صفحة 1 من 1
مفاجأة لطلاب الجامعه العربية المفتوحه فرع الرياض
مرسل: الاثنين 2008.11.10 4:49 pm
بواسطة المقدام
مفاجاة الى اخواننا و زملائنا طلاب الجامعه العربية المفتوحه فرع الرياض
الجامعه العربية المفتوحه تقدم لاب توب بسعر 1000 ريال فقط لطلابها
الشروط :1/ ان يكمل ما لا يقل عن 25 ساعه معتمده ولا يزيد عن 80 ساعه معتمده
2/ ان يكمل ما لا يقل عن فصلين دراسيين .
وبهني كل من دخل في العرض القيم ده وعلى فكرة الجهاز ده سعره في السوق يتراوح بين 3000الى 3800 ريال سعودي تقريبا 
رد: مفاجأة لطلاب الجامعه العربية المفتوحه فرع الرياض
مرسل: الثلاثاء 2008.11.11 8:30 am
بواسطة ابراهيم الجيو
الجامعة بتتبع خطوات جيدة،، وبتحاول توفر أجهزة محمول لكل طالبي وطالبـــة منتسبين لها ولجميع فروعــها،،،،
بشـــــارة جميلة جداً،،،
الجامعه العربية المفتوحه / السعودية/ الرياض
مرسل: الاثنين 2008.11.17 2:38 pm
بواسطة المقدام
هل الجامعة العربية المفتوحة معتمدة؟
ج/الجامعة العربية المفتوحة معتمدة من قبل وكالة الاعتماد الدولي في الجامعة البريطانية المفتوحة. وعلاوة على ذلك فإن فرع المملكة العربية السعودية معتمد من وزارة التعليم العالي السعودية واللجنة الوطنية للتقييم والاعتماد الأكاديمي. ويشمل هذا الاعتماد جميع المراكز الإقليمية للجامعة العربية المفتوحة في المملكة العربية السعودية، فهي جميعها معتمدة على قدم المساواة.
كلام 100%
2-كيف يمكنني تقديم طلب قبول؟
ج/الآن يمكنك تقديم طلب للقبول في أي من برامج الجامعة العربية المفتوحة على الانترنت. كل ما عليك عمله هو ملء طلب القبول على الانترنت وبعد ذلك قدم صورة من الهوية أو جواز السفر، وصورة من شهادة الدراسة الثانوية العامة أو ما يعادلها، وصورتين شخصيتين إلى اقرب مركز تابع للجامعة العربية المفتوحة. ويمكنك إرسال هذه الوثائق عن طريق البريد إلى جانب إيداع رسم لقبول في حساب الجامعة على صندوق بريد ٨٤٩٠١ ، الرياض ١١٦٨١
ملاحظة / رسوم القبول 300 ريال سعودي
]**** في انتظار اي ملاحظات اخرى******[/
رد: الجامعه العربية المفتوحه / السعودية/ الرياض
مرسل: الاثنين 2008.11.17 3:00 pm
بواسطة تمسآآآح
الواحد بتين يفتك
ويرجع بلدوا
وأنت عاوزنا نقعد فيها
شوف هي كويسة من ناحية أنك قريب من أهلك
لكن
أنصح
أنا خصيصا وبتجارب من أقاربي
بالذهاب لماليزيا
قالوا تكاليف الشهر ليك بتكون على حدود 1000 ريال شهريا
الا لو كل يوم ماكدونالدز فزيدها حبة
ودراستها كويسة
المهم ما نطلع من الموضوع
الجامعة العربية المفتوحة ممكن تكون للبنات أحسن
عشان تكون قريبة من أهلها في الرياض
>>>>>>>>>>> البنات دايما مشكلة 
من المستحيل أنو الأم تسيب بنتها في السودان براها
لأنها ممكن تضيع
يعني لازم تسافر الأم معاها ولو سافرت الأم لازم يسافر الأولاد معاها
فمشكلة تختلف الدراسة وبلاوي كتيره
في النهاية
ممكن للبنات
وللأولاد 
لازم يعتمدوا على نفسهم
رد: الجامعه العربية المفتوحه / السعودية/ الرياض
مرسل: الاثنين 2008.11.17 3:25 pm
بواسطة المقدام
اول حاجه انا بحييك على وجهت نظرك دي .
