صفحة 1 من 1
عمل فني سوداني اسرائيلي
مرسل: الأحد 2007.12.16 1:49 pm
بواسطة ودالدرديري
اتخيلو معاي الحصل دا:
سمعت قبل فترة بحكاية فنان شاب سوداني يغني ثنائي مع فنانة اسرائلية
ماصدقت الخبر طبعا ولا جاملتهم في الحتة دي
الليلة بالصدفة مريت على احد المواقع لقيت الخبر مؤكد تماماً
الفنان هو الشاب هيثم الدوحة المقيم بالدوحة والذي يشارك الفنانة الاسرائيلية ميركوهين عملا فنيا هو عبارة عن أغنية مشتركة بينهما باللغتين العربية والانجليزية، وقد حققت الأغنية نجاحا طيبا في اذاعات FM العالمية ..
قدرتو تتخيلو ؟؟؟؟
غايتو لو كنت المسؤول صدقوني الزول دا تاني ماحيجي داخل السودان 
يديكم العافية
ولييييييييييييييييي قداااااااااااااااام
و...............الباقي على الله
رد: عمل فني سوداني اسرائيلي
مرسل: الأحد 2007.12.16 2:04 pm
بواسطة sarona
ود الدرديري
يديك العافيه واول مره اسمع الخبر ده
ما ده عصر الانفتاح والتطبيع ....
ما كنا مستعمرين من الانجليزي وهم اليوم اصدقاء ....
وبيني وبينك يغني مع اسرائيليه ولا مع فلسطينيه ....
عدو ظاهر و لا اخر مستتر ..
.
.
.
رد: عمل فني سوداني اسرائيلي
مرسل: الأحد 2007.12.16 2:43 pm
بواسطة مهند عبد الرحمن
ود الدرديري يديك العافية علي الخبر
عموما انا ما مستغرب من الخبر لانو (الناس بقت حبات سبح لا خيط يلمها لا ترانيم العبادة) وفي سبيل انو االفنان ده يشتهر ويكون معروف ممكن يعمل أي حاجة واراهنك انو الزول لما فكر يغني معاها ابدا ما خطرت بي باله نشرات الاخبار ولا صبرا وشاتيلا ولا ياسر عرفات ولا حتى مشكلة دارفور الاخيرة دي
بس ح يلاقي استهجان من كثير من الناس غير السودانيين وما اظن تقوم ليهو قايمة الا يمشي اوروبا ويتبنوهو
رد: عمل فني سوداني اسرائيلي
مرسل: الأحد 2007.12.16 5:55 pm
بواسطة شمس الغربه
السلام عليكم ورحمة الله وبركاته
حسبي الله ونعـــــم الوكيل
إنــا لله وإنــا إليه راجعون
كل عام وانت بخير وبارك الله فيك
تحياتي وتقديري
رد: عمل فني سوداني اسرائيلي
مرسل: الاثنين 2007.12.17 9:27 pm
بواسطة ود المسالمة
طيب نقول شنو لدول المواجهة وهي تفتح سفارات و مكاتب تجارية اسرائيلية كما بعضها يتعامل معها في السياحة وتبادل السلع التي تدخل للدول العربية عن طريق تلك المكاتب التجارية واذكر قبل فترة طويلة
عثروا علي بناطلين جينز في الاسواق السودانية مكتوب عليها شالوم دخلت من دولة مجاورة للسودان علي
اساس انها صناعة تلك الدولة العربية
رد: عمل فني سوداني اسرائيلي
مرسل: الثلاثاء 2007.12.18 2:02 pm
بواسطة ودالدرديري
سارونا
مهند ودالعيلفون
شمس الغربة
ودالمسالمة
تشكرو ياشبابنا على المرور الجميل
الواحد بقى ماقادر يفرق بين عدو و صديق
وفعلا زي دا مامنو رجاء
العوض عند رب العوض
...... زمن عجيب
يديكم العافية
ولييييييييييييييييييي قداااااااااااااااااااااااام
و................الباقي على الله
رد: عمل فني سوداني اسرائيلي
مرسل: السبت 2008.1.5 10:54 am
بواسطة ابوبكر
والله يا جماعة الشئ البعرفه أنو هيثم الدوحة ده ولدنا من الجريف غرب وجرافي اصيل وزول راقي جداً واسع هو موجود في الجريف غرب ومعانا في الحلة وما أظن انو أي حاجة من دي حصلت . والله اعلم لكين الزول ده ولدنا ونحنا عارفنه كويس أكان بعمل كدي ولا لا .
رد: عمل فني سوداني اسرائيلي
مرسل: السبت 2008.1.5 11:17 am
بواسطة ودالدرديري
ابوبكر ياراقي
كيفك وكل عام وانت بخير
الخبر اتنشر على عدة مواقع وقنوات فضائية قبل فترة
ولدكم دا اسألوهو عشان تجيبو لينا النجيضة
في انتظارك
يديك العافية
وليييييييييييييي قداااااااااااااااااااام
و.................الباقي على الله
رد: عمل فني سوداني اسرائيلي
مرسل: السبت 2008.1.5 11:21 pm
بواسطة سالى
وبيني وبينك يغني مع اسرائيليه ولا مع فلسطينيه ....
تسلمى ,
ده كلو عشان يكون عالمى
اخلى يرجع بلدو بدل يشوه00وه سمعتو
ومشكووووووور:D
رد: عمل فني سوداني اسرائيلي
مرسل: الاثنين 2008.2.11 11:16 pm
بواسطة لاليتا
:::::::::: وجــــــــــــــــــــع ::::::::::::::
رد: عمل فني سوداني اسرائيلي
مرسل: الثلاثاء 2008.2.12 9:35 pm
بواسطة اسمر
و الله السودانيين فعلاً انفتحوا انفتاح, و ربنا يستر ساكت.