يا غربة يا بكاية يا غشاشة يا مستهبلة
مرسل: الجمعة 2007.1.26 6:08 am
[frame="10 80"]
يا غربة يا بكاية يا غشاشة يا مستهبلة
تغرينا بي درهم قروش ووراك قنطار بهدله
جيناك نقعد بس سنة وحاجاتنا ناقصة نكمله
نبني البيوت في العاصمه ونفرش اثاثها نجمله
وكرولا حارة نرسله اصله النقل صار مشكلة
ونكمل الدين بي مهله والسمحة جاهزة نحصلها
غير القروش اللي الاهل عبر الشهور حارسله
والباقي يدخل في البنوك ونشوف دباره نشغله
ناس فكرت تجني العلم ةتبدا الدراسة تواصله
احلام كتيرة وشيقة وامال كبيرة مدنكله
لكن حساباتنا الغلط في كل يوم بنرحله
مرت سنين من العمر بنعزها وبنفضله
والحسبة وصلت طاشرات امكن نعيش ونبدله
وتعال نحاسبك يا وهم من غير رقم او اسئلة
كان للقروش نجري ونحوش لكن تقول بنشاكله
ماراضيه تقعد في الجيوب وتقول حرامي بينشله
لكن بتقعد في الضهور بي ديون تقيلة مطوله
ممحوقه ما بتقضي الغرض واقل حاجه تكمله
كملانه بطحاء وحق وزن ومجاملات مستعجلة
واحلامنا ديك صبحت سراب نمشي ونجرى ما نحصله
ياريت يكون هم القروش يا غربة فيك المعضلة
لكن تعال شوف الهموم الما افتكرنا نقابله
ذله ومهانة واحتقار خلو النفوس متململه
سجننا كبير فيه الكفيل سجان قيوده مكبلة
اشغاله شاقة مؤلمة ودائما تكون مستعجلة
مرض الضغط والسكري ومرض القلب ووجع الكلى
مصران وقرحة واكتئاب ونفوسنا ما متحمله
وبقينا كيمان لحم تحت الهدوم متندله
واكيد يكون اكل المعلب والمجمد عامله
وعدم الرياضة والكند شه لابد يكون ليهم صلة
وكمان تعال للمعادلة الماقدرنا اصلا نعدله
سجن العيال جوه الشقق ولا فراق العائلة
جيب العيال فيه المخاطر وجيوبنا غير مميله
وصغارنا صبحت بالزهج متوحشة ومتجفله
لا قادره تدرس بي نفس من الدروس متذهله
تلقى الولد غالبه الكلام والبنت كبيره مريله
كل الضغوط جاتهم سوا ما قدرنا حتى نقلله
في كل الظروف تلقى القرف تلقى الخيوط متشابكة
اما الفراق اصل الوجع ومشاكله بايته مقيله
والفراق عارفين مشاكله ومافي داعي نفصله
ياغربة اديناك كتير ادينا خاطرك يسهله
خلينا نرجع بالفضل نلحق حياتنا نعدله
امالنا فيك بدري اتنست الا الرجول متوحله
وبقينا زي اهل القبور لا البره عارف يدخلها
ولا الجوه يرجع لي وره يحكي الحكاية يوصله
لكن خلاص هان الخلاص عدك نزل مهما علا
وانشاء الله نحيا ونودعك وتكوني ذكرى نغازله
يا غربة يا بكاية يا غشاشة يا مستهبلة
مع تحياتى
نورالاسلام
[/frame]تغرينا بي درهم قروش ووراك قنطار بهدله
جيناك نقعد بس سنة وحاجاتنا ناقصة نكمله
نبني البيوت في العاصمه ونفرش اثاثها نجمله
وكرولا حارة نرسله اصله النقل صار مشكلة
ونكمل الدين بي مهله والسمحة جاهزة نحصلها
غير القروش اللي الاهل عبر الشهور حارسله
والباقي يدخل في البنوك ونشوف دباره نشغله
ناس فكرت تجني العلم ةتبدا الدراسة تواصله
احلام كتيرة وشيقة وامال كبيرة مدنكله
لكن حساباتنا الغلط في كل يوم بنرحله
مرت سنين من العمر بنعزها وبنفضله
والحسبة وصلت طاشرات امكن نعيش ونبدله
وتعال نحاسبك يا وهم من غير رقم او اسئلة
كان للقروش نجري ونحوش لكن تقول بنشاكله
ماراضيه تقعد في الجيوب وتقول حرامي بينشله
لكن بتقعد في الضهور بي ديون تقيلة مطوله
ممحوقه ما بتقضي الغرض واقل حاجه تكمله
كملانه بطحاء وحق وزن ومجاملات مستعجلة
واحلامنا ديك صبحت سراب نمشي ونجرى ما نحصله
ياريت يكون هم القروش يا غربة فيك المعضلة
لكن تعال شوف الهموم الما افتكرنا نقابله
ذله ومهانة واحتقار خلو النفوس متململه
سجننا كبير فيه الكفيل سجان قيوده مكبلة
اشغاله شاقة مؤلمة ودائما تكون مستعجلة
مرض الضغط والسكري ومرض القلب ووجع الكلى
مصران وقرحة واكتئاب ونفوسنا ما متحمله
وبقينا كيمان لحم تحت الهدوم متندله
واكيد يكون اكل المعلب والمجمد عامله
وعدم الرياضة والكند شه لابد يكون ليهم صلة
وكمان تعال للمعادلة الماقدرنا اصلا نعدله
سجن العيال جوه الشقق ولا فراق العائلة
جيب العيال فيه المخاطر وجيوبنا غير مميله
وصغارنا صبحت بالزهج متوحشة ومتجفله
لا قادره تدرس بي نفس من الدروس متذهله
تلقى الولد غالبه الكلام والبنت كبيره مريله
كل الضغوط جاتهم سوا ما قدرنا حتى نقلله
في كل الظروف تلقى القرف تلقى الخيوط متشابكة
اما الفراق اصل الوجع ومشاكله بايته مقيله
والفراق عارفين مشاكله ومافي داعي نفصله
ياغربة اديناك كتير ادينا خاطرك يسهله
خلينا نرجع بالفضل نلحق حياتنا نعدله
امالنا فيك بدري اتنست الا الرجول متوحله
وبقينا زي اهل القبور لا البره عارف يدخلها
ولا الجوه يرجع لي وره يحكي الحكاية يوصله
لكن خلاص هان الخلاص عدك نزل مهما علا
وانشاء الله نحيا ونودعك وتكوني ذكرى نغازله
يا غربة يا بكاية يا غشاشة يا مستهبلة
مع تحياتى
نورالاسلام
