منتدى أنا سوداني

مرحب بالوطن.. نفديه بي ..... اروحنا
ما بنهاب نخوض شانه الحروب الطاحنه
فيه نشوف .. امانينا.. وتمام ......افرحنا
فيه نشوف صباحاتنا.. ونشوف اترحنا
***
مرحب بالوطن نرفع عشانو ... سيوفنا
يبقي الدم بحر يروي الخضار في جروفنا
لكن يا حرام لو طلقه من ...... معكوفنا
صوبناها في زولا شقيق من طوفنا
****
ياخواني الحروب ضد العدو ... البراني
ضد الغازي من بلد الاجا نب .. جاني
ما ضد الشقيق.. ابن الوطن .. سوداني
ود بلدي .. ووليد حوشي وطبيب مصراني
*****
دي الحرب اللعينه الفاجره .. والخسرانه
والكاتل كتيل .. فيها وضحيه ...... دانه
والقال منتصر كضاب بقت ... خربانه
مهزوم.. الجميع.. . والعالمين شايفانا
******
يا عاشق حروب اخر زمن .... خلينا
ما بتقدر تجيب الا.. الخراب والشينه
لو قلت البطوله ... تشيل سلاح تصلينا
واخيبه... هواك ضليت طريق وادينا
********
لو داير البطوله تكون حصيف عقلاني
ترفع راية .. الوحده وتعز... اخواني
متساويه الحقوق لا عالي الا تحتاني
كل الناس تقول يحيا ويعيش سوداين

[poem=font="Simplified Arabic,7,blue,bold,normal" bkcolor="transparent" bkimage="" border="solid,10,teal" type=1 line=0 align=center use=sp num="0,black"]
مرحب بالرشيد=
الرايو ديمه سديد=
كان همو الوطن=
نبنيهو وابقى سعيد=
ما حك جلدك=
مثل ظفرك=
الفكره بالتحديد=
انو الوطن نبنيهوا=
ونحرص عليهوا شديد=[/poem]تقبل مروري

ابو ليلي الشاعر كتب:[poem=font="Simplified Arabic,7,blue,bold,normal" bkcolor="transparent" bkimage="" border="solid,10,teal" type=1 line=0 align=center use=sp num="0,black"]
مرحب بالرشيد=
الرايو ديمه سديد=
كان همو الوطن=
نبنيهو وابقى سعيد=
ما حك جلدك=
مثل ظفرك=
الفكره بالتحديد=
انو الوطن نبنيهوا=
ونحرص عليهوا شديد=[/poem]تقبل مروري

مرحبتين حباب ابو ليلي الاصم
اب فكرا جميل بيه الناقصه بتنتم
السودان بلدنا ياخوي وليهو بيرخص الدم
الزيك دليل يا مقنع بنات العم

كتر خيرك كتير اخوي علي الكلام الطيب والثناء الجميل والري السديد

Suhaib
تسلم اخي الكريم ويسلم فكرك الذي انتج عبارت نبيله تساعد علي السير قدما مهما وعر الطريق
لك شكرا

still Ineed u
كل الود وفائق الاحترام والتقدير

احمد يس اولا اهنيك علي هذا الاسم الجميل القيم
نسال الله ان يكبر السودان ويكبر ويكبر يكبر ويكبر
الذي اهداء الي الدنيا اناس جميلا مثلك