دعوة لتعارف الأعضاء

[ayman]

----------------------------------------------------------------------------------------------------------

[احمد يس]

ما فهمنا قصدك شنو يا ايمن................ يعنى دعوة لخريجى جامعة الخرطوم....... ولشنو
عموما انا ما خريج جامعة الخرطوم.............

[sami abdelrahman]

مرحب بالجميله ومستحيله....لوعايزين ذكريات تجدونا حاضرين بعد تسخين الموضوع من صاحبه ....ياحليل البركس...النشاط...العلم....المين والمين وكمان المين...تحياتي......

[ayman]

بسم الله الرحمن الرحيم
الغرض من هذا البوست دعوة لتواصل طلاب وخريجي جامعة الخرطوم
ولكل من ارتبط بها لاي سبب من الاسباب
فدعونا نوقد شموس الذكريات ونجتر الاحداث حتى يكون التاريخ موثقا

اما الغرض الاخر وهو تكوين علاقات اجتماعية تتعدى حدود البوست لكل من جمعه مصيره هنا فهيا عرفو بانسكم ووثقو لذكرياتكم
وكما قال الشاعر :
نحنا الجينا بشورة اهلنا لما شلنا بديل راضين****لا ساهرنما ولا صورنا ولا جكسنا في شارع المين

ودمتم ذخرابسم الله الرحمن الرحيم
الغرض من هذا البوست دعوة لتواصل طلاب وخريجي جامعة الخرطوم
ولكل من ارتبط بها لاي سبب من الاسباب
فدعونا نوقد شموس الذكريات ونجتر الاحداث حتى يكون التاريخ موثقا

اما الغرض الاخر وهو تكوين علاقات اجتماعية تتعدى حدود البوست لكل من جمعه مصيره هنا فهيا عرفو بانسكم ووثقو لذكرياتكم
وكما قال الشاعر :
نحنا الجينا بشورة اهلنا لما شلنا بديل راضين****لا ساهرنما ولا صورنا ولا جكسنا في شارع المين
ودمتم ذخرا للوطن

اخوكم عاشق الواسيفا

[ayman]

الى الرائع دوما احمد يس
ارحب بك شخصا ورأيا ومشاركة في هذا البوست
ويمكن تعيم الفكرة لتكون للمرحلة الجامعية في جامعات وطني الحبيب

والى عالي الهمة قوي الشكيمة سامي الاسم والمضمون فلتكن الكرة في ملعبك وامتعنا بذكرياتك و لنتواصل

[احمد يس]

الاخ ايمن
شكرا لك لدعوتك لى بالمشاركة فى هذا البوست.........................
كنت اتمنى ان اكون من ضمن من انتمى الى جامعة الخرطوم لكن لاسباب خارجة عن ارادتى التحقت باحد الجامعات التى اصبحت الان ذكرى وانا كانت عريقة............... جامعة القاهرة فرع الخرطوم
والان اصبح اسمها بعد سودنتها الى جامعة النيلين...................
طبعا نحن من قدامى خريجين جامعة القاهرة فرع الخرطوم واعتاد الناس على اختصار الاسم الى الفرع
يعنى كدا اختصار نحن بيسمونا هنا فى بلاد الغربة ديناصورات.............
كنت فى تلك الفترة على تواصل مع بعض الاصدقاء من جامعة الخرطوم ازورهم واحيانا اشد الرحال الى مكتبة جامعة الخرطوم لما تتصف به فى ذلك الوقت من الهدوء والجو المناسب للقراية وبينى وبينك كمان وقتها كان عندهم وجبات غذائية مجانا للطلبة وكنت طوالى بقبل اى عزومة عشان اتلذذ بوجبة السمك الساخنة هناك.............. احيانا كنت العب كرة فى ميدانها الواقع على كبرى النيل الازرق..........
لنا عودة

[Still I Need U]

[align=justify]تحياتي أخوتي الأعضاء جميعاً أنعم الله عليكم بقضاء أجمل الاوقات ،، حقيقة الكل يعلم ما فائدة العلاقات الإجتماعية في حياتنا طالما أنها تهدف إلى الخير والحب والوئام بين الناس ،، وأنا الآن أدعو من كل الأعضاء المشاكرين هنا في المنتدي وموجودين في نفس اللحظة في أمدرمان وأعتقد أن الكثيرين من الأعضاء هنا مقيمين في أمدرمان ، والهدف الاساسي هو التجميع والتعرف على بعضنا البعض ونكون مثل العائلة تماماً وأدعو كل الأعضاء الموجودين هنا في أمدرمان لقبول الدعوة حتي تكتمل كل ما نحمله في دواخلنا من حب ووئام وأعتقد أن أول إجتماع أو مقابلة للناس ستكون لها ما بعدها وأنا واثق تماماً من هذا ،، ولا ننسي بأن طالما إجتمعنا هنا في أنا سوداني فلا بد لنا أن نتقابل مع بعضنا ونتعرف على بعضنا أيضاً ونشكر الأخ صلاح لأنه العصب الأكبر في أنه جعلنا أسرة واحدة داخل المنتدي فلماذا لا نكون أسرة واحدة بالتعامل مع بعضنا البعض ، وسيكون هناك توثيق كامل متكامل بالصورة حتي يتمكن جميع المشرفين وبقية الأعضاء للتعرف على الأسماء والأعضاء الموجودين في أمدرمان وبعد أن يتحقق النجاح ستكون هناك أسرة أسمها ( أسرة أمدرمان ) ،، وأى موافقة تتم من قبل أى عضو الرجاء الأتصال بي على الرقم 0922552182 والله الموفق.

