منتدى أنا سوداني

يحكي لنا أحد الأخوان بأنه وأصدقاءه كانوا معزومون عند احد الأخوان في إحدى الشقق غداء وبعد الغداء جات صلاة العصر والشقة ضيقه جداً لا تتحمل صلاة الجماعة وقرروا الصلاة في الممر خارج الشقة وايضا كان الممر ضيق ممكن يتحمل الصف الأول وبعد جهد جهيد من التفكير قرروا بأن يكون الإمام داخل الأصانصير والجماعة يتكونوا من صف واحد في الممر ودخل الإمام بالمصعد وتصفوا الجماعة وتم فتح باب المصعد وتثبيته بخشبه وبدأت الصلاة وبعد الركعة الثانية حضر احد الأطفال المزعجين وسحب الخشبة وتلغائيا قُفل باب المصعد وجد الأمام نفسه في الدور الثالث ولما فتح الباب وجد المنتظرين للمصعد سوداني داخل المصعد يصلي 0

اتخيلوا كيف كنتوا تتصرفوا لو كنتوا في مكانوا !!!!!!!!!!!!!!!!!!!!!!!!!

البقية في العدد القادم ،،،،،،،،

تسلم داخل الاسانسير لو كنت الامام
الشافع ود الحرام دا مالقى غير الخشبة دي يشيلها :D
والجماعة يقدمو واحد تاني
لكن والله موقف عجيب ياهندسة
إمام على الطائر
هندسيا حلها كيف دي

من البدايه كان ممكن يتقسمو
على مجموعات على ما اظن طالما هم بالكميه دى

يضحك



انا كوول

المشكلة الجماعة عايزين يصلوا سريع ويلحقوا التحلية (الحلى) بعد الغداء لانو الأطفال في البيت والجماعة خايفين الأطفال ياكلوا الحلى وبقو في الطريقة الترجع ليهم الأمام ،،،

والله شكلو كده والا معقول ما في مسجد قريب منهم يمشوليه بدل ما يقعوا في رحمة الشافع ده؟ والله عفيت منه

ياأخواني الناس ديل رباطااااااب رباطاااااااااااااااااااااااااااااااااااااااااااااااب

أظن القصة خيالية
وانت المهندس هندتستها صاح
طالما هم حريصين علي صلاة الجماعة
اكيد حته فيها اسانسير فيها مسجد
يعني ما مقطوعة وله كيف
المهم الطرفة حلوة
تقبل مروري

شكرا ياولي اما القصة بدون اي تكلفة واقعية ووقعت أحداثها بحي النسيم بجدة المملكة العربية السعودية وإذا كانت خيالية تخيل نفسك في مكان الأمام وإنشاء الله تقع في مأزق ذي كدة أشكرك مرتين بس على المداخله الحلوة دي

اولا لا صلات لجار المسجد والجار قالوا حوالي سبعون بيت لانهم هم لايريدون الصلاة بل هم يريدون اللعب فقط