لكن عندي بعض الملاحظات :
1- متين راجعين للسودان / السودان بلدنا لا مفر من ذلك وانا كمان سوداني وبشتاق ليه ، وفي النهاية راجعين للسودان كان كويس او ما كويس.
2- حكاية ان البنات ما بيمشوا السودان براهم ده كلام ما 100% صح وده بيعتمد على البنت نفسها لان اغلبهم مشوا السودان براهم وقاعدين يقروا في امان الله وما بيعملوا اي حاجه غلط ، اما اللي بيضيعوا يشكلوا ممكن اقدر اقول نسبة 1 الى 2% في المية بس.
3- وحكاية انوا القراية في السودان او ماليزيا / القراية في السودان بالدولار وتكسر ظهرك ، ان في الجامعه العربية المفتوحه في فرصه انك تشتغل وتدرس (زي حالنا مع انها دعك شديد) لاعتماد الجامعه العربية المفتوحه على نظام الدراسة المفتوح وده بيسهل على كتير من الموظفين انهم يكملوا دراستهم الجامعيه وكمان لو اتخرجت يا دووب من الثانوي تقرى وتشتغل.
* ملاحظة/ اذا كان عندك زي اخوين او ثلاث اخوة في الجامعه حتعرف انوا القراية بالقروش ما سهلة ، وان اغلب المغتربين بيكون عندوا اكتر من ولد داير يقريهم ، ومن الاحسن انك توفر عن ابوك ولو رسومك الجامعيه.
ولا انت داير ترطب طول عمرك يا تمساح
رد: الجامعه العربية المفتوحه / السعودية/ الرياض
مرسل: الاثنين 2008.11.17 11:57 pm
بواسطة $$SOOMA$$
يعنى لو ممكن اسالك ممكن تدينى تفاصيل اكتر عنها
رد: الجامعه العربية المفتوحه / السعودية/ الرياض
مرسل: الثلاثاء 2008.11.18 12:40 am
بواسطة دمـ البحر ـوع
سمعت عن دي الجامعه يمدحوها كثير
رد: الجامعه العربية المفتوحه / السعودية/ الرياض
مرسل: الثلاثاء 2008.11.18 10:58 am
بواسطة المقدام
sooma
و
دموع البحر
اول حاجه تسلموا على المرور والمشاركة في الموضوع .
وانا في انتظار اي استفسار اقدر افيدكم فيه
رد: الجامعه العربية المفتوحه / السعودية/ الرياض
مرسل: الثلاثاء 2008.11.18 3:20 pm
بواسطة $$SOOMA$$
العفو
ممكن تورينى نظام الدراسه كيف والتسجيل حسي فاتح ماعليك امر
ومشكور
رد: الجامعه العربية المفتوحه / السعودية/ الرياض
مرسل: الثلاثاء 2008.11.18 6:13 pm
بواسطة sma7a
الجامعه المفتوحه الى هى امشى الجامعه يوم فى الاسبوع والباقى بالنت الرسوم 10 الف طيب 
و بعد دا انتو شايفين انها كويسه
رد: الجامعه العربية المفتوحه / السعودية/ الرياض
مرسل: الأربعاء 2008.11.19 9:41 am
بواسطة المقدام
كم هي تكلفة الدراسة في الفصل الواحد في الجامعة العربية المفتوحة؟
التكاليف تعتمد على عدد الساعات المعتمدة، وعموما فان التكلفة تتراوح من ٥٠٠٠ إلى ٧٠٠٠ ريال سعودي لكل فصل دراسي.
وهو يعتمد على عدد المواد اللي مسجل فيها حيث لكل ماده سعر .
وبالنسبة لسؤالك يا سوما عن امكانية التسجيل ؟ حاليا ما في طريقه الا الفصل الجاي.
--------------------------------------------------------------------------------------------
وبالنسبه لرأيك يا بت السقاي مع فائق احترامي لك .
في ظروف بتخليك تقرى في الجامعات اللي زي كده .
