منتدى أنا سوداني

مرسل: **الاثنين 2007.4.23 2:18 pm**

الاخوة الاعضاء اليوم وبسعادة لا توصف قابلت الاخ اسيتل نيد يو وجها لوجه
وبجد انا سعادتي لا توصف
فلقد عرفته اخا كريما من خلال المنتدي
والان وبعد مقابلته وجها لوجه
وخضع شخصيته تحت المجهر
اقول
تعيس الما قابل استيل زول اخو بالجد
انا عاجزة عن شكره للمساعدة التي قدمها لي لانجاز بعض الاشياء المربوطة بعملي
شخصية رائعة لاتمل من الحديث معها ( دا ما كسير ثلج يا شباب )
استيل
ادامك الله اخا كريما وصديقا عزيزا
وارجو ان ياتي يوم وارد لك فيه الجميل
يا رائع

ابراهيم يا جيو
اولا الفرحة لاتسعني لسماع صوتك
ثانيا وبالبرهان
استل طلع ما حيطة مايلة
وتسلم يا طيب
:d ملاحظة للبنات الما متزوجات
الود استل دا طلع وجيه ا وجاهة لعاوزة الاوصاف ترسل لي رسالة خاصة بهناك
قلنا ملاحظة للبنات يا ابراهيم الجيو

ما تقراء

مرسل: **الاثنين 2007.4.23 2:40 pm**

العزيزة سودانية نار

اولا تهانينا لأنجاز المشروع بتاعك...
و الشيء اللي حصل ده اسعدني جدا ...
على الاقل كل التوقعات اللي راسماها ليكم...
في خيالي...كشخصيات تلامس الواقع...صحيحة
وهذا ما اكده كلامك....

واستيل اخو وزول فزعة ...
وما ح اقدر انسى مجهوده معاي في
تنزيل صور بمنتدى الصور السودانية

كلمة على جنب

قلتي لي استيل ده شكله كيف ..
يعني شبه منو كده .. :079: ..

مرسل: **الاثنين 2007.4.23 3:34 pm**

تسلمي يا سارونا
ان شاء الله عقبال ما نشوفك انتي كمان يا راائعة
تحت تحت برسل ليك رسالة خاصة بعيد عن عيون الجيو
اوريك فيها اسيتل بشبه منو

مرسل: **الاثنين 2007.4.23 4:05 pm**

ياسودانية
مساك سعيد
احيك على انجاز المشروع اولآ
ومقابلة استيل فى حد ذاتو انجاز اللهم لاحسد
اكيد الواحد متفائل باعضاء ومشرفين انا سودانى
وبتمنا ان يجتمع بهم لتكلل سعادتنا بالانجاز ونكون اسرة
واحد ، مترابطه فى تعملها لنرفع من شأن هذا المنتدى
لنسعد ونسعد من حولنا ونفوز بصحبه طيبة[frame="1 80"]
قبل تحياتي القلبية من الرياض
مقرونه بالمودة والمحبة والإخاء والسلام ,[/frame]

مرسل: **الاثنين 2007.4.23 4:19 pm**

تسلم يا ستاروا
بالمناسبة انا سودانية تاء التانيث يا عريس

مرسل: **الاثنين 2007.4.23 4:55 pm**

اسف يالذيذة العريس احوالو متلخبطه شديد
اذا بقت على تاء التانيث بسيطه
اذا كتبت جد العروس مكان العروس اعزرينى
تسلمى

مرسل: **الاثنين 2007.4.23 9:34 pm**

كااااااااااااك
شافوه
شافو القمر
أها يا سودانيه
الولد ده شكلو كيف
قالوا Massari عديييييييييل
بتعرفي مساري ده منو ؟

كاااااااااااك
الليله التلفون ما حينوم
اسمح من الجيو مش كده ؟
عقبال ما نشوف الباقيين
أقمار الضواحي !
كاااااااااااك

مرسل: **الاثنين 2007.4.23 9:42 pm**

عقبال ما نشوفهم نحن كمان يا نار
ورينا التفاصيل
والاولاد بعييييييد

مرسل: **الثلاثاء 2007.4.24 8:25 am**

(وأخيراً قابلت استل نيد يو تو سجمان تو رمدان) وجهاً لوجه,,,

بالله البت تقول قابلت,,,, الجيو,, قالت وجيه قالت,, ود بطوطة ما تلحقني,,
أوع تكوني شلتي الولد,, :079:

سودانية,,, (ستيل) أخ عزيز علينا جميعاً,,, وتربطني بيه علاقات تعدت حدود المنتدى كثيراً,, والحديث عن شخصه لا تكفيه صفحات وصفحات,وبقى جنبتي البتوجعني,,
لا أريد الحديث عن إمكانية وجود علاقات أخوية وصداقات عبر النت,, ففحوى فرحتك وحديثي إليك تكفيني كلاماً,,

لفة جنب العمود:
فلستي الباب القلته ليك,,,

مرسل: **الثلاثاء 2007.4.24 8:33 am**

وإضافة على بوستك,,,,
(وأخيراً قابلت أستارو العريس وجهاً لوجها)ً,,,
وفي لحظة أخويـــة أيضاً جميلة,,,, قابلت الرائع (أستارو),,
واٌقول لكم (تعيس) الماقابل استارو,,,:079:
وأنضم إلينا أيضاً الرائع (ود بطوطة),,, لفترة طويلة,, وفلس أبو الشركة زاتوووا,,:079:

الإشارة خضراء:
أستارو,,, عشاء أمس كلف كم؟ :D

مرسل: **الثلاثاء 2007.4.24 8:35 am**

اختي سودانية نار
اجمل ما اعجبني ترابط ناس المنتدى مع بعض ومساعدتهم لي بعض
الله ما يحرمنا من بعض
وخمسة وخميسة في عين العدو (الجيو):079:
ولي قدام اعزائي

مرسل: **الثلاثاء 2007.4.24 8:48 am**

أولا مبروك علي إنجاز مشروعك..
ثانيا لفتة بارعة وجميلة إنو يكون
في تعاون ومساعدات للأعضاء مع بعض
مهند أخو وصديق وراجل حاره زي مابقولو..

