مجاعة الرمنسية عند السودانين

[the magic]

العدد الكبير والهائل من الفتيات المراهقات والانسات وحتى النساء المتزوجات اللائي يتابعن هذا المسلسل عن حبهم وهيامهم في بطله (مهند) الشاب الوسيم
الرومانسي , وتحدثت عن حالة الحرمان التي تعاني منها بنات السودان ونسائه واطلقت عليها اسم ( starvation of love) أي ( مجاعة الحب ) او بتعبير اخر كما تقول افتقار شديد للحب والرومانسية تجعل المشاعر في حالة جوع شديد حيث يمثل هذا المسلسل الاشباع الخيالي لهذا الافتقار ثم بعد ذلك انتقلت لتبحر في الاسباب المؤديه الي ذلك الجوع العاطفي والمتمثله في ان الرجل السوداني رجل (غير رومانسي) ليس بطبيعته ولكن بحكم تربيته التي تجعله لا يكترث لصورته الرومانسيه امام المرأة, ايضا من تلك الاسباب تحدثت عن السلوكيات التي تصيب المراة بالقرف والاحباط علي حد قولها منظر الرجل وهو يجهز (السفة) ليضعها في فمه ايضا منظره وهو يبصقها , وقد زكرت ايضا ان الرجل لا يحس بأي تحرج.

[ريناد]

[movet=up]والله كلامك صاح والله يهدي الرجال السودانين ويكونو رومانسيين [/movet]

[مايا]

الرجل السودانى لايفتقر للحب ولكن يفتقر للتعبير عن الحب
نجده يحب ويعشق ولكن لايجيد توصيل هذا الاحساس
يكتفى ببعض الكلمات التى تكون (خلاصتها) اننى احبك
وما يكمل هذه الكلمة لايستطيع التعبير عنه
زكرت مهند كحاله جعلتنا نعشقها ونتمناها ونحلم
بأن تصادفنا فى يوم من الايام ولكن عندما نأتى الى ارض الواقع
نجد من المستحيل تحقيقها
مهند ونور حاله تمثيليه رائعه وخصوصا عندما حدثت مشكله بينهم
هذه الجزئه من الممكن أن تكون حلقات عدة من مسلسل حب لاتنتهى حلقاته
فعل المستحيل ليرضيها ورغم صدودها القاسية ولكن لم يتنازل او ييأس
من المحاوله مرة اخرى وبطريقة اروع الى أن نجحت جهودة

هذا ما نفتقده المفاجاة الجميلة وكلمات الحب التى تفصلنا عن عالمنا
وتاخذنا الى عالم اخر 000000000

اسمح لى أن اختلف معك فى (منظر الرجل) الذى زكرته
(السفه) لادخل لها بالحب والاحساس بالحب
الحب احساس داخلى ومشاعر و(السفه) عاده سئيه لادخل لها بالحب

لن اطيل اكثر 000
سامحنى اخى ماجيك على الاطاله
بس موضوع حلو
تسلم وتقبل مرورى

[Nona]

هو الراجل السودانى ايمكن يكون ما بيعرف يعبر عن الحب بالطريقه الصح
لان فى تربيتنا و ثقافتنا الحب بيعتبر ضعف
و الراجل من هو صغير دائما اهلو بيتعاملو معاهو انت راجل الراجل بيدس احساسو الراجل ما بيبكى الراجل ما بيعمل كدة
لكن كل دة ما بيعفى ان البنت السودانية عندها دور كبير فى الحاجة دى
يعنى ممكن تكون هى بتحب الراجل و روحها طالعه فية لكن ما تقول ليهو ولا كلمة تبل ريقو
( انا ما بقصد انها هى تتخفف او تقلل من نفسها )

[أبو عمر]

حرام عليكم ما تظلموا الإنسان السوداني ..
ياجماعة كل الكائنات الحية اللي ربنا خلقها عندها أحاسيس وميول عاطفي تجاه نصفها الأخر من نفس نوعها..
فما بلكم بالإنسان بصفة عامة وحبه للأنثى والتغزل فيها .
والرجل السوداني بصفة خاصة .
ياجماعة الإنسان السوداني مثله مثل باقي رجال العالم حبيبين وعاطفين وبعشقوا وبتعذبوا في دواخلهم ويتوهجوا شغفاً وحباً ويزداد التوهج بعنف في دواخلهم كثيراً لدرجة افتقاد العقل .. أو ارتكاب جرائم قتل .. أو انتحار ..
ونتيجة لشدة هذا التوهج العاطفي يبدأ بعض أصحاب القلم الرفيع بالتعبير عن مكنون النفس والترويح بما في أحاسيسهم ومشاعرهم عن هذه الشريحة ..
والأمثلة الدالة على ذلك كتيييييييييرة ولو ترجعوا لكثير من الشعراء السودانيين في كتاباتهم لأشعارهم والتفقه فيها والتعايش فيها بعمق وفهم كل حرف في هذه الأشعار ستكتشفون الكم الهائل من الرومانسية والعواطف الجياشة والمشاعر الصادقة والنبيلة التي يحملها الإنسان السوداني ..
ربما صدق الإنسان السوداني في مشاعره وحبه النبيل المزين بالأدب والحشمة والوقار والرزانة في التعبير يجعله يصمت بعض الشيء ولايصرح بمكنون نفسه إلا بعد حدوث الانفجار الداخلي الكبير لهذه المشاعر.

