرحة انا حاليا خارج السودان منز زمن بعيد من1991 والى الان تعرفنا على الكثير الكثير من الاخوة السودانين معى فى ارض المهجر ومنز زالك الوقت والى الان لم تمر بى حالة شازة من الاخوة الموجودين الزين اعرفهم ولااعرفهم ودايما فى شكل جماعات فى السكن او العمل واقول ليك بصراحة من كل فترة الى اخرة تستقبل اخ او ضيف اقصد زول سودانى بشكل عام والله لايلقى الى الاحترام وحسن الضيافة السودانية الاصيلة ولا يحس بقربة ابدا معنا فى زالك السكن او المنزل الزى نسكنة الى ان يستقر وبكل صراحة كل من فينا يبحس لة عن عمل فى مجال مهنتة ان كان عندة مهنة او عاملا عادى وطبعا قبل كل شى نعرفة بوضع البلد عامة والاشياء البتحصل او المشاكل او بعض الصعاب التى تواجهو فى اثناء عملة الى ان يرد الله غربتة الى ارض الوطن :::.
اما فى موضوع يتحدث بلهجة غير اللهجة السودانية من الطبيعى ان يفعل زالك لية لاان فى وصط ناس لايتكلمون الى بلهجتم او لغتهم الخاصة وعشان تعمل وتستفيد لازم تحاول تجارى الوضع من حولك ام كا سودانين فى ما بيننا لانتكلم الى سودانى خالص مية فى المية وهذا حقيقة اخى ....وهذا الكلام زى ما بقولو قليل من كثير ولاكن انا اكتفى الى هذا الحد واشكرك اخى مرة ثانية
اعزرونى فى الاخطاء الاملائية
رد: يا المغتربين الكلام ده صحي
مرسل: الثلاثاء 2007.3.13 11:42 pm
بواسطة SNGAM
السلام عليكم ورحمة الله وبركاتة
اولا عندما ينوى الواحد السفر سواء داخل الوطن او خارجة لابد ان يكون مجهز نفسة ماديا ومعنويا
لهذة الرحلة ولايتكل على اساس ان يساعدة احدا ولا مافى داعى لهذة الرحلة لان المسالة فى الاساس
الغرض لمن استطاع سبيلا ولا كلف نفسا الاوسعها والاخوة المعزبين فى الغربة وبالذات فى مكة او المدينة يعانون الامرين وكثيرون يشتكون من الضيافة وطبعا الواحد عايز يكون كريم لكن اليد قصيرة وكل واحد علية التزامات اكثر مما تحتمل والله يكون فى عونهم وانا طبعا ليس من المدن التى ذكرتها ولكن انقل مما يقال واسمع من بعضهمعلى اى حال السودانيون بطبعهم كريمون والا لما كل واحد يغترب سواء داخل السودان اوخارجة لايستطيع ان يحقق ولا 10 0/0 طموحة
مع تحياتى
اخوكم SNGAM
رد: يا المغتربين الكلام ده صحي
مرسل: الأربعاء 2007.3.14 8:59 am
بواسطة nourelsalam
بسم اللة الرحمن الرحيم
السادة القراء الاعزاء والاخوة فى منتدى انا سودانى فى واحة المغتربين
اولا احييى الاخت moony
اختى اولا الموضوع اكثر من رائع وجميل وانا كنت قبل فترة وفى احدى المنتديات قد طرحت السوال التالى وهو هل الاغتراب غير من سلوكيات السودانى وقد اجبت على السوال انا اولا بحكم الاغتراب الممتددالى مايقارب من 29 عام الان فهيا بنا جمعيا لنقراء الموضوع والرد واليكى اكتب مداخلتى عن طرحك فقلت
احييكم فقى واحتكم العامرة الرائعة الظريفة واليك عزيزى المغترب السوال التالى هل غير الاغتراب من سلوكيات المواطن والانسان السودانى وانا لاننى مغترب ولمدة اكثر من عشرين عام و ثمانية اخرى والمجموع حوالى 28 عام واصبح الان 29 عام
فانا اول من اجيب على سوالى وبعد كدة اترك الاجابة لك اخى المغترب والمحلى فما رايك فى اجابتى التالية
