منتدى أنا سوداني

مرسل: **الأحد 2007.1.21 7:38 am**

صباح الفل للجميع
حبيت اصبح وانقل ليكم شعور جميل انا حسيته بالامس
فسعدت جدا بسهره كانت على قناه النيل الازرق المتميزه
وكانت سهره متميزه تميز القناه
كان يدير الحوار المذيع الرائع والمثقف الطيب عبد الماجد
اما الضيوف كانو قمه فى التميز
الاستاذ الرائع جدا المحترم والمتميز الفنان المصرى الدكتورايهاب توفيق
الاستاذ الذى لايقل روعه وتالق عن سابقيه الفنان المصرى على الحجار
المخرج المصرى المتميز فى اعماله الدكتور محسن احمد
وفنانه شابه من دار الاوبرا المصريه
ومن السودان
كانت مجموعه عقد الجلاد الغنيه عن التعريف والرائده فى مجال الغناء
والمبدع الاستاذ شرحبيل احمد
الغير متابع لهذا الحدث قد يتسائل ما الذى جمع هذه الكوكبه الرائعه
اجتمعو لاداء مدحه (مصر المؤمنه ) للمرحوم ابونا الشيخ البرعى
تم تسجل هذه المدحه فى مصر وجاؤو الى السودان للتصوير
وسوف ترى النور قريبا على كل الفضائيات ليرى الناس الوجه المشرق
للسودان غير الذى يعرفوه عنا وبوجود هذه الاسماء المصريه المتميزه
فى هذا العمل هذا ان دل على شىء دل على جودت العمل ونسبت نجاحه
المرتفعه فلولا ذالك ماشارك فيه عمالقه من مصر .
على كل حال نحن بانتظار العمل الذى سوف يبدا عرضه قريبا ونبارك للسودان
على هذا الانجاز الرائع ونقول للناس انتظرونا فننحن قادمون بقوه وان لم تملو
مما تشاهدوه على التلفاز فنحن مللنا من ( بوس الواوا )

مرسل: **الأحد 2007.1.21 7:43 am**

انا كمان شفته السهره الحلوه دي !
بس ما كملته .. لاني كنته بنتظر فيلم في قناة اخرى!
شكرا يا دكتوره

مرسل: **الأحد 2007.1.21 8:21 am**

الدكتورة
للاسف الشديد لما اشاهد هذه السهرة لانها مشفرة هنا فى المملكة وانا ما مشترك................
الشيخ البرعى غنى عن التعريف....................
المبدعين السودانيين والمصريين..................... هم امل وادى النيل للنيل من الاعمال الهابطة

ولكن فى النهاية................. لازم كلنا نبوس الواوا

مرسل: **الأحد 2007.1.21 8:24 am**

انشغالنا بأعمالنا دائما بفوت علينا حلقات جميله ومهمه زي دي .
حقيقه هذه خطوه مهمه للفن السوداني الذي ظل مهملا سنوات طويله
يمكن كانت الناس عرفته عن طريق الفنان الراحل سيد خليفه .. وكان برضو
تعاون مصري سوداني من خلال فيلم مصري لا اذكر اسمه غنى من خلاله
أغنيته المشهوره ( المامبو سوداني ) أو البامبو إذا لم أخطئ

بس بعد كده الناس نست الفن السوداني والمغني السوداني بما يحمله الكثير والكثير من الإبداع والجمال ..
نأمل دائما بسودان عالي فوق .. يتصدرمكانا بين الأمم في جميع المجالات وجميع نواحي الحياه ..
بانتظار الحدث الرائع ..
شكرا يا دكتوره على الخبر الجميل ..

مرسل: **الأحد 2007.1.21 9:22 am**

شكرا نورا على المرور
بت ابوظبى يسعدنى مرورك الدائم تسلمى
اونكل احمد تحياتى لك اشترك فى النيل الازرق
احسن من ( الواوا )

مرسل: **الأحد 2007.1.21 10:05 am**

الدكتورة

اوعدك انى اشترك فى النيل الازرق ...............
ومتابع لقناة أقرأ..................... وكل القنوات المفيدة
بس كمان صعب ......... نخلى الواوا...................... ربنا يسهل والتحاليل تطلع نظيفة
أ

مرسل: **الأحد 2007.1.21 10:27 am**

صهيب يسعدنى تواجدك الدائم
وان شاء الله وقتك يسع لى كل جميل
تحياتى

مرسل: **الأحد 2007.1.21 10:31 am**

هههههههههههههههه
والله يا اونكل بضحكنى امشى اعمل التحاليل
بعدين نشوف الحاصل شنو

مرسل: **الأحد 2007.1.21 10:31 am**

وبس ما عارفه حبيبتي ماما إذا سجلت لينا الحلقه !
غايتو بسأل توت ...

