صفحة 1 من 2
شـــــــــــــــــــــــ أنــا ســودانــي ـــــــــكــــــــــــــــــرا "
مرسل: الجمعة 2008.3.21 7:03 pm
بواسطة ابن الخطاب
أحبائي واخواني في منتدى انا سوداني
سلام من الله ورحمة وبركات
بداية عايز احكي ليكم قصتي مع انا سوداني وكيف اتعرفت على المنتدى
في يوم من الايام كنت داير من اخوي (وهو مشترك في المنتدى) برنامج وقلت ليهو فتشو لي في النت فقام فتش ولقاهو في منتدى انا سوداني ونزلت البرنامج وشداني لون المنتدى الأخضر لكن لأني ما عندي ميول لي المنتديات ما اهتميت بيهو
وفي يوم من الايام كنت في النت وماعندي حاجة فقعدت اقلب في قوقل وفجأة ما عارف كيف لقيت روحي جوة المنتدى وصورة عمنا صلاح سليمان مزينة الصفحة , قعدت اقلب في المنتدى فشداني وقلت اسجل وما خسران شي والكلام دة كان يوم 2/7/2007 وعملت لي كم رد ومرقت من المنتدى ومن ديك وعيييييييييييييييك تاني ما خشيت الا بعد شهرين وعجبني التواصل بين اعضاء المنتدى فبديت بي منتدى الفكاهة وشوية شوية لغاية ما بقيت اعرف الاعضاء وامتدت العلاقة وتجاوزت هذه الاسماء المستعارة الى ان صارت صداقات شخصية
واليوم بالصدفة مريت على عداد المنتدى ولقيت المشاركات تجاوزت ال100 ألف مشاركة تفاوتت بين مواضيع اسلامية و ترحيب بالاعضاء الجدد وحوارات وتنقشات ومناكفات هلال مريخ وبطولات تنس من سارونا وراكوبة نفتخر بيها ومعلومات وحتة كدة بتاعت نسوان ما عارف فيها شنو,وقرقرات في الفكاهة وحكاوى من الواقع وشعر ونثر ومغتربين واخبار الصباح وانترنت و كمبيوتر والعاب وحتات كدة بتاعت المشرفين نفسي اعرف الحاصل فيها شنو
المنتدى أكمل عام وخمسة أشهر بالتمام (وبالتحديد بعد يومين) وكم نفخر بالانتماء له وانا شخصيا" مسجل في كمية من المنتديات ولكن ما عارف الحاصل فيها شنو وبسجل عشان أشوف الرسالة دي : (عزيزي الزائر يتوجب عليك التسجيل لمشاهدة الروابط) أما أنا سوداني فإذا عدى على يوم وما دخلت فبحس بي إني مخنوق وفي حاجة اساسية ناقصاني
وختاما" بقول يارب تخلي لينا منتدى انا سوداني وتحفظ المشرفين والأعضاء من كل شر
ونفسي اقابل أعضاء المنتدى فردا" فردا" واشوف الناس الصادقتهم ووثقت فيهم بدون ما اشوفهم
وشـــــــــــــــــــــــــــ أنــا سودانــــي ـــــــــكــــــــــــــــــــــــرا"
تخريمة:
معليش على ركاكة اللغة عشان انا ما متمكن في الفصحى وكدة:079:
رد: شـــــــــــــــــــــــ أنــا ســودانــي ـــــــــكــــــــــــــــــرا "
مرسل: الجمعة 2008.3.21 7:32 pm
بواسطة المياسة
تحياتي عزيزي / ابن الخطاب
انت بديت بالشكر و انا وراك 0 (و الله انا ما عندي زمن عشان اقعد اضيعو في الحاجات دي - اقصد المنتديات) انا قلت الكلام دا قبل سنتين و اليوم انا من اشد الناس تعلقاً بالمنتدى 0
ولو يوم ما دخلت طبعاً لظروف الدراسة قعد افكر في المنتدى و حصل شنو ؟ و يا ربي اعمل شنو ؟؟
وكدا .