انا اعتبر ان الغربة قد كانت تجربة مفيدة الى الكثير من الناس والاسر واناضد ان الاغتراب غير من سلوكيات المغتربين ولكن ممكن نقول بعض ابناء وبنات المغتربين من المدلعين والحناكيش ومن الذين لايحبون السودان وانا احييى ملوك وامراء بلدان دول الخليج الذين اصدروا القرارت بمنع الاجانب من الدراسة فى دولهم و بقت علينا قصة ياكلوا السوداننين لحم ويرموهم عظم اى بمعنى خير السنوات من اعمار اباءنا وخير ايام الشباب نقضيها فى خدمة هولاء الاعراب المستعربة الحفاة رعاة الشاة الذين يتطلون فى البنيان وعندما تاتى فلذات اكبادنا لكى يدرسوا فى تلكم البلدان الغبية يقولوا ليك معليش نحن ما نبقى اجانب فى جامعتنا والحق علينا لاننا لو ذهبنا الى الغرب لكان كل منا يحمل الجنسيات التى يهابها هولاء الاعراب من امريكية وبرنطانية وكندية واسترالية ولكن ابت علينا عروبتنا وافريقتنا الا ان نغترب مع هولاء الانعام ومعليش البترول قرب يطلع و بنجيب سواقين ومربيات من هذة الدول لو شاء اللة وامد فى العمر ياولدى ونحن الساس ونحن الراس والعقل المدبر لهولاء البشرية
السودانى بالعكس الاغتراب هذب كثير من الاخوة المغتربين السوداننين وخاصة فى الغرب
تجدعدد كثير من الشباب من تعلموا الدين والعمل والمثابرة فى الاغتراب وفى الاسفار فوائد عديدة و جمة وكثيرة
فهناك الكثير من المغتربين الذين كم اسعدوا وضحوا من اجل اسرهم فى الوطن الجريح السودان
وفى العادات والتقاليد والكرم والشهامة السودانى برة السودان ارجل وفحل اكثر من ان لو كان فى السودان والكريم كريم برة وجوة السودان لان من شبة على شيئا شاب علية وانا اعنى ما اقول
والغربة سترة حال فى كل الاوقات ونحن عندما نرى سودانى فى الغربة نكون زى الشفنا ليلة القدر والسودانى اصيل وقلبوا حار وما بعرف الذل ولا الهوان وان كانت الناس قد تغيرت قليلا ولكن حتى الان يعتبر السودانى من العملات النادرة ومن الصعب ان تجد من الناس مافية صفات السودانى فى شهامتة وكرمة ورجولتة ومواقفة الرجولية الباسلة والتحية والاجلال الى كل مغترب والى كل طائر مرتحل عبر البحر قاصد الاهل احملة ا شواقى الدفينة ليك ياحببيبى للوطن ولكل مغترب التحية والاحترام ولكم العتبى حتى ترضوا عنا
ايها الرائع اخى المغترب الر جاء ان تبدى رايك بكل شجاعة وبكل وضوح وانا برضو متكوى بنار الغربة وبنار الفراق ولكن ما البديل وهل هناك امكانية من العودة الى البلد فى الظروف المواتية الان
اكتبى لى وانا بكتب ليك بالحاصل بى والحاصل بيك والحاصل بى انا شوق وحننين واقيم الليل اهات واننين ودة كلوا من الغربة والاغتراب
مع تحيات اخوكم
نور الاسلام
انتهى كلامى وجوابى على سوالك لا والف لا ان السودانى يطول اغترابة وغربتة بسبب الاهل والاصدقاء والجيران وناس الحلة والمجاملات الكثيرة جدا جدا ونادر ماتجد سودانى فى الغربة قد تغيير وصار يتجاهل اخوتة السودانين اى كان نوعهم وجنسهم وقبائلهم ومستواهم التعليمى والثقافى
اقرب مثال فى الاسبوع النصرم كنت فى مكتب الجوزات فى هنا فى االصين فوجدت اثنين من الاخوة السودانين وجدد فى البلد فعلى الفور تركت ما جئت من اجلة فى الجوزات وقمت بالتعرف عليهم واعطيا تهم ارقام تلفوناتى وعنوان مكتبى والبيت وفى خلال اسبوع التقيينا اكثر من ثلاث مرات وتناولنا طعام الغذاء ومعى بعض الاخوة المقيمن فى مدينتى قونجو وصار بيننا اتصالات بصورة دائمة
مع العلم باننى كما ذكرت اننى مغترب اكثر من 29 عام مابين امريكا والصين واروبا ولكن كل هذة السنوات لم تغيير فى شخصى مثقال ذرة بالعكس زاد حبى لكل سودانى اى كان
انا اعرف الكثير من امثالى فى الصين واروبا وبقية انحاء العالم ولكن اويدك فى بعض الشى من كلامك الان وفى الكثير من الجيل الجديد جيل عام 1990 الى الان لم يكونوا مثل الاجيال السابقة وذلك لان التربية وعوامل التربية قد اختلفت ولان نوعية الناس برضو اختلفت فلابد فى التمعن واستفتتاء قلبك فى العلاقات
مع الناس خاصة من لاتعرفهم جيدا فلابد من التوخى والحذر اولا ولكن عندما تعرف الانسان فهذا شان اخر
الكل قد يعلم عن قصة رائعة حدثت فى مدينة جدة وقصها على اخى الاصغر خالد المقيم فى جدة