تحياتي لكم[/align][/color]

[الدكتوره]

انا السودان انا امدرمان
تحياتى لك استل ود امدرمان
انا من امدرمان وكم كان يسعدنى التعرف عليك عن قرب
وعلى كل اعضاء المنتدى الموجودين فى السودان
لكننى مع الاسف موجوده حاليا فى الامارات
كان يسعدنى انى انضم اليكم


تحياتى الدكتوره

[ابراهيم الجيو]

والله ياستيل بالغت لكن أنا قاعد 27 يوم في أمدرمان من 19/12 لحدي 19/1 وجاي كاتبلي رقمك دا الليلة ما مشكلة الجايات أكتر من الرايحات وكل سنة وانت طيب (حقت العيد)

[Still I Need U]

أختي الدكتورة ،،
أنا أيضا كنت سأكون سعيد جدا ولكن الظروف حالت دون ،،
ذلك ،، كل الأمنيات لك بالتوفيق في عملك وبالخارج ،،
تحياتي لك وشكرا على المساهمة ،،

أبراهيم الجيو والله مشتاقين عديل ،،
كل سنة وانت طيب وربنا يحقق الأماني إنشاء الله ،،
والسنة الجاية إنشاء الله من زوار بيت الله الحرام ،،
معليش جات كده نعمل شنو مع ظروف العمل الما بتنتهي دي ،،
وما مشكلة الجايات أكتر إنشاء الله ،،
تحياتي ،،

[بت أبوظبي]

سلام يا عوض دكااام !
ده الكلام !
ناس ام درمان وصلوا
ومن المورده بنحيكم
وفي شارع الفيل منتظرينكم


وكلنا في انتظار الجميع

[محسي اصيل]

والله يااستيل فكترتك حلوه شديد تعرف انا كنت داير افتح الموضوع دا بعد العوده من المناقشه
وانا حاكون معاك في اي حاجه كان داير تعمل رحله او رابطه اسره امدرمان وانا حااكتب ليك رقمي لو داير اي حاجه لاتتردد في الاتصال
0912143016

[abusida]

فكره ممتازه جدا وكنت اتمني ان اكون في امدرمان ولكن لاسف موجود في موسكو

[وليد بابكر]

تحية لكل اهل السودان وخاصة اهل امدرمان
اولا الموضوع جميل وشيق جدا لاكن الواحد بعيد من ارض الوطن وحابى يشارك لاكن الله غالب وعلى العموم ممكن تكون المشاركة والتعارف بالهاتف او عبر الانترنت لومافى ممانعة وانا حابى اتعرف على الجميع وربنا الموفقالتلفون 009745062201 والايميلjbra_001@hotmail.com اوjbra_002@yahoo.com مع الف سلامة

[Still I Need U]

[align=center]تحياتي لكم ود العمدة ،،
وتحياتي أخي أبو سايد ،،
وتحياتي وليد بابكر ،،
منكم من موجود ومنكم خارج ارض الوطن ،،
اتمني ان تكونو بخير أولا ،،
ثانيا لابأس طالما أن الناس تتواصل باي وسيلة كانت ،،
التحية لكم أمزجها لكم عبيراً ممتداً لكل أرجاء الأمكنة ،،
سأتواصل معكم ،، لمزيد من تذايد العلاقات الإجتماعية
تقبلو تحياتي ،،

المشرف : Still I Need U[/align]

[أماني العمر]

ناس أم درمان بس بختهم يعني إحنا خلونا بعييييييييييد

[صلاح يحيى سليمان]

كلامك صاح يا امانى......يعنى انا برضوا ما من ام درمان .....!
هههههههههههههههههههه.....!!!


مع تحياتى

[Still I Need U]

[align=center]اها عشان كلامكم السمح ده ،،
حنفتح الدعوة عامة للتعارف لجميع الأعضاء الموجودين
في العاصمة القومية ،، أمدرمان ، بحري ،، الخرطوم ،،
أنا لاقي أتعرف عليكم ،،
شوفو جنس ديل ،،
غايتو جنس إحراج ،،[/align]

[صلاح يحيى سليمان]

ده الكلام النجيض يا استيل...!
رابطة ابناء وبنات العاصمة...!
ناس شجر العيش....!!!!!!!!!

مع تحياتى

[Still I Need U]

[align=center]والله الفكرة العندي والمفاجأة الدائر أعملها أصلو ما حأفصح عنها لقيت ما تتكون أكبر مجموعة هنا وبعداك أسألوني من الباقي ،، وأمسكو الخشب من الجاييكم ،،
تحياتي ،،[/align]