صفحة 1 من 1
نفسيات!!!!!
مرسل: الجمعة 2007.1.26 10:10 pm
بواسطة العسوله
عايزة رايكم في الحقولو
بصراحة ساعات بقعد مع نفسي وبفكر بلاقي اني عندي مشكلة عويصة ((اني مرات مابكون عارفة انا عايزة شنو في حياتي)) وديما عندي صراع داخلي في اختيار القرار المناسب في الوقت المناسب
مرات الانسان بعمل حاجات هو ماعارف بعملها ليه!!
بتمر لحظات من حياتنا احنا بنعمل فيها حاجات من غير تفكير و نندم بعدين ومرات ببتضطر تتخذ قرار في وقت ضيق جدا
في رأيكم دي نفسيات ولا كلامي صح؟؟؟:(
رد: نفسيات!!!!!
مرسل: السبت 2007.1.27 2:29 am
بواسطة بت أبوظبي
راجعه ليك يا عسوله
رد: نفسيات!!!!!
مرسل: السبت 2007.1.27 2:35 am
بواسطة جمال علي
بت أبوظبي كتب:راجعه ليك يا عسوله
راجعه تشرحي ليها ولا راجعه ليها بمعنى انو الامر ده بيعود لشخصيته هي
على العموم يا عسوله دي حاجه عاديه بتحصل لاي واحد وكلنا الواحد بيمر بي فتره
بيشعر فيها بانعدام الوزن .
لكن بتمر ما تاخدي في بالك كتير وانا ما قلت كده ساكت لانو الحاجه دي انا مريت بيها كتير
وربنا المستعان .
دمتم سالمين
رد: نفسيات!!!!!
مرسل: الأحد 2007.1.28 11:48 am
بواسطة العسوله
طيب لمن تتخت بين قرارين
قرار بيرضيك لكن مابيرضي الحوليك
وقرار بيرضي الحولك وانت مابيرضيك
على العلم انو الحولك ديل اقرب الاقربين ليك
حتعمل شنو ساعتها؟؟؟؟
رد: نفسيات!!!!!
مرسل: الأحد 2007.1.28 12:26 pm
بواسطة Still I Need U
[align=justify]عزيزتي الجميلة العسولة ،،
تحياتي لك ،،
في بادئ الأمر دعيني أقول لك بان اتخاذ القرارات دائما تأتي صعبة ،، ولكن أقرب شئ للإنسان هي دواخله وبما تتحكم في اتخاذ هذا القرار ،، ولكنك وفي النهاية أنت المسؤولة الاولي والأخيرة عن أتخاذ قرارك ،، أما ما يعتري الطرفين فهذا يرجع إليك بالجلوس مع نفسك إذا كنت أتخذت قرار ليس بمصلحتك ولكن إرضاءاً للآخرين فهذا بمثابة الضغط عن شئ لا يرضيك ،، والعاكس تماما أجلسي مع نفسك ،، وأتخذي قرار شجاع اى كان هو ،، وكوني قوية من اجله ،، وربنا يرفقك ،،
تقبلي تحياتي ،،[/align]
رد: نفسيات!!!!!
مرسل: الأحد 2007.1.28 1:32 pm
بواسطة جمال علي
السلام عليكم
اتخاذ القرارات حاجه ما ساهله
بتحتاج رويه وتفكير مش قصدي تاخد زمن طويل لكن بتحاول على قدر الامكان
تنظر ليها من كم اتجاه .
وبعدين راحتك وعذاب الاخرين
دي فكره ساديه شويه
لكن لو جيتي في النهايه حسبتيها وزي ما قال stikll I need U انت المسؤله من قراراتك
وفي النهايه انت الحتحملي المسؤليه لو كان قرارك غلط مش الاخرين .
شكرا
دمتم سالمين
رد: نفسيات!!!!!
مرسل: الأحد 2007.1.28 9:28 pm
بواسطة بت أبوظبي
العسوله كتب:طيب لمن تتخت بين قرارين
قرار بيرضيك لكن مابيرضي الحوليك
وقرار بيرضي الحولك وانت مابيرضيك
على العلم انو الحولك ديل اقرب الاقربين ليك
حتعمل شنو ساعتها؟؟؟؟
يا عسوله شوفي ..
اتخاذ قرار .. أو انك تكوني محتاره بين قرارين .. دي مشكله أسأليني عنها !
حنعاني منها في حياتنا إلا ماشاء الله .. والموضوع ده ما حيتوقف ابدا طالما في ناس حوالينا واب وام بيخافوا علينا وعايزين مصلحتنا ..
اسمعيني .. وشوفي نصيحتي ليك يمكن تنفعك ..
اول حاجه تعمليها
على ورقه تكتبي القرار اللي انتي عايزاه ... وبعدين قرار الناس الحواليك سواء أب أم أو أخ ... إلخ
تقارني بينهم تحاولي تطلعي السلبيات والإيجابيات
بعدين لما تكون الإيجابيات اكتر سواء لقرارك ام لقرار الأطراف الأخرى .. اكيد حتكون النتيجه لصالح القرار اللي ايجابياته اكتر
رد: نفسيات!!!!!
مرسل: الاثنين 2007.1.29 2:01 am
بواسطة العسوله
تسلمو على المرور الظريف والكلمات الشافية ياشباب
عموما هي مسئولية كبييييرة تتحمل نواتجها انت ولااحد غيرك
ربنا يوفقنا في ارضائه هو عز وجل
تحياتي
رد: نفسيات!!!!!
مرسل: الجمعة 2007.2.2 2:47 am
بواسطة صلاح يحيى سليمان
العسولة....ما تعقدى امورك وقراراتك.....!
انا حاجه ما اقتنعت بيها 100 الميه ..ما بعمله.
وبعد ما اتخذ القرار ...ويطلع ما صاح او ما يخارج معاى....!
بقول عملتها فى نفسى براى....!
ودى ارحم من يكون اتخاذ القرار لارضاء آخرين.....!
مع تحياتى
رد: نفسيات!!!!!
مرسل: الجمعة 2007.2.2 3:28 am
بواسطة بت أبوظبي
المشرف العام كتب:
العسولة....ما تعقدى امورك وقراراتك.....!
انا حاجه ما اقتنعت بيها 100 الميه ..ما بعمله.
وبعد ما اتخذ القرار ...ويطلع ما صاح او ما يخارج معاى....!
بقول عملتها فى نفسى براى....!
ودى ارحم من يكون اتخاذ القرار لارضاء آخرين.....!
مع تحياتى
اوكي ..!
بدخل ضمن موضوع كلام الناس ..؟؟
ولا كيييييييف ..!!
رد: نفسيات!!!!!
مرسل: الأربعاء 2009.5.13 5:42 am
بواسطة ضياء الروووح
والله يا عسل ما نفسيات بس دا الشيطان البخليك تعملي حاجات وانتي ما مقتنعه بيهاا وفي النهايه تندمي عليها بس انتي لمن تجي تعملي شيي فكري في العواقب حتكون شنو ويسسلمو