منتدى أنا سوداني

مساكم الله بالخير أحبتي في المنتدى، وبهدي ليكم قصيدة حلمنتيشية......... بدون زعل للمعلم
عنوان القصيدة دقسة معلم
قشرت الليلة شديت ليك قميص خالي وقاش عمي
ونعال صاحبي عشان ألقاك
وقفت كتير وإستنيت بقيت مسواك
حرارة الجو عمت عيني التقول كنتاك
وأسأل كل زول جاي عن الساعة أقول إمكن إكون في السكة
زول حاقد بي عربيتو قام كشاك
وأقول إمكن نسيتي التايم الليلة نسيتي هناك في زول إنشر وإستناك
هو يالغالية حنانك وين وين ميعاد عيوني معاك
أريت تقول لي أقيف وأستنى خطواتك وما بنساك
أريت تديني بالبنية وبي شلوت مدافع باك
وأريت شلوتك يجدعني ويرميني في صف تمباك (إنشاء الله نوري)
بقيف بستنى لو ترضي فطوري تسالي بي ترمس
غداي إنشاء الله بي كوجاك
أنا الفي الإمتحان طشيت وفي الملحق كمان قديت عشان بطراك
وأنا إتشردت من بيتنا وفي بابكم كتير دقيت خيم
لو يرضى قلبي يحن ويبقى حداك
تعال وريني كيف الحل وكل ما إنت تبعد تنأى عن عيني
بتلقى قليبي قايدو وراك
بقيت أنا والعزاب أخوان وأنا البي ريدو ما هماك
لو إنتي بقيتي عشوشة في الغابة بكون ود أبرق البهواك
ولو غيرتي رأيك دا بقيتي جدادة في الحلة بجيك طايع وأقول ليك كاك
بجيك طايع وأقول ليك كاك..........بجيك طايع وأقول ليك كاك........بجيك طايع وأقول ليك كاك

[glint]°ˆ~*¤®§(*§*)§®¤*~ˆ°[align=center]شكرااااااااااااا
ليك على القصيده
وماتحرمنا من جديدك[/align][/size]°ˆ~*¤®§(*§*)§®¤*~ˆ°[/glint]

ههههههههههه حلوة خالص

حلوه لك التحية