كيــف تطفشي العــريس الما دايراهو .... !!!!
مرسل: الثلاثاء 2008.4.29 10:31 am
أكيد طبعا فى سودانا الحبيب دا فى بنات كتار عرسوا (غصبا عن نخراتهم) و طبعا ده اتسبب فى كتير من البلاوى زى انو البت بتعرس واحد بتكون (شامة حلة اخلاقو) و ما قادرة تقنع اهلها ,و كمان بتسبب فى شاكوش غير مباشر (لكن بنفس تاثير الشاكوش المباشر) للشخص البيكون مربط معاها اذا وجد. نكتب الموضوع ده لمؤازرة اخواتنا علة الرفض و ايضا لمصلحتنا (عدم تلقى الشواكيش الغير مباشرة).
1- أول حاجة هى انك لازم ما تظهرى لاهلك عدم الرضا بالعريس من ساعة ما يكلموك ,يعنى عاااادى علشان ما يلاحظوا حاجة بعدين فى الخطة.
2- تانى خطوة انك من يوم يوروك مواعيد وصول اهل العريس (ابو الشباب) ما تستحمي نهائى,تخلى الروائح المنعشة تطلع كويس و اتحاشى ناس البيت ما يشموك.ممكن كمان تجهدى زيادة فى البصل و التوم وقش الحيشان و كده.
3- و طبعا حيجى اليوم البيجو فيهو اهل (ابو الشباب) اخيرا علشان يشوفوا (ست الحسان) السامعين بيها و عشان كدة لازم (ست الحسان) تكون نايمة لحدى المواعيد عشان وشها يبان مية مية(حجة طبعا) علشان ناس البيت ما يكشفوك .
4- اهل العريس كبسوا اخيرا (ابو الشباب و الحاج و الحاجة) , سيادتك حتجى تسلمى على ام العريس ببرود تااام,كأنك قرفانة و اخلاقك واصلة نخرتك السمحة دي ترجعى على اوضتك علشان تتظبتى طبعا (معقولة بس؟؟؟), و هنا يبدأ الشغل :
-اولا المكياج لازم تبدأي بالكحل,تكحلي عين اكتر من التانية علشان تكونى (حوصاء رسمى), مع اضافة بعض المساحيق و البودرة على الشفايف علشان توري انو عندك (اما فقر دم او كوليرا).
5- تمشى طوااالى على المطبخ علشان تاخدى الشاى و القهوة و كدة (اوع امك تنتبه للبهجة الفى وشك).
6- تاخدى الحاجات و تمشى للناس بكل ثقة المرة دى (بالجد علشان ما تكتريها) و و تمشى طبعا تقعدى جنب العريس (ابو الشباب) و تصبى ليهو الشاى و و طبعا تبداى تعاينى ليهو فى عيونو عدييييل (تسلبي حنان قلبو زاتو ) , و كدة العريس حيصاب بالصدمة (من اول نظرة) , طبعا من شدة الصدمة حينسى يشرب الشاى المكبوب قدامو و حضرتك طبعا حتزكريه (ما تثرب الثاي ده حيبرد !!!)
و عشان (ابو الشباب) ياخد نفس تقومى تقبلى بمنتهى الظرافة مع ام العريس و تتونسى معاها ونسة جادة و كويسة لكن؟؟؟ حتقعدى تكرشى و تحكى فى شعرك طول كلامك معاها (مع انك حتكونى مرتباهو عادى من قبيل بدون مقالب) , اتخيلى كدة انو فى حديقة حيوان فى راسك .مسكينة ام العريس حتقرب تقع و هى بتحاول تبعد منك.
اول كلمة حتسمعيها هى (أحححممم) من ابو العريس ايذانا بالرحيل من عندكم و ابوكى بيقوليهم شرفتونا و الله .
عموما الشباب علشان ما يخشوا فى ورطات زى دى اذا عملوا يوم من الايام عملة (ابو الشباب) لازم يكونوا كالآتى: (مواصفات بنات زمن الفضائيات)
1- جاذبية و رومانسية تامر حسنى.