عن ان رجل سودانى كان طريح الفراش فى احدى المستشفييات فى جدة فى حادث مرور ولم يكن لدية معارف فى جدة وانة جديد حتى فى السعودية
كان هذا السودانى فى عنبر وغرفة مع احد السعودين فقام ابن الرجل السعودى بزيارة والداة فى الغرفة فلما
انتهت الزيارة ويريد الشاب السعودى الانصراف قال لة السودانى المريض الرجاء ان تقدم لى خدمة لو امكن فقال الشاب السعودى انا على الرحب والسعة امر ما تريد
فقال السودانى الرجاء ان تحمل هذة الورقة والتى بها بعض الاشياء التى اريدها من السوق وهى عبارة عن مسلتزمات من بشاكير وصابون وامواس حلاقة واشياع اخرى يريدها السودانى المريض فقال الشاب السعودى لا عليك ساحضرها لك فقال السودانى لا والله انا مهمتتك هى ان تعطى هذة الورقة الى اول سودانى تجدة فى طريقك وهو سوف يقوم بالواجب وباحضار هذة الاشياء
فلم يصدق الشاب السعودى ما سمع وقال يلا اشوف واجرب فما كان منة الا ان راى اول سودانى فى احد الاسواق فتوقف ونادى على السودانى وحكى لة القصة بان هناك سودانى فى المستشفى وقال لة كل القصة فقال السودانى للشاب السعودى شكرا لك وجزاك الله حيرا وانا الان سوف اذهب لهذا الرجل واحمل معى كل المطلوب اقوم بزيارتة وقد كان بان فعل الاخ السودانى كل الواجب نحو اخوة السودانى المريض
اخيرا مازالت الدنيا بخير
مع تحياتى
نور الاسلام
رد: يا المغتربين الكلام ده صحي
مرسل: الأربعاء 2007.3.28 11:24 am
بواسطة عفراء
السلام عليكم ورحمة الله وبركاته
الاخت مونى كلام ماصح
عايذة اقول ليك كل الناس ماواحد
والمتربى صح وطالع من بيت طيب واصلو
ومتعلم عمرو مابتعامل كدة نحنا بلعكس هنا فى ابوظبى
كل الناس تعاملهم حلو مافى زول ركب وش الكلب لى حدا
مهما كان بلعكس نحنا الكتر جالية هنا معروف اننا بنساعد بعض
ونقيف مع بعض انا صراحة لحد الان مالقيت ناس زى مانتى قلتى
رد: يا المغتربين الكلام ده صحي
مرسل: الأربعاء 2007.3.28 12:12 pm
بواسطة محتار محتار
يا أختى الكعب في السودان كعب في الغربة ، و الحلو في السودان حلو في الغربة
تلقي الككو و تلقي الغزال
والله رغم أن عملية أستقبال الأهل دي تكون أحياناً صعبة جداً ، خاصة و أنها تكون مطلوبة أثناء ساعات العمل ، و لكن برضو الواحد يتحمل في سبيل أن يستقبل أهله و معارفه و يهتم بهم و زي ما قال الأخوة في بعض السودانيين الواحد منهم يفرح عندما يقابل سودانياً و يقدم له خدمة و في البعض الآخر يعمل يعمل فيها ماشايف.
مرة ذهبت إلى أحدى الشافي ، في السعودية بخصوص أوراق لأحد المرضى من أقاربي و نسبة لأني أول أذهب إلى هذا المستشفى كان لا بد لي أن أسأل عن المكان الذي أريد و كان من الطبيعي أن أسأل سوداني مثلي و بالفعل رأيت شخصين يتجهان ناحيتي فهممت بأن أسألهم عن ذلك المكان في المستشفى ، لكنهم أبدو ضيقاً واضحاً عندما شعروا بأنني سأطلب منهم شيئاً و أشاحوا بوجوههم عني ، تضايقت منهم جداً لدرجة أنني قررت أن أسأل أي شخص ما عدا السوداني.
في المقابل في زيارة أخرى لتغيير مواعيد لنفس المريض ذهبت صباحاً باكراً إلى ذات المستشفى حتى قبل أن يحضر الموظفين و كنت أعرف المكان جيدا، و جلست في إنتظار أن يبدأ الدوام و مر أخ سوداني و رآني و لم أره و لكنه أتجه ناحيتي و سلم علىّ و سألني عن سبب وجودي هنا فلما أخبرته طلب مني أن اقوم معه وذهب إلى الموظفة المسؤولة عن المواعيد و أعطاها رقم الملف و قال ليها دا أخوي و أول ما تفتحي الحاسب تعملي ليهو المواعيد أو شخص و فعلاً كان كذلك و لولاه لربما أنتظرت طويلاً بحكم أنه يوجد غير كثر
طبعاً بعدها عرفني بنفسه ( أخوك خليل ،، محسي من إندنا)
و كلهم سودانيين
تحياتي