صفحة 1 من 4
للنقاش .... الحـب والعلاقة الجنسية
مرسل: الثلاثاء 2008.1.22 4:14 pm
بواسطة ودالدرديري
شباب جميعاً
لكم كل التحايا
اليوم حابي أطرح موضوع شاغل كثير من الناس بل اصبح ظاهرة وكلنا بنشوفا بعيونا بس ماقادرين نتكلم فيها يمكن استحياء مننا ويمكن خوف من ردة فعل المجتمع تجاه أي زول بتكلم في الحتة دي أو يمكن عاداتنا وتقاليدنا ماعودتنا نتكلم بوضوح عنها رغم ان كثير من عاداتنا وتقاليدنا زاتا بقت في خبر كان.
المهم في الموضوع انو المداخلات تكون بوضوح شديد ياجماعة لأنو بيناتنا أخوان وأخوات في بداية الطريق وعايزنهم يستفيدوا من كلامنا دا عشان يشوفو الطريق صاح.
يعني بالواضح كدا ومن الآخر ماعايزين واحد يجي يقول لينا شكرا على الموضوع المفيد ويمشي.
الحب وإرتباطه بالعلاقة الجنسية
بعبارات وجمل بسيطة ومباشرة أقول أن معظمنا - لو ماكلنا - عاش حالة حب في فترة من فترات حياته وجرب هذا الاحساس الرائع الذي كان نبيلاً في السابق وأصبح الآن وسيلة وصول الى غاية محرمة في الشرع والقوانين والمجتمع.
كتير من الشباب وطلبة الجامعات بالذات وغيرهم تربطهم علاقات مع بعضهم البعض ولو مسكت اي اتنين من ديل وسألتهم حيقولو ليك بنحب بعض ولو دققت الملاحظة حتلقى أغلب الناس ديل - لو ماكلهم - بيمارسو العلاقة الجنسية الكاملة كشيء مكمل للحب دا وكأنهم زوجين على سنة الله ورسوله والعذر في دا انهم خلاص بيحبو بعض وحيتزوجو وطبعاً دا البيقنعو بيهو انفسهم أو الولد بيقنع بيهو البنت !!!!
أما الغريب في الموضوع والماعارفنو الناس ديل انو دا نوع من الحب حقيقي تماماً بكل ماتحمل هذه الكلمة من معاني لكنه يسمى (الحب الجنسي) والغريبة انو من أقوى أنواع العلاقات البشرية وممكن يكون أقوى من الحب النزيهـ أو النظيف أو العذري ,, لكن الفرق انو بيرتبط بالعلاقة دي وكلما زاد التقرب والممارسة زادت العلاقة قوة ومتانة وتعلق كل من الطرفين بالآخر وصار من الصعب التخلص منه مما يؤدي في كثير من الحالات الى زواج لكنه في الغالب زواج غير ناجح نجده قد أصاب أحد الشريكين أو كلاهما بشرخ في علاقته مع أهله أو مجتمعه بصورة أو بأخرى.
طيب تعالو نتجاوز الحتة بتاعة الكلام دا غلط والشريعة قالت والقوانين سوت وماعشان ماحنلقى فيها الحل بس عشان كلنا عارفنها وحافظينها وهم زاتهم عارفينها ورغم كدا بسوو في البسوو فيهو .
السؤال هو :
هل ترضى بأن تعيش مثل هذه العلاقة ؟؟
ولو رضيت بيها هل بتقبل تتزوج الزولة دي ؟؟
وطبعاً عارفين انو ناس كتيرين عاشو نفس الحاجة دي واتزوجو بعض في الآخر بس يبقى السؤال الأهم هو : إذا اتزوجت بعد علاقة زي دي هل حتعيش بنفس مشاعرك ورؤيتك القديمة ؟؟؟
طيب الحل شنو ؟؟؟
يديكم العافية
ولييييييييييييييييي قداااااااااااااااااااااااام
و.........................الباقي على الله
رد: للنقاش .... الحـب والعلاقة الجنسية
مرسل: الثلاثاء 2008.1.22 6:10 pm
بواسطة العربى
بصراحة ياود الدرديرى
دا الواقع او شئ من الواقع الذى تعيشة شريحتنا المتعلمة و المثقفة
علاقات وهمية
تُرتكب ابشع الجرائم باسم الحب
هل سقط الحب الى ارذل المعانى؟
ام سقطنا نحن ووصلنا الى هذة الدرجة من الانحطاط الاخلاقى؟
لقد عرفت الحب و عشتة بكل معانية السامية
ولكن لم اره بهذا الشكل وتلك الصورة
لم اعرف ان الحب هتاك الحرمات
لاوالف لا الحب برئ من كل هذا
اذا لم يكن الحب وسيلة لتحقيق غاية سامية ورفيعة الافضل ان يذهب الى الجحيم غير ماسوف علية
حب لايثمر عن الزواج هو حب فاشل من اطراف غير صادقة
اخى العزيز
كل العيوب فينا فى مشاعرنا فى انسانيتنا
ياترى ماهو شعورك وانت ترى تلك الفتاة التى قد مارست معها .....................