مرسل: **الأحد 2007.1.21 10:47 am**

الدكتورة

بجد انا عندى حساسية من الدكاترة.................... ما بحب اراجعهم الا للضرورة القصوى
قبل اربع سنوات حصل لى عارض صحى واضطريت انى اعمل شيك اب كامل والنتائج كانت اكثر من ممتازة..................... بس الكلام ده قبل الواوا...............

توقعاتى للفحوصات التى انوى القيام بها حسب توجيهاتكم.............
*** نسبة الواوا حتكون عالية فى الدم
*** الدكاترة حيمنعونى من الدح
*** الواوا مرتين بس فى الاسبوع وتكون دايت.........
*** عمل تحليل للواوا كل 3 شهور

مرسل: **الأحد 2007.1.21 4:08 pm**

اونكل احمد حالتك مستعصيه
انا بطلب من المدام ان تحضر الى المملكه
باسرع فرصه لتلحق على البقيا المتبقيه
من احمد يس

بت ابوظبى اذا ماسجلوها ليك انتظرى الاعاده

مرسل: **الأحد 2007.1.21 10:14 pm**

احم ......احم.......!

الواوا دى شـــــــــــــــــــــــــــنو؟؟؟؟

انا مصطح....!!!!

مرسل: **الأحد 2007.1.21 10:24 pm**

ثقافه جديده .. الدلع والغنج !!

دي اغنيه مشهوره لهيفاء وهبي عارضه الأزياء والمغنيه البنانيه .. عرفتها يا صلاح ؟؟
دي من ضمن الموجات العاتيه من الكليبات الهابطه التي يعاني منها الإعلام العربي

مرسل: **الأحد 2007.1.21 10:36 pm**

شكرا بت ابوظبى على المعلومة...!
انا حدى مع الاخوة اللبنانين فى الفن توقف عند فيروز
ونزار قبانى....كل ما جاء بعد ذلك...لم اجد الوقت له.

مع تحباتى

مرسل: **الاثنين 2007.1.22 7:37 am**

ضاع نص عمرك يا صلاح.......................... لازم تشوف الواوا

مرسل: **الاثنين 2007.1.22 8:30 am**

[glow1=66CCFF]الواوا لو عرفت احمد بيسمعه ما حتقول واوا ..
حتعمل غنية انكل يا انكل!!
على قولة نورا ..

ودمتم سالمين ...[/glow1]

مرسل: **الاثنين 2007.1.22 9:05 am**

يا شاربة

المعروف ان الواوا للناس اللى من الاربعين لفوق................ لخبرتهم
يعنى الاغنية اصلا عاملينها مخصوص للاونكلات ....... بس

مرسل: **الاثنين 2007.1.22 10:54 am**

اونكل دي بتاعتي انا ..
اعتقد انا اصغر وحده في المنتدى
وشايفة ناس خطفوها منى ..وما حلوه منهم !
طالعين نازلين ..
انكل احمد ..
انكل احمد..
بليز يا جماعة ده لقب خاص بي لأنكل احمد!
ما تسروقوه!
شكرا..

مرسل: **الاثنين 2007.1.22 11:24 am**

عيون ................اونكل

والله ما بقبل زول يزعلك ............ على المنتدى
بس توتة..............ما اى زول

مرسل: **الاثنين 2007.1.22 1:55 pm**

احمد يس كتب:عيون ................اونكل

والله ما بقبل زول يزعلك ............ على المنتدى
بس توتة..............ما اى زول

ودمتم سالمين ...

منتدى أنا سوداني

مصر المؤمنه (سودانيه مصريه)

مصر المؤمنه (سودانيه مصريه)

رد: مصر المؤمنه (سودانيه مصريه)

رد: مصر المؤمنه (سودانيه مصريه)

رد: مصر المؤمنه (سودانيه مصريه)

رد: مصر المؤمنه (سودانيه مصريه)

رد: مصر المؤمنه (سودانيه مصريه)

رد: مصر المؤمنه (سودانيه مصريه)

رد: مصر المؤمنه (سودانيه مصريه)

رد: مصر المؤمنه (سودانيه مصريه)

رد: مصر المؤمنه (سودانيه مصريه)

رد: مصر المؤمنه (سودانيه مصريه)

رد: مصر المؤمنه (سودانيه مصريه)

رد: مصر المؤمنه (سودانيه مصريه)

رد: مصر المؤمنه (سودانيه مصريه)

رد: مصر المؤمنه (سودانيه مصريه)

رد: مصر المؤمنه (سودانيه مصريه)

رد: مصر المؤمنه (سودانيه مصريه)

رد: مصر المؤمنه (سودانيه مصريه)

رد: مصر المؤمنه (سودانيه مصريه)

رد: مصر المؤمنه (سودانيه مصريه)