عموماً منتدى انـــــــــــــ سوداني ــــــــــــــــا شكراً ...........................
شكراً ليك اخي ابن الخطاب / المشرفين / الاعضاء
الشكر لكم جميعاً
تحت،،،،،،،،،،،،،،،،
عادي انا برضو اللغة عندي ركيكة و اكيدانت لاحظت الحاجة دي.......................
رد: شـــــــــــــــــــــــ أنــا ســودانــي ـــــــــكــــــــــــــــــرا "
مرسل: الجمعة 2008.3.21 7:43 pm
بواسطة ابن الخطاب
المياسة كتب:تحياتي عزيزي / ابن الخطاب
انت بديت بالشكر و انا وراك 0 (و الله انا ما عندي زمن عشان اقعد اضيعو في الحاجات دي - اقصد المنتديات) انا قلت الكلام دا قبل سنتين و اليوم انا من اشد الناس تعلقاً بالمنتدى 0
ولو يوم ما دخلت طبعاً لظروف الدراسة قعد افكر في المنتدى و حصل شنو ؟ و يا ربي اعمل شنو ؟؟
وكدا .
عموماً منتدى انـــــــــــــ سوداني ــــــــــــــــا شكراً ...........................
شكراً ليك اخي ابن الخطاب / المشرفين / الاعضاء
الشكر لكم جميعاً
تحت،،،،،،،،،،،،،،،
عادي انا برضو اللغة عندي ركيكة و اكيدانت لاحظت الحاجة دي.......................
العزيزة المياسة
بكل صدق الواحد لمن يخش المنتدى بحس انو في بيتو وانو الاعضاء كلهم اخوانو
ومنتدانا والحمد لله خالي من النزاعات ومليان حب وصداقة
ونقول ربنا يديم المحبة بين الاعضاء
ومشكورة على المرور يا غالية
رد: شـــــــــــــــــــــــ أنــا ســودانــي ـــــــــكــــــــــــــــــرا "
مرسل: الجمعة 2008.3.21 8:39 pm
بواسطة Sajooya
انا صراحه جديدة على المنتدى
لكن انا من اول مرة لقيت الموقع شداني شديد
و اليوم التاني على طول جيت و سجلت في المنتدى و هسي ما بمر يوم الا و انا بدخل المنتدى و ما بلقى الا كل الخير
فشكــــــــــــ أنا سوداني ــــــــــــرا
رد: شـــــــــــــــــــــــ أنــا ســودانــي ـــــــــكــــــــــــــــــرا "
مرسل: الجمعة 2008.3.21 8:53 pm
بواسطة ابن الخطاب
Sajooya كتب:انا صراحه جديدة على المنتدى
لكن انا من اول مرة لقيت الموقع شداني شديد
و اليوم التاني على طول جيت و سجلت في المنتدى و هسي ما بمر يوم الا و انا بدخل المنتدى و ما بلقى الا كل الخير
فشكــــــــــــ أنا سوداني ــــــــــــرا
العزيزة Sajooya
صدقيني كل يوم حتتعلقي بالمنتدى زيادة وقد تصلي الى مرحلة الجنون زي حالتي
ومشكورة على طلتك البهية
رد: شـــــــــــــــــــــــ أنــا ســودانــي ـــــــــكــــــــــــــــــرا "
مرسل: الجمعة 2008.3.21 9:29 pm
بواسطة صلاح يحيى سليمان
المنتدى متطور ومتقدم باذن الله
وبوجود امثالكم ..شباب المستقبل
شباب متمسك بجزوره واصوله
يقدس الاخوة والصداقة الصادقة
نفتخر اليوم حقيقة اكثر من البارحة
بوصول المنتدى لهذه الدرجة وتاثيره
الجيد عليكم ...ونتمنى ان يدوم هذا التواصل
والعطاء....فما اجمل وما اعظم ان نساهم
جميعنا فى المحافظة على منتدانا بالصورة
المرضية للجميع.
