اللهجة الجديدة المكتسبة لأبناء المغتربين عموماً

[أبو عمر]

الأخوة الأعزاء :
السلام عليكم ورحمة الله وبركاته .. أسعد الله أوقاتكم :
لقد شاهدت كثير من أبناء المغتربين السودانيين يتحدثون بلهجة أبناء البلد الذي يعيشون فيه وذلك بصفة مستمرة حتى مع بعضهم البعض وقد تركوا لهجتنا السودانية تب بلا رجعة .. وهذا الأمر ساقني إلى التفكير والتأمل فيهم .. . وطرأت عليّ عدة أسئلة وهي :
لماذا أبناء المغتربين السودانيين تتغير لهجتهم كلياً وتصبح كلهجة أبناء البلد الذي يعيشون فيه في حين أن هناك كثير من الجنسيات الأخرى المصرية والشامية والأسيوية التي تعيش معهم في نفس الدول ولفترة أطول ومع ذلك لا تغير لهجتها أبداً بل تظل محافظة على لهجتها وكأنهم عايش في بلادهم الأصلية .. وعندما يتقابل بعضهم ببعض يتحدثون بلهجة بلدهم دون أي تغير او استخدام لهجة أخرى لإتمام الحديث .. في حين أن كثير أبناء السودانيين تتغير لهجتهم ويصبحون كأنهم من أبناء البلد الذي يعيشون فيه حتى إذا تقابل بعضهم لبعض .. وقد شاهد ذلك كثيراً بعيني وسمعت بأذني .
فما التفسير وراء هذا التغير .
كيف أصبحوا لايتحدثون إلا بهذه اللهجة الجديدة .. هل والديهم يتحدثون معهم بنفس اللهجة الجديدة أم أن والديهم مازالوا متمسكين بلهجتهم السودانية الأصلية .. وإذا كانوا مازالوا متمسكين بها كيف يتركون أولادهم يبدلون لهجة وطنهم الأصلي إلى لهجة جديدة مكتسبة .
هل يرون أن اللهجة الجديدة التي يتحدثون بها أفضل من لهجتنا السودانية .
هل يشعرون بالقصور والخجل من لهجتهم الأصلية عندما يتحدثون بها .
هل يشعرون بسعادة عندما يتحدثون باللهجة الجديدة مع بعضهم البعض.
هل يشعرون بأنهم أفضل من أخوانهم السودانيين عندما يتحدثون بهذه اللهجة الجديدة.
هل يفتخرون بأنهم سودانيين .. وإذا كانت الإجابة بنعم .. فلماذا يتخلون عن علم من أعلام السودان وهو اللهجة الأصلية.
هل لديهم إحساس بأنهم سودانيين وأنهم سفراء لبلدهم والمفروض عليهم تمثيل السودان خير تمثيل .
هل ..
* هناك الكثير من الأسئلة وهي بحاجة إلى جلسة محكمة وحوار طويل ونقاش مع عدد كبير من هذه الفئة لنعرف آراءهم وأفكارهم حول هذا الموضوع .

* السودان وطننا ونحن نحبه ونعشقه بل وندمنه بخيره وشره .. والوطن يظل دائماً وأبداً هو أمنا وأبونا وأخونا وعزنا وفخرنا . والذي يتخلى عن وطنه ويبتعد عنه كلياً .. قطعاً وبلا شك تخلى عن أمه وأبيه وأهله وكل عزيز وغالي لديه.
والتخلي عن الوطن يبدأ بالتخلي عن اللهجة السودانية .. ثم التخلي عن العادات والتقاليد والطبائع السودانية .. وبعدها الزي السوداني سواء للرجل أو المرأة .. ثم نكران الانتماء للسودان .

أرجو إبداء الآراء المنطقية والتفسير الصحيح .. مع وضع المقترحات والحلول اللازمة لمعالجة هذه المشكلة.

[فارس الرومانسية]

الاخ العزيز ابو عمر

اشكرك على هذا الموضوع الهادف.