2- ثقافة جورج قرداحى.
3 - خفة دم احمد حلمى.
4-ضحكة و اسنان محمد حماقى (نفسى اعرف بيستخدم ياتو معجون).
5- اهم حاجة.... جيب الوليد بن طلال .
و كمان حاجات زى تكون اعمى عن غيرها و اطرش من عمايلا .. وووو.... الخ !!
1- أول حاجة هى انك لازم ما تظهرى لاهلك عدم الرضا بالعريس من ساعة ما يكلموك ,يعنى عاااادى علشان ما يلاحظوا حاجة بعدين فى الخطة.
2- تانى خطوة انك من يوم يوروك مواعيد وصول اهل العريس (ابو الشباب) ما تستحمي نهائى,تخلى الروائح المنعشة تطلع كويس و اتحاشى ناس البيت ما يشموك.ممكن كمان تجهدى زيادة فى البصل و التوم وقش الحيشان و كده.
3- و طبعا حيجى اليوم البيجو فيهو اهل (ابو الشباب) اخيرا علشان يشوفوا (ست الحسان) السامعين بيها و عشان كدة لازم (ست الحسان) تكون نايمة لحدى المواعيد عشان وشها يبان مية مية(حجة طبعا) علشان ناس البيت ما يكشفوك .
4- اهل العريس كبسوا اخيرا (ابو الشباب و الحاج و الحاجة) , سيادتك حتجى تسلمى على ام العريس ببرود تااام,كأنك قرفانة و اخلاقك واصلة نخرتك السمحة دي ترجعى على اوضتك علشان تتظبتى طبعا (معقولة بس؟؟؟), و هنا يبدأ الشغل :
-اولا المكياج لازم تبدأي بالكحل,تكحلي عين اكتر من التانية علشان تكونى (حوصاء رسمى), مع اضافة بعض المساحيق و البودرة على الشفايف علشان توري انو عندك (اما فقر دم او كوليرا).
5- تمشى طوااالى على المطبخ علشان تاخدى الشاى و القهوة و كدة (اوع امك تنتبه للبهجة الفى وشك).
6- تاخدى الحاجات و تمشى للناس بكل ثقة المرة دى (بالجد علشان ما تكتريها) و و تمشى طبعا تقعدى جنب العريس (ابو الشباب) و تصبى ليهو الشاى و و طبعا تبداى تعاينى ليهو فى عيونو عدييييل (تسلبي حنان قلبو زاتو ) , و كدة العريس حيصاب بالصدمة (من اول نظرة) , طبعا من شدة الصدمة حينسى يشرب الشاى المكبوب قدامو و حضرتك طبعا حتزكريه (ما تثرب الثاي ده حيبرد !!!)
و عشان (ابو الشباب) ياخد نفس تقومى تقبلى بمنتهى الظرافة مع ام العريس و تتونسى معاها ونسة جادة و كويسة لكن؟؟؟ حتقعدى تكرشى و تحكى فى شعرك طول كلامك معاها (مع انك حتكونى مرتباهو عادى من قبيل بدون مقالب) , اتخيلى كدة انو فى حديقة حيوان فى راسك .مسكينة ام العريس حتقرب تقع و هى بتحاول تبعد منك.
اول كلمة حتسمعيها هى (أحححممم) من ابو العريس ايذانا بالرحيل من عندكم و ابوكى بيقوليهم شرفتونا و الله .
عموما الشباب علشان ما يخشوا فى ورطات زى دى اذا عملوا يوم من الايام عملة (ابو الشباب) لازم يكونوا كالآتى: (مواصفات بنات زمن الفضائيات)
1- جاذبية و رومانسية تامر حسنى.
2- ثقافة جورج قرداحى.
3 - خفة دم احمد حلمى.
4-ضحكة و اسنان محمد حماقى (نفسى اعرف بيستخدم ياتو معجون).
5- اهم حاجة.... جيب الوليد بن طلال .
و كمان حاجات زى تكون اعمى عن غيرها و اطرش من عمايلا .. وووو.... الخ !!
