صفحة 1 من 1
نوبة بكاء حادة على الهواء مباشرة
مرسل: الأربعاء 2008.1.23 3:05 pm
بواسطة وكيل عريف
قبل ايام معدوده من انطلاقة البطوله الافريقية كان هنالك يوم مفتوح دعم للمنتخب الوطنى
وفى واحده من فقرات البرامج اتى ولد صغير وقدم مبلغ عشرة جنيهات دعم لمسيرة المنتخب
فما كان من مقدم البرنامج الاستاذ رضا مصطفى والاستاذه ساره فضل الله الا وجزء من الاخوه
ضيوف البرنامج الا وان دخلو فى نوبة بكاء حاده تاثرا بموقف هذا الصغير فكان موقف ابكى
كل من شاهده
يتبرع ويضرب مثل عظيم عشان يجو امثال هؤلاء اللاعبين ويخذلو هذا الفتى ومن بعده كل الشعب السودانى
الليله لو اتغلبنا مالو عادى جدا دا حال الكوره ولكن الهزيمه كان لها طعم اخر لاعبون لايملكون ذره من
الحماس وكانهم لا يمثلون بلدا وشعبا عريقا بل كانو يلعبون ليمثلون انفسهم فقط
لقد هزمنا الزامبيون بالحماس والغيرة على وطنهم
فلكانى ارى كل زامبى يتقطر غيره وحماس وهم يجوبون كا انحاء الملعب
اما لاعبونا يجرجرون ارجلهم كانهم مغصوبون
لله درك ايها الصغير
لله درك ايها السودان المسكين
رد: نوبة بكاء حادة على الهواء مباشرة
مرسل: الأربعاء 2008.1.23 5:21 pm
بواسطة ام الانبياء
لله درك ايها الصغير
لله درك ايها السودان المسكين
صدقت فيما وصفت..هزيمتنا كرويا..ومعنويا
رد: نوبة بكاء حادة على الهواء مباشرة
مرسل: الأربعاء 2008.1.23 5:30 pm
بواسطة محسي اصيل
والله يا اخي وكيل فعلاَ هذه اللفته من هذا الولد تستحق الثناء والشكر
اما ما تكتبه عن اداء منتخبنا في هذه المباراه فانا اختلف معك لان منتخبنا في وجهة نظري ان اداءه كان افضل من اداء المنتخب الزامبي وان المنتخب الزامبي فاز بفعل الخبره ولو رجعت لشريط المباره ستجد ان المنتخب الزامبي وصل الي مرمي منتخبنا 4 مرات 3 احرز منها الاهداف و1 اخرجها المعز عي عكس منتخبنا الذي وصل الي مرمي المنتخب الزامبي اكثر من6 مرات لكنه اضاعها بفعل الشفقه والتسرع ويرجع ذلك الي عدم وجود من ينهي الهجمه النهايه السعيده
رد: نوبة بكاء حادة على الهواء مباشرة
مرسل: الأربعاء 2008.1.23 9:55 pm
بواسطة AWAD FADIL
[overline]ببدأ كلامى والاقوان الثلاثه حارقانى
وبقول لماذدا واولادنا دى ما نهايه العالم فى فرصه تانى
بس خلوا بالكم ركزوا وانتشروا فى الملعب ممكن القون يدخل فى ثوانى
وكلكم حرفنه وفن وعايزين رايه السودان ترفرف تانى
وانا قرأت تعليقاتكم يا اخوانى والثلاثه حرقاكم ذى ما حارقانى[/overline]
رد: نوبة بكاء حادة على الهواء مباشرة
مرسل: الخميس 2008.1.24 10:34 am
بواسطة العربى
حقيقة ياوكيل عريف المنختب لقى اكتر ممايستحق من دعم مادى ومعنوى ومالقاه السودان اقل بكتير ممايستحق..