شوف والله انا داير اقول ليك حاجه بصراحه انا ملاحظ الحاجه دى
واول ما انت طرحت الكلام دا انا قاعد افكر فى الموضوع
واخيرا استنتجت الاتى$
احنا بحكم هويتنا المجهجه دى نحاول دائما ان نظهر للعرب انو احنا عرب وهم طبعا بتهمونا
بانو احنا غير ذلك وحتى لا يفهمو كلاما هم بقولو احنا بنتكلم سريع اوكى دى وحده.
اتنين هل يشعرون بالخجل والقصور عندما يتحدثون بلهجتهم انا اعتقد هو مش خجل او قصور
خلينا نقول المثل ( البلد الانت فيها يا شيل سولتها او امشى خليها) فلذلك احتمال يكون دا السبب
هل يشعرون بالسعاده عندما يتحدثون باللهجه الجديده طال ماهم احبوها اكيد مرتاحين ومبسوطين من بعض
هل يشعرون بانهم افضل من اخوانهم السودانييين والله لا اعتقد والدليل لما يرجع بلدو حيتكلم كلام
(فاطمه ومحمد)
هل يفتخرون بانهم سودانيين والله شوف مافى سودانى ما بفتخر ببلدو والاجابه نعم
ودا انا ما بشوفو تخلى لانو التخلى عن اللهجه هذا يدل على عدم الوطنيه والانتماء الى الوطن
وقد تكون ظروف غربه وبتعدى
نعم الانسان الصالح والمخلص يحمل معه السودان فى حدقات العيون اين ما صال وجال
وعظيم انت يا وطنى رغم ضراوه المحن
انا مبسوط من كلامك دا يا ابو عمر
وانت بالجد وطنى ودمت لوطنك السودان

[$$ الملكة الهادئة $$]

أبناء المغتربين بيتكلموا على حسب لغة البلد اللي هم فيهو عشان في بعض الأهالي ما بنزلوا أولادهم السودان لمدة طويلة فـالأولاد بيكونوا اتعودوا على لغة هذا البلد وبعضهم بيكون نسي اللغة السودانية
لدرجة إنك لو سألته سؤال باللغة السودانية ما حيقدر يجاوب لأنو ما بكون فهمك (( طبعاً أنا واحدة من الناس ديل ))
ولك خالص شكري واحترامي أخي أبو عمر وتقبل مروري

[ريناد]

احنا بنتكلم بي لغه البلد الاحنا العايشين فيها ولكن مع كده مابنتخلى عن لغة بلدنا لكن اكيد لغتنا حتتأثر بي لغة البلد دي ولكن في ناس صحي بيبالغو شديييد يعني انا معاى سوادنييه في المدرسة بتتكلم سعودي معاى ومابتحب تتكلم سوداني ومرة سألتها ليه؟؟قالت لي انو حتى احنا في البيت بنتكلم سعودي ومابنتكلم سوداني

[مظفر]

الأخ الكريم
هذه إنهزامية بحيث أننا نرى أنهم أفضل منا ولهجتهم أفضل من لهجتنا وهذه المفاهيم تحتاج لتغيير
من أرباب الأسر والدور الكبير على المرأة لأنها تجلس مع أولادها أكثر من الرجل ، وأوريك
حاجة أنه انا بعرف ناس في أمريكا ( لاحظ... في أمريكا) وقاعدين هناك أكتر مما قاعدينها
السودانيين في السعودية ولكن تصدق إنه أولادهم بتكلموا لهجة منطقتهم في البلد مش اللهجة
السودانية وبس ، لاحظ أنهم في أمريكا البشتكوا العرب فيها من صعوبة التكلم باللغة العربية
بالنسبة لأولادهم.

[sma7a]

الأخ الكريم
هذه إنهزامية بحيث أننا نرى أنهم أفضل منا ولهجتهم أفضل من لهجتنا وهذه المفاهيم تحتاج لتغيير
من أرباب الأسر والدور الكبير على المرأة لأنها تجلس مع أولادها أكثر من الرجل ، وأوريك
حاجة أنه انا بعرف ناس في أمريكا ( لاحظ... في أمريكا) وقاعدين هناك أكتر مما قاعدينها
السودانيين في السعودية ولكن تصدق إنه أولادهم بتكلموا لهجة منطقتهم في البلد مش اللهجة
السودانية وبس ، لاحظ أنهم في أمريكا البشتكوا العرب فيها من صعوبة التكلم باللغة العربية
بالنسبة لأولادهم.

