منتدى أنا سوداني

مع انني لست من الذين دخلوا الجامعة ممتحناً من خارج السودان و لم اشعر بمعاملة الجامعات (إداراتها) لأبناء المغتربين الذين فدموا ليكملوا تعليمهم الجامعي في السودان (الملاذ المفترض). لكنني الاحظ ومنذ فترة ما اصبح يتردد بين الناس في هذا الموضوع. فقد اصبحت كلمة شهادة عربية تدعو للسخرية من حاملها و اصبحت تبيح لإدارة الجامعات النيل من قدراتهم العلمية و من يقال له شهادة عربية و كانما تم سبه بما يكره. سؤالي من المتسبب في مثل هذا الفهم ؟ هل المجتمع في السودان ؟ ام انهم ابناء المغتربين انفسهم ؟ ام انه نوع من الحقد و الحسد علي من يعيشون في السودان علي ابناء المغتربين ؟ ام . . . . . . . . . تري ماهي الاسباب ؟ ؟ ؟ ؟ ؟ ؟ ؟

ahmed1994 كتب:الحقيقة لانو فعلا الشهادة العربية ضعيفة

المنهج السعودي (مثلا وانا جربتو) أضعف منهج عربي وعلى الأغلب في العالم
وما أظن أن باقي دول الخليج أحسن منو بي كثير يعني فعلا الطالب البكون جاي
من برا بكون عقله مقفل أكاديميا واجتماعيا (وبازدياد ناس الخليج)

مشكور على الطرح يا عماد

حموووووووودي انا ما معاك في القلتو
بالعكس المناهج العربية قوية جدا,.,,باستثناء المناهج السعودية,,,لاني عارفاها
قوية لانو بتلقى الاهتمام والدعم في التعليم فيها كبير,,,من جوانب كتيرة
والبكون جاي من بره عقلو مفتوح اكاديميا وشبه مقفول اجتماعيا


عماد: موضووووووووووووعك روعة
في نظري انو النظرة الخاطئة الهما واخدنها منهم هما ما من المغتربين انفسهم
في نظرهم المغترب...............مقامو عالي فبيقللو من مستواهو بالمعاملة دي

واسي انا شايفة انو اي شهادة عربية بيجي الجامعة في السودان بيبدع اكتر من السوداني العايش وقاري طول عمرو في السودان,,,,انا دفعتي المشو قرو في السودان اغلبهم طالعين الأوائل في الجامعات السودانية ,,اها دا دليل على شنو؟؟؟؟

والله انتو بتتكلمو ساكت
يا جماعه منهج تالته سنوي بتاع السودان نحنا بنقراو في السعوديه في سنه تانيه

اولا السلام عليكم
جد احب ان ابدئ اعجابي بالموضوع الرائع ذا الجوانب المتعدده
في راءيي ان كلمة شهاده عربيه كانت قديما تقال بمفهوم ان الطالب الاتى من الدول الاخري دائما ما يكون في المقدمه ومحرز اعلي الدرجات بين بقية زملائه العرب وذلك لذكاء ابناء السودانيين لا لضعف المناهج هناك.......ودى في القبول للجامعات بخصمو بعض درجاتهم لمعادلة الشهادتين السودانيه و العربيه

ناتي للفهم الاخر:وهو ان بعض ابناء المغتربين هم من كان لهم اكبر الاثر في اشاعة الكلمه بهذا الموضوع لضعف ثقافتهم عن ماضى وتاريخ البلد و ضعف المفاهيم العامه(مثلا الطريقه البتعاملوا بيها الشباب مع بعض) وهذا مرده لطول فترة ابتعادهم عن الوطن.

عموما وان كان في وجهة نظري جزء من الصحه او لا ...اري ان يتقبل السودانيين ابناء وطنهم بالترحاب و الصدر الواسع و ان يتبادلوا مافي جعبتهم من معلومات حتي يكونو في مرتبه واحده......
فابناء المغتربين لهم من التجارب مالم نخوضها...........

[color=red]اتمني ان تكون وجهة نظري قد افادت و ان اخطاءت فاتمني التصحيح[/color]