منتدى أنا سوداني

دي حصلت جد جد
كنا في اولي ابتدائي واول ايام في المدرسة
بعد نهاية الحصة الاستاذ قال لينا تعالوا صححو في المكتب بالكنبة
قاصد خمسة خمسة لانه الكنبة فيها 5
اول كنبة كانت حقتنا
شلنا الكنبة ومشينا بيها المكتب
الاستاذ قال لينا دا شنو دا
قلنا ليه( ماقلت لينا تعالوا صححو بالكنبة)
الاستاذ ضحك ضحك شديد خلاص قال لينا كنبتكم الجبتوها دي بكسركم فيها
اي واحد فينا انبطح قي الكنبة واخد5سيطان رجعنا شايلين الكنبة وكلنا نبكي
الاستاذ لتاريخ اليوم الاقيني يضحك لانه كنت رئيس الكنبة

اعزائي احسا ن - كابو
ليكم التحية علي المرور وهاكم دي واحدة
لمن كنا في سادسة كان معانا واحد مشاغب اصلو مابيحفظ
الحصة كانت تسميع سورة مع المدير ولو ما حافظ تمش براك تنبطح للكسر
المهم زولنا دا مبخر السورة كلها في ورقة وماصدق المدير اخد ليه دقسة صغيرة كدة مع بداية تسميعه
قرا السورة سريع سريع واكل الورقة
فجآة المدير صحا قال ليه (صديق سمعت )
قال ليه (اي والله اسال الفصل كلو)
المديرقال ليه ( اسال الفصل لشنو سمعها تاني بس )
صاحبنا اصلو ماكضب مشي انبطح للجلد وقال ليه (انا كتابتها غلبثني خلي تسميعها استاذ اجلد جلدك)

حللللللللللللللللللللللللللوة زيك




[grade="F4A460 4169E1 FFA500 FF0000"]انا كووول[/grade]

احبائي شكرا ليكم علي المرور وانشا الله دايما مبسطوين خلونا نضرب الهم بالفرح

اول مرة اضوق الاول كنت في ثالثة ابتدائي الاستاذة الماسكة النتيجة جيرانا طوالي وصاحبة بت عمي
قبل تطلع النتيجة قلت لي بت عمي ماتشوفي لي النتيجة بت عمي وافقت بعد مارسلتني 20مشوار مستفيدة من لحظة الضعف الانا فيها (اصلو مابترسل بسهولة)
المهم يازول شافت النتيجة وقالت لي جيت الاول
اخوكم بدا يرسم في خطة عشان الواحد يطلع ليه بجائزة من الوالد
بقيت اتحين الفرص لغاية مالقيتو يقرآ ليه في جريدة وجنبو كباية شاي
قلت بس نرمي المفاجآة
-يابا
- نعم في شنو خلقتك الغبشاء دي
- بكرة النتائج
- ويعني شنو
- والله يايابا انا خايف اجي الاول
تتوقعو الرد شنو
- ماتجي الاول بخافو منها
ورجع يقرافي الجريدة
و فشلت الخطة

انا كوول كتب:حللللللللللللللللللللللللللوة زيك




[grade="F4A460 4169E1 FFA500 FF0000"]انا كووول[/grade]

حلووووة زيك انت دي :079:

احسان كتب:

ههههههههههههه

كان يطلع الورقة الاكلها ويقراها تانى

والله يا أحسان انت ماشفتي الشخصية الاسمها صديق صاحب الحكاية دي كوميدي وكل حصة لازم حكاية وصدقي مصاحب المعلمين كلهم كلهم بحبوه برغم اهماله
شكرا لمرورك

والله قصت الكنبه دي ذكرتني بموقف حصل لي كنت في ايام الابتدائي مسؤول من المعاي في الكنبه من حفظ اناشيد وقرآن كريم فادايما تجي الاستاذه واسمع لكل اللي في الكنبه وانا مابسمع ولقيت الحايه حلوه اسمع للباقين وانا مرتاح لحدي ما في يوم الاستاذه طلبت من اقرا صوره بس الله لا يوريك منظرني اليوم داك طبعا طلعت ماحافظ وسحبو مني الزعامه على الكنبه واللي فيها واخته علقه جامده.
ومشكور كتير لأنك ذكرتني بالذي مضى
سلام كميه

waya كتب:ههههههههههههههه
اضحك الله سنك ,,
ياخ أنا لمن وقعت من الكرسي

وايا العزيز شكرا للمجاملة الرقيقة دي
تعرف اتزكرت مشاركتك دي واتزكرت كترة شواكيشك
طوالي ضحكت لكن العلالقة بين الشواكيش والنكتة دي شنو ماعارف
اعتبرني اهزي

معقولة يا هومي الفضائح وراك وراك من إنت صغير..
على العموم مشكوووووووور على الذكريات الراااااائعة دي يا عسل ولي رجعة..

سودانية صريحة كتب:

والله يا هومي طلعت كوميدي بشكل فطست من الضحك
تسلم

وانت عثثثثثثثل
والله ماقصة كوميدي دي حقائق وزكريات جميلة
والله طفولتي كلها بلاوي وشقاوة
تسلمي على المرور

دلوعة النيل كتب:معقولة يا هومي الفضائح وراك وراك من إنت صغير..
على العموم مشكوووووووور على الذكريات الراااااائعة دي يا عسل ولي رجعة..

شفتى يادلوعة كيف
بس براءة وشقاوة
والله انا بتمنى الزمن الجميل دا يجي تاني
كنا بتاعين مقالب لغاية ما اتخرجنا من الجامعة مقالب
اهـ زكريييييات
شكرا لمرورك ياروعة

Hoomy كتب:
شفتى يادلوعة كيف
بس براءة وشقاوة
والله انا بتمنى الزمن الجميل دا يجي تاني
كنا بتاعين مقالب لغاية ما اتخرجنا من الجامعة مقالب
اهـ زكريييييات
شكرا لمرورك ياروعة

والله يا هومي يا عثل ما في أحلى من ذكريات الطفولة ولو علي بتمنى أرجع طفلة وأستغل أي فرصة ضيعتها في الزمن الفات لكن المشكلة إنو الكلام دة ما بيدي..