مثلا : ان تكون طالب وموظف ما عندك طريقه الا الجامعه العربية المفتوحه، ومثال ثاني: في حاليا اسر سودانية عندها ماشاء الله 3 اولاد بيقروا خاص في السودان والوالد المسكين ما عنده امكانية يقري الرابع كمان بدال ما ينتظر يشوف ليه اي شغلانه كده عشان الرسوم ويسجل في الجامعه ومنه يكون وفر للوالد وقاعد يقرى كمان وما ضيع وقته.
واحوال الناس ما زي بعض 
وده رابط فيه معلومات عامه للتعريف عن الجامعه
http://upload.9q9q.net/file/5A3vSRiEDUt/faqs.pdf.html
لازم يكون عندك برنامج اكروبات عشان الملف يشتغل
رد: الجامعه العربية المفتوحه / السعودية/ الرياض
مرسل: الأربعاء 2008.11.19 11:55 pm
بواسطة $$SOOMA$$
شكرا خالص ليك الله يحميك ويحفظ من كل شر طيب متين الفصل التانى
رد: الجامعه العربية المفتوحه / السعودية/ الرياض
مرسل: الخميس 2008.11.20 12:58 pm
بواسطة المقدام
لا شكر على واجب ( sooma ) ، تسلمي والله على الدعاء الحلو ده ، مع خالص تمنياتي لك بالتوفيق .
وانا في الخدمه لو اي زول محتاج مساعده كلنا اخوان / وبشكر كل من شارك في الموضوع.
وده التقويم للسنة الدراسية الحالية
--------------------------------------------------------------------------------
التقويم الجامعي للعام الدراسي 2008 /2009
الفصل الدراسي الصيفي 2008/2007:
بداية الفصل الصيفي 5/7/2008م
نهاية الفصل الدراسي الصيفي 23/8 /2008
بداية فترة الامتحانات النهائية للفصل الصيفي 26/8/2008م
الفصل الدراسي الأول 2008 / 2009م :
بداية فترة تسجيل المقرراتالدراسية 15/9/2008م
بداية الدراسة للفصل الدراسي الأول 6/10/2008م
نهاية الفصل الدراسي الأول 12/1/2009م
بداية فترة الامتحانات النهائية للفصل الأول 19/1/2009م
الفصل الدراسي الثاني 2008 / 2009م:
بداية تسجيل المقررات الدراسية 16/02/2009م
بداية الدراسة للفصل الدراسي الثاني 23/02/2009م
نهاية الفصل الدراسي الثاني 1/6/2009م
بداية فترة الامتحانات النهائية للفصل الثاني 8/6/2009م
الفصل الدراسي الصيفي 2009 / 2008:
بداية الفصل الصيفي 6/7/2009م
نهاية الفصل الدراسي الصيفي 24/8/2009
بداية فترة الامتحانات النهائية للفصل الصيفي 1/9/2009م
رد: الجامعه العربية المفتوحه / السعودية/ الرياض
مرسل: الخميس 2008.11.20 4:51 pm
بواسطة $$SOOMA$$
شكرا ليكم خالص ابراهيم الجيو وبلاك كات
الله يوفقكم ويحقق احلامكم عن جد شكرا كتيررررررر
رد: الجامعه العربية المفتوحه / السعودية/ الرياض
مرسل: الخميس 2008.11.20 8:03 pm
بواسطة sma7a
رد: مفاجأة لطلاب الجامعه العربية المفتوحه فرع الرياض
مرسل: الجمعة 2008.11.21 9:02 pm
بواسطة البوسنوى
[a7la1=00FF33]الف مبرووووك وعقبال فرع السودان[/a7la1]
رد: مفاجأة لطلاب الجامعه العربية المفتوحه فرع الرياض
مرسل: السبت 2008.11.22 11:38 am
بواسطة المقدام
اول حاجه تسلمي يا سوما (( خجلتينا والله))
واشكر بت السقاي على تشريفنا برأيك (( براحه علينا ، حطمتيني ))
وطبعا الشكر الجزيل الى ابراهيم الجيو (( طبعا هو اقدم مني في الجامعه ،، خبره،،))
والبوسنوي ابشرك عندهم نية يفتحوا فرع في السودان ، والله يوفقك ان شاء الله.
وفي انتظار اي استفسارات اخرى،،،،،،،،،،
ما في شي بيغلى على اعضاء منتدى انا سوداني
