صفحة 1 من 1
داير الرجعه خايف اجن
مرسل: الأربعاء 2008.8.13 2:37 am
بواسطة محمد نعيم
انا فارقت الاهل والحن يا غربه
داير الرجعه خايف اجن
اغنيه تخلينا نحن لوطننا الغالي
رجاءا اسمعوها بتمعن ووريني اي رايكم
حترجعوا ولا الراي شنو؟
[media]
http://www.albawga.com/turath/darg3l/ab ... wal7in.mp3[/media]
رد: داير الرجعه خايف اجن
مرسل: الأربعاء 2008.8.13 11:57 pm
بواسطة محمد نعيم
هذه الاغنيه للفنان عبدالرحيم الدامر
يا مغتربين ارجوكم اسمعوا هذه الاغنيه واتاملوا معانيها ولو قلبكم حنين اكيد حترجعوا
رد: داير الرجعه خايف اجن
مرسل: الخميس 2008.8.14 8:31 pm
بواسطة عجوز حلوة
اهلين محمد
سوري الاغنيه ما فاتحه عندي؟؟؟
رد: داير الرجعه خايف اجن
مرسل: الخميس 2008.8.14 8:32 pm
بواسطة سحر محمد
يا الله مشكووووور اخى محمد نعيم والله اغانية جميلة جدا انت دائما رائع تقبل مرورى وتحياتى لك \\انا رجعا اسمع الاغانية مرة تانية مع السلامة تحياتى
رد: داير الرجعه خايف اجن
مرسل: السبت 2008.8.23 1:53 am
بواسطة محمد نعيم
سحر محمد كتب:يا الله مشكووووور اخى محمد نعيم والله اغانية جميلة جدا انت دائما رائع تقبل مرورى وتحياتى لك \\انا رجعا اسمع الاغانية مرة تانية مع السلامة تحياتى
تسلمي اختي سحر محمد علي مرورك انتي الرائعه دوما
رد: داير الرجعه خايف اجن
مرسل: السبت 2008.8.23 7:22 pm
بواسطة اسامه خضر محمد على
يا خوى اذا تابعته الاغانى صدقنى بترجع بكره واول حاجه تعمله عشان تكون مغترب تقتل احساسك وتسجن مشاعرك حتى يحين موعد السفر للوطن واسأل مجرب وما تسأل طبيب ويديك الف عافيه
رد: داير الرجعه خايف اجن
مرسل: السبت 2008.8.23 7:33 pm
بواسطة رجويه
تشكر علي الغنية بجد اغنية جميلة تخلي الزوال يبكي وجني انشأ قريبا نرجع
رد: داير الرجعه خايف اجن
مرسل: الأحد 2008.8.24 3:03 pm
بواسطة مجودة
يا ريت لو بنقدر نرجع لكن ده الظروف والاغنية حلوة شديد وموضوعك اثر فيني شديد تسلم على الموضوع
رد: داير الرجعه خايف اجن
مرسل: الجمعة 2008.9.5 6:45 pm
بواسطة ملكه الاحساس
من غير ما نسمع الاغنيه نحن دايرين نرجع
لكن نعمل شنو
مالينا الا الصبر
رد: داير الرجعه خايف اجن
مرسل: الأحد 2008.9.14 2:50 am
بواسطة قمر ام درمان
اكد ليك اذا رجعت السودان في الوقت الحالي
الجنون 100 % اصبر شوية حتى تتضح
الرؤية للجميع .. وكلنا في الهوا سوا ..ش
رد: داير الرجعه خايف اجن
مرسل: الخميس 2008.9.18 10:50 pm
بواسطة شيرو
شكرا ليكـ على الاغنيه الجميله دي اول مره اسمعها
رد: داير الرجعه خايف اجن
مرسل: الجمعة 2008.9.19 12:00 am
بواسطة ود المسالمة
اخي محمد نعيم الغربة حارة ومره مرارتها اكثر من الحنظل ولكن عندنا مثل في السودان بيقول
الجابرك علي المر شنو الا الامر منه هسع لورجعنا القريشات التي في يدنا بتكمل قبل ما تتم السنة
واذا عملت شاطر وقلت تدخل في التجارة بتكمل في شهرين الا الواحد يقوم يشتري بيوت جاهزة
وناجرها للناس ونخت لينا عنقريب و اول كل شهر ننتظر الايجارات
الاغنية جميلة ومعبرة ولكن الاحساس مات لاننا عندما نغكر في العودة برضوا بنفكرفي الافواه المغتوحة
والتي تنتظرنا اول كل شهر ولا المرضي المنتظرين الادوية ولا مصاربف الجامعات والمدارس يعني
بالواضح كدا بغربتنا دي بنسد الفجوة التي تركتها الحكومة بعدما رفعت يدها من التعاليم والصحة
اه بعد ده بنغكر في عوده نبكي بس
رد: داير الرجعه خايف اجن
مرسل: الجمعة 2008.9.19 10:40 pm
بواسطة ريناد
والله بي صراحه السودان لمى تتذكر اهلك والقعده بي العصر تحن ليهو وتقول راجع بكرة وكمان لمى تتذكر الحاله اللي هناك من الغلاء الفظيع البقى في العالم ده وخاصه السودان تقول ماماشي الله يكون في العون بس وتقبل مروري