شوف اكيد وتانى باكد ما طولو فى امريكا ونزلو بكونو مدارس عربيه وتانى حاجه بنزلو السودان كل فتره صغير على كبير لازم يتاثر بالغه البلد الى هو فيها
وشكرا تقبلو مرورى بت السقاى .

[محمد نعيم]

أبناء المغتربين بيتكلموا على حسب لغة البلد اللي هم فيهو عشان في بعض الأهالي ما بنزلوا أولادهم السودان لمدة طويلة فـالأولاد بيكونوا اتعودوا على لغة هذا البلد وبعضهم بيكون نسي اللغة السودانية
لدرجة إنك لو سألته سؤال باللغة السودانية ما حيقدر يجاوب لأنو ما بكون فهمك (( طبعاً أنا واحدة من الناس ديل ))
ولك خالص شكري واحترامي أخي أبو عمر وتقبل مروري

لك التحيه ابو عمر
ولكي التحيه اختيCORNELIA
لا نظلم هؤلاء الابناء فعلا يتحدثون بلهجه
اصحاب البلد ليه؟
* لانهم عايشين فيها فترة طويله
* لديهم مجموعه كبيرة من الاصدقاء
* والحاجه الاهم انهم درسوا في هذا البلد
ولديهم مجموعه كبيره من الاصدقاء
*عدم الاحتكاك بالسودانيين ربما لا يجدون
اصدقاء سودانييين في نفس المنطقه
كل هذه اسباب تدع هؤلاء الابناء
يتحدثون بلهجه اصحاب البلد
حتي نحن الكبار والمحتكين اكثر
بالسودانيين تعودنا علي بعض
الكلمات لانها تجي غصباً عننا
وذلك لاحتكانا مع اهل البلد
لظروف العمل.
تقبلوا مروري ولك الشكر مره
تانيه اخوي ابو عمر

[MASTer G]

السودانيين الذين يعيشون في الخارج لا يتكلمون باللهجة السودانية لانهم لا يعرفوها اولا يريدون التكلم بها

بل بسبب النظرة الغريبة وعدم فهم العرب من الدول الاخرى احيانا واستهزاؤهم من اللهجة السودانية.

السودانيون في الخارج يتكلمون بلهجتهم داخل منازلهم ومع اقرانهم السودانيون فقط

لكن اللهجة الودانية بعمومها لهجة مرنة تقبل كلمات وتعابير جديدة دوما

حتى هنا في السودان تجد ان كل مجموعة اصدقاء لديها تقريبا تعابير خاص بها



مشكور على الطرح

[مصعب الحداد]

الاخ ابو عمر
تحيه طيبه
والله الاخوان وفوا وكفوا لكن اعتقد ان هناك بض الردود الخاطئه
اولا مافي حاجه تدعوا للخجل من اللغه السودانيه
ولا عدم التحدث بها يعني التكبر عليها اوعدم الاهتمام بها
كل مافي الامر ان ابناء المغتربين(المغلوبين على امرهم) والذين لاذنب لهم
انهم لم يولدوا في السودان اويقضوا به فتره طويله
ان لاادافع لكن هذه هي الحقيقه
بعدين الطفل بي بداياتوا بتلقاه بتكلم سوداني مع الاهل في البيت واي حاجه
لكن مما يكبر ويرتبط مع اصحاب في المجتع العايش فيه لغتو ببتغير شويه شويه
وهذا ليس للسودانيين فقط جميع الجنسيات العربيه بل وحتى الافريقيه
جميعهم لغتهم تتحول للغة اهل البلد الذي نشأوا فيه وولدوا فيه وفي كل الدول وليس السعوديه
فقط وبعدين الاختلاط مع البعض لظروف العمل اوالدراسة في المدارس كلها من الاسباب
التي تؤدي لتغير اللغه
الا اذا استثنينا الجنسيات الاسيويه التي اؤوكد لك واجزم ان سبب محافظتهم على لغتهم الاصليه
انهم لايختلطون مع اهل البلد الذين هم فيه ولا يدرسون في مدارسهم لانهم(عجم) ولايعرفون اللغه العربيه
الافيما ندر .
هذا كان راي في الموضوع ونشكرك عليه
وتحياتي لكم