وشكرا
رد: شـــــــــــــــــــــــ أنــا ســودانــي ـــــــــكــــــــــــــــــرا "
مرسل: الجمعة 2008.3.21 10:00 pm
بواسطة ابن الخطاب
عمنا صلاح
الفضل اولا" لله تعالى
ثم لكم وانتم تعملون من وراء الكواليس وتسهرون على حماية هذا الصرح من كل شي يضر به
ومشكورة على المرور الذي اسعدني
رد: شـــــــــــــــــــــــ أنــا ســودانــي ـــــــــكــــــــــــــــــرا "
مرسل: الجمعة 2008.3.21 10:49 pm
بواسطة sunni
كلمة قيلت لي من أكثر من شخص،، بعضهم أعضاء في المنتدى،، وبعضهم متصفح،، والغريبة ان الكل إتفق على هذه العبارة،، وهي
"يا السني،، إنت وصلاح بتختارو الناس ديل إختيار؟؟؟ ولا ده توفيق من رب العالمين؟؟"
هي شهادة ليست لي ولا لصلاح،، ولا لأي واحد من المشرفين،، إنما هي وسام يعلقه كل عضو على صدره،، ويمشي به مزهوا به.
الحمد لله الذي وفقنا لهذا
رد: شـــــــــــــــــــــــ أنــا ســودانــي ـــــــــكــــــــــــــــــرا "
مرسل: الجمعة 2008.3.21 11:46 pm
بواسطة احلى دلع
والله كلامك صح وانا كمان كنت ما بحب المنتديات وبشوفها حاجة بايخة جدا بس لما دخلت على منتدى انا سوداني بالصدفة شدني وبيقيت مابدخل على اي منتدى غيره
رد: شـــــــــــــــــــــــ أنــا ســودانــي ـــــــــكــــــــــــــــــرا "
مرسل: السبت 2008.3.22 12:14 am
بواسطة sarona
أبن الخطاب .....
ندين جميعا لمنتدى أنا سوداني بالكثير ......
وسعدنا كثيرا بالتعرف على الكثيرين من خلال هذا البورد .....
ليك التحية أبن الخطاب وانت عضو يسعدني دوما متابعة ما يكتبه ......
وبالتوفيق .....
ملحوظة ....
اسعدني جدا متابعتك لتغطيات التنس ......
كدت اقتنع انني من يكتب ويقراء عن تلك التغطيات ..................:D
.
رد: شـــــــــــــــــــــــ أنــا ســودانــي ـــــــــكــــــــــــــــــرا "
مرسل: السبت 2008.3.22 7:54 pm
بواسطة ابن الخطاب
العزيز السني
الحمد لله على هذه النعمة
ولو تواعدتم لاختلفتم في الميعاد
رد: شـــــــــــــــــــــــ أنــا ســودانــي ـــــــــكــــــــــــــــــرا "
مرسل: السبت 2008.3.22 7:59 pm
بواسطة ابن الخطاب
احلى دلع
مشكورة على المرور
وربنا يخلي لينا المنتدى
رد: شـــــــــــــــــــــــ أنــا ســودانــي ـــــــــكــــــــــــــــــرا "
مرسل: السبت 2008.3.22 8:03 pm
بواسطة دلع
تخونني الكلماااات لإعطاء هذا المنتدى حقهـ ..
لذلك سأكتفي بقووول ..
[mark=FF3300]احـــبك[/mark] يااا منتداااااي الغااااالي ..
