صفحة 1 من 1
اضف تعليق
مرسل: الجمعة 2008.6.13 1:59 am
بواسطة محمد نعيم
تصور كيف يكون الحال لو ماكنت سوداني واهل الحارة ما اهلي ؟
رد: اضف تعليق
مرسل: الجمعة 2008.6.13 2:29 pm
بواسطة حنكوشة على أصول
هموت من الخوف
لان السوداني سمكة تعيش في بحر الاخوة
رد: اضف تعليق
مرسل: الجمعة 2008.6.13 9:31 pm
بواسطة أبعاج
تصور كيف يكون الحال لو ماكنت سوداني واهل الحارة ديل اهلي ؟
لو ماكنت سودانى ممكن تكون سعودى أو خليجى تقوم تشتمنا تقول يا ............
رد: اضف تعليق
مرسل: الجمعة 2008.6.13 9:59 pm
بواسطة نفسيات
حاجن طبعا هاههاهاهاههاهههاهههاهاههههههههاههاهههه
رد: اضف تعليق
مرسل: السبت 2008.6.14 7:06 pm
بواسطة مزيج النيل
محمد نعيم كتب:تصور كيف يكون الحال لو ماكنت سوداني واهل الحارة ديل اهلي ؟
[frame="7 80"]تصور كيف يكون الحال لو ما كنت سودانى واهل الحاره ما اهلى
كنت وببساطة شديدة اتقدم لطلب الجنسية السودانية ولو كنت رئيس لدولة
تزخر بكل النعم والاستقرار والثراء التى تغزو بيت كل فرد ينتمى لها[/frame]
رد: اضف تعليق
مرسل: السبت 2008.6.14 8:14 pm
بواسطة عمران عوض
بلدي بلد ناسا مواريثم
في أول شي ..كتاب الله
وحصان مسروج، وسيف مسنون حداه درع
كتاتيبم تسرج الليل مع الحيران
وشيخا في الخلاوي ورع
وكم نخلات تهبهب في جروفا الساق
وبقرة حلوبة تتضرّع وليها ضرع
بلدي أنا
تشيل الناس ، كل الناس وساع بي حيلا وليلا يسع
وتتدفق مياه النيل على الوديان
بياض الفضة في وهج الهجير بيشع
بلدي سهول ، بلدي حقول بلدي الجنة للعاشوها
ولي البرّة بيها سمع
بلدي بلد ناساً تكرم الضيف
وحتى الطير يجيها جعان ومن أطراف تكيها شبع
بلدي بلد الصفقة والطنبور وجاراتن تنق بالليل
وبنوتن تحاكي الخيل
يشابن زي جدي الريل
بلدي أمان ، بلدي حنان وناسا حُنان
يكفكفوا دمعة المفجوع
ويبدّوا الغير على زاتم
يقسموا اللقمة بيناتم
ويدّوا الزاد حتن كان مصيرم جوع
يحبّوا الجار
يموتوا عشان حقوق الجار
يضوقوا النار عشان فد دمعة
وكيف الحال لو شافوها سايلة دموع!
ديل أهلي .. واللــــــــــه ديل أهلي
البقيف في الدار في نص الدار
وأقول لي الدنيا. كل الدنيا ديل أهلي
عرب ممزوجة بي دم الزنوج الحارّة
ديل أهلي .. ديل قبيلتي لمّن أدور أفصل للبدور فصلي
ديل فصلي
أقول بعضي
ألاقيهم تسرّبوا في مسارب الروح
بقوا كولي
ألاقي قلبي والإحساس
وسافر في بحار شوقم زمــــان عقلي
أنا محل قبّلت ألقاهم معاي ، معاي زي ضليّ
أنا لو ما جيت من زي ديل كان وا أسافاي ، وا مأساتي وا زّلي
تصوّر كيف يكون الحال لو ما كنت سودان... وأهل الحارة ديل اهلي
رد: اضف تعليق
مرسل: السبت 2008.6.14 10:48 pm
بواسطة sunni
لو ما كنت سوداني،، ما كنت ح أعرف قيمة إني أكون سوداني،، عشان كدة يمكن ما كنت أتمناها، أو ما تخطر على بالي
بس ،،،، الحمد لله
رد: اضف تعليق
مرسل: الأحد 2008.6.15 11:47 pm
بواسطة محمد نعيم
مشكورين علي المرور والتعليقات الرائعه
رد: اضف تعليق
مرسل: الاثنين 2008.6.16 12:12 am
بواسطة اسامه خضر محمد على
لوو ما كنت سودانى كنت اكون سودانى بطبعى واخلاقى يعنى سودانى بالفطره