صفحة 1 من 2
ظلم
مرسل: السبت 2008.6.28 12:04 am
بواسطة سيد البلد
الظلم علي المغتربين
لي متي هذا الظلم علي المغترب
في الجامعة في المعيشة في حياتنا اليومية
وخصم من طلاب الشهادة العربية؟
وفي النهاية مش سودانيين؟
رد: ظلم
مرسل: السبت 2008.6.28 12:14 am
بواسطة spanisheyes
سيد البلد موضوعك حساس جدا وياما قلنا ورفعنا صوتنا
بس مافي تغير في كل سنة نفس الظلم وكأننا ما سودانين ولا
العلم دا ما حننفع بيو السودان بعدين ولا ما بعرف هما ليش شايفين انو
الشهادة العربية ( كما يسمونها !!) اقل قيمة من الشهادة السودانية مع انو انا بشوف
انو في المناهج عربية اقوي من المنهج السوداني في بعض المواد بس هيهات منو بيسمع ليك
أما في المعيشة مغترب لازم تتبهدل ما بعرف الحكاية حقد ولا شنو انت كنت مغترب معناها
معاك قروش تدفع الوراك والقدامك يعني نعيش طول عمرنا في بلد الغربة مظلومين ونجي ننظلم
في بلدنا برضو لدرجة انو الواحد زاتو بقي يفكر يستقر هنا ولي عودة بصراحة
الحكاية واجعاني شديد 
شكرا
مرسل: السبت 2008.6.28 12:57 am
بواسطة سيد البلد
شكرا علي الرد الجميل
رد: ظلم
مرسل: السبت 2008.6.28 12:00 pm
بواسطة flower
احنا معاك احنا معاك
ما عارفين نعمل ايه في النهاية ققرنا الدراسة في السعودية بلدنا التاني ،بالاضافه الى انو المفروض انو ولا زول يمشي يكمل في السودان الجامعة الا اذا عايزهندسة او طب (مجالات صحية) اماغير كدا
لا و1000 لا مافي اي قسم غير المذكورين مواكب للتقنية بصراحة بتكلم .
رد: ظلم
مرسل: السبت 2008.6.28 4:52 pm
بواسطة waya
السلام عليكم ,,
ليس الظلم في كوننا سودانيين ,,
ولكن بعض السياسات في البلد فرضت نوع من الظلم على المغتربين " بوجهة نظر نرآها خاطئة ,, ويرونها بطريقة أخرى "
رد: ظلم
مرسل: السبت 2008.6.28 7:11 pm
بواسطة ياسر الميرغنى
الظلم ظلمات يوم القيامة
فاتقو الظلم
رد: ظلم
مرسل: السبت 2008.6.28 7:55 pm
بواسطة اسامه خضر محمد على
سيد البلد كتب:الظلم علي المغتربين
لي متي هذا الظلم علي المغترب
في الجامعة في المعيشة في حياتنا اليومية
وخصم من طلاب الشهادة العربية؟
وفي النهاية مش سودانيين؟
سبب ظلم المغتربين اتنين لجان المغتربين فى بلاد الغربه هذه اللجان والتى لا نعرف اعضائها الا فى حالة زيارة مسئول او قيام مهرجان فى الحالتين ديل يظهرو ليك ناس وعمم كبيره ويزعمو الحكايه لكن روح لنفس الاشخاص وقوليهم عندى مشكله شوف البجيب خبرك منو وتانى اسباب الظلم مايسمى بجهاز المغتربين والذى لا هم له غير فرض الضرائب وجمع الاتاوات وفى النهايه نحن الضايعين والله يعينا
شكرا
مرسل: الأحد 2008.6.29 12:11 am
بواسطة سيد البلد
شباب شكرا علي الردود
رد: ظلم
مرسل: الأحد 2008.6.29 10:01 am
بواسطة ياسر احمد غيبش
مافي ظلم ياشباب الحكايه وحده تعالو شوفو الناس القاعدين في السودان زيكم واحد كدي امسكو ناس القبول الخاص في الجامعات بدفعو بالدولار زيكم واكتر كما كن جهاز المغتربين دا ياجماعه بمول المرافق دي من اموالكم عشان يقدم ليكم خدمه مافي ظلم في رائ والبقول مظلوم اقارن في اي حاجه بين المغترب والموجود في السودان
رد: ظلم
مرسل: الاثنين 2008.7.14 7:48 pm
بواسطة رهام الحضري
سوداني فعال لا والله احنا فعلا مظلومين وحاسين بي كدة 017
رد: ظلم
مرسل: الجمعة 2008.8.1 8:50 pm
بواسطة سيد البلد
رد: ظلم
مرسل: الجمعة 2008.8.1 10:45 pm
بواسطة sunni
الظلم يا سيد البلد ما في دي وحدها،، في رأيي انه اقسى ظلم يقع عند المغترب،، إنه لما يرجع بلده وعاوز يريح اذانه من كلمة (وافد) وبمجرد ما يخت رجله،، يقولو عليه مغترب.
