شمشرة من نوع جدييييييييييد - أدخل وأضحك من الاعماق -للشمشارين فقط
مرسل: الأربعاء 2008.6.11 11:19 am
موضوع الشمار دا ماجديد لكن الزكرني ليه حكاية حصلت في قريتنا زمان (بحكوها لينا جدودنا)
وملخص الحكاية
انه كان في أسرة عندهم قريبهم هرب وهو صغير جهة غرب السودان ومافي زول تاني سمع بيه
بعد 22 سنة واحد من النصابين سمع بالحكاية دي جاء يوم الحلة وسأل عن بيت الجماعة ديل لمن وصلو ليهم
قال ليهم أنا فلان المشيت زمان من البيت مشيت الغرب وعملت لي تجارة هناك والحمد لله أنا هسع دي مليان قروش وووو
الزول سبك القصة صاح خصوصا وانو عمرو تقريبا قدر عمر الزول الهرب وبعدين الحكاية طولت والناس نسو ملامح الزول الهرب أضف لطيبة الناس زمان داك ودا كلو ساعد الزول دا في سبك القصة دي
أها الجماعة بالفرحة ديك صدقوه وضبحو ليه في اليوم داك وأكرموه
زولك قام من صلاة الصبح قال ليهم ياجماعة انا راجع الغرب تاني أجيب بضاعتي وراسمالي وأجيكم راجع بس ناقصني شوية قريشات كدا عشان السفر وتحميل البضائع (زمن الجمال) :D
اها جماعتك باعو ليهو بقرتين وأدوه مبلغ نقدي
زولك مشي طبعا وتاني ماجاء راجع
الجماعة قالو ادسوالتفاصيل دي من الحلة خصوصا قصة النصبة دي (لأنو ناس الحلة كانو فاكرنو مجرد ضيف )
أها ما كانو خايفين الا من زول واحد أشتهر بالشمشرة ونقل الخبر أسرع من رويتر
قالو يمشو يسكتو
مشو ليه في البيت قالو ليه ( حاج فلان والله الحصل كدا كدا كدا والزول دا طلع حرامي ساكت أها مابندور الخبر دا يطلع وعشان تسكت هاك دا قروش ) ادوه قروش (لانه مشهور بحب المال والشمشرة)عشان يسكت واتفقوا معاه انو يسكت
أها رجعو البيت قبل مايقعدو كويس زولك جاهم وقال ليهم ( ياجماعة هوووي دي قروشكم والله خبر زي دا لا بسكت عليه ولا حاجة)
أها لمن صبحت لقو الحلة كله عارفة ويضحكو عليهم
عشان كدا اي زول دخل البوست دا 90 % شمشار ::D :D :D :D
وملخص الحكاية
انه كان في أسرة عندهم قريبهم هرب وهو صغير جهة غرب السودان ومافي زول تاني سمع بيه
بعد 22 سنة واحد من النصابين سمع بالحكاية دي جاء يوم الحلة وسأل عن بيت الجماعة ديل لمن وصلو ليهم
قال ليهم أنا فلان المشيت زمان من البيت مشيت الغرب وعملت لي تجارة هناك والحمد لله أنا هسع دي مليان قروش وووو
الزول سبك القصة صاح خصوصا وانو عمرو تقريبا قدر عمر الزول الهرب وبعدين الحكاية طولت والناس نسو ملامح الزول الهرب أضف لطيبة الناس زمان داك ودا كلو ساعد الزول دا في سبك القصة دي
أها الجماعة بالفرحة ديك صدقوه وضبحو ليه في اليوم داك وأكرموه
زولك قام من صلاة الصبح قال ليهم ياجماعة انا راجع الغرب تاني أجيب بضاعتي وراسمالي وأجيكم راجع بس ناقصني شوية قريشات كدا عشان السفر وتحميل البضائع (زمن الجمال) :D
اها جماعتك باعو ليهو بقرتين وأدوه مبلغ نقدي
زولك مشي طبعا وتاني ماجاء راجع
الجماعة قالو ادسوالتفاصيل دي من الحلة خصوصا قصة النصبة دي (لأنو ناس الحلة كانو فاكرنو مجرد ضيف )
أها ما كانو خايفين الا من زول واحد أشتهر بالشمشرة ونقل الخبر أسرع من رويتر
قالو يمشو يسكتو
مشو ليه في البيت قالو ليه ( حاج فلان والله الحصل كدا كدا كدا والزول دا طلع حرامي ساكت أها مابندور الخبر دا يطلع وعشان تسكت هاك دا قروش ) ادوه قروش (لانه مشهور بحب المال والشمشرة)عشان يسكت واتفقوا معاه انو يسكت
أها رجعو البيت قبل مايقعدو كويس زولك جاهم وقال ليهم ( ياجماعة هوووي دي قروشكم والله خبر زي دا لا بسكت عليه ولا حاجة)
أها لمن صبحت لقو الحلة كله عارفة ويضحكو عليهم
عشان كدا اي زول دخل البوست دا 90 % شمشار ::D :D :D :D