[أبو عمر]

احنا بنتكلم بي لغه البلد الاحنا العايشين فيها ولكن مع كده مابنتخلى عن لغة بلدنا لكن اكيد لغتنا حتتأثر بي لغة البلد دي ولكن في ناس صحي بيبالغو شديييد يعني انا معاى سوادنييه في المدرسة بتتكلم سعودي معاى ومابتحب تتكلم سوداني ومرة سألتها ليه؟؟قالت لي انو حتى احنا في البيت بنتكلم سعودي ومابنتكلم سوداني

هذه هي المشكلة اللي نحن خايفين منها .. ياخي نحن الواحد ما يصدق ياقبل سوداني عشان نستمتع بحلاوة اللكنة السودانية .. ونغمة الصوت السوداني .
صحبتك دي أكيد بتكره السودان ولو بمرادها تقطع الجواز السوداني وتغير لونها .. عشان تبعد من حاجة إسمها السودان.
الله يهديها .. النوع دا عاوز يتهاااااااااان من السعوديين كويس عشان ترجع للسودان وهي خجلانة.

[أبو عمر]

الأخ الكريم
هذه إنهزامية بحيث أننا نرى أنهم أفضل منا ولهجتهم أفضل من لهجتنا وهذه المفاهيم تحتاج لتغيير
من أرباب الأسر والدور الكبير على المرأة لأنها تجلس مع أولادها أكثر من الرجل ، وأوريك
حاجة أنه انا بعرف ناس في أمريكا ( لاحظ... في أمريكا) وقاعدين هناك أكتر مما قاعدينها
السودانيين في السعودية ولكن تصدق إنه أولادهم بتكلموا لهجة منطقتهم في البلد مش اللهجة
السودانية وبس ، لاحظ أنهم في أمريكا البشتكوا العرب فيها من صعوبة التكلم باللغة العربية
بالنسبة لأولادهم.

والله ديل هم أولاد البلد .. وحقيقة ديل هم السفراء لبلدنا وهم اللي حيوصلوا صوتنا للعالم الخارجي ..
التحية لهم ولوالديهم الذين حافظوا على كينونتهم وملكهم وأرثهم وثقافتهم الأصيلة.
ولك خالص تحياتي

[أبو عمر]

تحياتي وتقديري لكل الأخوة الذين أدلوا برأيهم في هذا الموضوع .
وانا في رأي عموماً .. لو الناس اللي في البيت (الأم والأب والأخوات والأصدقاء والمعارف السودانيين المتواجدين) بيتكلموا بهجة سودانية .. صدقوني أبداً ما راح يتغير لسانهم .. ولو تعلموا لغة أبناء البلد حيتكلموا مع أهل البلد بلغتهم .. ولكن يظلون محافظون على لغتهم ولن ينسوا منها حرف واحد .
لأن جلوس الأولاد مع الأب والأم والأخوات والأهل والأصدقاء المتواجدين لفترة طويلة يجعلهم متأقلمين على كلامهم السوداني بلهجتهم السودانية .
والذين على طول الخط كلامهم بلهجة أبناء البلد .. ديل أكيد مطنقعين وما دايرين السودان أصلاً .. وما صدقوا خرجوا منه عشان ينسوه .
* ان طال الزمن أو قصر مصيركم ترجعوا لبلدكم .. فمن الأفضل الاحتفاظ بثقافة السودان ومواصلة السودانيين والتطلع لكل جديد وطارئ على الساحة السودانية .. لأن العالم اليوم كله متجه نحو السودان . فلماذا نحن نتجه عكس .
التحية لكل أبناء البلد الأصلين والشرفاء الذين يمثلون وطنهم ويعكسون ثقافته ويعتزون بها.
وتحياتي لكل الشعب السوداني .. الشعب الأصيل.