بغادي كده:
إبراهيم باقي إسبوع
اسمع نمشي نفتح لينا معهد كمبيوتر...

سودانية طلعت بتكسري تلج دقاق كمان...:079:

مرسل: **الثلاثاء 2007.4.24 8:59 am**

بمناسبة المقابلات دي...

اسمحو لي سودانية نار...اضيف في البوست بتاعك....

اني اقول ليكم .... قابلت اميرة الورد

والورد يتشرف انها نُصبت عليه اميرة...

انسانة جميلة تحمل كل الروعة في دواخلا...

أنا سوداني ....عاجزة عن الشكر.....

مرسل: **الثلاثاء 2007.4.24 9:10 am**

ووووووووب من مساري يا بت ابوظبي كيفن ما بعرفوا

يا ستي ممكن تقولي كدة الولد استيل دا شبه الولد ثيث في مسلسل Ocالبيجيبوه في قناة دبي ون
دمو خفيف بشكل

تحت تحت كده احتمال كبير اشوف كمان صهيب وحزن السنيين التافصيل بديها ليك بعد اللقاء
شكلنا عنمل لينا راكوبة نسوية عشان الجيو وابن بطوطة ما يجوينا ناطين

مرسل: **الثلاثاء 2007.4.24 9:12 am**

العسولة عقبال مانشوفك انتي كمان يا رب
اسمعي زي ما قلت لبت ابو ظبي
التفصيل في ركوبتنا بهناك

مرسل: **الثلاثاء 2007.4.24 9:14 am**

استارو شكلو المهر والشيلة ضربوا ليك راسك يا عريس
قلوبنا جيوبنا معاك ( بس الجيو دا ينفع يفلسك القال ليك تعزموا عشاء منو هسع يتعود علي كدة
ولا تعرس ولا حاجة )

مرسل: **الثلاثاء 2007.4.24 9:17 am**

الجيو يا الجيو
فلست الباب الوصيتني عليه
لكن لسة ما قديت جيبو المرة الجاية
هخلي ليك ع الحديدة
منتظرينك تنزل البلد
عشان نخليك برضو ع الحديدة
تسلم تسلم تسلم يا طيب

مرسل: **الثلاثاء 2007.4.24 9:20 am**

ابن بطوطة
يا خي ما تحرجنا ( ما قلنا ليكم ما كسير تلج يا شباب )
دي حقيقة
تسلم يا قبطان

مرسل: **الثلاثاء 2007.4.24 9:21 am**

سارونا حظك وحظ اميرة الورد
انكم شوفتو بعض
ان شاء الله عقبالنا
وربنا يديم بينا جميع المعروف
قولوا يارررررررررب

مرسل: **الثلاثاء 2007.4.24 9:52 am**

ibn batoota كتب:
بغادي كده:
إبراهيم باقي إسبوع
اسمع نمشي نفتح لينا معهد كمبيوتر...
سودانية طلعت بتكسري تلج دقاق كمان...:079:

إسبوعين,و وإنت الصادق,,,
بلا باخرة بلا طيارة معاك ,,,
معهد كمبيوترات في الشهداء,,
وأنا إستيل وإنت إستيل,,
ونجيب ناس هناية,,, :079:

منتدى أنا سوداني

جاءنا البان التالي .... لقاء العمالقة

واخيرا قابلت استل ا نيد يو وجها لوجه

رد: واخيرا قابلت استل ا نيد يو وجها لوجه

رد: واخيرا قابلت استل ا نيد يو وجها لوجه

رد: واخيرا قابلت استل ا نيد يو وجها لوجه

رد: واخيرا قابلت استل ا نيد يو وجها لوجه

رد: واخيرا قابلت استل ا نيد يو وجها لوجه

رد: واخيرا قابلت استل ا نيد يو وجها لوجه

رد: واخيرا قابلت استل ا نيد يو وجها لوجه

رد: واخيرا قابلت استل ا نيد يو وجها لوجه

رد: واخيرا قابلت استل ا نيد يو وجها لوجه

رد: واخيرا قابلت استل ا نيد يو وجها لوجه

رد: واخيرا قابلت استل ا نيد يو وجها لوجه

رد: واخيرا قابلت استل ا نيد يو وجها لوجه

رد: واخيرا قابلت استل ا نيد يو وجها لوجه

رد: واخيرا قابلت استل ا نيد يو وجها لوجه

رد: واخيرا قابلت استل ا نيد يو وجها لوجه

رد: واخيرا قابلت استل ا نيد يو وجها لوجه

رد: واخيرا قابلت استل ا نيد يو وجها لوجه

رد: واخيرا قابلت استل ا نيد يو وجها لوجه

رد: واخيرا قابلت استل ا نيد يو وجها لوجه