صفحة 1 من 1
المخدرات في الجامعات وبين الشباب
مرسل: الاثنين 2007.11.26 4:43 pm
بواسطة جنتل مان
( السودان الي أين )
في الحقيقة الموضوع الذي أود مناقشته هو موضع حساس ومسكوت عنه بشكل واضح ألا وهو تفشي المخدرات بين الشباب وللأسف حتى دون الشباب شباب المستقبل هم أكثر فئة في السودان تتعاطي المخدرات بكل أنواعها المختلفة من ( حبوب – وحشيش ( بنقو ) – وأخيرا الحقن ) وللأسف ليس أخراَ والذي لفتني في الموضوع انه حتى البنات أو الجنس اللطيف أصبح يقع ضحية وطبعا إن موضوع المخدرات هو تابع للانحلال الذي تشهده بلادنا في هذه الفترة التي يمر بها وطننا . دايما أنا عندما أناقش القضايا يؤلمني شئ محدد بل هو في السودان وبشكل غريب . مثلاً عند حدوث مثل هذه الظاهرة الجهات المسؤله لاتبحث الأسباب التي أدت إلي طفح هذه المشكلة على سطح المجتمع بل تحاول قمع هذا الطفح بشكل عام مثل ضرب المتسولين دون السؤال لماذا هم متسولين وبائعات الشاي ماهو البديل الذي يمكن أن توفره لمهم السلطة بدل ضربهم وغيرها من الأشياء التي تحاربها الحكومة دون محاولة حل جذور المشاكل .
بالنسبة للمخدرات بين الطلاب أو الشباب والشابات طبع هو الفقر ومحاولة الهروب من الواقع الأليم واكبر عامل هو الإحباط بين الشباب فأنا اسأل نفسي دايماً ( سودانا ماشي لي وين ياجماعه بالجد بلد ماشي للوراء مثل السودان لايوجد؟؟؟؟؟؟؟)ولنا بقيه .!!؟؟
رد: المخدرات في الجامعات وبين الشباب
مرسل: الخميس 2007.11.29 8:00 am
بواسطة فنونة
رد: المخدرات في الجامعات وبين الشباب
مرسل: الخميس 2007.11.29 8:50 am
بواسطة جنتل مان
سلاماااااات يازولا يارائعه ( فنـــــــــونه ) وشكرا على المرور الرائع ،،،،،،،،،
بس بالجد الحاجات انا مامتاكد منها وبس لا انا شوفتها بي عيني وقدامي كانت بتمارس في الجامعات وعلى العموم ربنا يصلح الحال وشكرا مره تانيه للتعقيب
رد: المخدرات في الجامعات وبين الشباب
مرسل: الخميس 2007.11.29 11:09 pm
بواسطة kashef397
تعالوا شوفوا شبابكم البتقولوه هنا في اوربا بيعمل شنو والمخدرات البتقولوها دي هنا الفطاحلة من تجارها سودانيين وللاسف الشديد ونحن مرتب شهرنا بيقبضوهو ديل في ساعات وبينفقوه في ثواني لبس وحبش وبارات والحكومة ماعندها سفارات والبلد الفيها السفارات ماعندها دور غير الجباية تجديد واستخراج اوراق ثبوتية في زمن خرافي تقدم لجواز تستلمو بعد عده شهور ولاقدر الله لو حصلت ليك اتفه مشكله ماتلقي مسئول يقيف معاك ويحل ليك مشكلتك
والله نحن بقينا نخجل نقول سودانيين وقبل كم سنه هنا لما تقول سوداني كل الشارع يضرب ليك تعظيم سلام لان السوادنة مشهورين بالكرم والمرؤة والشهامة بس دلوقتي لوقابلتك دورية شرطه وقلت سوداني شيل شيلتك تفتيش تستحي انك تزكرصيغته لبني ادم وانت راجع من دوام13ساعة تجرجر في رجولك بالجلالة عشان تصل البيت تاخد ليك دش دافي قبل ماتنخمد تنوم عشان تقوم اليوم التاني لنفس الدوامة ويقول ليك بتاع دورية الشرطه معليش مضطرين نسوقك القسم عشان نفحص اوراقك لان السودانيين احترفوا ايضا مجال تزوير الاوراق الثبوتية
ومأسي تعجز اناملي عن تدوينها وحتي لا احطم ماتبقي من نفسيات الفئه الصالحة التي تعكس الصورة المشرقة للامة السودانية من حميد خصال وقيم ومثل
رد: المخدرات في الجامعات وبين الشباب
مرسل: الخميس 2007.11.29 11:37 pm
بواسطة حنضله
والله يا جنتل مان القضية المطروحة دى قضية حساسة فعلا وخطيرة فى نفس اللحظة بس الاسباب الانت بتسأل عنها هى اننا متخلفين عقلياً أو بمعنى اننا نأخذ من الكل شى النواحى السلبية فقط ولا نعمل باللإيجابية فمثلاً اليوم موضوع المخدرات بكل انواعها دى جاتنا من وين ؟ من المسلسلات والافلام طبعاً يعنى الليلة نشوف لينا مسلسل ولا فيلم وفيه مشكلة الشباب انهم ادمنوا وحصلت معامه مشاكل وطلعوا منها هنا نقوم احنا على طول نعمل زيهم والسبب ايضاً انو المسلسل ده بيساعدنا على ذلك لانو ما فيه اى نوع من انواع العقوبة المناسبة او الرادعة لذلك الجرم ومن اقرب الامثال المسلسلات المصرية دى كلها مشاكل مخدرات او زواج عرفى وفى النهاية ما بتكون اخرتها رادعة وهذا احد الاسباب .
