صفحة 1 من 24
الكرسي الساخن
مرسل: الاثنين 2007.2.19 2:24 am
بواسطة ibn batoota
سلام يا أهنا..
في فكره شفتها في منتدي وعايزين نطبقها...... الموضوع كالأتي كل إسبوع نختار واحد من الاعضاء ونختو في كرسي ساخن، يحكي لينا عن حياتو واي زول عندي سؤال يوجهو ليه، انا عارف إنو في ناس في المنتدي تربطهم علاقات حميمه مع بعض ومامحتاجين شأن يعرفو بعض أكتر، لكن دي فرصه شأن إخوانا وإخواتنا الجدد يكونو عايشين معانا في الجو الأسري ده.
أها ياجماعه انا قلتها العندي، أدونا رأيكم...
رد: الكرسي الساخن
مرسل: الاثنين 2007.2.19 7:43 am
بواسطة ابراهيم الجيو
يا سلام عليك, والله فكرة جميلة جداً, أنا عندي أسئلة, كدي بس انتوا حددوا العضو.
رد: الكرسي الساخن
مرسل: الاثنين 2007.2.19 8:23 am
بواسطة حزن السنين
فكرة جميلة و الله .!!!
رد: الكرسي الساخن
مرسل: الاثنين 2007.2.19 8:53 am
بواسطة osama77
شنو ياجماعة شغل التحريات دا؟؟؟
انا غايتو مابحب السخانة والزرزرة.
رد: الكرسي الساخن
مرسل: الاثنين 2007.2.19 10:42 am
بواسطة بت أبوظبي
نبدا بيك يا بطوط !!!
رد: الكرسي الساخن
مرسل: الاثنين 2007.2.19 11:21 am
بواسطة مهند عبد الرحمن
ورونا الأسئلة حا تكون علي ياتو شكل
رد: الكرسي الساخن
مرسل: الاثنين 2007.2.19 11:34 am
بواسطة نسرينا بت بورتسودان
أحلى فكرة
صدق فكرت دة حاتسخن المنتدى وانا من الليلة ح اجهذ الاسئلة
رد: الكرسي الساخن
مرسل: الاثنين 2007.2.19 11:50 am
بواسطة راشد شبيكه
طيب ما عرفنه نوع الاسئلة شنو يا بطوطه ..
رد: الكرسي الساخن
مرسل: الاثنين 2007.2.19 1:11 pm
بواسطة صلاح يحيى سليمان
ابن بطوطه....فى انتظار الاسئلة....!!!!!
الكرسى سخن تمام....!!!!
مع تحياتى
رد: الكرسي الساخن
مرسل: الاثنين 2007.2.19 3:26 pm
بواسطة الدكتوره
انا مع الجماعه حلوه الفكره
وانت اول واحد حتقعد على الرسى
نبدا الاسئله
رد: الكرسي الساخن
مرسل: الاثنين 2007.2.19 3:28 pm
بواسطة احمد يس
رد: الكرسي الساخن
مرسل: الاثنين 2007.2.19 4:03 pm
بواسطة ibn batoota
شكرا جزيلا ياشباب علي قبول الفكره، بالنسبه للأسئله هي مامحدده يعني أي سؤال يخطر علي بال العضو ممكن يسألو، بمعني تاني إعتبر الشخصية إنك بتتكلم معاها وش لو وش.
اما بالنسبة لإختيار الشخصية انا بقترح نبدأ بي مشرفنا العام الله يديه الصحة والعافية الاستاز صلاح.
وانا بوجه ليهو أول سؤال
ليه إنت عايش في ألمانيا وليه إخترت ألمانيا بالذات؟
رد: الكرسي الساخن
مرسل: الثلاثاء 2007.2.20 6:14 pm
بواسطة بت أبوظبي
لغايه ما يجي دور المشرف العام في الإجابه على سؤال ابن بطوطه ..
