منتدى أنا سوداني

مرسل: **الخميس 2008.10.16 12:33 am**

قالوا الزمن يالسمحة ياهو كدة وكفي
أصلوا الزمن يالسمحة قل فيه الوفاء
أتبدلت كل القيم يالسمحة والشرف أختفى
بقت الرزيلة في غفلة وأصبحت الفضيلة مخالفة
البت تجيك متكشفة ويقولوا ليك مثقفة
تحلف تقول صائعة طريق أبداُ يقولو موظفة
ياشابة...........ياشابة لو لقاها أي شاب يوقفها
************
القعدة كمان سموها بارتي وبارتي حاد
لازم يكون عدد البنات قدر الولاد
وهاكك ياغُنى وقوم ياعصام ناول منى
وفي صحتك وعلى شرف رأس السنة
طول بينا ياليل السواد شبعنا في خم الرماد
ولمن تصبح الله كان في عون العباد
*************
أما المفاهمة وماتلقى أنفراد
[align=center]فضروري أنك فاهمة

بس بي عيونك كلمها وكلم عيونـك تعزمها
لغة العيون مفتاحها الصوت الحنون
ومنعول ابو كل العيون المابتعرف الترجمة

[/color][/font][/size][/align]

مرسل: **الخميس 2008.10.16 9:31 pm**

الفاضلة صباح محمد احمد جعلك الله صباح مشرقاً يزيل العتمة والغشاوة من عيون وقلوب كل السودانيين ..راحة يحتاج شبابنا الي مترجم بارع يفم لغة العيون ليشرح له اصول الحب وجمال العلاقة العاطفيه....ويؤجج فيه روح العفاف... ويعلمه كيف نسمو بالمشاعر حتي تبلغ درجة الكمال ان حق القول....اعجبتني فيك الروح الثائرة المتمردة علي ما ال اليه شبابنا وانا في انتظار المزيد من ابداعاتك ............

مرسل: **الجمعة 2008.10.17 1:29 am**

.

والله ياصـباح ياخـتي انا بقـيت ماعـارف
راسـي من كـرعـيي ... وماخايف الا يوم
يكبس الضغط فوق راسـي واكـون اول شهيد
للمناظر الخليعه
(( بقت اكتر من الهم في القلب ياخـتي))

كـل ماالزمن يمشـي لي قدام انا شايف روحي
ماشـي لي ورا ربك يجـيب العواقب سليمـه
جـكـس آخــر زمـن ده كما ضيعـنا مابيرتاح

مرسل: **الجمعة 2008.10.17 2:49 am**

ابوبكر الطاهر وودالدسوقي السلام عليكم
مشكورييين على المرور وإبدا الراي
وصراحة حاجة بقت تحير
[glint] بنطلون ظاهرتحته التيوبلس
وحدائق سموها حبيبي مفلس
شباب صغار واحد مجكس
وواحد لسفتوا مكيس
والكبير فيهم بحشش[/glint]
واله يستر اولادنا وآخر الزمن

مرسل: **الأحد 2008.10.19 12:15 pm**

صباح بس بردد مع ود الرضي وعقد الجلاد
الأهلية كملت ياحبيب راحت ياحليل شمس المحنة الغربت طاحت
إلي أن بقول
مالك يازمن شبعتنا وح ووحيح
صدق الصح كضب وكضب الدون صحيح

شكرا ليك ولغيرتك علي الشباب الأصبح فعلا في هاوية
والله يستر من الجاي

مرسل: **الأحد 2008.10.19 6:11 pm**

إلى الغالي هومي تحية لك
مشكوووور على المرور فانت اول من خصني بالتحية عبر إيميلي
اتمنى أن تكون من المترقبين لرسائلي دائماً وأن لاتبخل علي بالرد
مع كل الاحترام لك

مرسل: **الأحد 2008.10.19 6:30 pm**

الانيقة صباح
تسلمي على القصيدة الرائعة
وتقبلي مروري

مرسل: **الأحد 2008.10.19 8:58 pm**

شكرا صباح على طرح الموضوع
لانو اصبحت ظاهرة يجب
ان يجد لها الحلول
وشكرا

مرسل: **الجمعة 2008.11.7 7:22 pm**

[grade="00BFFF 4169E1 0000FF"]صباح يا صباح

بصراحة ولا اروع كلماتك في الصميم

وفي زمنا دا بقت عادية جدا

والحضارة باللبس الخليع

ولو اتكلمتا يقولو عليك ما متحضر وبيئة خالص

تحياتي يا رائعة[/grade]

مرسل: **السبت 2009.1.17 1:14 am**

اعذروني أن لم اتابع ولكن مشكورين حبايبي
أحسان ست الناس ربي يحفظك
السوداني الخطر يامتواضع ياراقي
صائغ الحروف مرورك يشرفني

منتدى أنا سوداني

آخـــر الــــزمــن

آخـــر الــــزمــن

رد: آخـــر الــــزمــن

رد: آخـــر الــــزمــن

رد: آخـــر الــــزمــن

رد: آخـــر الــــزمــن

رد: آخـــر الــــزمــن

رد: آخـــر الــــزمــن

رد: آخـــر الــــزمــن

رد: آخـــر الــــزمــن

رد: آخـــر الــــزمــن