قد اصبحت تحمل طفلا مجهول المصير وان كان للموت اقرب
وماهو شعورك وانتِ فى هذا الموقف
وماذا ستقولين لهم ومن سيصدقك
زمن مريم العزراء قد ولى فلاتبيعى شرفك الذى هو عصب الحياة
لاتقعى فى اخطاء تكلفك العمر كلة...
صراحة شئ من الحياء يمنعى من التوغل فى هذا الموضوع
واكتفى بقولة تعالى
(( وليستعفف الذين لايجدون نكاحا حتى يغنيهم الله من فضلة))
رد: للنقاش .... الحـب والعلاقة الجنسية
مرسل: الأربعاء 2008.1.23 7:21 am
بواسطة ibn batoota
الاخ ودالدرديري
صباحاتك نديه
كثير من الناس عندهم مفاهيم خطاء عن الحب ،،ينظرون الي الحب علي اساس انه وسيله الي الجنس فقط يعني الجنس هو الاصل والحب هو الوسيله التي توصل الي الاصل،، خصوصا هذا الشئ منتشر كما ذكرت بين الطلبه في الجامعات (يعني تلقي الواحد حب ليهو واحده ولما تسالو شنو الخلاك تحبها او العجبك فيها شنو يقعد يتغزل ليك في جمالها ويذكر ليك مفاتنها) يعني نظره جنسيه بحته.
والعكس هو الصحيح يعني الجنس ممكن يكون وسيله والحب الغايه لانو اذا فصلنا مثلا الجنس عن الحب بنلقي انو الجنس احساس مؤقت مرتبط بي فتره زمنيه تنتهي بانتهاء الشهوه،،، اما الحب فهو احساس مقدس يظل الي الابد وده الحب الحقيقي،،،
اما بخصوص اسئلتك
مستحيل اعيش او ادخل في علاقه تؤذي الطرف الاخر وتسبب لي الضرر سؤاء كان جسديا او نفسيا
لكن نصيحتي لي كل زول عاش علاقه زي دي او يعيش فيها اقل شي ممكن يعملو يتزوج بتلك الفتاه عسي ولعل يكفر عن الشي الارتكبو باسم الحب.
الحل في نظري يا ودالشيخ هو تصحيح مفهوم الحب خصوصا الجيل الجديد وان لا يتعجلو للجنس كهدف مستخدمين سلالم الحب وان يدركو جيدا انهم سيصلون الي الجنس كتطور وناتج طبيعي لحبهم ولمشاعرهم ولكن بعد تغنين هذا الحب.
بهناك
شكرا علي الموضوع المفيد وانا ماشي:D
رد: للنقاش .... الحـب والعلاقة الجنسية
مرسل: الأربعاء 2008.1.23 7:54 am
بواسطة هامس
كتير من الشباب وطلبة الجامعات بالذات وغيرهم تربطهم علاقات مع بعضهم البعض ولو مسكت اي اتنين من ديل وسألتهم حيقولو ليك بنحب بعض ولو دققت الملاحظة حتلقى أغلب الناس ديل - لو ماكلهم - بيمارسو العلاقة الجنسية الكاملة كشيء مكمل للحب دا وكأنهم زوجين على سنة الله ورسوله والعذر في دا انهم خلاص بيحبو بعض وحيتزوجو وطبعاً دا البيقنعو بيهو انفسهم أو الولد بيقنع بيهو البنت !!!!
طيب تعالو نتجاوز الحتة بتاعة الكلام دا غلط والشريعة قالت والقوانين سوت وماعشان ماحنلقى فيها الحل بس عشان كلنا عارفنها وحافظينها وهم زاتهم عارفينها ورغم كدا بسوو في البسوو فيهو .
العزيز
ود الدرديرى
صباح الخير
الموضوع عام ما للشباب وبس حتى العجائز الزينا بخصهم
الحكايه بدت فى الجامعات بالذات والسبب كان عدت أشياء اولها وأهمها الحوجه للفلوس
نسبة للظروف الصعبه وإحتياج الفتيات للقروش للظهور بمظهر لائق خرطومى طبعا ده
فى رأيهم هم لكن تطور الموضوع كثيرا فأصبحت الحكايه إحتياج قروش وإحتياج
حب وغرام وطبعا بمجرد ما تتورط البنت أصبح عليها لزاما عدم التراجع ..
