منتدى أنا سوداني

ظهر اليوم خليل ابراهيم رئيس حركة العدل والمساواة بعد اختفائة الذي اثار اللغط بعد محاولتة الفاشلة لغزو امدرمان وذلك علي شاشة قناة الجزيرة الفضائية في الثامنة من صباح اليوم ضمن عرض الجزيرو هذا الصباح.
وقد انتقد خليل في كلمتة الجامعة العربية وتركيزها علي قضية لبنان وتركها قضيتي السودان والصومال
وقال باللهجة السودانية : (( ليش لبنان , لبنان , لبنان دارفور دي ما اكبر من لبنان والناس العايشين فيها اربعتاشر مليون والماتو نص مليون))
واضاف قائلا : (( نحن شايفين لونا دا قايليننا ما عرب ))

انتهي الخبر


:D ابتسمت غصبا عني وتذكرت حينها بوست ( هل نحن السودانين عرب )

والله حاجة غريبة وعندو قوة عين كمان يتكلم باسم دارفور وناس الجامعة العربية كيف يخاطبهم مجرم هارب ومطلوب للعدالة ،،، واسلوبه اسلوب رخيص ويحاول ان يلعب على الحبلين ويقول لناس دارفور انا داير احرركم من العرب ويقول لناس الجامعة العربية نحن ما عرب ولا شنو ؟؟
ياخليل خلاص خليت دبى وبقيت تفتش لعمرو موسى

كابو كتب:
واضاف قائلا : (( نحن شايفين لونا دا قايليننا ما عرب ))

:D ابتسمت غصبا عني وتذكرت حينها بوست ( هل نحن السودانين عرب )

العرب معروفين وغير العرب معروفين . يجب يا خليل ان تعلن على الملأ بانك عربي وانك تتبرا تماما من فكرة دولة الزغاوة ثم تنضم للمؤتمر الوطني بعد ان تغتسل من ذنوبك . وبعدها نشوف حنعمل ليك شنو .

M.Hadad كتب:

:D
هو خليل ده علاقتو شنو بالعرب؟

يمكن عشان معرس شايقية ( دي حقيقة )

saare كتب:

خليل ماعندو دخل بالعرب ولا جا جمب العرب وخلى يشوف مكان أصلو
المرتزق العميل لو هوا سودانى من اي قبيلة كانت ماكان جا يغزى بلدو
بالمرتزقة التشاديين وبقول دا حل لقضية دارفور خليهو يشوف هو بيحل قضية
منو دا بيحل فى قضية لى روحو طامع فى السودان وما حيقدر يمس شعرة من البلد

يسلم فمك يا ساري

the golden boy كتب:الجامعه العربيه لوكان عندها كلمه كان الوطن العربي تغير مش اجتماعات واجتماعات واجتماعات وكلو قول بدون فعل
في حاجه نسيتها كابو خليل قال حايغير النظام بالحرب ولا السلم يعني بالواضح كده ماتاب ومفكر يجي تاني

ديل الكلب عمرو ما يتعدل

في كلمة في اللقاء قالها الكل يضحك عليها (بيروت بيروت بيروت )
الرجال كان هادي وشكله بيدور علي الحوار مع الحكومة دخلت ام درمان جابتلو قلب
قال عام 2008 لازم تحل قضية دارفور بحوار او قوة
خليل سقط في فخ ام درمان واصبح يدورلها بالعاقب علي قولتنا

احسان كتب:

[grade="00008B FF6347 008000 4B0082"]سمعتا قالو خليل ظهر
مفروض يتوارة ويختشي على وشو
تسلم على البوست[/grade]

مش كدا يا احسان


تسلمي علي المرور

الجموعي كتب:في كلمة في اللقاء قالها الكل يضحك عليها (بيروت بيروت بيروت )
الرجال كان هادي وشكله بيدور علي الحوار مع الحكومة دخلت ام درمان جابتلو قلب
قال عام 2008 لازم تحل قضية دارفور بحوار او قوة
خليل سقط في فخ ام درمان واصبح يدورلها بالعاقب علي قولتنا

الزول دا يا الجموعي ما قالو ليهو ادرمان بلد الجموعية ولا شنو ؟


انت من التريس ولا السليمانية ولا الشقيلة :D

حنضله كتب:ظهر وكمان عندو الجرءة يتكلم عن السودان والسودانين غريبة والله ومن وين لم فى العرب هو؟

يا حنظلة ما دا المجنن بوبي

أبناء العمومة :
كابو
أحمد1994
السيف القاطع
حداد
ساري
الولد الذهبي
إحسان
الجموعي
حنظلة
ود الدرديري

تسلموا إن شاء الله من كل شر وبلا .

كابو كتب:الزول دا يا الجموعي ما قالو ليهو ادرمان بلد الجموعية ولا شنو ؟


انت من التريس ولا السليمانية ولا الشقيلة :D

كلهم ابناء عم من الحاجاب