وفى حاجة تانية ما ممكن نلوم احنا السلطات على كل شىء لان الحكومة عندها ما هو اكبر واعظم من المشاكل البقولها انت دى والسودان ماشى لوين ده ماشى للافضل اكيد لو انك تنظر للسودان بنظرة سليمة دون انحياز .
رد: المخدرات في الجامعات وبين الشباب
مرسل: السبت 2007.12.1 4:17 pm
بواسطة جنتل مان
شكرا للتعقيب والمشاركة للشباب الكاشف وحنضله
الاخ حنضله : بس عندي سؤال مين القال السودان ماشي للاحسن انتا بتحكم على السودان كيف ما عارف ولا قصدك الزلط البعملو فيو يعني والناس جعانه وتعبانه وشكلك مطول من السودان ةتاني حاجه الحكومه كيف عندها اكبر من انها تحافظ على الشباب ياخي حرام عليك ولا الشاب بعرفو بس يودهم الجنوب وتاني حاجه لو متابع اخر احصائيه للايدز في سودانا بلغت في كل 1000 شخص يوجد 16 مصاب طيب والكلام دا جابو في تلفزيون السودان وطبعا داا برضو من الانحلال السبب الرئيسي ليو الفقر وتدني المعيشه وطبعا انتا عارف السبب ياخي السودان الحكومه الوحيده الراس مالا المواطن الموضوع طويل . شكرا للمرور مره تانيه شباب؟؟؟؟؟؟؟؟؟؟؟؟؟؟؟
رد: المخدرات في الجامعات وبين الشباب
مرسل: الثلاثاء 2007.12.4 8:33 am
بواسطة شاربة توت ولابسة بوت
يعاني مجتمعنا وللاسف من أمراض اجتماعية عديدة ومتفاقمة!
ومن الواضح أن المواطن السودانى يعي تماما هذا الواقع.. ؟!
ويفهم طبيعة هذه الأمراض .. [mark=FF9900]كقيود[/mark] تكبل مسيرة التحديث والتطوير والنماء لمجتمعنا !
والمخدرات وباء العصر!
من وجهة نظري ان تعطى هذه الظاهرة العناية اللازمة والاهتمام بها ... !
وبسرعة وحتى لا يعتاد او يتعود الناس عليها !
وأخطر ما في الجريمة أن يعتادها الناس.. فإذا اعتاد الناس الجريمة وتعودوا سماعها.. فإن هيبتها تقل في نفوسهم.. وهذا يؤدي إلى الجرأة واستسهال الوقوع فيها ايضا !
ونرجع ونقول ان سبب ظهور الظواهر دي واستشرائها ؟!
[mark=FF9900]ضــمــيــرك يــا انــســان[/mark] !
والله المستعان ..
رد: المخدرات في الجامعات وبين الشباب
مرسل: الثلاثاء 2007.12.4 9:08 am
بواسطة جنتل مان
شكرا على المرور والتعقيب الجميل ياشاربه توت ولابسه بوت ويسلموووووووووووووووووو بس الموضوع ماضمير وبس لازم التوعيه والاعلام والحزم ،،،،،،،،،،،،،
رد: المخدرات في الجامعات وبين الشباب
مرسل: الثلاثاء 2007.12.4 9:37 am
بواسطة شاربة توت ولابسة بوت
جنتل مان كتب:
الموضوع ماضمير وبس لازم التوعيه والاعلام والحزم ،،،،،،،،،،،،،
صحيح ما ذكرت يا جنتل !
بأن [mark=FF9900]للاعلام ووسائل الاتصال[/mark] دور كبير في حل او ايجاد حلول لهذه الظاهرة !
وهوعن طريق تقديم موضوعات تهم جيل الشباب وتدفعهم للحوار والنقاش والمشاركة ..
في عملية بناء أنفسهم وتنمية الذات .. وتحفيزهم لطرح افكارهم وآرائهم والتعبير عنها بحرية !
والله المستعان ..
رد: المخدرات في الجامعات وبين الشباب
مرسل: الثلاثاء 2007.12.4 11:22 pm
بواسطة عازف الأمل المفقود
الله يحفظ الجميع
مشكور على الطرح المهم
ودمت بحفظه