لا أقف مع الشباب ولكن أخى ودالدرديرى إنا كانت البنت ما عايزه الحكايه دى رغم
حوجتها للفلوس لا يستطيع أى شاب مهما كانت فلوسه ووجاهته توريط البنت فى مسأله
زى دى وده ما معناهو إنو الشاب ما عندو ضلع فى الموضوع بالعكس إذا كان الشاب نزيها
وله عرض وشرف لا يستطيع القيام بالأمور دى .
رد: للنقاش .... الحـب والعلاقة الجنسية
مرسل: الأربعاء 2008.1.23 8:02 am
بواسطة ودالدرديري
العربى كتب:بصراحة ياود الدرديرى
دا الواقع او شئ من الواقع الذى تعيشة شريحتنا المتعلمة و المثقفة
علاقات وهمية
تُرتكب ابشع الجرائم باسم الحب
هل سقط الحب الى ارذل المعانى؟
ام سقطنا نحن ووصلنا الى هذة الدرجة من الانحطاط الاخلاقى؟
لقد عرفت الحب و عشتة بكل معانية السامية
ولكن لم اره بهذا الشكل وتلك الصورة
لم اعرف ان الحب هتاك الحرمات
لاوالف لا الحب برئ من كل هذا
اذا لم يكن الحب وسيلة لتحقيق غاية سامية ورفيعة الافضل ان يذهب الى الجحيم غير ماسوف علية
حب لايثمر عن الزواج هو حب فاشل من اطراف غير صادقة
واكتفى بقولة تعالى
(( وليستعفف الذين لايجدون نكاحا حتى يغنيهم الله من فضلة))
العربي
صباحك النور والسرور
فليرحم الله ذلك الزمان الذي كان الحب هو الملك المتوج فيه
أخي العزيز ان امة تلغي الحب من قواميسها هي امة لاخير فيها
يديك العافية
وليييييييييييييي قدااااااااااااااااااام
و................الباقي على الله
رد: للنقاش .... الحـب والعلاقة الجنسية
مرسل: الأربعاء 2008.1.23 8:05 am
بواسطة ابراهيم الجيو
الموضوع حساس,, والإجابة صعبة,,
((لايطفء نار المتحابين إلا النكاح )) ـ حديث شريف ـ
منطقياً,, الموضوع ليس بتغير أجيال أو تعاقبها,,
الجنس ردة فعل طبيعية للمتحابين منذ قدم الأجيال, كما ورد في الحديث,,, مقصد الحب بين الطرفين قدِم الزمن أم حدِث ترابط فكري وعاطفي وجسدي,, ولكن تبقى قلة وقائع هذا النوع من المصائب مع كثرتها في الحاضر هي المشكلة
بإعتقادي أن مربط الفرس في الموضوع هو قناعة الطرفين أو الرغبة,, وأكيد بما إنهم وصلوا عمر معين من الوعي والإدراك بالصائب من الغلط, فهم لهم مكتمل الرغبة في تحديد علاقتهم,,,والمسئولية في مثل هذه الحالات على الطرفين معاً,,
الخطوط التي يضعها الطرفان في بداية حياتهما تجعلهم يتحكمون في زمام الأمور,, أما بخصوص أسئلتك فالضرر النفسي الذي قد يصيب الطرفين يمكن إصلاحه إذا أجبرهم مفهوم الحب على الجنس,, لآنه الجنس ردة فعل طبيعية للحب بين الطرفين,, إلا إذا كان الطرفين ما عندهم قشة مرررة نهاائي 
بخصوص أسئلتك,, فالإجابة معروفاً مسبقاً كشباب, وكما ذكر الإخوة المعقبون بعالية,, ولكن تبقى الحكمة ((رُب شهوة ساعةٍ أتت بعدها بضررٍ كبير)),,, لا تدرك إلا بعد وقوع المصائب,,
وتسلم,,
رد: للنقاش .... الحـب والعلاقة الجنسية
مرسل: الأربعاء 2008.1.23 8:08 am
بواسطة ودالدرديري
ibn batoota كتب:الاخ
(يعني تلقي الواحد حب ليهو واحده ولما تسالو شنو الخلاك تحبها او العجبك فيها شنو يقعد يتغزل ليك في جمالها ويذكر ليك مفاتنها) يعني نظره جنسيه بحته.