[هديل الحب]

انا عايشة في السعودية من 8 سنوات ومروا على سودانيين بيتكلموا سعودي حتى مع اقرانهم السودانيين ولكن انا من الناس اللي بتكلم مع الجنسيات الاخرى اللهجة السعودية ولكن ما عشان سبب من الذكروا كاتب الموضوع ولكن انا لمن احاول اتكلم معاهم لهجة سودانية ما بيفهموني فأنا اختصر الطريق واتكلم سعودي مع تحياتي لجميع اعضاء المنتدى

[modi_07]

السلام عليكم ...
لك التحية وخالص الشكر أبو عمر على الموضوع الجميل اللي طرحته علينا ده ... بصراحة الشباب ما قصروا في الردود كفوا ووفوا ويمكن ما خلوا جانب من جوانب الموضوع إلا وتطرقوا ليه ... لكن انا عندي تعقيب بسيط على الموضوع .... في حاجة اهملت في كل الردود السابقة دي وهي الإعلام السوداني .. انا وواحد من الناس برى انو المشكلة في الاعلام السوداني .. يعني زي ما اتفضلت اخوي انو المصريين والشوام يتكلموا عاااادي بلهجتهم ليه لأنو لهجتهم معمول ليها دعاااية ورواج عن طريق الإعلام يعني كل الناس بتتفرج على المسلسلات المصرية والسورية على سبيل المثال مع مرور الزمن بتلقى نفسك انت يا السوداني اتقنت اللهجة المصرية والسورية على حد سواء ويمكن تكون بتتكلم احسن من ناس البلد زاتو هههههه لكن بالنسبة لينا نحن كسودانيين وينو الاعلام البوصل لهجتنا لباقي الشعوب العربية عشان لما اجي انت يا لسوداني تتكلم معاهم بلهجتك السودانية ويفهموك وما يقولوا ليك فسر او وضح كلامك ... دي وجهة نظري في الموضوع ده وما كل حاااجة تترمي على كتف ود المغترب المسكين ده .. يعني الضغوطات عليهو من ابناء بلدو السودانيين المفروض يخف شوية عشان ما يخت فكرة كرهه للسودان والشعور باللاوطنية اللي دايما بتحسسوه بيهو يزيد وبالجد بعد فترة من الضغط حيتمنى انو يلغي هويته السودانية تماما .... آسف للإطالة واتمنى كلامي يكون في محلو وتقبلوا مروري

[مظفر]

نحن ياجماعة الخير لازم كل واحد فينا يتكلم مع الحواليهو باللهجة السودانية ، في البداية حتكون في
صعوبة وحيحتاجو لتوضيح بعض الكلمات ولكن بعد داك حيفهموا ، وأنا أحكليكم موقف حصل لى :
مشيت لبتاع المخبز وهو سوري وقلت ليهو :داير فطيرة فقام قرب أضانو مني وقال لي : شو هي
الأولى ( يعني الكلمة الأولى شنو ) فإبتسمت وقلت ليهو : داير ، قال لي : شو يعني داير ، قلت ليهو
:داير يعني عايز .وفي اليوم التاني جيت وفقت فإبتسم وقال لي : داير فطيرة ؟ . فالداير أقولو
إنو لو كل واحد فينا إتكلم باللهجة السودانية مع الحواليهو في الشغل ،مع بتاع البقالة
و المخبز وموظف البنك والمستشفي ...إلخ ، لو إتكلمنا مع ديل كلهم وخصوصاً العرب ماحنلقى صعوبة ولهجتنا حتكون معروفة لأنو نحن عددنا كبير في دول المهجر وخاصة في السعودية .
يلنا نتفق كلنا إننا نتكلم بالسوداني من الليلة .