:
دلع
رد: شـــــــــــــــــــــــ أنــا ســودانــي ـــــــــكــــــــــــــــــرا "
مرسل: السبت 2008.3.22 8:52 pm
بواسطة ابن الخطاب
الغالية سارونا
أنا الأسعد بمعرفة بورداب المنتدى
وأنا كنت فاكر إنو الواحد ما ممكن يكون علاقات بالإنترنت لكن المنتدى اثبت لي العكس
وبخصوص التنس
بالتوفيق لي نادال
رد: شـــــــــــــــــــــــ أنــا ســودانــي ـــــــــكــــــــــــــــــرا "
مرسل: السبت 2008.3.22 9:07 pm
بواسطة snitch
بي المناسبة انت قلت انو اخوك هو العرفك بالمنتدي ياريت نعرف اسمو
رد: شـــــــــــــــــــــــ أنــا ســودانــي ـــــــــكــــــــــــــــــرا "
مرسل: السبت 2008.3.22 10:52 pm
بواسطة ابن الخطاب
العزيزة دلع
خير الكلام ما قل ودل
ومشكورة على المرور
رد: شـــــــــــــــــــــــ أنــا ســودانــي ـــــــــكــــــــــــــــــرا "
مرسل: الأربعاء 2008.10.15 12:18 am
بواسطة ابن الخطاب
ابن الخطاب كتب:
العزيزة المياسة
بكل صدق الواحد لمن يخش المنتدى بحس انو في بيتو وانو الاعضاء كلهم اخوانو
ومنتدانا والحمد لله خالي من النزاعات ومليان حب وصداقةونقول ربنا يديم المحبة بين الاعضاء
ومشكورة على المرور يا غالية
ما عارف الجابني للإرشيف بتاعي شنو
لكن الجملة دي ذكرتني أيام زمان
هل ممكن نعيدها؟
رد: شـــــــــــــــــــــــ أنــا ســودانــي ـــــــــكــــــــــــــــــرا "
مرسل: الأربعاء 2008.10.15 1:16 am
بواسطة ibn batoota
ابن الخطاب كتب:
ما عارف الجابني للإرشيف بتاعي شنو
لكن الجملة دي ذكرتني أيام زمان
هل ممكن نعيدها؟
الراح راح والمعوض الله
وكتين يكون الضراع اخدر
بملا من تاني ويشي بث النيه تكون بيضاء
ودالخطاب كل سنه وانت طيب ومشتاقين
رد: شـــــــــــــــــــــــ أنــا ســودانــي ـــــــــكــــــــــــــــــرا "
مرسل: الأربعاء 2008.10.15 11:28 am
بواسطة نفسيات
يا ابن الخطاب منتدى انا سودانى منتدى مميز جدا ليس كباقى المنتديات
نجد فيه جو الاسرة والصداقة والفكر والمرح والطيبة وجمال الاعضاء والمشرفين
عموما المنتديات السودانية جميعا اجمل المنتديات على الشبة العنكبوتية
وانا كنت مسجل فى كتير من المنتديات السودانية لكن بالصدفة وقعت فى انا سودانى
واتصفحت وعجبنى المنتدى شديد وترابط الاعضاء فيه والمشاركات المميزة
سجلتا ووجدت ترحيب حااااار سودانى جد كما معرووووووووووف عن السودانين
ومضت المسيرة واشكر كل القائمين على المنتدى وبشكر الاخت الغالية احسان
واشكرك ابن الخطاب وبقول شـــــــــــــــ اناسودانى ــــــــــــــــــــكرا
رد: شـــــــــــــــــــــــ أنــا ســودانــي ـــــــــكــــــــــــــــــرا "
مرسل: الأربعاء 2008.10.15 8:09 pm
بواسطة فجر
الرائع دوما ابن الخطاب
دائما ما يخوننى قلمى عند التعبير وقد حاولت مرارا ان اعبر عن مدى حبى بل عشقى لمنتدانا الغالى
ومن فيه ولكن مع الاسف فشلت فشل ذريع فهنا يكون الصمت ابلغ من الكلام
ولكن لا اجد كلام سوى انه لولا نا سودانى ما كان الواحد اتعرف على ناس اقل ما يقال عنهم انهم رائعين
تسلم ابن الخطاب وكل سنه وانت طيب 