بهناك
شكرا علي الموضوع المفيد وانا ماشي:D
ابن بطوطه
صباحك بنكهة النسكافيه بالحليب
و دا الخطأ في الموضوع
لأنه لوشاف زوله أجمل وأحلى منها أكيد ح يشتت ويشوف غيرها
وتبدأ هي في البكاء والنحيب والشكوى من القسمة والنصيب
تخريمة :
خلاص بعد كدا أمشي ماقصرت
يديك العافية
وليييييييييييييييييييي قداااااااااااااااام
و...............الباقي على الله
رد: للنقاش .... الحـب والعلاقة الجنسية
مرسل: الأربعاء 2008.1.23 8:24 am
بواسطة ودالدرديري
رد: للنقاش .... الحـب والعلاقة الجنسية
مرسل: الأربعاء 2008.1.23 8:37 am
بواسطة حافظ عوض الله محمد
درديرى
الحب والجنس
الشاب والفتاه والجنس
اسهل الطرق باسم الحب
ولكن هل يوجد حب
توجد قنابل موقوته فى دواخل الشباب يتم تفجيرها ، تكونت من خلال الثقافة المحيطة بنا
الاحظ غياب دور الاسرة
بدأ الغياب من فترة طويله ، عندما قلت مصادر الدخل فلجأ رب الاسرة الى الحرام
بالله عليك كيف لاب يأكل ويشرب الحرام ، يقوم بتوجيه ابنه او بنته
سابقا كان الشارع يربى مع رب الاسرة
الان حتى الاسره الممتدة اختفت
لايستطيع العم او الخال ان يوجه الابن او البت
السؤال هو :
هل ترضى بأن تعيش مثل هذه العلاقة ؟؟
ولو رضيت بيها هل بتقبل تتزوج الزولة دي ؟؟
وطبعاً عارفين انو ناس كتيرين عاشو نفس الحاجة دي واتزوجو بعض في الآخر بس يبقى السؤال الأهم هو : إذا اتزوجت بعد علاقة زي دي هل حتعيش بنفس مشاعرك ورؤيتك القديمة ؟؟؟
طيب الحل شنو ؟؟؟
يبدو انها من شاكله اسئلة ليست للاجابه ولكنها تحكى مستقبل شكل العلاقة الجنسية بدقة ، واتفق معك فى ماذكرت والحل يكمن فى دواخلنا فى تفعيل الروابط الاسرية فى بث الثقافة الجنسية البناءة فى شبابنا ، فى الابتعاد عن كل ماهو ضد موروثاتنا وقيمنا
ايضا يكمن الحل فى ان تقوم الدولة بواجباتها كاملة
رد: للنقاش .... الحـب والعلاقة الجنسية
مرسل: الأربعاء 2008.1.23 9:06 am
بواسطة sunni
العزيز ود الدرديري،،،
قبل كل شيء يجب علينا ان نفرق ما بين الحب والشهوة،، ففي نظري لا يمكن ان يكون شاب وشابة متحابان بالمعنى الحقيقي للحب،، أن يمس شرفها (أو تمس شرفه) من دون غطاء شرعي،، فلو سألنا من يحب ويمارس هذه الأشياء من من يحبه (لك ان تضع تاء التأنيث هنا في أي من الطرفين، وستيقى المعادلة صحيحة) بأنه لو طلب منك قطع جزء من جسمك،، هل ستقبل أو تتحمل؟ إذا فلم هتك العرض وسرقة ما ليس لك بالوجه السليم وبالحق المشروع؟
إن من يحب يحمي محبوبه حتى من نفسه،، يكون من ضمن ما يغير عليه،، غيرة أن يكون حبيبه على الصواب دائما،، وهي الغيرة الإيجابية،، فمالك الشيء الحقيقي يحميه من السرقة،، فكيف يسرقه هو. أما من يفكر في حبيبه (جسديا) والإنقياد نحو شهوة جسديه،، فهو أولا وأخيرا لا غيره له على من يحب،، ولا يمكن أن نطمئن عليه بأن يحمي حبه ومحبوبه أو يكون له غيرة عليهما.
رد: للنقاش .... الحـب والعلاقة الجنسية
مرسل: الأربعاء 2008.1.23 9:25 am
بواسطة ودالدرديري
إبراهيم الجيو كتب:الموضوع حساس,, والإجابة صعبة,,
((لايطفء نار المتحابين إلا النكاح )) ـ حديث شريف ـ
1/ الجنس ردة فعل طبيعية للمتحابين منذ قدم الأجيال, كما ورد في الحديث,,,
2/ بإعتقادي أن مربط الفرس في الموضوع هو قناعة الطرفين أو الرغبة,, وأكيد بما إنهم وصلوا عمر معين من الوعي والإدراك بالصائب من الغلط, فهم لهم مكتمل الرغبة في تحديد علاقتهم,,,والمسئولية في مثل هذه الحالات على الطرفين معاً,,
3/ الضرر النفسي الذي قد يصيب الطرفين يمكن إصلاحه
إذا أجبرهم مفهوم الحب على الجنس,,
,, إلا إذا كان الطرفين ما عندهم قشة مرررة نهاائي
وتسلم,,
الجيو
صباحك رايق ومروق
1/ ياعزيزي الحديث واضح وكلمة النكاح تعني في الشرع الزواج الطبيعي اذن لايوجد وجه شبه بين هذه وتلك.