عايزه الكرسي يسخن مع ابن بطوطه !!
سؤال ..
لما تخت املك او شعور طيب في إنسان .. وفجأه تنصدم أو شفته منه شئ ما كان على بالك ..
موقفك بكون شنو ؟
رد: الكرسي الساخن
مرسل: الثلاثاء 2007.2.20 7:48 pm
بواسطة ibn batoota
بت ابوظبي إنت مصره تسخني بي انا الاول...
عموما ياستي، بالنسبه لي سؤالك انا صعب الإنسان يدخل حياتي بالساهل، الا إذا اثبت لي فعلا هو يستحق الدخول في حياتي إثبات بي مواقف موش كلام، ولما يدخل حياتي واخت فيهو بعض أمالي أكيد ماحااتنازل عنو بسهوله، ولو شفت منو حاجه ماعجبتني او ماكنت متوقعه منو اكيد حااقعد معاهو واحاول افهمو واغير فيهو للاحسن. يعني بديهو العزر بقدر الإمكان ولغاية آخر لحظة.
رد: الكرسي الساخن
مرسل: الثلاثاء 2007.2.20 10:37 pm
بواسطة ابراهيم الجيو
سؤال يطرح نفسه يا إبن بطوطة:
وأنت في وسط المياه والأمواج المتلاطمة, بماذا تحس وأنت وحيد, وماهو أسلوب ترفيهكم؟
رد: الكرسي الساخن
مرسل: الأربعاء 2007.2.21 12:29 am
بواسطة ibn batoota
والله يا الجيو البحر بالرغم من آمواجو الهايجه لكن بعلمك حاجات كتيره اولا الصبر، وتاني حاجة بخليك قريب من ربنا وتبدأ تفكر وتراجع شريط حياتك من الاول.
بالنسبه لي وسائل الترفيه عندنا صالات ألعاب إضافة لي T.V لكن بالنسبه لي انا مهوس بالعزف عودي معي في أأأأأأأي باخره قبل الجواز، ومرات كمان نفسك تخشليها في سمك نشمي نصطاد، لكن برضو الواحد مرات تجيهو قرفة شديده من البحر خاصة لو كانت الرحلة طويله ومملة ذي الهسي انا فيها دي. قرف ذي القرف وزهج بالطريقه الصحيحه.
رد: الكرسي الساخن
مرسل: الأربعاء 2007.2.21 8:06 am
بواسطة osama77
عشان انا ما بحب الزرزرة بديك سؤال ساهل:
ماهو أجمل ميناء بحري قابلك؟؟ وماذا يحتاج ميناء بورتسودان ليصل الى تلك المرحلة؟؟
رد: الكرسي الساخن
مرسل: الأربعاء 2007.2.21 8:59 am
بواسطة الدكتوره
ياسر
هل انت راضى عن نفسك ؟
رد: الكرسي الساخن
مرسل: الأربعاء 2007.2.21 5:03 pm
بواسطة ibn batoota
الاخ اسامة اشكرك علي المرور، ميناء الأحمدي في الكويت بالرغم من إنو صغير الا إنو فيه إمكانيات هايله ماشفتها حتي في المؤاني الاجنبيه.
اما بالنسبه لبورسودان طبعا هو ميناء كبير لكن يفتقر الي الإمكانيات، واكترشئ مؤلم إنوعندنا تجاهل لي إجراءات الامن والسلامه في الميناء.
رد: الكرسي الساخن
مرسل: الأربعاء 2007.2.21 5:27 pm
بواسطة ibn batoota
دكتورتنا انا بكون راضي عن نفسي لما أحس الناس البحبوني راضيين علي، وكتير بحاسب نفسي قبل ما انوم عن اي حاجة عملتها خلال يومي، ودي حاجة ممكن تخليني مضايق من نفسي شوية وماراضي عنها خصوصا إذا حسيت إنو في إنسان ماخد في خاطرو مني.