[حموودى]

السلام عليكم جميعا
كل شعوب الارض تفخر بعاداتها وتقاليدها
ولغتها الدارجه
ونحن في السودان اذا جائنا (خواجه) لو سألنا بلهجه عربيه مكسره
وقال : هل يوجد ببسي؟
نقول له:yes
ولو سألنا مصري
نقول له : ايوه يابيه

يعني شغالين زي الحربويه نلون لسانا حسب لهجة من نخاطبه
ويعتبرها البعض شطاره وفهلوه او يريد ان يثبت له انه يعرف لغته
مما يعرض البعض للسخريه
والشعب الفرنسي مثلا لو تحدثت معه بالانجليزيه مع انه يفهمها وقد يكون يجيدها لكنه يرفض التخاطب بها
ويتحدث معك بالفرنسيه فقط



وعليه المفروض ان نفتخر بلغتنا وهي الاقرب للغة الضاد
ولنحاول بقدر الامكان ان نلتزم بالتعامل بها وتعليمها للاخرين
ولنبتعد عن تقليد الاخرين



ولا شنو؟

[أبو عمر]

السلام عليكم جميعا
كل شعوب الارض تفخر بعاداتها وتقاليدها
ولغتها الدارجه
ونحن في السودان اذا جائنا (خواجه) لو سألنا بلهجه عربيه مكسره
وقال : هل يوجد ببسي؟
نقول له:yes
ولو سألنا مصري
نقول له : ايوه يابيه

يعني شغالين زي الحربويه نلون لسانا حسب لهجة من نخاطبه
ويعتبرها البعض شطاره وفهلوه او يريد ان يثبت له انه يعرف لغته
مما يعرض البعض للسخريه
والشعب الفرنسي مثلا لو تحدثت معه بالانجليزيه مع انه يفهمها وقد يكون يجيدها لكنه يرفض التخاطب بها
ويتحدث معك بالفرنسيه فقط



وعليه المفروض ان نفتخر بلغتنا وهي الاقرب للغة الضاد
ولنحاول بقدر الامكان ان نلتزم بالتعامل بها وتعليمها للاخرين
ولنبتعد عن تقليد الاخرين



ولا شنو؟

كلامك صاااااااااااااا ح يا حمودي ..
ياخي لما أقابل شباب سودانين بيتكلموا بلهجة غير السودانيين .. آ آ آ خ .. الزعل يشقني ..
بس نقول شنو عليهم .. الفلهمة العورة وشيل البطارية في القمرة .

[حلات بلدي]

والله موضوع مهم شديد .... تسلم اخي ابو عمر

بالنسبة لي انا اولادي بتكلمو مع اصحابم نفس لجهة البلد الاحنا فيها رغم محاولتي انو يتكلمو معاهم

سوداني بس هم بقولو لهجتنا صعبة بالنسبة لي اصحابم

بس في البيت نهائي ما بنسمح ليهم يتكلمو خليجي ... يعني محافظين على لهجتنا ولله الحمد

[ود الزوحي]

التحية لك أخي ابو عمر

بالنسبة للموضوع الطرحته انا من وجهة نظري انو انت بما إنك زول مغترب أكيد حتختلط بناس من جنسيات تانية فالسودانيين العايشين ما بتجاهلو لغتم بل بالعكس هو اصلا طالع ليه عشان يكون نفسو والا عشان ينقل ثقافة بلده .

الواحد فينا مضطر كمغترب إنو يوصل معلومة لزول معين من جنسية مختلفة بالصورة البقدر بفهما الزول التاني والشغلانة ما شغلانة ثقافة وتجاهل للهوية بالعكس انا لو أدوني قروش الدنيا كلها عشان أغير جنسيتي حرفض طبعا.

لذلك انا هنا بلتمس العذر لكل سوداني مغترب خارج البلاد عشان يجد لنفسو حياة كريمة في انو يشارك الناس حياتهم باللغة الهم بفهموها.

و اخيرا انا بقول من عاشر قوما اربعين يوما صار منهم فما بالك يا اخي بالزول العاشر ناس سنين .

تقبل مروري

تحيااااااااتي

[همسة حنين]

إحنا طبعا بنفتخر بأننا سودانيين بس مامعنى الكلام ده اننا بنقدر نتكلم بسوداني قدام أهل البلد الإحنا فيها والسبب في كدة إنو اللهجة السودانية شوية تقيلة ومامن الساهل انها تتفهم عشان كدة مابنحاول نتكلم بيها مع حد ماسوداني وعندك حق في حكاية إننا في كلمات كثيرة سودانية مابنعرفوها ولما يغلبنا التعبير عنها بالسوداني بنقولوها باليبي وخلاصف