2/ لا ياحبيبنا مابتفق معاك في الحتة دي لأن الطرفين لو وصلو فعلاً لمرحلة الوعي وإدراك الخطأ من الصواب حتى لو طرف واحد بس منهم وصل الحتة دي تأكد تماماً ماحتحصل بيناتهم الحاجات دي ولا حيفكرو فيها أصلاً وحتى لوخطرت في بال واحد منهم حيكون التاني صاحي.
3/ الضرر النفسي لايمكن اصلاحه ابداً يا إبراهيم لأنه حيكون هو المحرك والمبدأ البتعامل بيهو الزول مع الحولو بعد داك ,,, ومهما إمتد بيهو العمر برضو حتكون دي وجهة نظرو العايش بيها وسط الناس,,, ونحن بنتكلم عن الضرر الإجتماعي وهو الذي يمس العلاقة بتاعة الزول المعني بالأمر مع أهله ومجتمعه ونظرة الناس التانية ليهو سواء تزوج أو لم يتزوج حبيبو.
يديك العافية
وليييييييييييييييييييي قداااااااااااااااااااام
و.................الباقي على الله
رد: للنقاش .... الحـب والعلاقة الجنسية
مرسل: الأربعاء 2008.1.23 10:56 am
بواسطة هامس
بإعتقادي أن مربط الفرس في الموضوع هو قناعة الطرفين أو الرغبة,, وأكيد بما إنهم وصلوا عمر معين من الوعي والإدراك بالصائب من الغلط, فهم لهم مكتمل الرغبة في تحديد علاقتهم,,,والمسئولية في مثل هذه الحالات على الطرفين معاً
الأخ الجيو
صباحاتك مباركه
معليش حبيت أعرف قصدك فى تحديد علاقتهم أو مسار علاقتهم دى يعنى إتفقوا على أن يكون
نهاية هذه العلاقه زواج وقبل الزواج يمارسو العلاقه الجنسية عادى لأنهم متفقين على الزواج
ولا قصدك شنو . وبغض النظر المسؤليه على مين هل كل من وصل عمر عرف فيه الصواب
والخطاء له مطلق الحريه فى التصرف دون النظر لأى قيم أو عادات او تقاليد ؟
رد: للنقاش .... الحـب والعلاقة الجنسية
مرسل: الأربعاء 2008.1.23 11:30 am
بواسطة هامس
الخطوط التي يضعها الطرفان في بداية حياتهما تجعلهم يتحكمون في زمام الأمور,, أما بخصوص أسئلتك فالضرر النفسي الذي قد يصيب الطرفين يمكن إصلاحه إذا أجبرهم مفهوم الحب على الجنس,, لآنه الجنس ردة فعل طبيعية للحب بين الطرفين,, إلا إذا كان الطرفين ما عندهم قشة مرررة نهاائي
أخى الجيو تتحدث وكأن السودان بلد أوربى أ وغربى العلاقات الجنسية مباحه طالما الطرفان
يحبان بعض وكل شخص يهمه نفسه فقط لا نظره لأى أبوان أو عائلة .
عزيزى الضرر النفسى لا يصيب الطرفين فقط وما بعتقد إنو زى ديل عندهم حبة خوف من ضرر نفسى الضرر النفسى يا عزيز بيصيب الأهل وزى ما قال الدرديرى مشكلة
الطرف المعنى مع أهله ومجتمعه
رد: للنقاش .... الحـب والعلاقة الجنسية
مرسل: الأربعاء 2008.1.23 2:27 pm
بواسطة ابراهيم الجيو
[quote="هامس"]الخطوط التي يضعها الطرفان في بداية حياتهما تجعلهم يتحكمون في زمام الأمور,, أما بخصوص أسئلتك فالضرر النفسي الذي قد يصيب الطرفين يمكن إصلاحه إذا أجبرهم مفهوم الحب على الجنس,, لآنه الجنس ردة فعل طبيعية للحب بين الطرفين,, إلا إذا كان الطرفين ما عندهم قشة مرررة نهاائي
أخى الجيو تتحدث وكأن السودان بلد أوربى أ وغربى العلاقات الجنسية مباحه طالما الطرفان
يحبان بعض وكل شخص يهمه نفسه فقط لا نظره لأى أبوان أو عائلة .
