صفحة 1 من 1
البــلــــد كيـفـنــها؟؟
مرسل: الأربعاء 2007.2.7 3:27 pm
بواسطة ودالدرديري
ياخي البلد كيفنها
احكيلي قول لي عنها
وا لهفتي وشوقي الشديييد
انا باقي طوووَل منها
بالله كيف نيلنا الحنين كيف الجروف؟
مشتاق ازور الحلة بالجيران اطوف
ومشتاق اشوف نبع الحنان أمي العطوف
اهديها عاد شوقي الشديييد
قول ليها حامياني الظروف
بالله كيف حال النخيل كيف التمر؟
ساقيتنا ديك لسع تجر؟
والنسمة عبر النيل تمر؟
انا باقي في البلد البعيد
عايش على مـــر الصبر
بالله كيف حال البلد
زرع البلد..
طيبة البلد..
ناس البلد ..
كل البلد
و أهلي الكبار والشافع الدابو اتولد؟
انا شوقي فاض والله عاد ما ليهو حد
قول البلد كيفنها
احكيلي يالجيت منها
وا لهفتي وشوقي الشديييد
انا باقي طوووول منها
رد: البــلــــد كيـفـنــها؟؟
مرسل: الأربعاء 2007.2.7 3:55 pm
بواسطة ود شحات
الله عليك يا الدرديري
شوقننا للبلد
اشكرك اي العزيز على الكلمات الراقية
واتمنالك حياة زوجية سعيدة يا عريسنا
رد: البــلــــد كيـفـنــها؟؟
مرسل: الأربعاء 2007.2.7 4:09 pm
بواسطة ودالدرديري
ود شحات
يديك العافية ياحنين وانت كمان تسعد كمان وكمان
و... الباقي على الله
رد: البــلــــد كيـفـنــها؟؟
مرسل: الأربعاء 2007.2.7 4:46 pm
بواسطة muhsin
[a7la1=FFFF00]اشواقى لى بلدى الحبيبة من العيون تحفظها
اشواقى للخضرة ولجمال ناسها وطيبتهم
الله يديك العافية ياود الشحات
ودمتم [/a7la1]
رد: البــلــــد كيـفـنــها؟؟
مرسل: الأربعاء 2007.2.7 5:38 pm
بواسطة Still I Need U
* البلد على الطلاق غبار ساااااااااااااااااااااااااي ،،
* ان بقيت جاي جيب معاك نظارات ،،
* جنس غبار
* والهالة سعبا الينا ،،
رد: البــلــــد كيـفـنــها؟؟
مرسل: الأربعاء 2007.2.7 6:54 pm
بواسطة الدكتوره
سلمت يداك ود الدرديرى
على هذا البوح الراقى جدا
وتحياتنا لى وطنا الحنين
تقبل مرورى
رد: البــلــــد كيـفـنــها؟؟
مرسل: الأربعاء 2007.2.7 6:56 pm
بواسطة شاربة توت ولابسة بوت
[glow1=66CCFF]يا سلام عليك يا درديري باشا ..
كلمات كلها حنيه ..
يسلمو ..[/glow1]
رد: البــلــــد كيـفـنــها؟؟
مرسل: الخميس 2007.2.8 9:57 am
بواسطة ودالدرديري
اخواني الاعزاء
محسن ياخي انا ودالدرديري ياخ .. 
وتسلم على المرور ياحبه
Still I NeeD U والله لوبتصدق اول حاجة مشتاق ليها الغبار دا
وبرضو تسلم ياحنين
الدكتورة
شاربة توت ولابسة بوت ( قاعد اتذكر الكديت ماعارف ليه)
صهيب
وكل الحلوين لكم كل الاشواق وجميع التحايا للمرور السريــ... عفوا الجميل زييكم
وربنا يرد غربتنا سالمين والبي جوه يتهنو كمان زي ماعايزين.
رد: البــلــــد كيـفـنــها؟؟
مرسل: الخميس 2007.2.8 10:15 am
بواسطة alwajeeh
ود الدرديري
ماعندي معاك اي كلام ...بس ...خلاص
الاحبة الكرام ...
ماذا انتم فاعلون لو سمعتم هذه الكلمات مغني علي نغم اهلنا الشايقية ....يالله يالله ...حقيقة تسلم ياود الشيخ فقد ابدعت في في نظم الكلمات وجميل اللحن وحلاوة الشدو .....لك الود ولك التقدير علي هذا العطاء الجميل
ود الزين
رد: البــلــــد كيـفـنــها؟؟
مرسل: الخميس 2007.2.8 2:17 pm
بواسطة Still I Need U
[align=center]والعجب الركشات ،،
بقت زي الباعوضة ،،
بالله محل ما تلف تلقاها تحت رجلك ،،
عاد ده كلام ده ؟
شوق الوطن ده يا ابو الدر حاجة بتضاهيها مافي ،،[/align]
رد: البــلــــد كيـفـنــها؟؟
مرسل: الخميس 2007.2.8 2:22 pm
بواسطة حزن السنين
ودالدرديري مشكور يا كلمات الرائعة دي و الي الامام
رد: البــلــــد كيـفـنــها؟؟
مرسل: الجمعة 2007.2.9 8:28 pm
بواسطة ودعلبوب
يا قمره ... صبي السنسني الحمـره
شوفي أبوي أنا الراجاهو كلو صبـاح
يا زينوبه أبوكي هو أصلو حالو بـره
لو قاري العلم هو ولاهو سيد خبـره
ومو زول غربه لكن الظروف جابره
مالو إن كان صبر كل الخلوق صابره
والصابرات روابح لـو يجـن قمـاح