منتدى أنا سوداني

بسم الله الرحمن الرحيم
انا كان لي فترة ما فتحت المنتدى لأني كنت في السودان ورجعت دولة قطر قبل 5 ايام وكنت عاوز ابدأ بداية جميلة ورأيكم شنو نحتفل بعيد الاستقلال المجيد وأعياد السودان في منتدانا الحلو ده وكل عام والمنتدى واعضاؤ ومشرفينو بكل خير وصحة وعافية واتمنى منكم الرد
وتقبلوا خالص تحياتي اخوكم:سوداني وافتخر

وين الردوووووووووووود؟؟؟؟؟؟؟؟؟؟؟؟؟

يا سوداني وتفتخر

صباحك أبيض زي اللبن

شكراً نبيلاً وأصيلاً مثلك على هذا الموضوع القيم

حق لك ولنا جميعاً أن نفتخر بإنتماءنا لهذا الوطن القارة بكل مافيه من تضاريس وأعراق وحـلـومُـر
ان ذكرى الاستقلال لاتعني أن نحتفل بيوم رفعوا فيه العلم وهتفوا كثيراً ثم رجعوا الى بيوتهم
بل يجب علينا التوقف كثيراً عند من ناضلوا وجاهدوا وبذلوا الغالي والرخيص في سبيل مانعيشه اليوم من أعياد وحاضر جميل.
أولئك الذين ارتضوا على أنفسهم الموت لكي نعيش نحن في حرية دون قيود ودون سياط جلاد ودون عبودية لأحد غير الله سبحانه وتعالى.
أولئك الأحرار النبلاء هم من يجب الإحتفال بذكراهم حقاً فلولاهم بعد توفيق الله تعالى لما نامت أعيننا مطمئنة ولما سميت نفسك سوداني وأفتخر .
لهم التجلة والرحمة جميعاً الأحياء منهم والأموات فمنهم من قضى ومنهم من ينتظر ومابدلوا تبديلا
والتجلة والعظمة لهذا الشعب السوداني السيد
و........



ولييييييييييييييي قداااااااااااااااااام









و...............الباقي على الله

شكرا ليكم يا ابن الخطاب وود الدرديري على مروركم الجميل

سوداني وافتخر شكرا للبوست
ما شاء الله البلد اليومين دي مليانة اعياد ( الضحية الكريسماس رأس السنة الميلادية والاستقلال واعياد السلام ورأس السنة الهجرية )
عموما كل عام والجميع بخير وجعل الله ايامنا كلها اعياد

شكرا ليك يا مهند مرورك العزيز