عزيزى الضرر النفسى لا يصيب الطرفين فقط وما بعتقد إنو زى ديل عندهم حبة خوف من ضرر نفسى الضرر النفسى يا عزيز بيصيب الأهل وزى ما قال الدرديرى مشكلة
الطرف المعنى مع أهله ومجتمعه[/quote]
العزيز هامس,,,
معليش ياحب,,, غلطة مطبعية وكدا
أنا ذاتي اتخلعت لما قريت الكلام ,,,:D
المقصد في كلامي إنهم إذا إتخذوا من الحب وسية توصلهم للجنس فهي المشكلة,, بمعنى أنه قد يتأثروا نفسياً بما حدث, كما يقول المثل (رب شهوة ساعة أتت بعدها بضرر كبير),, فإذا تزوجوا بعدها يبقى الأثر النفسي باقي في دواخلهم حتى وإن إدعو حبهم لبعض,,,
الفتاة يمكن أن تضع شروط وخطوط للرجل لا يمكن له أن يتجاوزها,, وإذا حاول تثبته فيها حتى لا بتطور الأمر إلى هذه الدرجة,, وهذا هو مبرط الفرس المقصود,,,,
وآسفين جداً مرة تانية لترابط الأنزيمات العاطفية مع الفكرية مع النظرة المجتمعية عندي,, مما أدى للخبطة الفوق دي,,:D
رد: للنقاش .... الحـب والعلاقة الجنسية
مرسل: الخميس 2008.1.24 11:36 am
بواسطة هامس
وآسفين جداً مرة تانية لترابط الأنزيمات العاطفية مع الفكرية مع النظرة المجتمعية عندي,, مما أدى للخبطة الفوق دي,,
الكريم
إبراهيم الجيو
قيلوله مريحه
ياخى عادى مادام الأسف ,,, لكن دامت ليك العافيه إن شاء الله
بعدين ياخوى الخلاط ده محملو كتير حملو واحده واحده عشان مايسخن ,طبعا دى نظريه ميكانيكيه .
بالمناسبه أنا ما شايف الشباب أدلو بدلوهم فى الموضوع المهم ده السبب شنو ؟
(همسة) يديك العافيه
رد: للنقاش .... الحـب والعلاقة الجنسية
مرسل: الخميس 2008.1.24 11:59 am
بواسطة وكيل عريف
ودالدرديري كتب:
كتير من الشباب وطلبة الجامعات بالذات وغيرهم تربطهم علاقات مع بعضهم البعض ولو مسكت اي اتنين من ديل وسألتهم حيقولو ليك بنحب بعض ولو دققت الملاحظة حتلقى أغلب الناس ديل - لو ماكلهم - بيمارسو العلاقة الجنسية الكاملة
سلااااااااااااااام
بيمارسو العلاقه الجنسيه الكامله دى كترتها ياودالدرديرى بيمارسو جزء بسيط (واظنك فهمتنى)
فمن الظلم ان نصنفهم انهم بيمارسوها كامله والا ادخل هذا الفعل الفتاة فى دائرة البغاء والعهر
وتنتفى بعد ذلك صفة الحب
رد: للنقاش .... الحـب والعلاقة الجنسية
مرسل: الخميس 2008.1.24 8:24 pm
بواسطة aymen12000
الحب عاطفة نبيلة وسامية وأعتقد أننا نجردها من معناها ونفرغها من مضمونها حين نربطها بالجنس .
حتى العرب في جاهليتهم كانوا يفرقون بين الحب والجنس حيث كانوا يسمون الجنس طلب الولد ، أما الحب فهو شئ آخر .
حتى الحيوانات تمارس الجنس ؟
لكن الحب شئ مرتبط بالإنسانية (إنسانية وليس بشرية) فليس كل بشر إنسان .
كيف يرضى المحب لمحبوبه ان يتدنس ويسقط في العار ؟
هذا ليس حباً وإنما هو شهوة وغريزة منفلتة .
الحاجة المادية ليست مبرر على الإطلاق للوقوع في الحرام .
ياشبابنا لا خير في لذة بعدها النار .