مايفوق ال 30 عام والحال نفس الحال
لكن البطولة دى بالذات تمغص الواحد وصدقنى من البداية كان عندو احساس بالهزيمة لماذا؟
اول حاجة المنتخب عمل معسكر فى الامارات ومالعب اى مباراة ودية
اتخيل معسكر ترفيهى
يعنى الاولاد اجدعوا وضربوا (البريانى) ورجعوا
طيب مشو وين؟
عسكروا فى اسبانيا بالله عليكم فى منتخب بلعب بطولة فى غانا صاحبة الجو الحار يعسكر فى ابرد الاماكن
منتخبا وصل للنهائيات بعد ستة مباريات بواقع خمسة انتصارات وهزيمة واحدة من تونس وكانت غلطة
من ريتشارد مع الحارس وضمن التاهل قبل مباراتة الاخيرة مع تونس وكسبها
يجى يلعب مباريات ودية وفى اقل من 3 مباريات يدخل فية اكتر من 12 هدف والهدف عند الفرق الكبيرة زى الجندى الامريكى وان كانت المباراة ودية كيف يدخل قوون واحد نهيك عن العشرات
ممكن اطفالنا يتبرعوا بالدم بس اوعدوهم ببطولة
خليهم يتمتعوا زى اطفال البرازيل وفرنسا
الموضوع اكبر من يبكى مزيع او يتبرع طفل
فدى حاجات فينا وفى دواخلنا
بتذكر اخوى الصغير لمن الهلال اتغلب من نساروا النيجرى قعد يوم كامل من غير اكل
بقينا نصبر فيه واديناه الامل انو الهلال بغلب فى الخرطوم قعد 14 يوم مشدود الاعصاب
وانتظر لغايت مالهلال اتاهل بكى من الفرح ووزع البيبسى .
امس سالتوا رايك شنو فى المنتخب ؟
رد بعقل كبير
فيها شنو لو جابو مدرب غير ماذدا
وماذا عمل شنو مع المريخ عشان امسك المنتخب زيو و زى اتوفيستربتاع الكاميرون الاتغلب 4
طيب ياماذدا لمن تلاقى اتوفيستر بتعمل شنو؟
الله مااعظمك يابكرى
لقد وصل الى درجة كبيرة من الفهم
وحقيقة العيب فى المدرب
ولطالما اطفالنا قد تشبعوا بالروح الرياضة يجب علينا ان ننتظرهم فمن يبرع بالجنيهات
ومن يبكى للهزيمة هم اصحاب السعادة
فليمد الله فى اعمارنا ونبقى منتظرين
رد: نوبة بكاء حادة على الهواء مباشرة
مرسل: الخميس 2008.1.24 11:36 am
بواسطة وكيل عريف
العربى كتب:وفى اقل من 3 مباريات يدخل فية اكتر من 12 هدف والهدف عند الفرق الكبيرة زى الجندى الامريكى وان كانت المباراة ودية كيف يدخل قوون واحد نهيك عن العشرات
ههههههههههههههههههههه
القون زى الجندى الامريكى والله عجبنى التعبير ده
تسلم اخى العربى وكل المتداخلين
رد: نوبة بكاء حادة على الهواء مباشرة
مرسل: الخميس 2008.1.24 1:39 pm
بواسطة ود المسالمة
انا ما عارف اخفاق اللا عبين بتحملوه المدرب ليه من الواضح بان لعيبة المنتخب
لم يلعبوا كما خطط لهم المدرب ياخي بعض اللعيبة ياخدوا منه الكورة يقيف يعاين ليها
ما في حرارة قلب كلنا لعبنا الكورة ولعبنا الدافوري وعارفين كيف الناس بتسك
الكورة لما يشيلوها منك ياخي قون في الدقيقة التانية ده برضوا من المدرب لعيبتنا
ما عندهم حضور ونفس الحكاية في الشوط التاني قون في الدقيقة خمسة من بداية الشوط
اه ده نقول عليه شنو غايتوا نقول للناس الذرفت دموع دموعكم راحت شمار في مرقه
رد: نوبة بكاء حادة على الهواء مباشرة
مرسل: الخميس 2008.1.24 10:43 pm
بواسطة العربى
امس وين كان اسحاق كرنقو ووين السعودى مادايرنهم يشاركو بس على الاقل يكونوا فى كنبة الاحتياط
بدل من الحوامة بالجلاليب برضو محسوبة لماذدا
رد: نوبة بكاء حادة على الهواء مباشرة
مرسل: الجمعة 2008.1.25 5:07 pm
بواسطة solita
بصراحة انا ممقوصة من التلاتة اقوان والماقصنى زيادة انو احنا لعبنا احسن من الزامبيين وهم كان املنا الوحيد انو نفوز عليهم لكن خيرها بغيرها وانشاء الله نفوز على المصريين