طيب،، متين ح يستمتع بكلمة (مواطن) ،،، ما أحلاها،،، كلنا نفتقدها
رد: ظلم
مرسل: الجمعة 2008.8.1 11:41 pm
بواسطة ahmed1994
الأخ سيد البلد
مشكور على طرحك الرائع والمفيد
أتفق معك في كل النقاط إلا النقطة قبل الأخيرة
عن موضوع الشهادة ... هذا لا أرى فيه ظلما وحتى لو لم يتم قبول الشهادة من الأساس
وهذا القرار يناقش الآن
فالمناهج العربية ضعيفة بمعنى الكلمة ولهذا السودانيين هم متفوقين أكاديمياً في معظم المجالات
ولكن للأسف يبنون بيوت غيرهم وبيوتهم مهدمة !!!!
أما في بقية طرحك فأتفق معك جملة ولكن لا يوجد هناك ظلم واضح
ربما في التعامل مع الأهل أو مع الأصدقاء
ولكن ليس هناك شخص يريد أن يستخرج مستند مثلا منعوهو لأنه مغترب
مع احترامي
وتقبل مروري
رد: ظلم
مرسل: الجمعة 2008.9.19 12:12 am
بواسطة ريناد
منو القال انو المناهج السودانيه احسن من العربيه احنا هن اللي بندرسو في ثاني ثانوي هناك بيدرسو في ثالث ثانوي بعدين ناس السوادن الكتب حقتم ماكبيرة زي حقتنا والمواد شويه احنا هنا في السعوديه شوف في كم ماده والله مظلووووووووووومين ناس السودان فاكرين انو الامتحانات بتجينا على طبق من ذهب لكن دي فكرة خاطئه جدا ومابيعرفه الا اللي درس برة السودان انا خالتي لمى جات السعوديه زيارة كانت ايام امتحانات والله لمى شافتنا كيف مضغوطين قالت والله انا يادوب اقتنعته انكم مظلومين.
رد: ظلم
مرسل: السبت 2008.12.6 7:55 pm
بواسطة سيد البلد
ريناد وأحمد شكرا علي المرور
رد: ظلم
مرسل: الاثنين 2008.12.8 6:24 pm
بواسطة أبو أحمد
ما تنسى لينا رب إسمو الرحيم
رد: ظلم
مرسل: الثلاثاء 2008.12.9 1:27 pm
بواسطة Mr.POGIz
والله ما عارف اقول شنو
لكن انا ما حاسي باي نوع من الظلم
بل بالعكس حاسس اني انا ظالم بلدي
بس مظلوووووم في حاجة وااااااااحد ه الشهاده
انا عملت مقارنة مع المنهج القريتو ومنهج السودان ولقيت انو انا فايتهم بي مراحل لكن ظلموني وما قدروني كويس
رد: ظلم
مرسل: الثلاثاء 2008.12.9 9:16 pm
بواسطة ود المسالمة
موضوعك جميل ولكن كل الكلام الذي كتبته معروف للمسئولين في الدولة
حتي اننا بخصوص القبول في الجامعات كتبنا خطاب لنائب رئيس الجمهورية
وشرحنا له الوضع وهو وعد بحل مشكلة القبول اما باقي المشاكل اعتقد بان الامين
العام لجهاز شئون العاملين بالخارج الدكتور كرار التهامي كان مغترب ويعرف كل
مشاكل المغتربين ولي اقتراح ان نقوم بحصر المشاكل التي تعترض المغتربين ونرسلها
في رسالة للامين العام ونشوف رده شنو وخاصة مشكلة العوده النهائية والتعليم والعلاج
والسكن يعني ضروريات الحياه
رد: ظلم
مرسل: الاثنين 2009.1.5 7:57 pm
بواسطة قمر ام درمان
والله المغترب السوداني اتعس مغترب .. ليه ؟؟
شايل المسئوليه في القبيلة كلها ..
في الغربة مشلهت وفي بلدو ملطش .. وكمان فاقد
حق المواطنة ومكتوب عليه مغترب !!!
وحتى بعدما يرجع ويستقر برضو يقولوا ماكان
مغترب !!
والله المستعان ..