*** مجرد خواطر****
رد: للنقاش .... الحـب والعلاقة الجنسية
مرسل: السبت 2008.1.26 8:29 am
بواسطة ودالدرديري
وكيل عريف كتب:سلااااااااااااااام
بيمارسو العلاقه الجنسيه الكامله دى كترتها ياودالدرديرى بيمارسو جزء بسيط (واظنك فهمتنى)
فمن الظلم ان نصنفهم انهم بيمارسوها كامله والا ادخل هذا الفعل الفتاة فى دائرة البغاء والعهر
وتنتفى بعد ذلك صفة الحب
أخي الكريم وكيل عريف
لك الحب وكل المشاعر النبيلة
طبعاً لاحظت إني اتجاوزت كل المتداخلين أعلاه من الاخوة الكرام وجيت أرد عليك
و دا لأنو مشاركتك عجبتني بقدر ماهي غريبة من شاب مثلك ودي مامشكلة
طبعاً هي كتيرة لكن ما أنا الكترتها يا وكيل عريف
والكتره دي هي المشكلة البنفتش ليها في حل
أساساً الحب لايقبل التدنيس ولا تجزئة المشاعر والانفعالات المصاحبة
الحب أما أن يكون حباً كاملاً طاهراً عفيفاً لاتشوبه شائبة
وأما أن يكون أي شيء آخر غير الحب
الظاهرة موضوع نقاشنا هي واقع معاااااش بكل قساوة الكلمة
لذلك فتحنا باباً لمناقشتها حتى يستوي الذين يعلمون والذين لايعلمون من ناحية معرفتها
أما الذين يعلمون فنطلب منهم الإدلاء بدلوهم معنا حتى يستفيد الضالون من اخوتنا وأخواتنا
وأما الذين لايعلمون فهي تذكرة وتنبيه لهم
فمن إهتدى فذلك مقصدنا ومن أصر منهم على ضلاله نكون سوينا العلينا والله يهدي من يشاء
فهمتني ياحبه ؟؟؟
يديك العافية
ولييييييييييييييييييي قداااااااااااااااااااام
و..................الباقي على الله
رد: للنقاش .... الحـب والعلاقة الجنسية
مرسل: السبت 2008.1.26 10:08 am
بواسطة وكيل عريف
ودالدرديري كتب:
فهمتني ياحبه ؟؟؟
فاهمك ياولدنا
رد: للنقاش .... الحـب والعلاقة الجنسية
مرسل: السبت 2008.1.26 12:29 pm
بواسطة مجدى عكاشه
ودالدرديري كتب:
شباب جميعاً
لكم كل التحايا
اليوم حابي أطرح موضوع شاغل كثير من الناس بل اصبح ظاهرة وكلنا بنشوفا بعيونا بس ماقادرين نتكلم فيها يمكن استحياء مننا ويمكن خوف من ردة فعل المجتمع تجاه أي زول بتكلم في الحتة دي أو يمكن عاداتنا وتقاليدنا ماعودتنا نتكلم بوضوح عنها رغم ان كثير من عاداتنا وتقاليدنا زاتا بقت في خبر كان.
المهم في الموضوع انو المداخلات تكون بوضوح شديد ياجماعة لأنو بيناتنا أخوان وأخوات في بداية الطريق وعايزنهم يستفيدوا من كلامنا دا عشان يشوفو الطريق صاح.
يعني بالواضح كدا ومن الآخر ماعايزين واحد يجي يقول لينا شكرا على الموضوع المفيد ويمشي.
الحب وإرتباطه بالعلاقة الجنسية
بعبارات وجمل بسيطة ومباشرة أقول أن معظمنا - لو ماكلنا - عاش حالة حب في فترة من فترات حياته وجرب هذا الاحساس الرائع الذي كان نبيلاً في السابق وأصبح الآن وسيلة وصول الى غاية محرمة في الشرع والقوانين والمجتمع.
كتير من الشباب وطلبة الجامعات بالذات وغيرهم تربطهم علاقات مع بعضهم البعض ولو مسكت اي اتنين من ديل وسألتهم حيقولو ليك بنحب بعض ولو دققت الملاحظة حتلقى أغلب الناس ديل - لو ماكلهم - بيمارسو العلاقة الجنسية الكاملة كشيء مكمل للحب دا وكأنهم زوجين على سنة الله ورسوله والعذر في دا انهم خلاص بيحبو بعض وحيتزوجو وطبعاً دا البيقنعو بيهو انفسهم أو الولد بيقنع بيهو البنت !!!!
أما الغريب في الموضوع والماعارفنو الناس ديل انو دا نوع من الحب حقيقي تماماً بكل ماتحمل هذه الكلمة من معاني لكنه يسمى (الحب الجنسي) والغريبة انو من أقوى أنواع العلاقات البشرية وممكن يكون أقوى من الحب النزيهـ أو النظيف أو العذري ,, لكن الفرق انو بيرتبط بالعلاقة دي وكلما زاد التقرب والممارسة زادت العلاقة قوة ومتانة وتعلق كل من الطرفين بالآخر وصار من الصعب التخلص منه مما يؤدي في كثير من الحالات الى زواج لكنه في الغالب زواج غير ناجح نجده قد أصاب أحد الشريكين أو كلاهما بشرخ في علاقته مع أهله أو مجتمعه بصورة أو بأخرى.
طيب تعالو نتجاوز الحتة بتاعة الكلام دا غلط والشريعة قالت والقوانين سوت وماعشان ماحنلقى فيها الحل بس عشان كلنا عارفنها وحافظينها وهم زاتهم عارفينها ورغم كدا بسوو في البسوو فيهو .