وبصراحة يا جماعة كثرة البوح والكلام الكثير عن الحب جعل كثير من المشاعر تكون مزيفة وغير صادقة لكثير من الرجال وأصبح الكلام والحديث العاطفي أساليب خادعة يستخدمها كثير من الشباب لصيد الفريسة والنيل منها .. والدليل على ذلك الكم الهائل من حالات الطلاق في المجتمعات الشرقية بصفة عامة.
وإليكم نموذج لأحد الشباب السودانيين الرومانسين جداً والمعذبين .. وأظنكم سمعتوها وقريتوها .. فهي تعبير حقيقي وصادق لمشاعر الرجل السوداني المتفجرة والقوية المقرونة بالخجل والحياء وعدم القدرة والجرأة في مقابلة محبوبته.

(بت هندسة)
انا راسى جاط ما بين هواك والدبرسه
الفت عشرين الف بيت سبعين قصيده مؤسسه
شان مره الفت انتباهه ومره اقدر احسسه
يا حلوه يا بت هندسه
يا حلوه يا زينت البنات يا نجمه الليل و المسا
انا رغم اشكال الشتات حاضن عواطفك وحارسه
انا فى هواكى بقيت فتات ودخلت عشرين مدرسه
جنيت مع كلمات هواك بى قلبى قاعد اتنفسه
يا حلوه يا بت هندسه
كان شفتى يا بت هندسه........
خطواتى دايما بالغلط وامورى ديما معكسه
يوم داك مساهر فى الهدوم وكويتا جت شان البسه
لقيتا الصباح حقات اخوى وهدومى قاعده مكرفسه
كان للهدوم ما مشكله بشوف لى مصيبتا البسه
لكن هواك اعملو ايه دش دش عضامى وهرسه
داير لى فرصه اكون قريب طبله قليبيك افلسه
عشان تشوفى هواكى كيف بهدل عواطفى ودعفسه
كلماتى ليك اتبشتنت ما زى زمان متهندسه
حتى الشعر الكان زمان كلماتوا حلوه مملسه
هسى اتلخم بقى كيف كده مافيهو كلمه مهندسه
انتى السبب فى كل دا يا احلى اسباب الاسي
يا حلوه يا بت هندسه
انا ياخ بريدك اعمل ايه ورينى يا بت هندسه
امشى واكورك فى الظلط يا ناس بريد بت هندسه
كم مره قلت اقوم براى واقعد معاها واحدثه
لكنى ما بقدر عديل مابقدر انضم اونسه
خليك من اشرح ليها حالى وحبى ليك والدبرسه
يا هنايه داير اقوليك كلام اصلو السكوت فيو وسوسه
انا يا ملاك انا بعشقك وما اظن بلاك ارجا المسا
دايرك تكونى لى حبيبه وابقى ليكى حبيب قسا
اكسيك هواى وتلبسينى نعيم هواك اجمل كسا
ويا ربى كل عاشق نبيل تديهو زى بت هندسه
وترعاها من عين الحسود ومن توب جمالك لبسه
ويا ربى تحفظا لى براى ويا ربى تحفظا تحرسه

ما أعتقد إنو في ناس بتحب وبتتعذب وبتتكسر لهذه الدرجة .. ويكون عندها ضعف أو مجاعة في الرومانسية حسب تعبيركم ..

تقبلوا تحياتي .

[فارس الرومانسية]

[mark=FFFF66]الموضوع جميل وفيه بعض الكلمات
التى يجب ان نقف عندها
على العموم خلونا فى حالنا



عجبتنى كلماتك يا الرائع

ابو عمر[/mark]

[الشاعرة]

ربما يستعصي على بعض الرجال السودانيين التعبير عن حبهم سواء بالكلمة أو ماهية الفعل
ولكن وعلى الرغم من أهمية هذه النقطة إلا أنني أرى أن بعض الرجال الذين لا يجيدون ما أجاده مهند كما أسلفتم يحاولون جاهدين ليتمكنوا من ايصال ما تحدثه به أنفسهم فيبدون في ذلك كالأطفال في كلماتهم وتصرفاتهم ،ومن منا لا يحب الأطفال، فيظهرون بذلك أعذب المشاعر بأجمل الطرق وهي طرق الأطفال العفوية والبريئة، لست أدري ولكن المرأة ترى ذلك رغم أنها في أحيان كثيرة تعبر عن حبها بلغة الدرهم والدينار.
"إن الرجال كلهم أطفال"
ولذلك أفضل هذا النوع من الرجال الذي لا يدري كيف يعبر عن حبه فيرقص على سنارته حتى يبدو طفلا جميلا يمرح ويسرح في واحة حواء
"حبيبي أحبك طفلا"

[the magic]

شكرا اخوتي علي المردود الرائع وربنا يديكم العافية