صفحة 1 من 1
الغــــربـــــة !
مرسل: الأحد 2006.12.10 6:13 pm
بواسطة بت أبوظبي
[glow1=CCCC00]
الشاعرة الشابة السودانية نادية مختار تشدو بكلمات عذبة عن غربــــتـــنـــا ...
[/glow1]
رد: الغــــربـــــة !
مرسل: الاثنين 2006.12.11 8:21 am
بواسطة احمد يس
الشاعرة نادية مختار
صحفية تعمل من القاهرة وكلمات الشعر واضح انه مغموس فى حزن غربتها...................
اعتقد انو البرنامج دا قبل وفاة زوجها بالقاهرة منذ شهور.............. البركة فيكم
ورد الله غربتها......................
رد: الغــــربـــــة !
مرسل: الأربعاء 2006.12.13 7:40 pm
بواسطة hamoode
ابراهيم ابنعوف
حكاية شافعة
كيـفـن أصـبــر قلـيـبـى.. وكـيـفـن أعـمــل حـسـابـى
مـا دام عشمـى فـى نظـرة .. والعنـدو النظـرة مابـى
بجرو غنايا أحكى ليكم .. تعالو أسمعوا يـا صحابـى
حكايـة الشافعـى البريـدا .. وريــدا شقـايـا وعـذابـى
أحـن لهـا حـن القـمـارى .. تقوقيـبـا أوتــار ربـابـى
واهوى الهوى فى هواها .. وهواها قرايتـى وكتابـى
منـو الـقـال ليـكـم عقـلـتَّ .. وحاتـكـم جنـيـت دابــى
بقيـت لمـان ليهـا أفـارق .. أفـارق عقلـى وصـوابـى
أضيق لمتين ليها أرجع .. أخاف مايطول بى غيابى
أعاين زين فيها وأشبع وأزيد إعجاب على إعجابـى
أشـرِّق ويـن مـا أغـرِّب .. وأشيـل هـمـى وإكتئـابـى
محل ما أمشى ألاقى طيفاً.. مشتت فكـرى وحجابـى
تطير روحى بعيد تغـازل.. خـدودك زهـر الروابـى
تتعلـق بيـن عيـونـا .. ورمـوشـا الـبـى فـوقـا كـابـى
قليبـى يفـارق ضلوعـى .. يـلاهـى عليـهـا ويشـابـى
بعـيـد مابيـقـدر يـقـاوم.. بـريـق البـسـمـة السـحـابـى
صديـرن لمـا يتفـرَّ .. تبـق نــار الله فــى أعصـابـى
وقديلتن كيتن علـى .. وا نشـاف ريقـى وخـم ترابـى
حنينـى ومـرات بتقسـى .. تقـول فـى نفسهـا اتغـابـى
إتغابى العرفـة فيهـو .. وا زرف دمعـى ووا خرابـى
صحيح أصبحت مملوكا .. أسـوِّى أورادى وأزنابـى
متـل مـا ملكـت فـؤادى .. أنـا ملـك شيطـان الكتابـى
أخاف مـا بقـدر أعاتـب .. أقـول تزعـل مـن عتابـى
أموت أحسن من هى تزعل .. أو تزرف دمعة كابى
عشانا أنـا كـم ضُقْـتَّ مُـرَّة .. عشانـا مهمِّـل عقابـى
عرفت الله فى عذابك .. إنـتَّ خـاف الله فـى شبابـى
امونة بت الشيخ حمد ابوها كان
مزواج خلاص ناسب جميع أهل البلد
ميلادها كان عرسا كبير
هيبة ورقيص ماليها حد
يوم السماية اتيتمت
وحس القدر في الام نفد
جرت السنين واتفاوتت
بيناتنا ما ليهن عدد
امونة كبرت واستوت
فار الصدير شال النهد
وبقت أمل كل الشباب
وجمالها في بت ما اتوجد
في مرة رفا قليبها يوم
حبت قريب الشيخ حمد
وأظن كمان حباها هو
جوه الضلوع للخيط سرد
كم من غرام في القلوب
ولع لهيبو ما برد
خايفين عيون الناس تشوف
والخبر يملا البلد
والحب هناك عيباً كبير
لا بت تبوحبو ولا ولد
سنتين تلاتة مضت خلاص
والبت حياتها بقت ند
برضو الولد زي حالتو ديك
وقليبو داك مكتول كمد
في يوم ابوها ضحك كتير
برم شواربو بلا الاسد
ناداها امنة تعالي جاي
فوق البرش ربع قعد
قالتلو هوى جايك خلاص
وقليبها فر وما رقد
هابت عيونو قبل يقول
شافت وجيهو عليهو جد
حاج الخضر عارفاه داك
قالتلو أيوه ابو سند
جانى الصباح طالب يديك
داير نسب شيخ البلد
وانا قتلو مرحب بيك تعال
يومين تلاتة يكون عقد
راجلاً عظيم عنده القروش
عنده الحديد راقد لبد
كمان كريم واخو رجال
ماعونو فد يوم ما برد
جرت الدموع من عينا شو
وأبت تديه رد
وكتين غلب يا ناس خلاص
ولع فؤاده جمر وقد
فكر سكوت البت رضا
جاب زولو لما الناس عقد
والمال ده خمخم والحرير
تحت الرجول مدوه مد
دق الدليب صحا العيون
ما خلا فد مخلوق غمد
يوم الصفاح والناس تجوط
بالفرحة مقلوبة البلد
أمونة تبكي بكي السواد
بدل الفرح جاها النكد
وبشيشها قامت للمروق
في الزفه ما حسابها حد
كان الحبيب راقد هناك
والصدمة قاده قليبو قد
حاضن ربايتو وحيد ينوح
كم جرا للمسدار جبد
وقفت قصاده بكت كتير
لامن دميع العين جمد
قالتلو ما بيدى شىء ديل
ناس ابوى وأبو سند
أتلمو سوهو الكلام وانا
لا رضيت لا جبت رد
قال عنده مالاً مو قليل
وأبوى شاف المال سجد
وأداني للراجل العجوز
المن عروقو الدم شرد
قايلنى بسعد بالقروش
والله المراح الفات ورد
لاكن محال اسعد بلاك
كان السماء ينهد هد
بديك قلبي وروحي ليك
وبعيش هناك صورة وجسد
اتراجعت دارت تعود
لكن قليبها رجع رفض
مسكت دريباً مو غريب
كم بيه صف بنوت ورد
قاصدة البحر داير تموت
لا عيشه لا هم لا نكد
شافت مسار النيل حزين
حتى النخيل حزنان خمد
وبشيشها فككت الحرير
لا زينة لا ربيط عقد
ما دام حياتها بقت دموع
وقليبها من زولا انفرد
قالت اخير ارتاح خلاص
أرسى وشقاي القالو حد
وفي لحظة موج النيل علا
وفي جوفو غابت للأبد
ان شاء الله تعجبكم
رد: الغــــربـــــة !
مرسل: الأربعاء 2006.12.13 10:53 pm
بواسطة بت أبوظبي
[glow1=CCCC00]
شكرا حمودي على مرورك ....
[/glow1]