السؤال هو :
هل ترضى بأن تعيش مثل هذه العلاقة ؟؟
ولو رضيت بيها هل بتقبل تتزوج الزولة دي ؟؟
وطبعاً عارفين انو ناس كتيرين عاشو نفس الحاجة دي واتزوجو بعض في الآخر بس يبقى السؤال الأهم هو : إذا اتزوجت بعد علاقة زي دي هل حتعيش بنفس مشاعرك ورؤيتك القديمة ؟؟؟
طيب الحل شنو ؟؟؟
يديكم العافية
ولييييييييييييييييي قداااااااااااااااااااااااام
و.........................الباقي على الله
العزيز الرائع ود الدرديرى ( ليييك وحشة يا غالى ) ..
ولى مواضيعك شوووق مبالغة برضو !!
والمداخلييين كمان ناس مية مية وعملو للموضوع راااو جميل خالص ..
الواحد زاااتو ما ناااقش حاجة فى الموضوع لكن الشمار اكلنا والاصابعيين اكلتنا اكل وقالت الى نخش هنا نعمل حركة بى حركتييين وماتزعل منى ولا الشبااب يقول الزول دة مجنون .!!
اولآ ..
للجنس فصول متعددة وآليااات عديدة .. وللحب فصل واحد وخريف واحد وآلية واحدة تنتهى بممارسة الجنس او الحب .. العزيز ود الدرديرى والسادة المتداخليين .. انى على مستواى الشخصى والمتواضع اعتقد بأن هنالك فرقآ واضحآ ما بين الجنس والاتصال الجنسى ..!! بالنسبة للحب فتبدأ الممارسة الجنسية منذ ( الخلطة ) ( او الونسة الهادية ) او ( الموبايل بليل ) وتنتهى مع بداية الاتصال الجنسى وتبدأ الغرائز اذا كانت حيوانية او انسانية بالتدفق حتى نهاية الحلقة بأبتسامة معلقة على الشفاة .. الجنس فى الحب وللحبيب اراء فى ذلك .!! يبدأ بجلسة ونظرة وونسة خافتة الصوت .. وتبدأ كل اجزاء جسدة واطراف اصابعة بالزوبان .. ويتمتع بالنظر الى عيني المحبوبة ومشيتها وتيأمل باقى اجزاء الجسد الذى هو فعلآ جزءآ من ما احب .. وهو جزء مهم جدا .. ومن ثم يستمتع بمتعة جنسية بحتة بالاستماع الى صوت حبيبتة ومنها يتمنى قفصلآ من خشب وليس من ذهب يجمعهما معآ ليتمتع بحبيبتة وهى ايضآ تتمتع بما حرمت منه وهكذا يستمران فى الامنيات فى كل صباح تبدأ رحلة جنسية تنتهى بالفشل والامنيات وتبدأ التعاليق ( ماذا بعد التخرج ) وهكذا .. مع العلم ان لمس يدى المحبوبة او الحبيبة هى جزء من العملية والمداعبة ان كانت باللمس او بالحديث فهي جزءآ منــه .. وهى رحلة تدور فى كل صباح حتى تنتهى بحالتنا .. اما الاتفاق المسبق على الممارسة فى خارج اطار الزواج .. او التأسيس للزواج بمراحل الخطوبة .... الخ وهكذا منهم من يفشل ومنهم من ينجح .. مع العلم ان فى نظرى الجنس هو من احد الاعمدة الاساسية للعلاقة العاطفية مع العلم اننا بشر ولنا عرائزنا واحياجاتنا العاطفية والشهوانية والجنس فى اعتقادى انه خلق للحبيبة فقــط وليس لسواها من كانت مثيرة او غير ذلك .. وهذا يعنى ما بدات به حديثى ان الاتصال الجنسى هو لبنات الهوى الليلى فقط وليس الجنس الطبيعى الذى نقصده فى حديثنا هذا ..
العزيز ود الدرديرى مرة اخرى ..!!
لا يخفى علينا ما نحن بصدده ومع التناقضات التى نعيشها فى مجتمعنا اليوم من دين واعراف وتقاليد وبيئة محيطة بنا .. فأحيانآ يا عزيزى يحتاج المحب الى حضن او قبلة او لمسة يد يحتاج الى الحبيب او المحبوبة الى العديد من ( الطبطات العاطفية ) التى يدور محورها مابين الاحضان والقبلات وتلك ليس لها علاقة ( بالجنس ) لانها تدور حول مركز العاطفة والمواساه .. واحيانآ تسير على رغبة الطرفييين ..
وللحديث بقية واعتزر ان لمست كلماتى بعضآ من مشاعر الحضور ..!!
